|
رحلتي القادمه اوكرانيا يوليو 2019 السالفه من البدايه السلام عليكم :24::24:سيداتي سادتي ايها الشعب الكريم:(95): بعد بحث كثير وحيره من امري حفظني الله ورعاني .. حول اجازتي اين سأقضيها هذا العام - على اني بردت عن السفر وحماسه يمكن شيبت- فمره اقول تونس ولكن الهاجس الداخلي يقول : يبن الحلال وش تبي بتونس بلد عربي وكنك بمصر بس متطوره شوي نفس البيئة والفكره وحده فأقول المغرب طيب اعيد الكره يقولي هاجسي : وش تبي بالمغرب .. بلد سبق وجيته ومراكش وسيدي شمهروش واسواق تعيسه فأقول : شرق اسيا الوجهات التي لاتمل منها فيقول هاجسي الموقر : حر ..وخضار كثير وزحمه .. البلد لاصار ماهو بارد ماضمن لك الروحه والجيه والمتعه بالاضافه الى سواقتهم العكس يعني تصير كأنك كيس شعير مع التكاسي يشيلونك وينزلونك :24: اذا مااستاجرت سياره ومهدت الديار كالــ :e134::e134: ماتعد سفره وبعدين كلها سبق ورحت لها وش من جديد يعني والله البلشه .. ياولد وش فيك .. ياشين الخبرات والتقدم في العمر تصير كل شي تعرفه ويازين الطفه الاوله يوم كل شي متعه وتعجز لاتنام قبل السفر بليلتين ( متى ماصرت تنام بالطياره او قبل الرحله يالله تصحي ) اعرف انك صرت شايب حفظك الله :::: المهم واستمر الجدال بيني وبين هاجسي وشل ابوك وحط ابوك وحقيقه عشان مااكون مثالي وتنظيري .. ابي هالسنه سفر اقتصادي يعني اوربا الغربيه ( سيدة الخيارات الجميله ) شايلها من بالي والا هي اللي مانختلف عليها انا وهاجسي الموقر :6: قلت له تدري .. تبينا ننكب .. ونروح تايلند ولاجينا ندور الواسطات .. قال لا تكفى الا هذي يالله نجيب المره الاوله بغى يجيك منع .. انا صح هاجس واسولف عليك بس ماني سوابق طيب والنهاية .. النهاية جت ببالي فكره .. دوله مرتبه من اوربا الشرقيه قريب روسيا وتصير رخيصه وامنه وتمشي الحال وممكن تسوق فيها وبارده شوي يعني حج وقضا حاجه وفيزتها سهله ( الكترونيه ) وأهو تقول لنفسك رحت اوربا وتقول لاخوياك ( ايااام زيارتي لاوكرانيا اللي هي ضمن الاتحاد السوفيتي سابقا) وتصير مثكف كبير وانت تقول الاتحاد السوفيتي :37: |
عليكم السلام. اختيار موفق جداً. آخر رحلة قبل سنة كانت إلى أوكرانيا مع المدام و لابد لنا من زيارة ثانية. تحياتي، Sent from my iPhone using Tapatalk |
المهم .. قررت فعزمت فقدمت الاجازه من 18-7 السفر ان شاء الله :e134::e134:قالي هاجسي .. يابو لجين ياولد .. هد شوي .. تبي نروح اندونيسيا نجرب غير جاكرتا .. قلت اقول انلطس .. يومني اعرض عليك الديار وانت مجنكر ومسوي وسوسه والله مالك غير كييف :14: بديت بالاجراءات : التذاكر من القصيم elq الى kbp على طيران العربيه 1800 وفلاي دبي 1800 نفسها وبتنام ليله بالشارقه بالفندق حق المطار قول كلها تصفي مع فندقها 2100 ريال تقريبا وهو سعر جميل لسفره 12 او 13 يوم طبعا فيه خيارات من الرياض لكني افضل اطير من مدينتي وارجع اليها .. حتى لو فيها انتظار بالمطار .. تخبرون الكوفي وتقعد تغث ام اصحابك تصور لهم وتزكرت تقول لهم انا في الترانزيت اريا حتى ماتقولها بالعربي :24: الخطووة التاليه الفيزا الالكترونيه -بيض الله وجيه الشباب هنا وفي المواقع وفي اليوتيوب ماخلو لسائل يسأل حجه .. شروحات وافيه وكافيه .. بديت اولى الخطوات سجلت في الموقع هذا : https://evisa.mfa.gov.ua/ وهو موقع التقديم على الفيزا الالكترونيه وحتى الاخوة اللي مايعرفوا انجليزي .. حلوها لكم فيه لغه عربيه جهز صورة جوازك وصورتك وتامينك وتذاكرك وحجز الفندق وابدا الخطوات وان نسيت شي او ماحصلته بنفس اللحظه .. احفظ واطلع وترجع بعدين تكمله والان اليوم 13-6-2109 انا في طور التحضير ومرحله تعباءة النموذج الخاص بالفيزا .. وسيتم تحديث هذ الموضوع ان شاء الله لحظه بلحظه وخطوة بخطوة .. وحتى السفر ان شاء الله .. رغبه فيما عند الله .. لانه باب لمساعده الناس والتسهيل على من لايعرف حفظكم الله ورعاكم . .. وانتظروا بقيه الخطوات اقم الصلاة :24::24: ::: لمحه : عدمنا خيلنا ان لم تروها تثير الارض موعدها كييفـ "و" يبارين السحايب مصعدات على جنحانها الأسل الضماء #أوكرانيا # كييف #رحلتي الى أوكرانيا |
الله يوفقك في سفرتك واختيار موفق هالجو الحار ما يبي له الا كييف [emoji23] . أرسلت بواسطة iPhone بإستخدام Tapatalk |
ابولجين حرام عليك اذا انام بالطياره اني شايب علي العموم العربهي ما توفر لك سكن مجاني بما أنك ترانزيت ؟؟؟ فلاي دبي مواعيدها أفضل بنظري من القصيم والأفضل تشوف الأقل انتظارا وللعلم ترا دبي بعد 22 \6 فيها مهرجان التسوق اوكرانيا ما قالو معفاه من ابريل الي اكتوبر او انا واهم بتابع تخطيط لأن فيه احتمال كبير اطلع لها ويكند بإذن الله :7: |
اقتباس:
جابك الله ياعم اهلا اهلا البارح اقرا تجارب اوكرانيا والناس يبالغون خصوصا في التحذيرات وبعضهم يتكلم بما سمع وهو ماراح.. افتنا حفظك الله.. هل قابلت مشكله في اوكرانيا او كان التعامل بسوء بين واضح ام انه بلد عادي.. هل تنقلت هناك عطنا نبذه يارعاك الله .. لعل هالموضوع يكون مرجعا للرحاله المسافرون والمسافرات لاوكرانيا ودمت بخير |
اقتباس:
بالفعل قريت كثير من آراء من سبقنا بالتجربة و الأغلبية كان يحذر و يبالغ بالتحذير للأسف بدون أمثلة أو أدلة واضحة. لذلك رجحت التفاؤل و رحت مع زوجتي دون خوف و كانت من أحلى السفرات. تعامل الأوكرانيين ممتاز كذلك لكن عليك توخي الحذر العام مثلها مثل كثير من البلدان اللي يتواجد فيها شحاتين أو حركات نشل أو تصيد للسائح الغير واعي. أنا كتبت باختصار عن زيارتي هنا: https://www.arabtrvl.com/vb/t35466.html الديرة تستاهل و لابد لي من زيارة مرة ثانية لكن مع العيال و تكون للغرب الأوكراني. تحياتي، Sent from my iPhone using Tapatalk |
اقتباس:
اهلا ياصاحبنا .. نبي ناخذ حقنا هنا من الصيف كامل لكن شي احسن من لا شي |
اقتباس:
-شايب ليس بمعناها الدارج بل انك شيبت في الاسفار يالشخص .. ( بيصرف الموضوع) -العربيه وفلاي دبي كلها ماتوفر سكن لانها كلها مصنفه بدجت ايرويز .. لكني نسقت اني اطلع لفندق داخل المطار واقضي الليل فيه الى الصباح التالي .. سعره رخيص ويعطيك فرصه تريح ..في الذهاب .. اما العوده الترانزيت يمكن ساعتين .. سريع سريع -الاعفاء ماسمعت عنه شي وانا اتابع موقع السفاره لو فيه اعفاء كتبوه -لعلي بكره اكمل اوراقي ان شاء الله واحاول ارفعها على موقع الفيزا .. عجزت القا وقت |
اضاءات على الطريق الى اوكرانيا (دعاية كابرس ) :24: 1- الفيزا الالكترونية تكلف 270 ريال حسب كلام الاخوان لاني ماوصلت لمرحله الدفع للاان 2- مكتب بالرياض طلب علي 530 ريال .. يعني زود 250 ريال ويقول لاتجيب الا جوازك وصورة وتعريف من عملك نجي لمرحله الحيرة : اكمل الكتروني وادفع 270 وممكن لو تخطي او ماتتضح المرفقات عند الموظف يرفضها وتطير الـ270 ولازم تدفع مره ثانيه او اخذها من قاصره وادفع دبل الـ 270 ( 530ريال) وارسل جوازي بالبريد للرياض واسبوع ويرجع لي بفيزا جاهزه ؟ مدري ( ولكن طرالك يازمن طاري )<<< مقطع للشاعر مساعد الرشيدي رحمه الله :24: |
فيه اخ مصري باليوتيوب من فئة ( احذر احذر ) يحسسك انك داخل معسكر نازي .. يقول ان اوكرانيا اول مايشوفوا جوازك عربي يحققون معك ويوقفونك و و و ... ثم تحمس الاخ المصري وقال واي واحد يتكلم في بلده عن اوكرانيا او ينتقدها ويدرون عنه بالمطار ( لهم جواسيس بالمواقع والقروبات ) يرجعونه على طول ؟!!!! شفتوا كذب زي كذا ؟ مع ان الرجل اربعيني ويبدو عليه الوقار وله قناه باليوتيوب ويتكلم صوت وصورة يعني الاوكرانيين يتابعون قروبات الواتس اب حقتنا .. ولو تنتقد اوكرانيا او تذمها يبلغون جماعتهم بالمطار .. يقولون لاجاكم رجعوه :24::24: |
اوكرانيا .. قادمون . :e42e::e42e: كالـــــــــ :e10d: |
حفظك الله في حلك وترحالك واتق الله حيثما كنت |
| الساعة الآن 10:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO