|
بليز ساعدوني يااهل الخبره سفرتي يوم السبت27يوليو انا مسافره اندونيسيا ودورت اماكن سياحه لاكن مااعرف قربها من بعض احتاج احد يساعدني عشان اسوي جدول سياحي ولو احد يساعدني ويسويلي الجدول اكون شاكره له لاني مره تهت احنا عائله مكونه من 7اشخاص 3كبار و4اطفال اعمارهم مابين 5سنين و14سنه رحلتي يوم 27يوليو والرجوع يوم 13اغسطس الرحله من المدينه لكوالالمبور والرجوع من كوالالمبور(اذا احد كان عنده سوال ليش ماخليت الرجوع من جاكرتا حقولكم السبب انها ارخص وعلى الخطوط السعوديه ) المهم وحنزل على جاكرتا واروح باندونق والجبل وانا قسمت الرحله كالتالي فياريت اذا احد يقدر يفيدني ببرامج سياحيه او تقسيم الايام والاماكن القريبه انا جمعت الاماكن السياحيه بنفسي بس مااعرف قربها من بعض المهم التقسيمه كالتالي 2كوالالمبور النزول على جاكرتا ومنها على باندونق 4ايام ومنها على بونشاك 2يوم ومنها جاكرتا 3ايام والنزول على كوالالمبور 6ايام)في اندونيسيا اخترت السكن في باندونق فندق ASTON Tropicana Hotel وبونشاك بسيونا علم وجاكرتا نوفوتيل جاكرتا منغادوا والاماكن الترفيهيه الا ابغاء اروحها مو شرط كلها لاكن احد يساعدني فيها ايت الاحلا والااقدر اروحها انا دورتها ولقيت انها جميله بس مااعرف (ومااعرف ايش فيه مطاعم حلوه اروح اكل فيها ) معليش بتعبكم بس انتو حلي الوحيد وصولي جاكرتا 9ص والمغادره20م ومدة جلستي في اندونيسيا 9ايام باندونق مزرعة الخيول -مزرعة الفراولة-ملاهي تراس استديو -اسيا افريقيا العظمى-noah’s park-غابة الاوركيد بونشاك سفاري-حديقة شيموري دريم لاند-cimory bairyland-dairyland riverside-مزرعة الالبان جاكرتا الحي الصيني-انشول-مول سنترال بارك -الالف جزيره -aloha pasir putih كوالالمبور مالقيت فيها اي فعاليات غير صن واي وحااخد في هذا الفندق حق صن واي اخر3ايام وحطلع مرتفعات جينتنج يوم غير كده مالقيت اي فعاليات فياريت احد يفيدني ومعليش اعرف اني كثرت كلام بس عشان انا ببحث بنفسي |
يا هلا ومرحبا فيك أنا راح أرتب لك أيام باندونق وهي 4 أيام من جاكرتا تأخذوا القطار السريع whoosh خذوا أرخص تذكرة لأنها كلها 30 دقيقة وتنزلوا في أول محطة وتأخذوا تاكسي الى الفندق الأفضل تحملوا تطبيق قراب من الآن بالجوال السعودي وتدخلوا بطاقة فيزا كوسيلة دفع ومنها يخصم المبلغ مباشرة من البطاقة بس مهم يكون عندكم انترنت فيه شرح كامل بتقرير جديد لي اندونيسيا بين الأمس واليوم اليوم الأول نبدأ في Cihampelas walk لأنه دقيقتين مشي من فندكم وهو عبارة عن مجمع تجاري كبير لابد تستكشفونه فيه ستاربكس ومقابله محل الدونات الشهير JCO الدور الأرضي سوبرماركت ضخم + محلات متنوعة فيه مطعم اسمه D"COST بالدور الأرضي يعجبني حول المركز التجاري مئات المحلات اليوم الثاني نطلع حول 11 الى 12 الصباح نأخذ تاكسي قراب كبير ونروح البركان VOLCANO ثم المياة الحارة HOT SPRINGS ثم مزرعة الحليب والخيول في ليمبانق LEMBANG لا تنسوا تجربوا حليب ليمبانق susu من المزرعة لأنه مشهور بطريق الرجعة نروح لمول PVJ باريس فان جافا فيه كل الماركات + ستاربكس + مطاعم بلا عدد أهمها برأيي The People Cafe وهو مطعم معروف ومطعم مختص بالساتي اسمه SATE KHAS SENAYAN المول فيه دور علوي sky view اطلعوا امشوا فيه مفتوح من فوق المول عبارة عن 4 أدوار لذا زوروا حتى الدور الأرضي فيه العاب أطفال اليوم الثالث ممكن تروحوا مدينة الألعاب ترانس استوديو وبعدها تزوروا شارع داقو dago تمشوا فيه (شوفوا يوتيوب) وبعدها شارع braga برضه مشهور بالويكند يقفلوه للمشاه فيه مطعم اسمه suis butcher بشارع براقا مشهور بالستيك اليوم الرابع مول باسكال 23 وفيه ماركات وستاربكس لكن أرشح لك تجربة كافيه croco كروسان فريش وقهوة اثيوبية بجانبه مطعم The People Cafe لكن خارج المول من بوابة Ruhal لو لفيتوا يسار فيه سرا على مطعم برقر لابد تجربوه اسمه Mountain Boys Burger راح أكتب لكم مواقع ومطاعم اضافية ممكن تحطوها بالجدول لو توفر وقت لديكم :e032: |
الله يسعدك دنيا واخره ومره شكراً طيب معليش كنت بسالك حديقة اسياء افريقيا العظمى مااقدر اضيفها في اي يوم لانه معايه اطفال واحسها مره ممتعيه في معلومه نسيت اقولها انا في اندونيسيا معايه سواق من اول ماانزل المطار وهو حيطلعني الجبل وباندونق ويفضل معايه طول الوقت طيب كده الحمد لله اقدر اسوي جدول لباندونق ❤ الله يسعدكم يا اهل الخبره افيدوني في باقي المناطق😣 ومره شكراً على مجهودك حقيقي انقدتني وانا في انتظارك على باقي المطاعم والله يعطيك العافيه |
فيه معالم كثيرة ممكن تضيفوها وهذا يعود لرغبتكم كمثال : الجسر المعلّق SUSPENSION BRIDGE يبعد 50 كلم من فندقكم بس ممكن بالسيارة 1:30 ساعة https://www.arabtrvl.com/up/uploads/...8815024461.jpg برضه فيه كافيهات نهاية شارع DAGO تطل على مدينة باندونق من أعلى الجبل مثل The Stone Cafe كثير من ماليزيا يتسوقوا من باندونق لرخص الاسعار وتحديدا في هذا الاوتلت وحوله محلات مشابهة هذا موقعه تفرجوا عليه https://rumahmode.co.id/ فيه مطعم تراثي مشهور هنا لابد تجربوه https://www.kampungdaun.id/ عموماً أنا موجود في باندونق ممكن ترسلون لي اذا احتجتوا أي مساعدة :e032: |
اقتباس:
|
الله يسعدكم و الله خلاص قيدي دحين في باندونق |
| الساعة الآن 03:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO