شبكة و منتديات العرب المسافرون - مبروك عليكم الشهر واستفسار ربي يحفظكم

- بوابة البحرين (https://www.arabtrvl.com/vb/f70.html)

مبروك عليكم الشهر واستفسار ربي يحفظكم

السلام عليكم

فيه محلات بالبحرين تعمل السمبوسه وتقليها .. احتاج اعرف وين هالمحلات بالضبط موجوده ومن يعمل فيها هنود او بحرينيين

وش هالمنتدى الفاضي مافيه الا انا وانا ههههه

4 ايام كني جالس بالخلاا

باذن الله الاعضاء يردوا عليك
تمنيت اساعدك
وبرفع الموضوع عشان باقي الاعضاء

هذي المحلات موجوده في كل انحاء البحرين مثل الخباز بكل منطقه تلاقينه بسوق المحرق بالقضيبيه والمنامه بمدينه عيسى ومدينه حمد ز حتى يلفون سمبوسه لرمضان بعد اتودين حشوتج وايلفونها لج . الغالبيه العضمي هنود يسون السمبوسه ويبيعونها باسعار رخيصه جدا. بس لو تبين سمبوسه لذيذه واحلى من محلات الهنود في محل اسمه نجمه رمسيس بالقضيبيه يسوي سمبوسات ممتازه . عماله بعد هنود بس هو كفتيريا ارقى بشعره من محلات الهنود .

اتمنى اني افدتك

تحياتي

وعليكم السلام و مبارك عليك الشهر

السمبوسه وجبه رئيسيه تلقاها في كل مكان في البحرين من المطاعم ٥ نجوم الى الكافتيريات العاديه
المحلات المختصة بالسمبوسه اغلبها عمالتها هنديه بس في محلات خاصه بحرينيين
بالمختصر اي شارع تمره في البحرين راح تلقى فيه محل سمبوسه

السلام عليكم والشهر عليكم مبارك

مبارك عليك الشهر
اشوفك حولت على سمبوسة البحرين

في محلات كثيرة منتشرة في البحرين لبيع السمبوسة ..

ولكن هناك العادي والمتميز ..

ويوجد من البحرينيين اللي يعملون في البيوت .. وطبعاً أسعارهم نار ..

وفي الهنود اللي يعملون في المحلات .. وطبعاً أسعارهم معقولة ..

لكن المحلات المتميزة هي (المذاق الطيب) لديه سمبوسة (الجبن والدجاج واللحم)

وأيضاً من المحلات المتميزة (نجمة رمسيس) ..

ويتراوح سعر الدرزن من (800) فلس إلى (دينار واحد) ..

والبحرينيين اللي يعملون السمبوسة تتراوح أسعارهم للدرزن من (1.500) دينار إلى (2.500) دينار

ومحلات الهنود تتراوح أسعارهم لـ (100) حبة ما بين (3.300) إلى (4.000) للجبن، والخضرة ما بين (1.600) إلى (2.000) لـ (100) حبة ..

وفي محلات إدارة بحرينية لكن يعمل فيها هنود وأيضاً أسعارهم جداً جداً مرتفة يوصل سعر الدرزن إلى (3.000) ولكنهم يعلون خلطات كثيرة جداً وأفكار جديدة ..

وأتمنى أني أفدتك .. وإذا في أي استفسار آخر حاضرين لك ..

وبالتوفيق إن شاء الله ..