|
الى جاكرتا وبالي احتاج مساعدتكم سلام عليكم. مساكم الله او صبحكم الله بالخير انا رايح باذن الله انا وواحد من اخوياي الى جاكرتا وبالي في يناير وصراحه ما عندي اي خلفيه عن الترتيبات ما عدا الفنادق والطيران الخارجي هذا منتهين منه بس احتاج مساعدتكم الله يسعدكم في كيفية التنقل والذهابوالعوده بين بالي وجاكرتا واي إجراءات ما اخذت بالي منها مع العلم اني قسمة الايام ٢ في جاكرتا ٥ في بالي و٢ اخرى في جاكرتا والشيء اللي منعني من البكجات ومكاتب السياحه نصائح الناس وانهم يربطون الشحص وما يخلونه ع راحته وفي نفس الوقت توفير وميزانيتنا ١٠٠٠٠ في السفره مع التذاكر هل تكفي؟ حسبنا التذاكر الخارجيه بتاخذ ٤٥٠٠ الى ٥٠٠٠ تقريبا وشككرا لكم |
عليكم السلام اخوي عبدالعزيز فلوسكم ما تكفي لازم تزيدها شوي اعطني تاريخ الوصول والمغادرة نعطيك الحساب التقريبي للرحلة في بداية يناير الاسعار تكون مرتفعه اكثر من غيرها بسبب اعياد رأس السنه |
ان شاء الله سفرتي قريبة لبالي و جاكرتا، اخخخ مني قادر انتظر |
يا طويل العمر تقريبا ظ£ يناير الذهاب ظ،ظ£ العوده |
المعذره كتبت الارقام بالعربي ما طلعت 3 يناير الذهاب 13 يناير العوده |
ابغى المبلغ كامل تقريبا كم يكلف والوقت زي ما قلت لك واذا المبلغ ناقص مره 10000 كم تعطيني ايام |
انا رحلتي ان شاءالله وقت راس السنه بس محتاره اخليها ف بونشاك والا بالي اسبوع راس السنه اقصد |
اقتباس:
داري انك مظغوط والله يعينك ويسعدك ع كل اللي تسويه |
أهلاً عبدالعزيز ... والله المدة قصيرة على رحلة إلى شرق آسيا .. لكن هذا قرارك .. قطعاً المبلغ لايكفي لشخصين ... بتاريخكم أقل رحلة للشخص وبترانزيت طويل قريب من 3000 ريال طبعاً افترضت مغادرتكم من مطار الرياض .. :) والطيران الداخلي مابين جاكرتا وبالي مباشر مابين 500 _ 600 ريال هذه لوحدها 7000 ريال تذاكر سفر ... طيب تحتاج سكن لمدة 10 ليالي كذلك مواصلات فعاليات بالي مطاعم وخلافها .. لا أعتقد 3000 ريال ستتحمل هذه اليوميات لو افترضنا الفندق من 200 ريال الليلة = 2000 ريال السائق في بالي 112 ريال ضرب 5 = 550 ريال فقط حسبت لك سكن وسائق بالي :) لذلك مهم جداً زيادة مبلغ الرحلة وإعادة الترتيبات من جديد ونحن معك على طول الخط :) |
اقتباس:
طيب كم ناقصنا تقريبا كم نزيد |
اقتباس:
|
الحساب بدون الطيران الدولي جاكرتا من 3 الى 5 فندق هوليداي إن اكسبريس جاكرتا وحيد هاشم يكلف عليكم 368 ريال مع افطار مجاني من موقع اقودا بالي من 5 الى 10 فندق EDEN Hotel Kuta Bali في كوتا مع افطار مجاني يكلف عليكم 619 ريال من موقع اقودا 10 الى 13 جاكرتا فندق يلو هارموني بددون افطار يكلف عليكم 418 ريال من موقع اقودا التوصيل من المطار و الى المطار عند الوصول والمغادرة الى بالي عن طريق برنامج قراب يكلف عليكم حوالي 55 ريال في الاتجاه والواحد المجموع 110 من العودة من بالي والمغادرة 55 ريال في الاتجاه الواحد المجموع 110 الموصلات في بالي يوم 5 عند الوصول الى مطار بالي الذهاب بالتكسي (تطبيق قراب) يكلف بالكثير 15 ريال كذلك يوم 10 الذهاب بالتطبيق بنفس السعر 15 ريال طيب يوم 6 الى نهاية يوم 9 نحتاج سائق خاص يكلف عليك في اليوم 110 ريال المجموع 440 ريال تذاكر الرحلة الداخلية ذهاب وعودة تكلف عليك 1132 ريال من موقع اير اسيا مع شنطه بوزن 15 كجم نجي نحسب 368 + 619 + 110 + 110 + 15 + 15 + 440 + 1132 = 2809 ريال بسعر صرف اليوم سعر حجز الفنادق والطيران غير ثابت ممكن يتغير في اي وقت الفنادق اللي اخترها ممتازه ونظيفه وموقعها ممتاز ويوجد فنادق اخرى ارخص منها بس لك عليها يتبقى عليكم تكلفة المعيشة وهذا شي تقدر تتحكم فيه على كفيك كذلك يتبقى عليكم اسعار تذاكر الدخول للنشاطات السياحية طبعاً هذي الاسعار تقريبيه على سعر صرف اليوم كذلك جميع حجوزات الفنادق غير مسترد ويتم دفعها مقدماً |
اقتباس:
الله يسعدك يامشرفنا ... جهد مميز .. وحسبة تقريبية أتفق معك فيها ... كتب الله لك أجر ماتعمله وتطرحه هنا ... |
واحد يرد علي |
اقتباس:
|
السلام عليكم اجمالا تحتاج 3020 للسكن فقط والانشطة والمواصلات حسب برنامجك الشخصي من 100 الى 400 والمطاعم عندك السريعة ماك وكنتاكي النفر 20 - 30 للوجبة والتذاكر الدولية من 1900 الى 3000 حسب العروض وشركات الطيران وبالتوفيق |
الله يسعد ذا الوجه |
اقتباس:
|
| الساعة الآن 12:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO