شبكة و منتديات العرب المسافرون

- بوابة البحرين (https://www.arabtrvl.com/vb/f70.html)

- - السفر إلى البحرين (https://www.arabtrvl.com/vb/t44576.html)

السفر إلى البحرين

معذرة للتأخر ...

البحرين مساحتها صغيرة جداً .. لا أعتقد بأن موقع السكن ذا أهمية ..

خصوصاً وإن كان معك سيارة ...

زرت سوقي المحرق وكذلك المنامة وكلاهما مميز وإن كنت أُفضِّل سوق المنامة ..

وبالنسبة للسكن ... البحرين ممتلئة جداً بخيارات السكن وبكافة المستويات ..

كل ماعليك ابحث عن خيارات السكن في مواقع الحجوزات كبوينق أو هوتيل وغيرها ..

اقتباس:

المشاركة الأصلية كتبت بواسطة العماني (المشاركة 509065)

السلام عليكم
لطالما كنت اريد السفر إلى البحرين
من زمن طويل ولكن بسبب العمل والدراسه
أجلت الموضوع والآن جاي الوقت المناسب
إلى الذهاب إلى ارض البحرين الطيبة
فأرجو المساعدة في بعض الامور اخواني

أريد السفر من مسقط الى مملكة البحرين جوا

ماهي الفنادق الذي في وسط المدينه القريبه من الأسواق التاريخية ؟؟
توجد عدة فنادق قريبة من الأسواق التاريخية .. منها (فندق روتانا داون تاون) في سوق المنامة
(فندق الريجنسي) في سوق المنامة فيه عندهم مبنى خاص بالشقق .. طبعاً هذي فنادق خمس نجوم وعائلية .. في فنادق من فئة النجمتين والثلاث لكن ما أنصح فيها وقديمة جداً جداً .. هذي الفنادق اللي ذكرتها لك بالأعلى تقدر تروح سوق المنامة مشي على الأقدام وقريبين من باب البحرين.

وين مواقع السواق التثراثيه
ملاحظه ما اريد مولات ههه عندنا بكثره هههههه
سوق المنامة + سوق المحرق + سوق القيصرية في سوق المحرق

أحسن الفنادق او الشقق ؟؟ اللي تكون قريبه
مثل ما ذكرت لك في الأعلى أسماء الفنادق .. وإذا كنت بغيت فنادق شوية بعيده ما في أي مشكلة إذا كنت بتستأجر سيارة لأن المسافة راح تكون قصيرة جداً .. وعطنا خياراتك (كم عددكم و كم ميزانيتكم للفندق) وراح أساعدك في اختيار الفندق.

كم سعر الفنادق والشقق السياحيه ؟؟
تبدأ من 40 دينار بحريني ولغاية 200 دينار بحريني

سؤال مهم جدا هل يوجد محل تأجير السيارات قريب من الأمطار
في المطار أول ما تستلم الشنط واتطلع من البوابات الداخلية راح تجوف الكثير من مكاتب تأجير السيارات

وكم أسعار التأجير
يعتمد على نوع السيارة اللي بتاخذها وتبدأ تقريباً من 15 دينار بحريني

ولكم الشكر والتقدير

واعتذر ع الاطاله

وحاضرين لك أخوي في أي خدمة