|
استفسارات السلام عليكم ورحمة الله استفسار لكم اخوتي الاكارم قدم لي مكتب سياحي عرضا بتاريخ 4 اغسطس - 15 اغسطس واخر بتاريخ 12 اغسطس - 23 اغسطس فآي فترة هي الافضل خصوصا الزحام |
عليكم السلام طيب اخوي سعدون عطنا تفاصيل العرض ممكن يكون حلو ونسافر معك او يكون مضروب وننصحك نصيحه طيبه بأذن الله بالنسبة للتواريخ كلها ما فيها فرق كثير بس اشوف يوم 4 راح يصادف احد الايام يوم عيد لاضحى راح تشوف مظاهر العيد عندهم اشوفها تجربه مميزه |
العرض نفسه قدم من 3 مكاتب سياحية مع اختلاف طفيف في السعر النهائي وصول 4اغسطس – مغادره 15اغسطس 11 ليالي / 12 يوم 1- مدينة بونشاك قضاء 4 ليالي Le Eminence غرفه جونيور سويت مع سرير اضافي شامل الافطار والخدمة والضريبة 2- بــانــدونــج قضاء 4 ليالي Aston Braga شقه من 2 غرفة نوم شامل الافطار والخدمة والضريبة 3- جاكـرتا قضاء 3 ليالي Merlynn Park غرفه عائليه شامله الافطار والخدمه والضريبه العرض يشمل : الانتقالات :: بسياره خاصه • استقال من مطار جاكرتا والذهاب الي الفندق بونشاك • توصيل من الفندق الي فندق باندونج • المغادره من الفندق والذهاب الي المطار للعوده الي جاكرتا • المغادره من الفندق والذهاب الي مطار جاكرتا للعوده الي ارض الوطن • سياره خاصه يوميا للجولات السياحيه مع سائق يتحدث اللغه العربيه (( من 8 الي 10 ساعات )) عادا يوم التوصيل الي الفندق • سعر العرض // 8999 ريال لـ 2 كبار وطفلين |
العرض مع التذاكر ؟؟؟؟؟؟ معك عائلة و يبغاك تسكن في Aston Braga اول شي الفندق مضروب وتعبان مره وموقعه في اسوء مكان في باندونق من الاخر في الليل لا تطلع بالاطفال فندق Merlynn Park نظيف وكويس بس ما عنده شي قريب لذلك تحصل فنادق اخرى قريب من سعرة وموقع افضل بكثير فندق Le Eminence سياسة الفندق افتكر ما توفر اي سرير اضافي تأكذ من الموضوع الاطفال في شرق بشكل عام الفنادق ما تدقق عليهم نهائياً يعني تقدر تحجز غرفة لشحصين ومعك 3 اطفال عادي ما عندهم مشكلة بس اذا تبغى اسرة لازم تدفع اما اذا تبغى تستخدم الغرفه كما هي ما تدفع شي الامر الاخر عند الافطار لازم تدفع لهم اذا سنهم اكثر من سنتين واحياناً مايدققوا كثير بعطيك حسبه بسيطه وانت تحكم العرض كويس والا لا الفنادق اللي اعطاك في العرض تكلف حوالي 3500 ريال تزيد شوي تنقص شوي السائق من المطار 160 ريال 600 الف ربية من بونشاك الى باندونق نفس السعر 600 الف ربية من باندونق الى جاكرتا 600 الف ربيه في داخل بونشاك 500 الف ربيه 134 ريال كذلك داخل باندونق نفس السعر طبعاً هذا السعر لمدة 12 ساعة في اليوم وشامل كل شي انت بس تدفع هذا السعر ما عدا في السفاري لازم تدفع 20 الف للسيارة و 80 الف للسائق المجموع كله 27 ريال للسيارة والسائق في جاكرتا ما تحتاج سائق استخدم تطبيق قراب راح توفر الكثير من المال رخيص جداً ممكن مشواريك كله في اليوم الواحد ما تجي 50 ريال ما عدا الذهاب للمطار بالنسبة للسائقين اكثرهم يتحدث العربيه العرض اذا كان بدون تذاكر مضروووووووووووب بقوة واذا مع التذاكر لازم يغير فندق Aston Braga اتمنى لك التوفيق |
اسال الله يحرم وجهك ووالديك على النار تم رفض العرض بعد مشورتكم وسيتم الحجز عن طريق بوكينج بالنسبة للمواصلات سيتم اخذ تاكسي من المطار للجبل ثم الاتفاق مع سائق خاص هناك للتماشي والسفر معه الى بناندوق فقط ولاعتماد على التكاسي في باندونق والعودة الى حاكرتا عن طريق القطار، او يتم حجزه لكامل الرحلة ، او حجزه من بونشاك الى جاكرتا ، ارجوا الافادة بارك الله فيكم السائقين في الجبل هل يعملون يوم العيد ؟ وما هي الفعاليات لمقترحة ليوم العيد علما انه سيكون في الجبل واسكن في فندق لي اليمينس شاكرا لك حسن الاجابة مقدما |
امين والدي والديك والمسلمين جميعاً ممكن تطلع من المطار الى بونشاك عن طريق تطبيق قراب اذا الطريق سالك وما فيه زحمة ممكن يكلف عليك حدود 400 الف ورسوم الطريق عليك الرسوم مبلغ زهيد بس اذا معك شنط كثيرة الافضل تأخذ سواق يريحك بالنسبة لباندونق السواق تحتاجه في المزرات السياحية التي خارج باندونق مثل البركان او منطقة لمبانق او منطقة تشيبودي اما داخل باندونق استخدم قراب ممتاز جداً بالنسبة للقطار اذا تبغى تحجز فيه احجز درجة اولى اسمها eksekutif اما الدرجة الاقتصادية لا تقرب منها سعر الدرجة الاولى حوالي 150 للشخص الطفل اقل من 3 سنوات مجاناً 3 سنوات بالضبط مثله مثل الكبير يعني انتم شخصين مع طفلين يكلف عليكم حوالي 600 الف ربيه والسيارة الخاص بنفس السعر والسيارة اسرع واريح من القطار بكثير ايوه تحصل الكثير منهم يعمل بدون مشاكل اهم فعاليه هي صلاة العيد لا تفوتك راح تستمع كثير اهم خذ شي سجادة معك طيب سؤال حجزت الطيران والا لسه ؟؟؟؟؟ اذا حجزت عطنا تواريخ سفرك وتوقيت وصولك ومغادرتك بالضبط ؟؟؟ وتقسيم الايام في كل مدينة وبأذن الله راح نساعدك في حجوزات الفنادق واختيار الفنادق اتمنى لكم التوفيق |
بارك الله فيك اخي الكريم تم حجز الطيران على الخطوط السعودية ب10500 لاربعة مقاعد الوصول الى جاكرتا الساعة 9 صباحا بتاريخ 7 اغسطس المغادرة الساعة 11 صباحا بتاريخ 20 اغسطس التقسيم / 7 ايام بونشاك بدءاً بيوم الوصول السكن في فندق لي امنينس ( جناح جونيور ) 3 ايام باندونغ تم ترشيح اربعة فندق هي: انتركونتيننتال باندونغ داقو باكر بادما باندونق غراند ميركيور سيتابودي فور بوينتس باي شيراتون 3 ايام جاكرتا تم ترشيح الفنادق : سيتادينز راسونا ( شقة من غرفة نوم ) اسكوت جاكرتا ( شقة من غرفة نوم) اسكوت سوديرمان شقة م غرفة نوم السكن عن طريق بوكينج لشخصين وطفل بعمر 5سنوات اما الطفل الاخر فلا اعلم هل سيسمح بتواجده او نضطر لاستئجار غرفتين آمل التعديل في حالة وجود البديل الافضل شاكر لك حسن الافادة مقدما |
طيب ممتاز انا اقترح عليك تقسم السكن في بونشاك بين بسيونا علم وبين Le Eminence منها تغيير ومنها انك تجرب الفندقين وبصراحة الفندقين كل واحد اجمل من الثاني لذلك التقسيم راح يكون كذا من 7 الى 10 بسيونا علم ومن 10 الى 13 Le Eminence هذا التقسيم وضع لغايتين الاولى هي تجربة الفندقين والثانية تجنيك زحام يوم العيد وعطلة نهاية الاسبوع انتركونتيننتال باندونغ داقو باكر : فندق راااائع يملك اطلاله خرافيه عيبه البعد عن الخدمات ما عندك شي قريب بادما باندونق : فندق رااائع ماعليه كلام لكن عيبه مثل سابقة البعد عن الخدمات غراند ميركيور سيتابودي : نفس مشكلة سابقية فور بوينتس باي شيراتون : ما فيه ما هو افضل منه انا ارشح بديل فندق سنسا جنب المول والخدمات كلها عندك اهم الغرفة تكون تنفيذية سينيور او تنفيذية جونيور هذه اجمل الغرفة اطلاله رائعه والغرفة كبيرة في جاكرتا بدون اي منازع اسكوت جاكرتا فندق نظيف ووسيع وجنبك المول العملاق قراند اندونيسيا كذلك على بعد اقل من 200م المول العملاقة الاخر بلازا اندونيسيا وخلف الفندق مباشرة المول الشعبي تمرين ستي يعني من الاخر انت وسط الاسواق وما تحتاج تكسي راح تنبسط المدام بالنسبة للاطفال ما فيه تدقيق عليهم ابد حتى لو عمرة 10 سنوات الوضع عادي بس اهم شي انت تدبر نفسك في الغرفة بسيونا علم من 7 الى 10 يكلف عليك غرفة مع افطار لشخصين 1057 ريال من بوكنق Le Eminence من 10 الى 13 يكلف عليك فرفه بدون افطار 1178 ريال بدون افطار من بوكنق فندق سنسا باندونق من 13 الى 16 يكلف عليك غرفة تنفيذية سينيور 1083 ريال مع افطار لشخصين من موقع اقودا اسكوت جاكرتا 16 الى 20 شقة من غرفة واحدة بدون افطار 1679 ريال من موقع hotels.com اي سؤال انا في الخدمة اتمنى لك التوفيق |
معلومة اضافية اي فندق في بوكنق تقدر تسوي عليه خصم 10% اذا دخلته عن طريق رابط دعوة بس في البداية ما راح يخصم لك تحجز بالسعر العادي وتسكن في الفندق وبعد المغادرة راح يرجع مقدار 10% من سعر الحجز الى الفيزا اذا احد عندك من الاصدقاء عنده حساب في بوكنق خليه يسوي لك دعوة |
جزاك الله الفردوس الأعلى ووالديك اخي الكريم تم تأجيل الرحلة لظروف اسأل الله ان تكون خيرة لم يتم الحجز لكن المقترح ان يكون حجز الوصول الى جاكرتا 13/ 8 الساعة 9 صباحا والعودة 25/ 8 الساعة 11 صباحا فهل من مقترحات للرحلة من حيث توزيع الايام حيث سيكون الجبل مزدحما جدا بحيث تشمل الرحلة الجبل وباندونغ وجاكرتا شاكرا لك حسن الاجابة |
| الساعة الآن 06:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO