![]() |
مسافر اندونسيا جاكرتا لمده ١٠ اياام المساعده ؟ سلام عليكم مسافر باذن الله تعالي يوم ١ ابريل اقلاعي جده - جاكرتا مباشره وراح اسكن في الفندق فريزر ميتنج جاكرتا https://menteng-jakarta.frasershospitality.com/en المهم بالنسبه للمطار كيف وضعه ؟ انا اول مره اروح هناك والاجراءات ؟ بالنسبه للفندق هل ممتاز واهم شي بالنسبه لي جدا الاكل ؟ كيف ابغا الاكل يكون نضيف جدا وطازج اكثر شي ؟ تعرفون الوصاخه ماتصلح هل اكل الفندق ممتاز للمجربين ؟ او اقضيها تمر السفره كلها ؟ وبالنسبه للفلوس كيف وضعها اشيل دولار ولا اندونيسي ؟ كم اشيل معي كاش ؟ ٥٠٠ دولار تكفي ؟ بيكون معي فيزا تسوق التكسي بركب البلو بيرد للفندق او اوبر اذا شغال هناك سامحوني علي الاسئله لان متعود علي اوروبا واوروبا جدا سهله لا تعقيد ولا شي اول مره اروح شرق اسيا الله يرحم والديكم شكرا شكرا علي المساعده |
اقتباس:
عليكم السلام والدي و والديك والمسلمين اجمعين |
الله يرحم والديك ماكنت ادري عن هالمعلومه البطاقات السعودية ما تشتغل في اندونيسيا الا بعد الاتصال على البنك وتفعليها سواً صرافة او فيزا لابد من الاتصال قبل السفر عشان تتفعل علي الراجحي الافضل استخدم اوبر او قراب افضل من البلو بيرد ) هل اوبر ارخص من المطار الي الهوتميل مباشره بالنسبه للاكل تقدر تفيدني هل المطاعم نظيفه هناك مثلا او طبخ بيتي ؟ اول اكل الفندق ؟ لان الاكل بالنسبه لي جدا مهم يكون نظيف مره والحجورات بسويها وهميه قبل الاقلاع كلها باذن الله اجهزها انا خايف من حقين هديه هديه لا ماني معطي ابن امه هلله واخاف يعطلوني ساعه في المطار اجل خل الكاش معي ١٠٠٠ وروبيات بس ماني ماخذ دولار كم اصرف روبيه اخذها معي كاش ؟ |
نعم البطاقات السعودية تحتاج في بعض الدول اتصال على البنك قبل السفر من هذه الدول اندونيسيا والصين والفلبين وتايلاند ...................... ودول اخرى بالنسبة للصرافات في اندونيسيا يكتب على الصرافة فئة العملة اللي تصرفها بعض المكائن تصرف فئة 50 الف ربية هذا ما تصرف لك الا 420 او 430 على حسب سعر الصرف اما فئة مائة الف ربية تصرف 840 الى 850 ريال في عملية سحب طبعً هذا المبلغ يصرفه بنك HSBC او MY BANK بقية البنوك تصرف مبلغ اقل نعم اوبر ارخص بس فيه تطبيق اخر اسمه قراب ايضاً ممتاز وميزته انه لهم مكتب عند بوابة الخروج من المطار مباشرة راح يساعدونك في طلب السيارة اذا ما عندك نت او ما عرفت تطلب كلها خدمات مجانية انت بس تدفع قيمة التوصيل بالنسبة للأكل فيه كل شي مطاعم نظيفه ومطاعم عادية ومطاعم وصخه كل فيه مثل وضعنا في السعودية جميع المطاعم العالمية متوفرة هناك ماك بيتزا هت كنتكاي ............. كذلك المطاعم العربية مندي مضبي بخاري خنيذ كله موجود مطاعم تركية ايضاً موجودة ومطاعم هندية موجودة بكثرة والمطاعم البحرية كثيرة جداً بعضها تختار السمكة حية المطاعم العربية في جاكرتا عندك مخبازة السدة ممتاز كذلك مطعم متواضع ليس بعيد عن فندقك في شارع رادن صالح اسمه الجزيرة قديم جداً اطعم اكل ذقته في اندونيسيا في هذا المطعم خصوصاً اللحم المندي فيه مطعم هندي شهير جداً اسمه كوين ممتاز له فروع كثيرة في اندونيسيا في اغلب المدن بشكل بغض النظر عن المطعم في اندونيسيا وشرق اسيا عموماً ابحث عن الاكل الساخن وابتعد عن المقبلات حمص متبل ............. كبه ... شاورما ..... ورق عنب وما الى ذلك هذي اكثر حالات التسمم تحدث بسبها هدية هدية ما عاد فيه الا شخص عليه ما خالفه جوازك جديد تذكرة عودة معك وعندك حجوزات فنادق ما احد يكلمك ابد |
اقتباس:
الله يرحم والديك شكرا لك افدتني كثير انا ، حتي هنا في السعوديه ما اثق الا في البيك وبعض المطابخ اللي اعرفها شخصيا اما البقيه ولا اقبل عليهم كل اكلي مطبوخ في البيت كل يوم بالنسبه لشريحه النت ابغا مكالمات محليه + نت فقط وش افضل باقه ووشركه ؟ انا ببحث عن المطاعم المطبوخه فقط ولو شفت المحل وصخ .. مشيت وشفت غيرته لو اجلس علي التمر اسبوع ماعندي مشكله اهم شي اكل شي نظيف ولا يجيني تسمم |
لا تخاف راح تجد الطعام والمطاعم اللي يناسبك بأذن الله بالنسبة لشرائح الاتصال افضل شركة هي سمباتي اتصال ونت لكن قبل حدود اسبوعين وصلتني اخبار انه صدور نظام جديد لشرائح الاتصال في اندونيسيا وينص القرار على ان شرائح الاتصال لا تصرف الا بهوية اندونيسية فقط ولا اعلم مدي تطبيق هذا القرار على ارض الواقع من عدمه |
الفيش بالنسبه للشاحن ثلاثي؟ |
|
اقتباس:
AXIS Indosat telkomsel Hutchison XL اي وحده ؟ |
ياسر ما فهمتك هل تقصد تستخدم اي شبكة في حالة التجوال لجوالك السعودي ام ماذا |
الساعة الآن 04:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO