|
أول مره في اندونيسيا في رحله أقتصادية جدا جدا السلام عليكم حبايبي أنا ناوي اسافر اندونيسيا لراحة بعد سنه مزدحمة بس المزانية على قد الحال 4000 ريال باقية بعد حجز التذاكر و موعد الوصول 27/6 و المغادره 12/7 فا الي عنده معرفة با السكن الرخيص و النظيف مع العلم انا بقعد في جاكرتا يوم و بطلع للجبل بس سمعت ان الأجارات فيه غاليه و الشي الثاني المعيشه و التمشية وين افضل الاماكن في الجبل و اتمنى التفصيل في السعار السكن -الموصلات-الأكل و اي معلومه تضيفونها اكيد راح تكون مفيده |
يالحبيب انت رايح سنقل ؟:20: |
اقتباس:
ايوه مسافر بحالي |
مرحبا بك اخي العزيز 4000 لمدة 13 يوم ماظنتي تكفيك يمكن تمشي نفسك باقل التكلفة لكن لن تستمتع برحلة سياحة جيدة ولن تاخذ ماتشتهي بة نفسك العشاء في مطعم الجزيرة يمكن 150 ريال لشخص والسكن كذلك خاصة وانت عزوبي مالك الى فنادق بحبحها شوي وتمتع برحلة سعيدة وفقك الله |
وش رايك يالحبيب نترافق ونقلل مصاريف |
اقتباس:
بس السفره من أساسها خلوه مع النفس مو المقصود منها التمشيه ولا ما كان جيت بحالي انا حصلت اماكن رخيصة بس ما تعرف في الواقع كيف فا اذا تعرف سكن من النوعية الي بحط ربطه يكون حلو الفيلا |
اقتباس:
بس انا حاب اختلي بنفسي |
تذكر أخي ان البلد ليس كما يقال أنه رخيص بل هذا يتوقف عليك وعلى نظامك اليومي :e119: حلو جدا الخلوة بالنفس ولكن لمدة قصيرة :e119: منتجع وسبا بسيونا ألام :e119: السكن متعدد جدا من فندق وفلل لكن اعانك الله على ان تدور في ارجاء الجبل وسوف تحصل على مبتغاك بس بعيد عن الخدمات والبقالة :e119: اذا اخذت سائق فيوميتة في حدود 200 ريال |
أهلاً حبيبنا ... فعلاً أتفق مع الأحبة ... حسبتها وجدتها تقريباً 300 ريال لليومية .. مبلغ صعب يكفيك كسكن وتمشية وسائق ومعيشة ورسوم وخلافه .. أتمنى تعيد النظر في الأمر ... وربي يوفقك ... |
السائق من 150 ريال 500 الف ربية داخل الجبل ومن جاكرتا الى الجبل 180 ريال 600 الف ربية فنادق الجبل ادخل على بوكنع احجز حجز غير مسترد إن كنت متاكد من السفرة تجد بسعر ارخص من حجز الالغاء المجاني أو وقت وصولك مر على كاها للحجوزات تجد عنده الخيارات |
الشباب افدوك |
التقييم بعد السفره الأخوه رواد المنتدى اسف على تأخر ردي على الموضوع كل هذي المودة الحمد الله سافرت و بميزانية 4000 ريال و رجعت و باقي معي 600 ريال و السر هو البعد عن الاعاصمة و الجبل أنا سكنت في مدينة سوربايا التكاليف بسيطة و النصب شبه معدوم مقارنه بجاكرتا الي قعدة فيها يوم بس و الناس من أطيب من شفت السكن كلفني في اليوم 95 ريال و الأكل ابعد عن المطاعم العالمية و المطاعم العربية و عيش مثل اهل البلد هي تجربه و مغامره اكلي كلو من المطبخ المحلي طبعن مو كل الأكل يجوز لنا و التنقل خلك على التكاسي الرسمية و ابعد عن السواقين شغل العداد أرخص بكثير و الحلو في هذي المدينه الباقي يرجعلك با الهلل مهما كان فيه اماكن سياحية كثير و متنوعه و فيه جبل ترتروس مثل بنشياك طبيعه و كل الي تتمناه موجود و بعد العيد برجع مره ثاني و بحاول ازودكم بصور و تفصيلات أكثر عن مدينة سربايا المجهولة عند العرب و شكرا لكل من شارك و ساهم في الموضوع |
حياك الله اخ مسخدوف واشكرك شكر خاص وذلك لتوضيح واثبات ان لامستحيل وبالامكان فعل اي شي مهما حط لنا من عوائق احيك والله ومتشوقين لتقرير منك عن رحلتك |
مدام اول سفرة لك حط على 4 مثلهن وتجهز لوجع الراس والنتف عموما احذر ترى بونشاك خطر اذا انت وحداني ما انصحك أبدا ! |
اقتباس:
اخوي انا ما عندي نيه على بنشياك أبد سمعته ما تطمن من النصابين و الغلا الي ماله داعي |
بشرنا ياغالي عسى سورابا تستحق الزيارة وفيها طبيعة مثل بونشاك الله يعطيك العافية وتجربه مميزة وفقك الله وحفظك اينما كنت |
الحمد لله على السلامه اخوي مسخادوف ما شاء الله انبسط من الرحلة والجايات اكثر بأذن الله اندونيسيا بما فيها بونشاك وباندونق وبالي وجاكرتا تقدر تعيش بنفس المبلغ اللي انت صرفته الخيارات كلها متاحة عندك تقدر تسكن في بونشاك بأقل من 95 ريال والمشوار تقدر تستأجر دباب اسعار 30 الى 50 ريال في اليوم واذا ما تبغى دباب فيه الباص الصغير (كري كري) المشوار 5000 ربيه في الشارع العام في الجبل وما يدخل الحواري خلاصة الكلام مد ارجولك على قد الحافك هذا المثل ينطبق على اندونيسيا بكل اماكنها |
الحمد لله ع السلامة ... الأهم إنك انبسطت وكانت تجربة ثرية لك ... موفق دوماً حبيبنا .. |
الحمدلله على السلامه جميل جدا ان الانسان يستمتع بالرحله ولو بمبلغ قليل ، الخيارات متوفره سويت بحث على سورابايا لقيتها حلوه وفيها اماكن تستحق الزياره شنو اللي يميز جاكرتا عنها ؟ |
اقتباس:
الي يميز جاكرتا انها مجهزه لسياح بس سوربايا مدينة تحارية يعني لزم تبحث و تعتمد على نفسك في الستكشاف من ناحيت الطبيعة قريب نتها جبل ترتروس و هوا شبيه ببنشياك و اغلب رواده هم اهل البلد و بنسبه لي هي مناسبه الناس المحافضه على كثر ما تمشيت ما شفت بارات ولا خمور في الأسواق بس نصيحتي للي بيروح يبحث كويس عنها و يحدد جدوله قبل يسافر |
اقتباس:
في المره القادمة ان شاء الله اذهب الى باتو تندم على الوقت اللي ضيعته في تريتس افضل واجمل وارخص وفيها انشطه متنوعه |
الحمد لله عالسلامة ورحلة موفقة تم الإرسال من SM-N960F باستخدام Tapatalk |
اقتباس:
اقتباس:
تم البحث عن باتو و انشاء الله بخصصلها يوم و اهي مو بعيده 90 كيلو عن سوربايا بس بحاول اعد جدول لها و أذا تقدر تساعدني في الأماكن الممتازة لزيارة وشكرا |
ما ينفع تروح لها يوم خصص لها 3 ايام على الاقل ولو تطاوعني اشبط سورابايا من جدولك كله سورابايا ممله والشي الاخر انت زرتها خلاص في المره القادمة قسم جدولك بين باتو و مالانق و جقجا كذلك سولو اما الجدول والفعاليات ذكرني بعد العيد ابشر و باللي يسرك بأذن الله |
اقتباس:
و اذا تعطيني الجدول عشان اشوف الأماكن و الحجوزات من الحين انا مسافر في 15 من الشهر يعني السبوع الجاي و مشكور على دعمك |
ابشر عطني المناطق اللي ناوي تزورها حتى نرتب لك الجدول ولا تتأخر علي انا مثلك عندي رحلة بعدك بيوم وما رتبت لها ولا شي لكن ربك يسرها |
اقتباس:
خط سيري هو سوربايا - باتو -مالانق و فيه الجبل الي فيه البركان في باسوروان ودي اروحله بس الي سبقوني يقولون ريحت الكبريت دمار و السفره 15 يوم اذا فيه مدينه و تعديل بس تكون بنفس المنطقة يكون حلو و سوال صعب شوي كيف وضع الشيشة هناك و اخر شي مشكور على تفاعلك مع الموضوع |
مسخادوف والله انك بطل :) يعجبني اللي يصنع الحلول .. وطالما كنت مناصرا للسفر الاقتصادي رح وتمشى واستمتع واصرف بالمعقول .. والحكمه ليش ادفع خمسين لشي بعشرين :14: انت مونتاز جدا .. عطنا تجاربك هنا اولا بأول وبالتفصيل واحتسب الاجر -اقوله والله جاد - فكم من واحد بيمر مووضوعك ولو بعد فتره ويقرا ويستفيد ويدعي لك .. كثير منا للاسف مايعرف للسياحه الاقتصاديه وان قال اني واني :14: |
اقتباس:
اعتذر منك اخي الكريم ما عندي وقت اسوي لك جدول بس راح اعطيك رابط خريطه على قوقل ماب وان شاء الله يفي بالغرض لكن حتى تعمل بشكل صحيح الافضل يكون جوالك اندرويد الخريطة فيها معظم الاماكن السياحية ومع الاسف الشديد ما عندنا وقت نحدث فيها الاماكن الجديد لكن كل المناطق المهمه مذكوره في الخريطة https://drive.google.com/open?id=1EV...yo7kZxewhghd3o اما بركان باسوروان ما سبق لي زيارته ولا اعرف عنه الكثير والسبب انه يوجد اكثر من 35 بركان نشط في جاوه الوسطى لكن المميز فيهم والسياحي بدرجة اولى هو برومو هذا البركان اذا زرة جاوة الوسطى وما زرته فوت الكثير وان شاء الله تزور المكان و تتذكر كلامي عموماً رحلة جبل برومو تحجز لها من مالانج وهي رحلة مسائية الى الصباح بس الشي المهم خذ معك ملابس شتويه جيدة درجات الحرارة تصل الى تحت الصفر في قمة الجبل بالنسبة للشيشة في الفنادق ممنوعه وفي الفلل عادي ما فيه مشكلة بالنسبة للمواصلات يمكن تستخدم سواق خاص او تطبيق قراب واذا مسافر عزابي لوحدك استأجر دباب ايجارة حوالي 30 ريال في اليوم وانت وشاطرتك ممكن تحصل 25 ريال الشي الاخر 90% من المطاعم اندونيسية و اذا ما تحب الاكل الاندونيسي خذ معك العزبه وجهز نفسك والنصيحة الاخرى لا تشرب ماء الا ماء صحة ولا تشرب من الشلالات مرة اخرى اكرر اتعذاري اخي الكريم على القصور |
للتوضيح رحلة جبل برومو رحلة مسائية والمسافة من ملانج الى برومو 75 كم طريق زراعي لازم تروح لها بسيارة ويفضل انك تنام قريب الجبل فيه فنادق متواضعه هناك اسعارها حوالي 30 ريال في اليوم والصعود للجبل يكون حوالي الساعة 3 فجراً ويلزم الطلوع للجبل سيارة دفع رباعي و يوفرها في الغالب اصحاب الفنادق هناك اذا لم تحجزها من ملانج سعر السيارة من 400 الى 500 الف ربيه على حسب شطارتك في المكاسرة هذه سيارة خاصه لك وحدك اما مع قروب راح تكون عليك ارخص وراح تجد الكثير من السياح الغربيين هناك يرغبون في المشاركة في سعر السيارة حتى تطلع عليهم التكلفه قليله والكثير من الاحيان تجد اشخاص اندونسيين يقوم بهذه الخدمة بالتوفيق |
اقتباس:
|
| الساعة الآن 04:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO