![]() |
شوية استفسارات عن بالي السلام عليكم حجزت ببداية شهر يوليو لاندونيسيا انا وام العيال فقط تجديد شهر عسل حجزت اول 4 ليال في بونشاك فندق يسونا الام واعتقد ذا الافضل حسب ماقريت في تقارير الاخوان جزاهم الله خير الاربع ليال التاليه ب اروح فيها بالي بس ماني عارف شيء عن بالي وقريت تقارير بس ماطلعت بشيء حسيت انه مناسب ابغى الافضل في بالي من حيث المكان المناسب للعوايل وخصوصيه في المرافق مثل الحمام مايكون مكشوف والمسبح يكون خاص ... وايش الافضل فنادق والا فلل بشكل عام ابغى نصايحكم |
وعليكم السلام ورحمة الله وبركاتة بخصوص الفلل أنصحك بالاطلاع على موقع airbnb موجود فيه فلل بالي وبأسعار معقوله بالاضافه الى BOOKING.COM أما عن الفنادق انصحك بمنطقة nusa dua كلها فنادق راقيه والمنطقه كلها لها مدخل ببوابة وفيها تفتيش |
عليكم السلام اخي الكريم بالي جزيرة جميلة فيها فعاليات وانشطه كثيرة ومميزه بس البعض يتضايق من تصرفات بعض السياح الغربيين وطريقة لبسهم كذلك كثرة المعابد والتماثيل المنشرة في الجزيرة لذلك احسب حسابك من هذه الناحية انت وام العيال السكن و الفلل والمنتجعات كله موجود انت بس حدد ميزانيتك كم وبأذن نعطيك اسماء الفنادق بالنسبة للفنادق والفلل الفنادق ارخص من الفلل كذلك مواقع الفنادق في الغالب تكون قريبه من الخدمات اما الفلل اغلبها يكون بعيد بعض الشي وتحتاج الى سيارة في التنقل في معظم مشاويرك مناطق السكن عندك منطقة كوتا : هذي قريبه من الخدمات والتسوق والمطاعم كذلك البحر قريب منك تروح له مشي بس الشاطي اللي في كوتا لك عليه منطقة نوسا دوا : منطقة ساحليه كل منتجعات فخمة وسلسلة فنادق عالمية في الغالب بس اسعارها ربما تكون مرتفعه بعض الشي كذلك الخدمات تكون بعيدة بعض الشي منطقة سيمينياك : منطقة قريبه من كوتا وفيها الكثير من الفلل والفنادق وهي خيار مناسب للعوائل خصوصاً اذا كان السكن فلا منطقة ابود : هذي المنطقه بعيدة وتقع داخل الغابات و الخدمات هناك محددة او غير متوفرة خارج المنتجع لكن في المقابل المنتجعات فيها فخمة وراااااااائعه جداً قل ما تجد مثلها في العالم كذلك الجو فيها معتدل عكس كل المناطق الاخرى في بالي انت في العرب المسافرون اسأل عن كل شي في بالك وان شاء الله تجد الاجابه الشافيه والمقنعه ونحن معك خطوةخطوة من مرحلة اعداد الرحلة الى مرحلة السفر والعودة بأذن الله اتمنى لك التوفيق |
ابعد عن كوتا وشارع ليقيان خلك في نوسا دوا منطقة راقية وهادية وفخمة وتصلح للعواائل جدا موفق |
اقتباس:
ممتاز ذا المووقع وشكله رخيص ولي جلسه مطوووله معه :) بارك الله فيك |
اقتباس:
ماعليه حاسب حساب الوضع ذا انا وام العيال الميزانية المحدد لها السكن في بالي بحدود ال 2500 ريال تزود ولا تنقص ماعندي مشكله لاربع ليالي وحبذا لو تنقص :) بارك الله فيك وبجميع من في هذا الصرح العظيم بوابة المسافرون العرب |
طيب شوف اذا انت من الناس اللي يخرج في الصباح ويقضي يوميه في الفعاليات والنشاطات والرحلات السياحية خذلك فندق اقتصادي واعتقد ان هذا الفندق مناسب لك نظيف وقريب من كل شي اسواق مطاعم وشاطئ فندق بينتانج كوتا في شارع كارتيكا ليش الواحد يدفع مبلغ طائل في الفنادق وفي النهاية ما يجلس في الفندق الا وقت النوم اما اذا كنت من الناس اللي تكي في الفندق او المنتجع خذ لك فلا في سيمنياك او خذ في هذا منتجع أنفايا بيتش بالي |
الشباب فأدوك وفادوني الله يعطيهم العافيه |
على ما سمعت بالي انظف من جاكرتا |
الساعة الآن 04:17 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO