![]() |
سواق باندونيسيا افيدوني عن افضل طريقه لاستئجار سواق في بالي وفي بونشاك وفي بندنوق وماهو الافضل الذهاب لمكاتب في نفس المدن لاستئجارهم او عن طريق مكاتب سياحيه منتشره او عن طريق فنادق السكن بكل مدينه لانهم يكونون موثوقين من نفس الفندق لان معي عايله وتخبرون الحرص واجب ومن لديه ارقام مكاتب او سواقين ثقات وهادين يفيدني بالخاص تماشياً مع سياسة المنتدى |
حمل تطبيق قراب grab وهو تطبيق مثل اوبر وكريم واقضي مشاويرك عن طريقه انا استخدمته مع العائلة في ماليزيا واندونيسيا وسعره رخيص انت حمله على الجوال من هنا ولمن توصل اندونيسيا وتاخذ شريحة اندونيسية فعله لانه مايتفعل هنا عندنا لابد تكون شريحتك اندونيسية او ماليزية وتراه بسيط مره وفيه من سياره عائلية حتى الدباب |
في بونشاك وباندونق ما فيه شركات او مكاتب لهم سائقين خاصين بالمكتب نعم المكاتب توفر لك سائق لكن ليس تابع لهم متعاون معهم او يدفع لهم عموله حتىيحضرون له الزبائن اما في بالي توجد مكاتب عندهم سائقين خاصين بهم والسيارات تعود للمكتب ايضاً عموماً لا تشيل هم السائقين في اندونيسيا او بالاصح لا تشيل هم شي في اندونيسيا كل شي هناك سهالات بالنسبة للثقه في السائقين انا اقولك الشعب الاندونيسي بشكل عام طيب جداً ومشاكلهم قليلة واغلب مشاكل السائقين هي السمسرة لذلك انت لا تعطيهم مجال في هذا الجانب رتب امورك وشغلت السواق التوصيل فقط اما اذا تبغاه مستشار او مرشد راح يسمسر عليك وياخذ عموله من الاماكن التي يوصلك لها النقطة الاخرى مقتناياتك الشخصة خليها دائماً معك ولا تنسى شي في السيارة |
بالنسبة لتطبيق grab يتفعل بأي شريحة لكنه لا يمعل الا في شرق اسيا كذلك يوجد تطبيق اخر منافس له اسمه gojek |
الله يعطيكم العافيه ويجزاكم خير افدتو واجدتو وطمنتو البال بشرح مبسط مفيد فلكم اجزل الشكر والتقدير وضحتو الصوره |
الساعة الآن 04:38 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO