|
اجواء اندونيسيا تحيه طيبه للجميع :) لاهل الخبرة باندونيسيا خصوصاً الردادي 🤗 كيف الاجواء بشهر جون وجولاي والامطار بندن اندونيسيا السياحية ؟! شكرررراً 💐🤗 :63: |
اقتباس:
الله يرفع قدرك مع الاسف لسنا خبراء بما يكفي مازالنا نتعلم طال عمرك الاجواء بالنسبة للحرارة ثابته ما تتغير طول العام اما الامطار موسم الامطار يبدا تقريباً من شهر نوفمبر الى نهاية شهر مارس ويبدا الموسم الجاف من ابريل الى شهر اكتوبر هذا الوقت الامطار فيه قليلة ومتقطعه ويبقى نزول المطر في علم الغيب بالنسبة لشهر جون وجولاي اقل نسبة امطار تكون خلال هذه الشهرين في العام الماضي كنت في اندونيسيا لمدة 15 يوم في اخر شهر جون والى بداية جولاي لم تمطر ولا يوم اما في العام الذي قبل في شهر جولاي كانت الامطار شبه يومي لكنها ليست مستمر والغالب تكون عند الفجر او بعد الظهر اتمنى لكم التوفيق |
يعطيك العافية يالرادي ،، بس مجملاً راح يكون فيه حر والا الاجواء طيبه وجميله بالمدن السياحيه ؟ بونشاك بالي باندوونق لومبوك ؟؟ وبموازين حسناتك :e306: |
الله يعافيك بونشاك و باندونق في النهار الجو حلو في الليل يمل الى البرودة بالي المناطق القريبه من البحر مثل كوتا سيمنياك نوسا دوا في النهار حاره ورطوبه في الليل الجو حلو اما منطقة ابود في النهار الجو حلو وفي الليل بارد لومبوك الجو في النهار حار وفي الليل حلو لومبوك اكتفي بزيارة بالي تغني عنها والخدمات فيها اكثر من لومبوك |
لاهنت يالردادي ،، كيف توزيعه الايام بين المدن ؟ برايك اقتصر السفر لبونشاك و بالي و جاكرتا فقط ؟ المدة تقريبا 15 الى 16 يوم شكراً |
المدة ممتازه الافضل تقسمها بونشاك - باندونق - بالي - جاكرتا اذا تبغى نساعد في التقسيم التخطيط عطنا تاريخ وصولك وتاريخ مغادرتك والميزانية التقريبيه للرحلة |
اقتباس:
تقريبا السفر 29 جون حتى 13 جولاي قابله للتغيير البسيط والتمديد .. الميزانية 10 الاف من غير الطيران الدولي |
اعتقد ان الميزانية لا تكفي لكل هذه المدة خصوصاً انك رايح شهر عسل لذلك لازم تزيد الميزانية شوية او تنقص عدد الايام اذا لم يتم حجز التذاكر الدولية الى الان |
اقتباس:
الطلعة مش شهر عسل بس لشخصين بالغين |
شباب او عائلة |
عائلة يابعدي |
على حسب صرفك تقدر تتحكم بميزانيتك ....لاكن اهم شي نسق من ناحيه السكن ولا تدفع لين ماتشوف على الطبيعه ..عموما ابعد عن المجمعات المشبوهه نظرا لكثرت المشاكل فيها وخصوصا المجمعات اللي في بونشاك |
اقتباس:
طبعاً بهذه الميزانية لازم تكون رحلتك اقتصادية طبعاً الخيارات كلها متوفره في اندونيسيا بس هي المشكلة في بونشاك الفنادق قليل والفلل النظيفه غاليه والفلل الغيرة جيده ما ننصح فيها يوجد فندق اقتصادي جيد بس فيه عيب ما راح يناسبك ما فيه تكييف الان نحتاج وقت وصولك الى اندونيسيا انت تسافر يوم 29 لكن يوم في نفس اليوم او اليوم الذي يليه لازم نعرف بالضبط والسبب هو ان يوم 29 يوافق يوم سبت وفي عطلة نهاية الاسبوع يستحيل التوجهه الى بونشاك بسبب الزحام وحتى تحسب ميزانية بشكل دقيق يجيب ان تعرف التواريخ اقامتك في كل مدينة في انتظار تاريخ ووقت وصولك الى اندونيسيا |
تبدا اجازتي 27 جون وفي مجال لتاخير السفر حتا 1، جولاي الي يحكمني بهالشيء اسعار التذاكر ومدة السفر نفترض اوصل ع الويك اند عندهم اقدر اغيرّ بالجدول وابدا ببالي وبعدين ارجع لبونشاك كم المدة الكافية لكل مدينه مع العلم ي غالي اني احب السعه وماحب الجداول المضغوطة واذا باندونق م تستاهل بنظرك الغيها عادي شفت بعض التقارير ناس تجلس ف بونشاك مثلا اسبوع كامل ونفس المده في بالي كمان في ناس قالت تطمن من ناحية الاجواء خصوصا في بالي واسكن في منطقه ابود لانها مرتفعه بالنسبة بالي فيلاّ ، بونشاك بما انا شخصين والفلل كبيره ومشبوهه افضل فندق نظيف ودي اعرف هالامور لجل احجز و شكراً مليون خبيرنا .. |
الافضل انك تصل يوم 30 وتريح يوم الوصول في جاكرتا ومن البكره تطلع بونشاك حتاج الى 5 ايام في بونشاك الجو جميل والخدمات متوفره المشكلة هو الغلا لكن حاول تحجز من لان لعلك تحصل سعر جيد شوف هذا الفندقين هي الافضل بلا منازع بسيونا علم و الفندق الاخر Le Eminence Puncak Hotel Convention & Resort اما الفلل النظيف غالي على الاقل 800 الى 1000 ريال في اليوم وفي هذا الوقت اغلبه انحجز باندونق انا اشوفها تستحق الزيارة نعم صحيح لا يمكن مقارنتها مع بالي او بونشاك لكن تظل جميلة وفيها مايميزها وبما انك رايح بالي ولديك متسع من الوقت خصص لها يومين لانك اذا تبغى تروح الى بالي من بونشاك لازم تنزل مطار جاكرتا 90 كم من بونشاك او تروح مطار باندونق ايضاً حوالي 90 كم لذلك اشوف انك تكسب الاثنين منها تزور باندونق ومن المطار تروح بالي هذا الفندق مميز في باندونق فندق سنسا اللي نصحك في ابود في بالي اعتقد انه ما وضح لك الصوره كامله ابود منطقة جميله بس ريفيه الخدمات فيها قليلة واغلبها موجهه للشعب الاندونيسي والاكل الحلال فيها محدود واغلبه ما يناسبنا لذلك اللي اشوفه ابود السكن فيها لا يتجاوز يومين الشي الاخر المنتجعات النظيفه فيها اسعارها مرتفعه مقارنه بكوتا او سيمنياك اعتقد ان الفلل خيار غير مناسب اذا ميزانيتك قليله لان الفلل النظيفة اسعارها تبدا تقريباً من 550 ريال في اليوم اما الفنادق تحصل اسعار حوالي 220 ريال الفرق كبير التقسيم المناسب لشخص ميزانيته منخفضه 5 ايام بونشاك 4 ايام بالي 3 ايام جاكرتا اسعار السائقين في بونشاك داخل بونشاك 500الف ربيه في اليوم التوصل من و الى مطار جاكرتا من 600 الى 700 الف ربيه في بالي من 400 الى 450 الف ربيه هذه الاسعار لمدة 12 ساعة في اليوم الملاحظه التي يجب ان تخذها في بالك اندونيسيا بلد ليس رخيص كما يصوره البعض نعم الاسعار معقوله بعض الشي لكن ليس رخيص خصوصاً الفلل |
الله ييسر امرك يالردادي بجد اجوبة شافية وردود كافيه .. برايك كم الميزانة الكافيه ؟ جاكرتا فندق اقتصادي نظيف بالي افضّل فيلا مع مسبح بونشاك للسبب اللي ذكرته لك افضّل فندق وبشوف خياراتك الان وفي واحد قال لي فندق شاهيد شرايك فيه فكرتك لباندونق هنا تكمن الخبرة وعصفورين بحجر ممتاز ناخذ ليلتين بدل انزل جاكرتا حتا الفلل فبها رخيصه اعتقد |
شوف انا الفنادق بدون تواريخ ما تقدر تعرف سعرها وهل هي متوفرة ام لا عموماً جاكرتا ما فيها مشكلة الخيارات كثيرة فندق ساهيد اغلق وانتقلت ملكيته لشركة اخرى اسمها Le Eminence Puncak Hotel Convention & Resort بالنسبه لفلل بونشاك مشكلتها الغلا وبعضها عدم النظافه الاسباب الاخرى انقرضت خلاص العوائل السعودية اصبحت اكثر من الاندونسيين في الصيف |
ما شاء الله تبارك الرحمن وبلا مجاملة معلومات تنم عن خبرة عميقة ومعلومات قيمة تعطي للمسافر بعد نظر بارك الله فيك وجزيت خير الجزاء ومتعك الله بالصحة والعافية مشرفنا القدير وحق للمنتدى أن يفتخر بمن هم امثالك ويا هنيء لك بالآجر أن شاء الله |
قد سافرت لها شهر 10 هجري جميلة جداً والاجواء مطر مستمر |
ولاباس تاخذ عائلتك معك |
اقتباس:
ابشرك خبيرنا الردادي تم الحجز لجاكرتا والوصول راح يكون يوم 28 جون 7 مساءًا والمغادرة يوم 14 چولاي 4 عصراً 28 و 29 جون تكون بجاكرتا وبعدها بونشاك بناءًا ع نصيحتك ،، ابي تدلني ع جدول مرتب مع الفنادق لان تاخرت بالحجز صراحة ،، شخصين وطفله سنتين جاكرتا ابي فنادق اقتصاديه جداً ونظيفة بنفس الوقت .. بالي افضلّ ڤيلا بمسبح وباقل سعر ممكن بونشاك لو فيه فيلا من غرفه ومسبح ايكون ممتاز 💐💐💐 شاكربن ومقدرين |
عليكم السلام الله يبارك فيك ما شاء الله مبرووووووك الحجز ان شاء الله تكون رحلة موفقه و سعيدة ياليت تذكرني بس بتقسيم الايام على المدن حتى نضع لك ترتيب الجدول وان شاء الله في المساء ارد عليك واذا نسيتك ذكرني |
ظ¢ظ¨ جون ، ظ¢ظ© جون جاكرتا ظ£ظ جون بونشاك والى ظ¥ جولاي ظ¦ جولاي المغادرة لباندونق والمبيت ليلتين ظ¨ جولاي السفر لبالي والجلوس حتا يوم ظ،ظ¢ ظ،ظ£ جولاي السفر لجاكرتا ظ،ظ¤ الرجوع للوطن ظ¤ عصراً اذا برايك نعدل بالتوزيع او مثلا نلغي باندونق اذا ماتستاهل او مثلا انقص من ايام بونشاك واضيفها لبالي ،،،، ابي التوزيعه تكون مناسبة لان متا ماكان التخطيط ممتاز السفره تنجح ! ودي احجز الطيران الداخلي باسرع وقت وشكراً |
الارقام غير ظاهره أكتبها باللغه الانجليزي حتى تظهر |
اقتباس:
28 & 29 جون جاكرتا 30 جون السفر لبونشاك والبقاء فيها حتى 5 جولاي 6 جولاي السفر لباندونق لمدة ليلتين 8 جولاي السفر لبالي والى 11 12 السفر لجاكرتا 13جاكرتا 14 السفر للوطن ساعه4 مساءا اذا في حاجة لتغيير توزيع الجدول للافضل بحيث نحذف شي ماله داعي او نعيد في تقسيم وتوزيع الايام :e303: .. عندي قناعه ان كل ماكان التخطيط مناسب تكون السفرة جميلة :18: يهمني الان اخلص من التوزيعه لجل احجز الطيران الداخلي وتكفى نبي افضل خطوط من ناحية الجودة ومايهم السعر الواحد صار متخوف بعد تحطم الطائرة ععندهم قبل فتره شكراً 💐 |
افضّل الفيلا ف بونشاك لاجل الطبخ صراحة ، وعادي لو مثلاً يومين اخليها بفندق والباقي بفيلا تكون استرخاء بانتظار اهل الخبرة ،، خصوصا بموضوع الطيران الداخلى������ جزاكم الله خيرا |
يوم 29 يونيو الوصول الى جاكرتا يوافق يوم سبت هنا المشكلة يوم السبت والاحد اشطب بونشاك من جدولك وانسى انك تروح لها حتى ما تكره الرحلة وتضيع وفتك في طوابير السيارات الزحمة في هذان اليومين في بونشاك والطرق المؤديه لها شي ما يتصوره عقلك هذه تقطة مهمه يجب الانتباه لها طيب لازم اول شي نشوف حل لهذه المشكلة بعطيك اقتراحات وانت حدد اللي تبغى الحل الاول جاكرتا من 29 يونيو الى 1 يوليو بونشاك 1 الى 6 يوليو باندونق 6 يوليو الى 8 يوليو بالي 8 يوليو الى 11 يوليو جاكرتا 11 يوليو الى 14 يوليو الحل الثاني جاكرتا من 29 يونيو الى 30 يونيو باندونق 30 الى 2 يوليو بونشاك 2 يوليو الى 8 يوليو بالي 8 يوليو الى 11 يوليو جاكرتا 11 يوليو الى 14 يوليو الحل الثالث جاكرتا من 29 يونيو الى 1 يوليو بونشاك 1 الى 7 يوليو بالي 7 يوليو الى 11 يوليو جاكرتا 11 يوليو الى 14 يوليو انا مع الحل الثالث و حتى الحل ا لاول بأس به |
اقتباس:
باندونق بين جاكرتا وبونشاك ؟ اذا بينهم انا اشوف الخطة الثانية ممتازه بحيث ابدا فيها ، وادا المدينه ماتستاهل اخليها ليلة وحدة فقط واضيف اليوم الثاني لبالي جاكرتا 3 ليالي مو كثير عليها ؟ |
حقيقتا اني احترت في جدولك على قدر ما احاول اني اجنبك زحام بونشاك الا ان توقيت الوصول وتقسيم الجدول ما تسمح الا بمصادفة الزحام هناك باندونق تقع بعد بونشاك 90 كم تقريباً وتبعد عن جاكرتا حوالي 180 كم يعني بونشاك في الوسط باندونق هل تستاهل او لا تستاهل الزيارة نعم باندونق تستاهل لكن المشكلة فيها هي الاخرى الزحام في عطلة نهاية الاسبوع اذا ترغب في المزارات السياحية التي تقع في الارياف حول باندونق اما داخل البلد الوضع مقبول الى حد بعيد جاكرتا يومين فيها ممله اذا كانت في بداية الرحلة لكن لو كانت في اخر الرحلة وتبحث عن التسوق اشوفها غير كافيه الحل اكون صادق معك جدولك لازم يكون فيه خسارة وتضييع للوقت وغير مثالي لكن الشكوى لله ما فيه غير كذا يوم الوصول 28 جاكرتا 29 الى 1 باندونق ( رحلة بالقطار من جاكرتا الى باندونق ) 1 الى يوم 6 بونشاك (لازم تنزل من بونشاك الصباح بدري قبل الساعة 7.30 تكون معدي الطريق المزدوج ) 6 الى 11 بالي 11 الى 14 جاكرتا |
مرا ممتاز هالجدول ، صراحة اقتنعت فيه جدا الله يجزاك خير كم ساعه القطار وكيف آلية الحجز وهل فيه طيران ؟ كيف وضع السفر من بونشاك لبالي ؟ �� |
ربما انت مقتنع في الجدول لكن انا غير مقتنع فيه تنقل وتضرب مشوار لباندونق عشان يوم واحد اشوفها صعب شوي القطار من جاكرتا الى باندونق حوالي 3 ساعات الى 3.30 ساعة الرحلات متوفرة بكثره يمكن حجزها عند الوصول ويمكن حجزها من النت ويمكن حجزها من سوبر ماركت الفا مارت هذا الموقع يقدم حجوزات للقطار https://en.tiket.com/kereta-api/cari...ult=2&infant=1 اسم المحطة في جاكرتا محطة Gambir اسم المحطة في باندونق محطة Bandung هناك درجتان على القطار الافضل هي Executive اما الدرجة الاقتصادية ابتعد عنها لا تناسبنا ركز على هذه النقطة جيداً سعر التذكره 150 الف ربيه للدرجة الاولى Executive بين باندونق وجاكرتا ما فيه طيران السفر من بونشاك الى بالي لازم تروح مطار جاكرتا مع العلم ان المطار يبعد عن بونشاك 95 كم |
اشكرك يالردادي قروشتك معي بالتخطيط .. لو اطلع سيارة من جاكرتا لباندونق مو افضل ؟ والا عشان الزحمة قلتلي اطلع قطار ؟ عندك ارقام سواقين ثقة ؟ وكم يومياتهم ؟ بعد اخلص حجز الفنادق راح نقروشكم بالجدول السياحي اليومي شكراً ملابين و جزاك الله خير |
العفو في خدمتك ياغالي نعم تطلع قطار حتى ما تصادف الزحام في الطريق السواقين موجودين لا تشيل همهم في بونشاك وباندنق 500 الف والتنقل من باندونق الى بونشاك 600 الف كذلك من بونشاك الى جاكرتا 600 الف الفنادق جاكرتا اقتصادي فندق شيبوترا جاكارتا شقق فريزر ريزيدنس مينتينج جاكرتا هذه جنب محطة القطار باندونق فندق سنسا (غرفة تنفيذية جونيور) بونشاك منتجع بسيونا علم فندق Le Eminence Puncak Hotel Convention & Resort بالي فندق بينتانغ كوتا اقتصادي فندق ايدن اقتصادي جاكرتا شقق أسكوت جاكارتا اقتصادي فندق شيبوترا جاكارتا هذه بعض الفنادق اذا ناسبتك احجز فيها واذا تبغى تغير الامر عندك |
اجدد الشكر لجميع من رد علي وخصوصاً الوافي الردادي ،، عندي كم استفسار ، بخصوص الاماكن السياحية في كلاً المدن وابي فندق ممتاز بجاكرتا يكون قريب من مول ممتاز ؟ وافضل مول ؟ وايش افضل منطقه للسكن في بالي ؟ يقولون في مكان للتسوق اسمه بوقور وهو الافضل في اندونيسيا ع الاطلاق؟! في ناس قالت ان القطار لباندونق من بالي مو بذيك الجودة ؟ يعطيكم العافية |
اقتباس:
مو بالي |
المعذرة من جاكرتا لباندونق :24: |
اقتباس:
عموماً القطار جيد في بعض الاوقات يختصر عليك الوقت خصوصاً في عطلة نهاية الاسبوع الطريق يكون مزدحم جداً وياخذ وقت طويل اما القطار لا يتأثر بهذه العوامل اذا تبغى تحجز في القطار احجز بهذه الدرجة Executive اما درجة Economy لا تقرب منها لو تروح مشي :32::32::32: |
اقتباس:
لا شكر على الواجب اخى الكريم |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO