|
CUT by Wolfgang Puck - Four Seasons Bahrain Bay السلام عليكم و رحمة الله وبركاته ان شاء الله هالتقرير يكون خفيف وبسيط و اتمنى يعجبكم عن زيارتي للمطعم الخيالي أمس في فندق فور سيزونز الغني عن التعريف مطعم CUT by Wolfgang Puck للشيف ولفغانغ باك - اشهر من نار على علم و اول ما فتحوا الفندق زار المطعم كم يوم و كان فيه اكثر من عرض للناس ال VIP و بدعوات خاصة طبعا الفندق فيه 4 مطاعم اثنين منها لنفس الشيف و ان شاء الله نجربهم و نعطيكم راينا فيها للاسف ما صورت وايد لان ما كان في بالي اكتب هالتقرير لكن اليوم تشجعت و ان شاء الله تكون على الاقل المعلومات كافية حجزنا في نفس اليوم و متأخر .. تقريبا الساعة 7 ونص كلمناهم .. قالوا مافيه حجز الا الساعة 10 قلت لزوجي مو مشكلة بالعكس احسن عشان انوم اليهال و نروح مرتاحين تكشخنا و رحنا الفندق .. و انا من زود ما سمعت عن جمال الديكور كنت وايد متحمسة .. و من انبهاري من جمال اللوبي ما صورت فندق Four Seasons Bahrain Bay يعتبر أجدد و أفخم فندق في البحرين حالياً تم إفتتاحه برعاية رسمية من رئيس ديوان جلالة الملك الشيخ خالد الخليفة بحضور شخصيات بارزة في المجتمع البحريني اللوبي خيااااال و المرة الثانية اذا رحنا بإذن الله ضروري اصوره لكم معلومات من الموقع الرسمي للفندق يتميز فندق فور سيزونز خليج البحرين بتصميم استثنائي. فهو يشمخ بارتفاع ٦٨ طابقاً على جزيرة خاصة بمساحة ٥ هكتارات (١٢ أكراً)، يمكن بلوغها عبر الجسر، أو عن طريق القارب، أو التاكسي المائي. تقع غرف الفندق الواسعة في الطابق ١١ حتى طابق ٢٨ وتتضمن ٥٧ جناحاً، تطل جميع الغرف على مناظر رائعة للعاصمة المنامة أو الخليج العربي. نوفر لك سبعة خيارات لتناول الطعام والمشروبات في الداخل أو في الهواء الطلق، منها مطعمان بحرينيان متميزان، ولاونج للشيف العالمي وولفغانغ باك. استرخي حول إحدى الخمس برك للسباحة واستمتع بمنتجعنا الصحي الذي تضيئه أشعة الشمس الطبيعية، كما اننا نقدم باقات من وسائل الراحة للرجال والنساء وللنساء فقط، ليصبح منتجعنا الفخم الرائد في المملكة. سألنا العامل الواقف عند الباب عن مكان المطعم و قال روحوا الممر اللي على اليمين الممر شوي طويل لكن نتحمل عشانك يا ولفغانغ .. و لفت انتباهي ان مجوهرات البحرين يجهزون فرعهم في الفندق (حاسبوا على مخابيكم اذا بتودون زوجاتكم) وصلنا المطعم على يسارنا و دخلنا و في استقبالنا الموظفة صعدتنا بالمصعد للمطعم .. فيه درج يصعدكم فوق و ما عرفنا عنه الا واحنا نازلين ودونا على طاولتنا و انا مو مصدقة الزحممممممة في المطعم .. مع انه يوم وسط الاسبوع ( في بالي اتخيل الوضع في الويكند شلون يصير) الحمدلله حطونا في بوث تقريبا ملموم بعيد عن الزحمة .. و قلت معليش ما عندنا فيو على البحر بس اهم شي بعيد عنهم لاني ما احب الزحمة و للامانة على الزحمة لكن المكان هادئ و ما حسينا بأحد أبدا اول ما وصلنا جاب لنا الويتر المنيو و عرفنا عن نفسه .. نسيت اسمه والله بس من مولدوفا و شرح لنا عن انواع اللحم .. و كان جدا متعاون في الشرح و يعطينا ادق التفاصيل طلبنا تورتليني بالجبن للمقبلات 2 ستيك فيليه مينيون الواقيو الاسترالي ( انا بالصوص الارجنتيني و زوجي بالستيك صوص مع اضافه سبانخ و ماش بوتيتو) وقال وقت السويت انصحكم بالسوفليه كل شوي كان احد يمر علينا و يسأل اذا مرتاحين او لا او يشرح شي عن المطعم او بس يبتسم وحسسونا أنهم مهتمين فينا و في طلباتنا .. تذكرنا ان ما طلبنا المشروبات و طلبنا منيو المشروبات الغير كحولية و بصراحة انا احترت شنو اختار ... قال شنو تحبين قلت له البيري و الفراولة .. قال جربي موكاتيل الروز و الكرانبيري .. قلت له يلا على ذوقك اول شي يابوا لنا خبز و زبد طريقتهم يعطونا صحن الزبدة بالاعشاب و صينية فيها اعتقد 6 انواع خبز و بشرحون عنهم و انتو تختارون انا اخترت خبز بالحبوب و خبز الزيتون و زوجي نفس الشي و كانوا لذيذين بس للاسف ما صورتهم اول طبق وصل كان المقبلات اتعب و انا اقول خياااال .. حشوة الجبن لذيذة لكنها مو طاغية الصوص لذيذ جدا جدا انتظرنا الموكاتيلز اللي تاخروا شوي فيه ولما سألنا عنهم قال الويتر لان قلتي تحبين البيري الشيف بيسوي لج اياه بالبيري مو الكرانبيري .. بس انتظري شوي عشان يجيب البيري قلت معليش ننتظر الابداع وصل الستيك .. وشنو اقول عن الستيك اه يا لذته .. و طراوته .. و نكهته .. و تتبيلته .. و الصوصات بروحها خيال هذا طبق زوجي و انا مادري وين راحت صورة طبقي .. انا طلبته نفس الشي بس الفرق Butterfly cut عشان الستيك يكون اطرى والله ان اللحم يذووووب واحنا ناكله مع انا طلبناه Well Done .. اسمتعت بكل لقمة .. حتى بدون صوص .. اللحم بس بالتتبيلة اللي عليه خيااااااال وصل الموكاتيل اللي اتعب و انا اقول لذيذ .. و يستاهل الانتظار http://www.arabtrvl.com/vb/picture.p...ictureid=29778 http://www.arabtrvl.com/vb/picture.p...ictureid=29779 صور السناب تصويري طبعا .. مثل ما قلت ما كنت ناوية اكتب التقرير طعم الروز خفيف بس مميز و الرازبيري لما ذقت الفريش كان سويت طبيعي ما شاء الله مو مثل الحامض اللي نشتريه خلصنا .. و حاسة اني شبعت .. بس الشوكلت سوفليه في بالي طلبنا السويت منيو .. و قلت لزوجي انا ما راح اغير عن السوفليه .. و اهوه جرب بنانا كريم بروليه باي .. اعتقد اسمها جذي وشنو اقول عن السوفليه و شنو اخلي لما وصل كانو اثنين شايلينه .. و الله ما اجذب .. بالعادة السوفليه يكون في صحن صغير بس هذا XXL الاول شايله و الثاني شايل 3 صحون صغيرة .. و قال يلا نصور صورت العذاب بالفيديو و أنا ما اعرف احمل الفيديو و الا كان حطيت لكم العذاب اللي شفته فتح فتحه صغيرة في وسط السوفليه و قال (أول شي عندي جوكلت عمره 10 سنوات عشان يوصل لهالنكهة القوية) وصب الشوكلت في الفتحة و من فوق السوفليه بعدين حط فوقه ملعقة فريش كريم وبعدين سكوب شوكلت ايسكريم وبعدين صب بقية الشوكلت فوق الايسكريم و قال تفضلوا وانا كنت بس باصيح .. عيوني شبعت قبل لا اكل .. و الحجم اصلا مخوفني ها .. تعذبتوا معاي وهذا السويت اللي طلبه زوجي .. ما فكرت حتى اذوقه لاني كنت مندمجة بالسوفليه بس زوجي يقول لذيذ http://www.arabtrvl.com/vb/picture.p...ictureid=29780 كل شي عجبني بالمطعم .. من الخدمة .. للاكل .. للمكان بلا استثاء تنوع النكهات في الاكل جدا مميز .. مافيه نكهة تطغى على الثانية .. و الخلطات بينها مو طبيعية من لذتها و ما كان ودي تكمل هالليلة .. ليتنا بس حجزنا بالفندق لكن الجايات اكثر ان شاء الله فاتورتنا النهائية مع الخدمة تقريبا 132 د.ب و السعر لو كان مرتفع شوي لكنه متوقع عشان اللحم اللي اخترناه ( فيه انواع ارخص) وعشان المكان و مستوى المطعم بعد لكن اكيد تجربة بتتكرر بإذن الله هذي صورة ختامية لشكل المطعم من مكاننا على طاولتنا الجميلة http://www.arabtrvl.com/vb/picture.p...ictureid=29782 و ان شاء الله هالتقرير البسيط يعجبكم و يشجعكم تزورون البحرين و المطعم |
رد: CUT by Wolfgang Puck - Four Seasons Bahrain Bay و عليكم السلام يا هلا و مرحبا أم ريمه ما شاء الله الفندق باين عليه روعة و يستاهل الزيارة و المطاعم شكلها عالمية لابد لها من زيارة أكيد نزور البحرين الحبيبة عشان أهلها الطيبين حياك بيننا و للعلم قمت باضافة الصور حسب ترتيبك لها شكراً على هالتقرير الجميل |
رد: CUT by Wolfgang Puck - Four Seasons Bahrain Bay عليكم بالف عافيه يام ريمة المهم في الموضوع قبل لا اكتب ردي انكم استانستوا وتهنيتوا ان شاءالله المطعم والفندق شوقتينا عليهم وحسافه الصور مو كلها موجوده بس احس السعر غاااالي بالنسبه للطلبات وخاصه الستيك اشوفه قطعه صغيره والسعر الاجمالي طلع لكم ١٢٣ دينار لا واااايد غالي اذا هذا سعر العشوة عيل الليله بالفندق كم سعرها المهم انه عجبكم وعليكم بالف عافيه وان شاءالله تقضون فيه احلى الايام |
رد: CUT by Wolfgang Puck - Four Seasons Bahrain Bay اقتباس:
وحياك الله بين أهلك في ديرتك يالطيب |
رد: CUT by Wolfgang Puck - Four Seasons Bahrain Bay اقتباس:
السعر كان غالي عشان قطعة الستيك الواقيو الاسترالي الوحدة ب 36 د.ب يعني الثنتين ب 72 دينار فيه انواع ارخص بس على ما اظن كانت ارخص قطعة ب 22 دينار بس صدقيني على مستوى المطعم و الطعم يستاهل و نص وعموما مطاعم الستيك المتخصصة اسعارها بالعادة تكون غالية حبتين جربي و بتدعين لي صدقيني .... ألف شكر لج يا أم حسين .. تراني من متابيعنج بعد في الانستقرام |
رد: CUT by Wolfgang Puck - Four Seasons Bahrain Bay سلمت أياديك أختي العزيزة أم ريمة ع التقرير الرائع والصور اللي تفتح النفس الله يهديج بس :(37): ههههه خاصة هذي الصورة :(56): http://www.arabtrvl.com/vb/picture.p...ictureid=29781 بالعافية عليكم |
رد: CUT by Wolfgang Puck - Four Seasons Bahrain Bay اقتباس:
الصورة تقول عليها الله يهديني .. لو شفته بعينك شتقول :yolks00720: تسلم على الرد |
رد: CUT by Wolfgang Puck - Four Seasons Bahrain Bay اقتباس:
عطيني خبر بالانستغرام ان شاءالله نجربه ربي يعطيج العافية |
رد: CUT by Wolfgang Puck - Four Seasons Bahrain Bay بالعافيه عليكم المعلومات كافيه والصور ان شاءالله بالمرات الجايه بما أن الشيف عالمي ممكن السعر يلعب دور شكرا لك |
رد: CUT by Wolfgang Puck - Four Seasons Bahrain Bay اقتباس:
ايه عليك بهالدعوات الزينة استاذنا المدير ان شاء الله الجايات اكثر و نكون اخذنا ليلة في الفندق عشان اخذ راحتي و اصور لكم كل زاوية و كلامك صحيح .. الشيف العالمي له دور في سعر الوجبات خصوصا ان هالشيف عنده نجمة ميشلان يعطيك العافيه على الرد |
رد: CUT by Wolfgang Puck - Four Seasons Bahrain Bay عليكم بالف عافيه يا ريمه الصور تتكلم عن نفسها :(34): |
رد: CUT by Wolfgang Puck - Four Seasons Bahrain Bay هنا وعافية مبين الفخامه يعطيك العافية |
رد: CUT by Wolfgang Puck - Four Seasons Bahrain Bay هنا وعافية مبين الفخامه يعطيك العافية |
رد: CUT by Wolfgang Puck - Four Seasons Bahrain Bay يعطيك الف عافية |
رد: CUT by Wolfgang Puck - Four Seasons Bahrain Bay عليكم بالعافية ( أم ريمه ) فعلا أجواء فاااااخرة تستحق .. ويكفيه إن في وسط الفور سيزون .. تقرير جميل جدا وكان سردك جدا وااااضح .. |
رد: CUT by Wolfgang Puck - Four Seasons Bahrain Bay رائع بروعتك .. شكرا على الطرح الراقي هولمز |
رد: CUT by Wolfgang Puck - Four Seasons Bahrain Bay اقتباس:
الله يعافيك شكرا على الرد |
رد: CUT by Wolfgang Puck - Four Seasons Bahrain Bay اقتباس:
الله يعافيك المكان من غير الاكل يجنن ومع الاكل يصير ادمان شكرا على الرد |
رد: CUT by Wolfgang Puck - Four Seasons Bahrain Bay اقتباس:
الله يعافيك و شكرا على الرد |
رد: CUT by Wolfgang Puck - Four Seasons Bahrain Bay اقتباس:
طبعا .. كفاية المطعم يكون في الفور سيزون لكنه كان قد التوقعات .. و كل شي فيه جميل شكرا على الرد و يسعدني ان تقريري حاز على اعجابك |
رد: CUT by Wolfgang Puck - Four Seasons Bahrain Bay اقتباس:
نتعلم منكم اخوي شكرا على الرد |
رد: CUT by Wolfgang Puck - Four Seasons Bahrain Bay تقرير حلو ومنعش ام ريمه وبإنتظار المزيد. |
رد: CUT by Wolfgang Puck - Four Seasons Bahrain Bay http://www.arabtrvl.com/vb/picture.p...ictureid=29777 والله شيء جمييييييييل ما شاء الله .. صورة المشروب تجيب الراحة ههههه الله يعطيك العافية |
رد: CUT by Wolfgang Puck - Four Seasons Bahrain Bay اقتباس:
وهلا باللي يتابعون بعد الانستقرام اشطحي حسابك بالخاص |
رد: CUT by Wolfgang Puck - Four Seasons Bahrain Bay اقتباس:
فعلا يالغاليه يعتبر من اهم وافخم الفنادق في البحرين وكل من يسكن فيه شخصيات ومناصب ومن يملك المال الوفير او من يبي الرفاهيه والراحه والدلع وقضاء اغلب الوقت فيه انما سالفة الستيك يقرمش والامايقرمش ناطع والا موناطع والا الحلو اللي قمت اتسعبل وابلع ريقي اخ ياقلبي ام ديمه عليج بالعافيه واشطحيلي حسابك بالانستا ياشيخة انتي واهي بالخاص الرسائل والله يستر من الفضايح لاتعلمون احد بعد ما اضيفكم :yolks0010::yolks00390: |
رد: CUT by Wolfgang Puck - Four Seasons Bahrain Bay يعطيج العافيه ام ديمه وانتي من يستحق هالنجمه ع هالتشويق بالصور فعلا السفر لذيذ ولذته بالمطاعم بعد والتسوق هههه سعدت بتقريرك |
عليكم بالعافيه ام ريمه ومعروفين دايم الستيكات السنعه واللذيذه غاليه سوفليه الكاكاو يالهوي [emoji174][emoji174] Sent from my iPhone using Tapatalk |
اقتباس:
Sent from my iPhone using Tapatalk |
مساء الخير مطعم أو المخبز ذوق وجميل جداً واما الشوكولاتة فـ واعرة بزافــ ، بالعافية ويسلموا الانامل علn الموضوع |
| الساعة الآن 08:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO