|
استفسار لسفرة اندونيسيا وياريت اصحاب الخبرة يفيدوني السلام عليكم ورحمة الله وبركاته انا ان شاء الله بسافر اندونيسيا يوم 25يوليو الى 11اغسطس الرحلة مقسمه بين جاكرتا بونشاك بالي احتاج مساعدتكم وخبرتكم في عمل جدول سياحي مليان بالفعاليات والاماكن الممتعة للاطفال واحتاج رقم مكاتب او سواقين يكون عندهم سيارات كبيره لاننا عائلة من 7اشخاص في بالي وجاكرتا وبونشاك وكم تقريباً تكلف السيارة لاني احتاج احسب الميزانية مضبوط معليش اعرف انه طلباتي كثير واستفساراتي اكثر بس كلي عشم فيكم وفي خبرتكم انكم تفيدوني وكيف اقسم الرحلة واذا ممكن اسماء منتجعات او فنادق تكون اسعارها طيبه وفي موقع حيوي وسامحوني على كثرة طلباتي |
حياك الله هل الوصول الى جاكرتا او بالي وهل معكم اطفال صغار |
الوصول لجاكرتا ايو معانا اطفال اعمارهم 6 سنين و10سنين و11سنه و14سنه |
فين اهل الخبره واصحاب السفر ياريت تساعدوني لو باي معلومه ممكن تكونو تعرفو اي شي عادي افيدوني مو لازم يكون عندكم جواب على كل اسالتي .ان شاء الله معلومه وحده حتفيدني وانا جمع الردود ماعليكم 😅 |
الله يخليهم لكم ويحفضهم خذو في جاكرتا يومين ممتعة للاطفال فيها ملاهي كثيرة ووندر لاند المائية غير المولات الي فيها الدور الاخير الالعاب اكترونية وغيرها بعدها احجزو على بالي 5 ايام ممنازة فيها رحلات سفاري والالعاب بحرية وغيرها وبعدها 5 ايام بونشاك استراحة واستكنان وفيها سفاري برشوت حديقة الحيوانات حديقة الزهور جميلة جدا مزارع الشاهي ورحلة موفقة |
طيب حلو الله يعطيك العافية على مرورك وإفادتي |
وعليكم السلام بالي 4 أيام بونشاك 4 أيام باندونق 4 أيام جاكرتا 4 أيام أول ما توصلون مطار جاكرتا التوجه مباشرة الى بالي عبر الطيران مدتها 1:30 واذا غير متوفر ممكن تسكنوا يوم في المطار بالي ما فيه فعاليات كثيرة للأطفال لذا راح يطفشوا كلها نشاطات بحرية وجولة في البحيرة ومناظر طبيعية تنفع أكثر لعرسان كذلك تنفع لأنواع كثيرة من المساج + شد وتلميع البشرة + تنظيف القولون يعني عمليات استشفاء لا حصر لها وهم متخصصين بالأشياء هذي بعد العودة لجاكرتا نأخذ قطار الطلقة 30 دقيقة الى باندونق نزور فوهة البركان + ينابيع المياة الحارة + مزارع Lembang فيها ركوب خيل + حليب طازج + أنشطة + التسوق في الأسواق الشعبية والمولات + تجربة كافيهات شارع داقو المطلة على المدينة من فوق + تجربة محل kartika sari الشهير بأكلات باندونق + تجربة سليق الدجاج واسمه بوبور أيام + زيارة سنتر المدينة + تجربة أكل الارانب مشهورين فيها + تجربة طريق دكتور سيتابودي يربط بين باندونق وليمبانق وهو متعرج وعليه محلات الارانب وكثير من محلات الفاكهة وبعض المنتجعات العودة الى جاكرتا عبر قطار الطلقة والتوجة الى بونشاك أو الجبل السكن في فندق بونشاك باس لأني أشوف الفلل غبر آمنة للعوائل زيارة حديقة الزهور + السفاري رائع + مزارع الشاي والاستمتاع بالاجواء الباردة مع البعد عن البارشوت لعدم الأمان العودة الى جاكرتا المسافة 100 كلم مع سيارة خاصة بسائق وخياركم الافضل هنا شقة هنا جنة التسوق والمولات فيها العاب أطفال + تزلج أشهر المولات Taman Anggrek + Plaza Senayan Plaza Indonesia + Mangga Dua + Gandaria والاسواق الشعبية بلا عدد أتوقع الواحد محتاج أسبوعين عشان يمر على كل المولات فيه ملاهي دنيا فانتسي للأطفال جدا رائعة فيه اكواريوم ضخم وسفاري + Kidzania التنقل + طلب الأكل يكون عبر تطبيق Grab يومية السائق عادة من 550,000 إلى 600,000 روبية قد يفيدكم ما كتبت هنا https://www.arabtrvl.com/vb/t55385.html |
توقع شخصي الصرف اليومي لن يقل عن 2000 ريال لذا تكلفة الرحلة بين 35,000 إلى 40,000 ريال لو حبينا نوفر نستبعد بالي ونضيف يوم لكل مدينة أخرى |
الله يعطيكم العافيه ومره شكراً تفاعلكم معايه ومساعدتي |
| الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO