|
مشورتكم في رحلتي القادمة السلام عليكم ورحمة الله وبركاته كل عام وانتم بخير بمناسبة عيد الأضحى المبارك بغيت اطلب مشورتكم في سفرتي القادمة إلى أندونيسيا رحلتي بإذن الله تقريبا بعد أسبوع واللي راح تكون من 18/7 الى 31/7 المغادرة راح تكون من مطار ابوظبي الدولي الساعة 3صباحا على طيران الاتحاد إلى جاكرتا الوصول 2:35 ظهر يوم الاثنين. العدد : 8 بالغين و 4 اطفال (3و6و9و10 سنوات ) السفرة راح تكون حسب الجدول التالي: من جاكرتا الى بونشاك وبنقعد فيها 4 ليالي من 18 الى 22-7 تم حجز فيلا في بونشاك ومن بونشاك الى باندونج وبنقعد فيها 3 ليالي من 22 الى 25-7 تم حجز فندق ومن باندونج الى بالي على طيران اسيا اير من 25 الى 28-7 تم حجز فلتين من بالي الى جاكرتا على طيران اسيا من 28 الى 31-7 العودة الى ارض الوطن راح تكون 5:55 المغرب بإذن الله بتاريخ 31-7 تم الاتفاق مع سواقين في بونشاك وبالي بحجز باص ل16 راكب والسعر 13000000 في بونشاك و1100000 في بالي . بغيت مساعدتكم في عدة أمور؟ 1 - بخصوص التطبيق الاندونيسي دخلت التطبيق وسويت الخطوات المذكورة وكتب لي Invalid passport .شو المطلوب مني في هالحالة وكيف ممكن احل المشكلة . 2- بخصوص صرف العملة هل اصرف في الامارات او اصرف في بونشاك ؟ 3_ بخصوص الاماكن السياحية اللي ممكن ازورها وتنفع للاطفال والعوايل؟ 4- بخصوص الاكل سواء اذا باخذ معاي اكل او باكل من المطاعم ياليت ترشحون لي ؟ 5- بخصوص التنقل في باندونج وجاكرتا هل بحتاج سيارة؟ 6- اللي عنده ارقام سواقين يرسل لي لو سمحتوا بارك الله فيكم وتحياتي للجميع |
عليكم السلام ودي اني افصل في بعض الأمور لكن والله رحلة بعد يوم ما عندي وقت اعتذر منك بالنسبة للتنقل تقدر تستخدم التطبيقات مثل grab و gojek عندهم سيارات مختلفة شوف اللي يناسبك واطلب لكن ما تنفع الا للمشاوير داخل المدن فقط انتبه جيداً لهذه النقطة مطار باندنق هناك مطارين واحد بعيد جداً والأخر قريب مره داخل المدينة المطار القريب اسمه : حسين ساسترانيغارا الدولي المطار البعيد اسمه : مطار باندونغ ماجالينغكا الدولي اهم نقطة في الرحلة كلها لا تشرب او تطبخ من ماء ما هو ماء صحة انتبه السائقين بأذن الله ارسل لك بعض الأرقام |
نقطة أخيرة الجولات لا تعمل فيها الشرائح الاندونيسية بدون تسجليها في المطار او عند أي مكتب اتصالات معتمد اي مكتب اتصالات يسجلها مجاناً |
اقتباس:
يعطيك العافية على المشاركة والتفاعل |
ارجو التفاعل والإفادة بخصوص المعلومات المطلوبة |
سبق وسافرت لها عام 2007 خذ لك سواق سياره عائلية هوندا h1 والسواق يقوم بكل شيء ، اذا وصلت هناك لاتهتم وخذ معك مضلات الايام هذي امطار غزيره |
وعليكم السلام مخطط الرحلة ممتاز الصرف في بونشاك والبطاقات مقبولة بكل مكان سواء صراف او فيزا الاكل بالطبع من المطاعم بدل ما تشيل اكل معاك الاسعار رخيصة لكن انتبه من مطاعم بونشاك بعضها ماهو نظيف وقد يحصل تسمم لذا خذ معك دواء احتياطا مثل رابيزول معالم كل مدينة معروفة ممكن ترجع للتقارير او تبحث في قوقل لن تواجه مشكلة في التنقل عن طريق قراب |
اقتباس:
شكرا على المرور والتفاعل |
اقتباس:
شكرا على المرور والتفاعل ولكن هل عندك فكرة عن التطبيق المستخدم في وقت كورونا ،وبخصوص قراب هل ممكن احصل باص عن طريق قراب وبغيت ترشح لي الاسواق الرخيصة والمناسبة في باندونج وجاكرتا عشان ما اضيع وقت ،وبغيت اعرف هل يستاهل اني اخلي معاي السواق طول اليوم او الافضل اخذ سواق عن طريق قراب اذا متوفر ميني باص 16 راكب شكرا على المرور |
التطبيق لا تشيل همه ان ما قدرت تفعله عند الوصول راح يساعدونك في تفعليه في المطار الاسواق الرخيصه في جاكرتا تاناه ابانق وتمرين ستي و شباكاماس وبلوك ام في باندنق شمبلاس ووك والكثير من منافذ الاوت لت ابحث عن محل اسمه ذا سكريت والباقي قربين منه |
| الساعة الآن 08:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO