|
إندونيسيا لحالي ): السلام عليكم انا خططت للسفر الى اندونيسيا بشهر ابريل ورتبت كذا شغله وابي مشورتكم , مع العلم اني سافرت قبل كذا الى الفلبين لوحدي واستمتعت جدا لكن حبيت اكرر الموضوع مع اندونيسيا ... الطيران : الرياض - مسقط - جاكرتا __ لمدة يوم راحة بعدها اقلاع الى بالي والمكوث فيها لمدة خمس ايام بعدها العودة الى جاكرتا يوم راحه والعوده للوطن .. وش رايكم عن الاماكن اللي ازورها مع العلم اني احب الفعاليات المائية والغوص ..الخ كذلك الفندق والسكن .. هل الافضل بوكينج ولا AIRBNB ؟ ايضا التنقل من المطار للفندق هل التاكسي ولا البلوبيرد ( اتوقع كذا اسمها ) او جراب عندهم مثل الفلبين ؟ أنتظر ردكم .. الله لايحرمكم الاجر . |
انتظر ردكم :27: |
Up up |
تسافر الى اندونيسيا بدون ماتمر الى البنشاك ؟؟؟ انصحك تزود المدة يوم جاكرتا 4 ايام بالي 4 ايام بنشاك ومن البنشاك تروح للمطار ويبعد البنشاك عن المطار ساعة ونص وتجنب التحرك يومي الويكند علشان الزحمة المميتة اما السكن في بالي فانصحك في منطقة كوتا ففيها كل شي وهي سنتر الجزيرة |
لا بوكينق ولا غيرة خصوصا في اندونيسيا للاسباب اللتالية بوكينق لا يعرض جميع الفنادق والمنشاءات بشكل عام كالفلل فالعين المجردة أفضل الحلول من ناحية النظافة والسعر وغيرة ثانيا وهو الاهم بعض الفنادق لا توجد على ارض الواقع ومن تجربتي في العام الفائت حجزت فندقين على وجه الخصوص لم اجدهم ووصلت للمنطقة حفظك الرحمن ورعاك |
مسائكم ورد... انا من عشاق السفر وحداني الوضع سهالات خليك مفتح واحسبها صح مادياً رحله موفقه إن شاء اللّه. |
هلا يا غالي المدة قليلة جداً و راح يكون الطيران متعب لك لكن عموماً تخطيطك جميل ما عليه كلام بالي رائعة والسكن يكون في منطقة كوتا كل شئ حولك وسبق عرض الردادي أكثر من خيار التوقيت اللي انت مسافر فيه ما عليه زحمة لذا تقدر تروح هناك وتختار بكيفك بس تكون حاط لك لسته عشان لا تضيع بين الخيارات من و الى المطار خذ بلوبيرد |
اخي الكريم وجهة نظري اذا رحلتك فقط الهدف منها بالي فالأفضل تشوف طيران مباشر على بالي افضل من تروح منك يومين بين وصول واقلاع خاصة ان مدتك قليلة جدا وانصحك في طيران الامارات مباشر الى بالي تطبيق جراب ممتاز في بالي ويغنيك عن السائق وعن البلوبيرد تقبل تحياتي |
وعليكم السلام ورحمة الله، دامك بتحجر على الطيران العماني ( هذا اذا ماحجرت ) نصيحتي طبق اللي سويته انا ، انك تحجز من الرياض لبالي وتختار الترانزيت مطار كوالالمبور ويكون الترانزيت 7 او 8 ساعات بالعادة بدلاً من انك تضيع يوم في جاكرتا وتحجز رحلة داخليه الى بالي وتكلفة اضافية ، تنزل ترانزيت في كوالالمبور وتسكن في فندق سما سما بالمطار غرفة 6 ساعات ، بالنسبة للفنادق بكل تاكيد بوكينق وافضل خيار لحجز الفنادق في بالي بوكينق وركز على السكن في كارتيكا بلازا دامك وحداني بالنسبة للفعاليات وحجز الفعاليات حمل هالتطبيقين : Ticket.com klook وبعد هذا الموقع http://www.bali-day-trip.com/fulldaytrip.html فيه قوائم كاملة لجميع الفعاليات في بالي وخصوصا الانشطة البحرية يعتبر ارخص مكان حصلت فيه الانشطة البحرية ، طبعا الفضل بعد الله لاستاذنا الردادي دلني عليه فقط تتواصل معهم واتساب وتنسق معهم اسف طولت لكن اتمنى اني افدتك ورحلة سعيدة |
بالتوفيق |
| الساعة الآن 08:14 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO