|
حكاية .. سحب المبلغ وإلغاء الرحلة وتغير المسار .. قصتي للفايدة تم التحديث .. طبعاً انا كنت ناوي اروح اليونان في شهر أكتوبر المقبل اللي هو بعد الحج باذن الله ولكن بعد الحج طلع لي شي في راسي وغيرت موجة اليونان الى المانيا وسويسر والنمسا واثينا طبعا انا حجزت في جزيرة سانتروني ب2500 ريال فندق ب582 يورو ... المهم الفندق قال ان الحجز غير مسترد وسحب المبلغ بعد الجحز بــ 5 أيام تقريبا .. صور السحب على بنك الانماء انا قلت https://f.top4top.net/p_929m3kbj0.png عوافي طبعا السحب قبل التغيير ولكن بعد موجة التغيير جالس افكر في فلوسي 2500 ريال ليش اخليها تروح لازم حل يا وليد أيش الحلول .. طبعا البعض يفكر خلاص انتهى الامر وماعاد ينفع وان الحجز او عدم الحضور عليه غرامة وفلوسك ما ترجع .... حجزي كان من بوكنج البطل طبعا بوكنج يهمه العميل قبل الفندق بشكل كبير طبعا دورت لرقم بوكنج ودقيت عليهم (( 8008448510 )) لشركة زين والاتصالات السعودية موبايلي ما يدق مدري ليش ما علينا .. دقيت وجلست ع الانتظار يمكن 11 دقيقة رد علي موظف اسمه احمد الله يسعده ربي يسعده علمته وقلت ابي حل قال طيب هات رقم الحجز والرقم السري للحجز وخليك ع الانتظار قلت طيب رجع لي يمكن ب3 دقايق قال في حلين يا انك تغير موعد الحجز وهو الاسهل او اني ارسل ايميل بظروفك وباذن الله يجيك استنثاء بعودة الى حسابك البنكي قلت طيب ... ارسل لي ايميل المغرب وجاني رساله على طول على الايميل بانه تم الارسال وفي انتظار الرد ... هذا الفندق العزيز .. https://c.top4top.net/p_929m8qaj2.png طبعاً في فندق ثاني الغاء من قبل الموظف وكان هناك رسوم من قبل الفندق ولكن زي ما قلت لكم طبعاً انا يدي على قلبي وجاني الصبح ودقيت الساعة 11 الصبح ورد موظف اخر قلت طلبت كدا وكدا قال هات رقم الحجز والسري وقال دقيقة وقال ابشرك الفندق وافق على الإلغاء وإعادة المبلغ لحسابك البنكي والحين راح الغي لك الحجز ..وبحمد الله تم الغاء ... ارسلت للفندق رسالة وجاني الرد باعادة المبلغ وراح يتم الايداع قريباًً https://b.top4top.net/p_9291w1151.png https://d.top4top.net/p_929905no3.png هذي قصتي .. مرفق لكم الاثبات على كلامي وهذا للفايدة اذا راق لك الموضوع هات رايك يا غالي . تحديث أولي تم ايداع المبلغ في حسابي بعد ٧ ايام من إبلاغ الفندق لي بذلك والحمد لله |
برافو عليك :72: المفروض الواحد ما ييأس ويحاول فهو ما راح يخسر شي لو حاول. وبالنسبة لقصتك فمطالبتك منطقية جدا وان كان الدفع غير مسترجع لانه موعد حجزك بالفندق لا زال متبقى له 3 شهور والفندق يستطيع ان يعوض غيابك. |
زين سويت وليد خصوصا ان سفرك باجي عليه وقت من حقك تطالب فيه وحلو تعاون بوكنغ وشكرا على طرح التجربة للفايده |
بوكنق اسعارة اغلى من المواقع الاخرى لكن بوكنق موقع بطل يقدر العميل و اذا حصلت له مشكلة يساعدة وما يتخلى عنه انا جربت اكثر من مره الغاء حجز غير مسترد من بوكنق اتصلت عليهم والغوا الحجز ويرجعوا الفلوس وكان احد الفنادق عندما وصلت الفندق حصلت مختلف عن المعروض بشكل كبير وقيمة الحجز عاليه حوالي 2500 ريال قلت اكلم بوكنق واشوف ايش يقول كلها 5 دقائق بس والا بوكنق يتصل على الفندق و بعد انتهاء المكالمة وموظف الاستقبال يقول لي خلاص الغينا الحجز توكل على الله |
برافو عليك ياوليد هذا الشغل الصح الواحد ما يتنازل بسهولة والحقيقة برأيي أن من يستاهل الشكر هو ادارة الفندق ولو كنت مكانك لارسلت لهم ايميل خاص برقم الحجز اشكرهم على تعاونهم لأن الفندق لو ما تنازل بوكنق يحاول لك لكن سياسة الفندق هي الحكم مرة حجزت في فندق تاج محل مومباي وصارت ظروف وما سافرت اتصلت على بوكنق قالوا للاسف لا يمكننا مساعدتك سياسة الفندق صارمة بشأن الالغاء وحنا نمشي عليها تواصلت مع الفندق مباشرة بالايميل قالوا ماعندنا مشكلة نلغي الحجز وقاموا بالالغاء من عندهم نفس الشئ صار بفندق في المدينة المنورة بوكنق ماقدر يلغي لان الالغاء يتم من سيستم الفندق وبالفعل الفندق عند الوصول تجاوب معي و الغى فوراً لكن بوكنق يحاول يساعدك قدر ما يقدر |
تحديث أولي تم ايداع المبلغ في حسابي بعد ٧ ايام من إبلاغ الفندق لي بذلك والحمد لله |
حصل لي هذا العام وانا متوجه إلى بلغاريا ، كنت حاجز فندق في مدينة بورقس ، وكان لا يوجد رحلات طيران بسبب اغلاق المطار بسبب الثلوج ، نزلت في ندينة فارنا ، وكان الطريق مغلق الى بورقس ، ، موقع بوكنق هو من تواصل معي ، وسألوني هل وصلت للفندق ؟ فأخبرتهم أني لم أستطع الوصول للفندق بسبب أن الطريق مغلق ، وقاموا بالغاء حجز الفندق ، ولم يخصم علي،، بوكنق بطل ،، شكرا لك |
الف شكر على المعلومه |
انت بطل :72: |
| الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO