|
استفسارات مهمه ، لخبراء بلاد العمه :$ السلام عليكم ورحمة الله وبركاته ، بعد مشاورات و شد و جذب فالحوار بين أعضاء الرحله في اختيار دولة السفر تم اختيار اندونيسيا بدلا من تركيا :(37): ، عدد أفراد الرحله : 3 أشخاص ( الكل 22 سنه ) ، عدد أيام الرحله : 15 يوم من غير يومي السفر ، ميزانية الرحله : 15 الف ريال بدون تذاكر الطيران ، استفساراتي : - السفر راح يكون تقريباً بداية شهر 11 هجري ، كيف الأجواء في هذا الوقت ؟ - متى الوقت المناسب لحجز تذاكر الطيران ؟ - ابغى تخطيط للرحله يشمل المدن التاليه : ( جاكرتا - بونشاك - باندونغ - والحب بالي :(60): ) - حجز الفنادق في جاكرتا و باندونغ وبالي متى أفضل وقت ؟ و بالنسبه لبونشاك الأفضل حجز فيلا عند الوصول أم مبكراً ؟ وكم أسعار الفلل تقريباً ؟ - افضل وسيله للمواصلات قريت عنها هي الاتفاق مع سائق ، كم الأسعار ف اليوم ؟ - كم المصروف اليومي هناك اكل و مواصلات و الرسوم السياحيه وسهرات.. الخ ؟ - ميزانية الرحله 15 الف هل تكفي بدون التذاكر ؟ للعلم لا يهمنا فخامة الفنادق نهائيا أهم شيء النظافة لأن ما راح ندخلها إلا وقت النوم فقط ، ادري ان كلامي كثير لكن باقي ما شفتو شيء القادم أفضل <~ امزح امزح :(56): ، وابشرو ب أطلق وأفخم وأضخم تقرير بعد العوده سالمين غانمين إن شاء الله ، بإنتظار افادتكم ي حلوين :(148): ، |
رد: استفسارات مهمه ، لخبراء بلاد العمه :$ شكلو كثرنا اسئله ، وينكم ي حلوين :(47): |
رد: استفسارات مهمه ، لخبراء بلاد العمه :$ عليكم السلام ورحمة الله وبركاته بالنسبة للاجواء راح يوافق نهاية اغسطس وبداية سبتمبر والاجواء ع حد علمي بتكون ممتازة بالنسبة لحجز الطيران كل شوي خش ع برامج البحث في الرحلات وحاول تلقط سعر مغري ، وكل ماتحجز بدري ترتاح نفسيا وغالبا السعر يكون اقل . الجدول اشوف الانسب ترتاح يوم فجاكرتا تطلعون بالي ٥ ايام والرجعه تكون من بالي لباندونق طيران وتجلس ٣ ايام ومن باندونق تروح للجبل وتجلس ٥ ايام واخر يوم في جاكرتا بالنسبة لحجز السكن انت رايح فوقت مو اجازة رسمية ومااعتقد بتكون زحمه فعادي تحجز بأي وقت هذا رأي الاغلبيه ، عن نفسي احب احجز اول ما اقص التذاكر عن طريق اقودا او بوكينق في حاكرتا وبالي وباندونق اسعار السائقين تختلف من منطقة لمنطقة لكن بالكثير بالكثير ماراح تتعدى ١٨٠ ريال باليوم دائما الصرف يرجع للشخص وطبيعته فصعب احدد لك ، وميزانيتكم ١٥ الف من غير تذاكر طيران اشوفها جدا ممتازه انا ماني خبير زي ماطلبت ، لكن حبيت اساعدك باللي اعرف عنه والله يستر عليكم |
رد: استفسارات مهمه ، لخبراء بلاد العمه :$ اقتباس:
الله يجزاك خير وبيض الله وجهك وما قصرت ، كفيت و وفيت ، وأيضا بإنتظار مزيد من الآراء ، |
رد: استفسارات مهمه ، لخبراء بلاد العمه :$ وينكم ي الخبراء ؟ طيب وينك ي مشرف القسم :(47): |
رد: استفسارات مهمه ، لخبراء بلاد العمه :$ وعليكم السلام ورحمة الله وبركاته اخي الكريم بالنسبة للتوقيت الرحلة ممتاز واذا استطعت ان يكون حجزك في غير اوقات العطلة عندنا فستوفر على نفسك الوقت والمال بالنسبة للتذاكر كلما حجزت مبكرا كان افضل بالنسبة للتخطيط الرحلة يعتمد على يوم وصولك الى جاكرتا بالنسبة للسكن في جاكرتا الافضل لكم بما انكم شباب هو سنترال بارك بلومان وباندونق سينسا وفي الجبل الافضل لكم هو حجز يوماو يومين في فندق بيسونا علم والبحث عن فله تناسبكم وهذا رابط الفندق في اجودا فندق بيسونا علم وهذا التقرير الرائع عن الفندق بقلم اخينا (امير بكلمته) فندق بيسونا علم بونشاك (هاريس سابقا) بالنسبة للمواصلات في جاكرتا لاتحتاج الى سواق عندكم التاكسي اوفر لكم لكن بالنسبة للجبل تحتاج الى سائق والاسعار تختلف من وقت الى وقت لكنها بحدود 450 الف الي 600روبية بالنسبة للمصروف يختلف علي حسب طبيعة صرفكم ويتراوح بين 700 الي 1000 ريال تتضمن السكن والمواصلات والاكل فقط احجز تذاكرك واحرص ان تبتعد عن السفر وقت العطل عندنا وعند الحجز وتحديد التاريخ سيكون هناك تخطيط كامل لرحلتك بالتفصيل |
رد: استفسارات مهمه ، لخبراء بلاد العمه :$ اقتباس:
بالنسبه لموعد السفر راح يكون بإذن الله قبل بداية الدراسه ب 3 أو 4 ايام ، طيب الآن تقلص العدد من 3 أفراد إلى فردين ، والميزانية أيضا لفردين 15 الف ، هل تكفي للأكل والمواصلات والسكن ورسوم الأماكن السياحيه و سهرات ؟ للعلم حاطين سقف أعلى للسكن فاليوم هو 200 ريال فأقل ، لأنها للنوم فقط ، |
| الساعة الآن 02:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO