|
نصايحكم على الجدول وبعض الاستفسارات بسم الله الرحمن الرحيم السلام عليكم ورحمة الله وبركاته اولا ابارك لكم رجوع المنتدى واشكر الاخوه القائمين على المنتدى والله يجعل مايقدمونه من المساعده في ميزان حسناتهم ومن افضل الى افضل باذن الله الموضوع راح يكون مقسم على خمس اجزاء ،،، المناطق,,, السكن,,, الاماكن السياحيه,,,المواصلات,,,الميزانيه عدد الاشخاص للسفر شخص واحد ويمكن يجي معي واحد يعني اثنين انا ان شاءالله طالع لاندونيسيا من 14 سبتمبر الى 3 اكتوبر المناطق,, التخطيط على جاكرتا وبالي وبونشاك وباندونق اول يوم راحه بجاكرتا وبعده اطلع على بالي واجلس هناك 5 ايام بعدين ارجع على جاكرتا ومن جاكرتا على الجبل واقعد بالجبل 7 ايام ومن الجبل الى باندونق 2 يومين ومن باندونق الى جاكرتا واقعد بجاكرتا يومين او ثلاث ايام وفيه جدول ثاني اني اضيف لومبوك بالرحله واخلي بالي ثلاث ايام ولومبوك ثلاث ايام افيدوني اذا كانت تستاهل لومبوك الزياره هذي المناطق الحين السكن ,,, انا سبق لي زيارة اندونيسيا بس ماطلعت الا لجاكرتا والجبل وجاكرتا ماسكنت به لاا اخر يومين وسكنت فيه فندق اظن اسمه ايكسكلوزف (exclusive) وموقعه مقابل لانشول بالضبط وهو اللي بسكن به ان شاء الله برحلتي وباندونق باخذ فندق بادما بونشاك فيه فله صغيره بحجزها من الحين عن طريق الحارس بالي هي اللي متوهق به مادري وين اسكن اقتراحاتكم ياشباب ابي مكان قريب للشاطي وهادي يعني مايكون ازعاج ويكون سعره من 300 الى 400 ريال ولومبوك اذا كنت بزورها ابي فندق كويس لاتبخلون علي بأي نصيحه من ناحيه الجدول والفنادق الاماكن السياحيه جاكرتا انشول وراحه قبل السفر باندونق تسوق بونشاك عندي الاماكن السياحيه ومقسمه وجاهزه بالي هي اللي متوهق به ماعندي اي معلومه عنه لا عن اماكن سياحيه لا عن مطاعم واسواق المواصلات بطلع من جاكرتا على بالي عن طريق احدى شركات الطيران الداخلي واللي اعرفه افضل شي الجارودا وليون واير اسيا والرجعه كذالك ومن باندونق الى جاكرتا عن طريق القطار بالنسبه لجاكرتا وباندونق التكاسي وبونشاك فيه سواق اعرفه اما بالي مادري تنصحوني بسواق او على التكاسي اذا كان يوجد الميزانيه من 15 الى 18 الف ريال كافيه مع التذاكر علما ان قيمة التذكره لجاكرتا 3000 ريال (لحد الحين ماحجزت بحجز اليومين هذي) الاستفسارات شلون الجو بالمناطق اللي ذكرت فوق من 14 سبتمبر الى 3 اكتوبر وخصوصا بالجبل,, انا سبق لي زيارت اندونيسيا لكن كانت باخر شهر مارس وبداية ابريل الشنط المسموح به للطيران الداخلي شنطه او شنطتين والكيلو المسموح به واذا كانت شنطه فيه امكانيه ادفع لشنطه ثانيه لان معي العزبه او اذا كان فيه محل بجاكرتا انزل عنده العزبه ولارجعت من بالي خذيته معي للجبل هذا اللي ببالي الحين وشاكر ومقدر مقدما لردودكم ونصحكم |
رد: نصايحكم على الجدول وبعض الاستفسارات عليكم السلام . . حياك الله . . اول شي اقترح انك تعدل مسار الرحلة ويصير من جاكرتا الى بالي ومن بالى الى باندونق ومن باندونق الى بنشاك ثم الى جاكرتا او العكس اذا ابقيت جدول كما هو أرى انك تستبعد فكرة القطار من باندونق الى جاكرتا متعب جداً والقطار متهالك . . لمبوك وبالى متشابهين الى حد ما وتتفوق بالى عليها بالخدمات السياحية والميزه اللي في لمبوك هي اهل مسلمين اما بالي معظمهم هندوس وانا افضل ان تقتصر على بالي فقط . . برامج بالي اطلع على هذا الموضوع اول شي وبعدين نساعدك باللي تبغى . . السكن في بالي شوف هذا فندق اقتصادي وجميل جداً وموقعه ممتاز حوله كل شي ويفصله عن البحر فندق رامادا وتمشي مسافة بسيطة تحصل شاطي كوتا اسم الفندق Bintang Kuta Bali وهذا الرابط في بوكنق . . اما وسائل المواصلات في بالى التكاسي متوفرة لكن اذا كنت تبغى تزور امكان سياحية يوجد الكثير من الإمكان السياحية خارج بالى لذلك يفضل انك تأخذ سواق خاص باليومية اسعارهم حوالي 350 الف الى 450 الف انت وشطارتك . . اذا عندك أي سؤال لا تتردد نحن في خدمتك |
رد: نصايحكم على الجدول وبعض الاستفسارات يعطيك الف عافيه اخوي الردادي على النصايح بالنسبه لمسار الرحله انا اخترت من جاكرتا لبالي وبعدين لبونشاك علشان العيد بعّيد بالجبل وبالنسبه للبرامج كفيت ووفيت وماقصرت يالغالي الفندق شفته و واذا كان بعد فيه فندق ثاني تنصحني فيه يكون افضل ولاعليك امر ماقصرت اخوي وبيض الله وجهك |
رد: نصايحكم على الجدول وبعض الاستفسارات الله يعافيك والله ياخوي بالي الفنادق متوفرة فيها بكثرة ولا يكاد يكون شارع والا وفيه بعض الفنادق لكن بالي مقسمة الى عدة مناطق القلب النابض فيها هو منطقة كوتا لذلك انا انصحك بالسكن هناك كذلك الأسعار معقولة جداً اما اذا انت تبحث عن الهدوء عندك منطقة نوسا دو او سيميناك والاسعار متفاوتة |
رد: نصايحكم على الجدول وبعض الاستفسارات الله يعافيك يالردادي وباذن الله بحجز الفندق اللي قلت لي عليه ,,,, الردود بالبوكينق مشجعه حيل ومره ثانيه عافاك الله يالغالي وماقصرت |
رد: نصايحكم على الجدول وبعض الاستفسارات أهلا بك يالغالي .. وحياك ربي بين إخوتك .. ونقدِّر لك ثقتك بالمنتدى .. حبيبنا وخبيرنا الجميل ( الردادي ) أعطاك الإجابة المناسبة .. خصوصا خطة السير كلامه ظ،ظ*ظ* ظھ ظ،ظ*ظ* صحيح ومناسب .. ممكن أقول لك بأن الجو بإندونيسيا طوال السنة واحد .. لإنها بلد استوائي .. بالي جميلة جدا .. لا تفكر بلمبوك .. وبما أن احتمالية سفرك لوحدك كبيرة .. سيكون البونشاك ممل خصوصاً بعد غروب الشمس وسبق لك زيارته .. لماذا لا تأخذ من لياليه وتضيفها لجزيرة بالي .. الجزيرة شبابية وفعالياتها كثيرة ولن تشعر بالوحدة أبدا وأنت بين جنباتها .. أفضل منطقة لك فيها هي منطقة ( كوتا ) منطقة حيوية ولها شاطيء جميل .. جاكرتا .. أعطيتها من الليالي ما لا تستحقه .. مدينة صاخبة ومزعجة وزحممممة .. ربي يوفق يالغالي .. |
رد: نصايحكم على الجدول وبعض الاستفسارات اقتباس:
ويوفقنا وياك وكل مسلم والله يعافيك وماقصرت ملاحظه// انا سبق لي زيارت اندونيسيا وكانت رحله موفقه بحمد الله وفضله والفضل بعد الله لكم اقصد المنتدى والله بدون مبالغه 99% من اللي شفته كنت عارفه من المنتدى من اول مانزلت من الطياره ولين مارجعت للطياره وحقيقه مادري وش كنت بسوي لو ماعرفت المنتدى وعرفت الناس الطيبين به واخص بالشكر ,,,,, نديم الصبر ,,, طارق 2004 ,,, مشرفنا الغالي المصباح ,,, عمدتنا جاكا ,,, و اديبنا وشاعرنا الطائر الجريح ,,, واخواننا سلطان 500 والشمالي سلطان والكثير من الاخوان اللي كانوا السبب بعد الله بنجاح الرحله واشكر اخوووي الردادي واشكرك على مساعدتك |
| الساعة الآن 02:10 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO