|
Lumee Street Cafe Lumee Street Cafe لومي اليوم راح ناخذكم في تجربة جديده لواحد من احدث المطاعم الي فتحت في البحرين وهو Lumee Street Cafe. يقع في مجمع العالي وهو تابع لسلسلة مجموعة الابراج للمطاعم والي تظم مجموعه من اشهر المطاعم في البحرين مثل الابراج , مقهى البنديره , نيواسيا . فكرة المطعم مستوحاه من مطاعم الشوارع التقليديه مع اضافة لمسات عصريه تجعل التجربه جديده ومثيره . المطعم مفتوح يوميا من الساعه 8:30 صباحاً الى 11:30 مساءاً. والي ما يعرف معنى لومي فهو الليمون باللهجه البحرينيه العاميه . تجربتنا كانت لوجبة الريوق , والي فهمته منهم انه كل وجبه لها طريقتها الخاصه يعني الريوق منيو ونختار والغدا يكون اطباق محدده كل يوم . نبدأ جولتنا المدخل ديكورات داخل المحل منتجات صناعه محليه للبيع |
رد: Lumee Street Cafe نجي للمنيو هذا منيو الريوق تختارون 3 اطباق مع طبق حلا ب 3,500 دينار وهذي كانت اختياراتنا فطيرة لبنه بالزعتر – لذيذه ساخنه ومافيها عجين وايد بلاليط – لذيذ بطاط وبازلا (هندي)- لذيذ جبود = كبده – مو ذاك الزود و مالحه فلافل – جيده بس متحمره بزياده من الخارج شكشوكه ( بيض وطماط) – ما عجبنا كله طعم سوس الطماط ومعاهم سلة خبز وطلبنا كرك واخر شي الحلا اختارته ريوم جوكليت كيك وسلطة فواكه طازجه وهذي انواع من الكيك الموجود عندهم بس طلبهم بروحهم ما يكون من اختيارات الريوق احنا طلبنا ريوقين يعني 6 اطباق و2 حلا لانه شفنا الصحون الي يحطون فيهم الاكل صغار بس طلع وايد علينا . الفاتورة كانت 10 دينار شامله الخدمه . تقييمي الخاص للمطعم 8 /10 |
رد: Lumee Street Cafe يسلمو أم ريم على هالمكان الحلو وصحتين وعافية يارب شكل الفطاير مشهية يلا إن شاء الله على أول شهر 4 لي زيارة عمل إذا صحت لي فرصة أجرب الفطور عنده |
رد: Lumee Street Cafe صحتين وعافية أم ريم يازين الكبده والكرك بالفطور |
رد: Lumee Street Cafe احلى شيء الشيزات مممم تخبل يسلمووووا ام ريم مشرفتنا ماقصرتي هولمز |
رد: Lumee Street Cafe يعطيج العافيه ياام ريم على هالريوق الحلو تحياتي |
رد: Lumee Street Cafe تسلمين ام الريم بس شكله متعوب عليه |
رد: Lumee Street Cafe شكرا لك ( أم ريم ) تجربة جميلة جدا .. بالعافية عليكم يا رب |
رد: Lumee Street Cafe عوافي يا ام ريم |
رد: Lumee Street Cafe بالعافية يا ام ريم تجربة جميلة .. ربي يسعدكم |
| الساعة الآن 11:33 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO