![]() |
محتاج رد سريع اذا ماعليكم امر "" مهم جدا "" السلام عليكم.... اذا ماعليكم امر ابي استفسر بخصوص jangari في بونشاك هل تستاهل العنوة والزيارة ودفع مليون روبية لها..... وثاني استفسار بخصوص فندق courtyard by marriott bali nusa dua resot كيف وضعه |
وفيي مستشفى نظيف في بونشاك للاطفال |
اتمنى احد يشوف كلامي ادري ماراح تقصروا بس ولدي من جلس الصباح وهو يرجع بالرغم اني مااكله من اكلهم ابد |
ان شاءالله يردون عليك خبراء اندونيسيا |
اقتباس:
فيه مستشفى كبير في بوقور قريب من بونشاك اذا استدعى الامر قول للسواق يوديك له لكن اكرر لك اقولك لا تخاف اهم شي الماء لا يشرب الا ماء صحة بحيرة جنقاري ما تسوى ولا تستحق الزيارة الايجار فيه ما يزيد عن 300 الف ربيه اعتذر عن الرد المتأخر |
ماقصرت اخوي الردادي دائما في الخدمة وديناه المستشفى وعطاه ابرة ترجيع ومغذي واموره احسن الحين الحمدالله حتى الدكتور قال يمكن من اختلاف الجو بس هذه اول مره اسافر وهو معي من كذا الخوف عندي بزياده ........ وبخصوص فندق بالي شنو رايك فيه وشنو الفعاليات اللي تنصحني فيها مع وجود طفل ويعطيك الف عافيه للمرة الثانيه |
سلامته ما يشوف شر ان شاء الله courtyard by marriott bali nusa dua resot سؤال عندك حجز فيه ؟ والا ترغب بالحجز فيه ؟ كم سعره في اليوم |
عندي حجز فيه ومتردد |
الفندق ما فيه عيب لكن انت حاجز في نوسا دوا منطقة بعيدة شوي ميزتها البحر والفندق ما هو على البحر مباشرة يعني ما فيه ميزه ممكن يخدمك بسعرة عن الفنادق اللي جنبه |
بالي مع الأطفال الصغار راح تعاني اغلب الفعاليات تحتاج مشي او فيها بعض الحركة لذلك صعبة على الاطفال الشلالات اغلبها يحتاج مشي وطلوع او نزول درج وصعب انك تحمل الطفل معك عندك بحيرة براتان تأجر فيها لنش استجار اللنش من بوابة حديقة المعبد سعرة 200 الف ربيه خارج الحديقة تحصلها من 350 الف الى 600 الف البحيرة تبعد عن كوتا ساعتين تقريباً حسب زحمة الطريق من فندك ساعتين ونصف تقريباً البحيرة ممتعه وتستاهل الزيارة بحيرة براتان - مزرعة الفراولة - بوابة هاندارا كلها في نفس الاتجاه في يوم واحد يوم اخر بحيرة باتور - مزارع الأرز - مزارع القهوة ويوجد الكثير من مطلات التصوير ومراجيح عملاقة وكفيهات راح تحصلها في الطريق كذلك يوجد مصنع الفضة - حديقة سفاري - سفاري الفيلة - حديقة الطيور - ممشى كامبوهان رائع جداً اذا كان الجو غائم توجد ملاهي مغطاه ملحقه في مول Trans Studio Mall Bali كل هذه الفعاليات في منطقة ابود تبعد عنك من ساعة ونصف الى ساعتين |
الساعة الآن 09:31 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO