|
استفسار عن التشيك السلام عليكم ورحمه الله وبركاته لدي عده اسئله بخصوص التشيك س1/هل مده الاقامة في التشيك لمدة 14 يوم كثيره عليها ام؟؟ علما انه يوجد تنقل للارياف بالسيارة س2/هل يوجد عنصريه في تشيك تجاه العرب ام الوضع امن؟ س3/ هل ميزانيه 20الف لشخصين كافيه لمده اسبوعين في تشيك شامل مع التذاكر والسكن والمعيشه؟؟ س4/اريد اسماء محلات شوكولاته اسلامي في تشيك س5/ اريد اسماء مطاعم عربيه هناك وهل اسعارها معقوله ؟؟ س6/ اريد نصائح حول رحلة تشيك وشكرا لكم على ماتقدمون في خدمة المسافر العربي🥰 |
ولاااارد لماذا ؟؟؟؟؟؟؟:23: |
يبدو أن اللي زاروا التشيك قليل لم يسبق لي زيارتها لكن أتوقع فيه تقارير بالبوابة تتكلم عنها 1000 ريال تغطي المصاريف والسكن يومياً لكن لازم نحسب التذاكر + ايجار السيارة طيلة الايام اذا قصدك شوكلاته ما فيها كحول ولا دهن خنزير فكل محلات الشوكلاته عندها هذا النوع فقط ننبه البائع وهو يساعدنا بالاختيار هذا مطعم لبناني https://aljannah.be/en ومطعم بركات قاسم https://www.facebook.com/pg/Barakat....=page_internal مطاعم الحلال متوفرة هناك لتواجد جالية مسلمة كبيرة |
وعليكم السلام مدة 14 يوم مناسبه و لكن الميزانيه احس انها ابداً غير كافيه بالنسبه للعنصريه موجوده و لكن بنسبه بسيطه بالنسبه للشوكلاته انا جربت محل اسمه كابتن كاندي في براغ لكن الاسعار فيه مبالغ فيها و عندهم بدون كحول يحطوا عليه استكر عليه صورة اوراق شجر وفيه في تشيسكي كروملوف محل مقابل لبوابة القلعه عندهم شوكولاته صناعه منزليه و انواع حلا لذيذه و كمان لو حبيتي تاخذي من السوبر ماركت اسألي اللي ع الكاشير و هو يقرأ و يقول لك بالنسبه للمطاعم متوفره المطاعم التركيه في كل مكان و في براغ فيه مطاعم لبنانيه و فيه واحد جنب الهيلتون في الاولد تاون رحله سعيده إن شاء الله أرسلت بواسطة iPhone بإستخدام Tapatalk |
ظ،ظ¤ يوم اقترح ان تقضيها في دولتين على الاقل ممكن براغ وتشيسكي كروملوف او غيرها من المدن الصغيرة او الارياف ثم كراكوف في بولندا وزاكوباني او التشيك مع النمسا |
اقتباس:
عطاك الله العافيه اخوي ماقصرت.. بالنسبه للسيارة بنحجزها سبوع فقط للارياف والاسيوع الثاني بنستحدم المترو .. اذا كان 1000 ريال كافيه للمصاريف يعني 14 الف تكفي للمعيشه ؟ ان شاء الله تكون كااافيه |
اقتباس:
😩💔💔 يارب اتكفي اتمنى هي اما 20 او 22 شي زي كذا .. ربي يسهل الامور مع انه فيه اشخاص تقول كافيه والله اعلم لانها دولة رخيصه .. فهل هي فعلا مثل ماقالو:30: |
اقتباس:
|
اقتباس:
إن شاء الله يارب تكفي و تسافروا و تنبسطوا و ترجعوا بالسلامه أرسلت بواسطة iPhone بإستخدام Tapatalk |
اقتباس:
لو بغينا نطلع من براغ الى زيلامسي بالسيارة لازم بنمر على الحدود النمساويه .. كم تاخذ الحدود رسوم علينا علشان ندخل النمسا اذا عندكم خلفيه فيدونا ؟؟؟ |
اقتباس:
وبراغ استبدليها بكراكوف جدا جميلة والميزانية اذا ما عمرك سافرتي اوروبا ولا تعرفين الوضع هناك كيف بيكون، قيسي حسب انتي كيف صرفك بحياتك اذا مصاريفكم كثيرة مستحيل تسافرين سفر اقتصادي واذا مصاريفكم وسط عادي تقدرين انا وزوجي كلفتنا التشيك و بولندا اقل من 13 الف مع التذاكر وفيه غيرنا لا كلفتهم اكثر من 25 الف خاصة حسب نوع سيارتهم و تأمينها و الوديعة والاحداث العارضة اللي ممكن تصير والنمسا سبق سافرت لها مع المانيا و سويسرا مع زوجي و ثنتين من بناتي لمدة 16 ليلة كلفتنا 26 الف وغيرنا شخصين فقط كلفتهم فوق الثلاثين و الاربعين الف انتي احسبي تذاكركم بالوقت اللي تبونه كم بتكلف و السكن والسيارة و حطي مصروف يومي محدد و زيدي عشر الاف (احتياط) بالبنك مالها علاقة بميزانية السفرة احتياط لــ لو حصل شي وإن شاء الله ما تحتاجونها |
اقتباس:
ردك طمني الله يطمن قلبك.. اي خيوه انا اول مره بسافر اوروبا واحنا بالسفر اقتصادييين ومانحب المصاريف الزايدة رحنا قبل شرق اسيا وبالتحديد هونق كونق عشنا فيها سبوع كامل ب3000 مع الترفيهه والهدايا وشراء الاطعمه من المطاعم السريعه وكانت رحله لاتنسى بس كنت متخوفه انه اوروبا اغلى بوااااجد من كذا .. لكن تطمنت الحمدلله تسلمي على المشاركة 🥰🥰 |
بتلنسبة للميزانية عندك حلين اما انك تزيدها تخليها 15000 لكل شخص او تقلل مم الايام يعني 9 ايام لان 14 يوم وبيمزانيتك راح تكفي بس راح تكون اقتصادي وراح تحرم روحك من أشياء كثيرا وراح تقصر على روحك خوفا من ان الميزانية تخلص خذ كلامي من واقع تجربة لانك انت بتسافر سياحه يعني تبي تستانس تبي تفلها ماتبي تقصر على روحك انت رايح دولة سياحه مو رايح للصناعية او السكراب ياتقلل الايام وتفلها صح او تزيد ميزانيتك على الاقل 15000 لكل شخص وحطلك من 2000 الى 3000 احتياط لاتروح حد بحد لازم تحطلك احتياط انت في غربة وماحد حولك وماتدري وش بيصير معك |
| الساعة الآن 12:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO