|
رحلة اوزبكستان .. والليالي السمرقنديه .. نوفمبر 21 السلام عليكم ورحمة الله وبركاته اخواني .. اخواتي .. ايها المسافرون الجميلين ايتها المسافرات الماجدات ايها الشعب الكريم :1: كانت الخطة رحله سريعه لاوربا .. ولكن الامر اصبح مكرر والاجازه قصيره .. 8 ليالي .. مايمديك حتى تقول السلام عليكم فتقلصت الاحلام وقلت اخليها عربيه .. فجاء طاري تونس لاني ماسبق وزرتها لكن الوضع الامني ماهو مناسب للسياح هالايام.. فتغيرت الخطه وقلت مصر الى جنوب مصر تحديدا ثم استعذت بالله من هالهاجس :24: / وفجأة اقرا تقرير الرحاله محمد الخضير حفظه الله عن اوزبكســــــــــــتان وجهة جديدة كليا -بالنسبه لي - ليست اوربا ولاشرق اسيا المكرره وثقافه جديدة كليا بالاضافه الى ان وجهاتها السياحيه خارج العاصمه طشقند مدينتين فقط ( سمرقند وبخارى ) -فتوافقت الظروف والامور .. لدي شغله بالكويت كنت ماجلها لظروف الارتباط بالعمل .. فبحثت ووجدت ان اوزبكستان من الكويت بسعر تذكره زهيد جدا ورحلات مباشره فاصبحت الخطه ( زيارة خاطفه للكويت وانجاز شغلتي هناك) ومنها سفره سريعه برحله مباشره من الكويت الى طشقند بقيمه الف ريال فتم الحجز من الجمعه 25-11 الى السبت 4-12 -2021 على طيران الجزيرة / هذا الجزء الاول من تكون الفكره وحجز الرحله الاحداث الجميله قادمه والمعلومات تأتي تباعا |
-معلومات خاطفه : الجواز السعودي يحتاج تأشيره لدخول اوزباكستان - التأشيره اون لاين بقيمه 20 دولار فقط ( ارررررخص ) لكنها الان متوقفه بمعنى انه يجب عليك تعبئه النموذج ورفع بياناتك ثم طباعه النماذج وزياره سفاره اوزبكستان في الرياض والحصول على الفيزا خلال 3 ايام عمل ( بشعار ... تكفي تعال ) :32: رابط السفاره ويدعم اللغه الانجليزيه https://visa.mfa.uz/site/index |
ادري يشبهوا بعض قرغيزستان وطاجيكستان واوزبكستان :1: لكن عشان اسهلها عليك ( اوزبكستان رفيقتي ذي ) حقت الامام البخاري امام الحديث .. الكبسه عندهم لحم خيل .. يعني انا ابجيكم اروح للمسجد ركض :56: |
بداية جميلة يابو لجين وتفكير سياحي مختلف بتجربة وجهات سياحية جديدة نفضت الغبار عن الدمجة :32: لا تنس التميس في اوزبكستان مميز تخيل بس تفطر تقاطيع وكبدة فرس مع تميس وكوب شاهي ثقيل يوزن الشغلة تجينا باعدادات جديدة نحطك في سباق 100 متر مع الشيخ الجاميكي يوسين بولت :32: متابعين رحلة الاوزبك :e143::10::e143: |
اختيار ممتاز بولجين اهنيك عليه مع احترامي للدول اللي ذكرتهم لكن اوزبكستان احس احلى واحسن منهم راح نتعرف على ابن سينا و عمر الخيام والامام البخاري و تيمور لنك لها صيت عندنا بين القروبات السياحية |
اقتباس:
اقتباس:
اهلا اخر فرصه .. والله صفيتهن قدامي ( الستان ذي ) ووجدت ان اسهلهن واللي عليها مدح كثير هي اوزبكستان اما التميز حكايه .. لقيت صور الخبز مزخرف بنقوش من زود الفن \ المهم تطلعوا ان شفتوا احد يدور على الكعبه وهو على اطراف اصابعه (يمترح ) تراه انا ::: الشيخ ذا ماعرفته .. وشو من لحيه :1: |
اقتباس:
بولت يسمونه الرصاصة أسرع رجل بالعالم بطل سباق 100 م |
ما شاء الله .. رحله موفقه و وجه جديده علينا .. و انا بصراحة من زمان احدث النفس عن زيارة هالدوله .. الله يعطيك العافية ابولجين على هالمعلومات .. ولكن هل طلبو pcr او شهادة اللقاح تكفي .. و بالنسبة للفيزه هل استخرجتها من السفاره .. وكيف الاجراءات .. و متابعين معك .. |
ننتظر منك تفاصيل عن أوزبكستان يابو لجين ... لكن ما ندري وش لون الشنطه اللي معك الآن . |
اقتباس:
أبو لجين أطلق ساقيه للريح اذا لحقته يعطيك العلوم :32: |
اقتباس:
اهلا وسهلا بالاخت الكريمه ... ايجابية جميله منك .. تشجيعك جاء في وقته بعض الاصدقاء يتحفظ اذا سمع ( دول وسط اسيا ) يتوقع انها بلدان فقيره ومافيها شي .. مع انها كما تفضلتي مليئه بالثقافه والتاريخ تحياتي لسموك |
اقتباس:
اهاااا ... صدقني بعد هالسفره بيصير ( ثاني ) اسرع رجل بالعالم :17: |
اقتباس:
اهلا الاخ ضفهد ... اهلا وسهلا ... جايك بالتفاصيل ياعم .. اخبرك تحب التفاصيل وابفصفص لك الامور :14: |
اقتباس:
اهلا بالمستر .. التفاصيل قادمه الرحله يوم بعد كم يوم ان شالله اما الحقيبه فلاتذكرني .. مااحد يذكرني بزينة الحلايا .. :23: بعدها كل الشناط " واحد " .. |
رحله الفــــــــــــــــــــيزا ... 15-11-2021 الساعة العاشرة صباح وانا على باب " مبنى عادي " في حي بالرياض .. الباب مغلق .. سألت العسكري في الخارج واجاب ببرود ( طق عليهم ) :1: طقيت الجرس وانا اتوقع ان فيه امن خلف الباب وتفتيش و و فتح ( البواب ) شايب لطيف .. نظر الي والى جوازي بيدي قال فيزا قلت نعم .. قال اوبكستان .. قلت ايه ( كأنه متعود يضيعون بسفاره اخرى ) دخل امامي وفتح الباب ودخلنا للصاله ( وولع النور وشغل المكيف قال استريح ) جو مريح هالاوزبك من بدايتها .. لاحراس ولاتفتيش ولا احد :1: خمس دقايق دخل علي موظف اسمه مراد يتكلم العربية وجلس معي على الطاوله استعرض اوراقي وسألني فيزا عاديه قلت نعم قال ماتبي مستعجله بثلاث ايام .. العاديه خمس ايام قلت العاديه معي وقت .. وكنت مجهز له الاوراق التاليه : **النموذج مطبوع من موقعهم هاااام جدا 1-الجواز وصورة منه 2- بطاقة الاحوال وصورة منها 3-تعريف من العمل بالانجليزي 4-صورة التذكرة 5- اعطيته ليلتين حجز فندق واخذها ضمن الاوراق 6- صورتين شخصيه 7- العنوان الوطني مطبوع / اخذها وقال وين العنوان الوطني قلت تكفى ماهي هي ياولد الاوزبك .. مذاكر كويس وجايب كل الاوراق ومخباتي لحالها فيها 5 صور من زود الشفاحه من وين طلع العنوان ذا طقها ضحكه واستغرب حماسي وارسل رساله تطمين بقوله : عااادي ارسلها لي واتس اب ( حي والله سماحه هالاوزبك ) :13: قلت طيب الدفع .. قال بعد كم يوم ارسل لك رقم حسابنا بالبنك تودع المبلغ ... سألته عن ارسال الجواز لعنواني في البريد بعد الفيزا ماتحمس صراحه .. سكت .. اعدت السوال وقال نعم اعرف الشركات ذي فيدكس وارامكس وغيرها ولم يعدني بارسال الجواز ... شكله لازم تجي تاخذه يدوي .. اجراءاتهم واضح انها بدائيه .. شكرته ومشيت .. وطلعت برا .. حصلت احد الاخوة وجرى بيننا كلام عن الفيزا قال لي اسبوع قالوا لي نرسل الجواز لك ولا ارسلوه وهذا انا جاي اليوم بنفسي / هذا علمي وسلامتكم |
اختصار طلبات الفيزا الاوزبكيه بالرياض 15-11-2021 1-النموذج مطبوع من موقعهم هاااام جدا https://visa.mfa.uz 2-الجواز وصورة منه 3- بطاقة الاحوال وصورة منها 4-تعريف من العمل بالانجليزي 5-صورة التذكرة 6- اعطيته ليلتين حجز فندق واخذها ضمن الاوراق ماهي مطلوبه بالموقع 7- صورتين شخصيه 8 - العنوان الوطني مطبوع الرسوم لا ادري الى الان لكن الكلام عن العاديه ب30 دولار والمستعجله خلال 3 ايام عمل بـ 85 دولار حسب مااخبرني فيه احد المراجعين |
اببلشكم بهالسفره واكتب لكم كل التفاصيل ماعندنا بالمنتدى هالايام الا هالسفره وسفره ابومعتز اللي يبي الفخامه يمر ابو معتز وسانتوريني والسواحل الغنّاء واللي يبي سفر ( المشي حالك ) يتفضل عندي ويطلب شاورما خيل :e134::e134: |
هههههههههههه الله يعطيك العافية ابو لجين على هالتفاصيل .. مستمتعين معك على الاخر .. |
هههههههههه نحب كل انواع السفر من اقل فئة الى اعلى فئة ما عندنا اي مشكله البدايه طيبه من الفيزا والسهالات بغض النظر عن البدائية |
رحلة موفقه باذن الله |
ايميل اخر الليل ... (صوت خطوات .. وترقب ) :32: / المرسل طيران الجزيرة .. نعتذر فقد تم تغيير رحلتك وتاجيل المغادره الى يوم الاثنين .. :10: انا رحلتي كلها ايام وين ابتاخر كم يوم .. المهم توكلت على الله وضغطت الغاء .. وتم الالغاء وجتني رساله رسوم الالغاء 500 ريال نصف التذكره لاااااا حول / اصبحنا ورحت للعمل وفتحت الانترنت ابسوي رساله للجزيرة كشكوى .. وطلب تعويض لاني مأمن على الرحله بـ 2 دينار ( جاني خيار التأمين 2 دينار وحطيت صح ) وكان اختيار موفق .. / فجأة اتى اتصال من الرياض الو سلام عليكم السلام قالي انا فلان من طيران الجزيرة نعتذر عن التأجيل وبما انك سبقتنا وألغيت الرحله ... فقد قررنا نرجع لك ( كامل المبلغ 100% ) ....قلت قسيمه رصيد ؟ قال مالك لوا .. بنرجعه كاش لبطاقتك قلت لعلها خيره ... / اليوم الرابع للجواز بالسفاره مافيه اي تحديث عن تتبع رقم الطلب على موقع السفاره \ وجالس انتظر وانا ماعندي تذكره :21: :::::: وجاري تحديث رحله السمرقنديات كونوا معنا |
ان شاء الله تحصل على حجز وقبله الفيزا والحمد لله رجعتلك قيمة التذكرة استمتعنا بخطوات الفيزا وان شاء الله نستمتع معك بتقرير اوزبكي من الدرجة الاولى |
الله المستعان ننتظر شنو صار معاك |
اقتباس:
دامك معي ماهمني نايد الناس :58: |
اقتباس:
اهلا بالاخت ... الله يجزاك خير .. انتي ايجابيه جدا ..الكتابه هنا من باب الافاده للاخوة والاخوات وكلنا نكمل بعض |
يعطيك العافية يابولجين .. فعلا اشوف مواعيدهم تغيرت .. كانت السبت والاثنين الان صارت الاحد والجمعة .. ولكن الغريب ان الجدول يتغير بهذه السرعة والبساطة .. و زين انك مسوي تأمين سفر .. طيب كيف الدخول للكويت من السعوديه ومن اوزبك ستان .. متابعين و مستمتعين معك للاخر يابولجين .. |
خيره يابولجين والحمدلله ان المبلغ رد كامل وان شاء الله اتسهل ونسافر معاك الى سمرقند |
بشر يا بو لجين ما فيه اخبار جديدة عن الفيزا والحجز |
هذي رحلة جميلة لشباب من ليبيا الى اوزبكستان ممكن تستفيد منها لبرنامجك يابو لجين https://youtu.be/eTfoZzdkRYI |
صباح الخير ايها الرفاق .. الجميلين لله الحمد طلعت الفيزا امس الثلاثاء بعد 8 ايام اعطاني شهر واحد :e134::e134:تعاملهم بدائي جدا .. لايوجد توصيل بالفيدكس او dhl اللي برا الرياض احسب سفرتين للرياض / المسئول/ مراد يقولك ابتصل عليك ويسهجك لين تجي بنفسك ( وجدت اشخاص قال لهم نفس الكلام وعطاهم جوال مايرد) :14: / اذا راجعته يعطيك ورقه للبنك الفرنسي تسدد 65 دولار حول 245 ريال تعود لهم وتستلم جوازك :::::: الباب مغلق لازم تطق الجرس ويطلع لك البواب او واحد 24 ساعه يدخن بالحوش :14: \ ويوم الجمعه ان شالله تنطلق الرحله من مطار الكويت الدولي |
اسرار اوزبكية :32: سالفتي طويله والغوا رحلتي وحاولت احجز من الرياض ولازم امر الكويت المهم .. اضطرارا رجعت ابحث من الكويت وجدت الاسعار ( نزلت ) .. خليتها 24 ساعه اخرى ونزلت زود الامر المعتاد ان الايام الاخيره تدبل الاسعار لكن طش طش غير ( طش طش تدليع طشقند ) :32: * الســـــــــــــــــــــــــــــــــــر : شكل مااحد يروح لطشقند هذي .. فشركات الطيران اذا شافوك تبحث قبل فتره رفعوا السعر .. واذا بقي 4 او 3 ايام نزلوا الاسعار خايفين الطياره تروح مافيها احد * طيران الجزيرة .. يجمعون الشباب واذا شافوا ( ماش ماهنا احد ) دقوا عليك والغوا الرحله لاسباب فنيه ... ههههههههه يكذبون لكن شكل مافيه الا اربعه .. مايجيبون بنزين الطيارة :32: ::::: رحلتي الكويت - ابوظبي - طشقند (الاماراتيه ) والعوده ( طشقند ) - الكويت ( مباشره ) (الجزيرة ) 3 ساعات الله يديم الرخص .. نتخير بالخطوط .. كلن يصوت عند طيارته يبيني اركب معه :32: |
للمتابعة والاخبار الاوزبكيه والمسرقنديه ولحوم الخيل :1: سنابي ( جديد ماكنت اصور رحلاتي السابقه) ابيها الانطلاقه من هنا fahdn77 |
يعطيك العافية يابولجين .. متابعين معك .. ونبغى التقرير اول باول هنا .. علشان يكون مرجع ويستفيدون منه الاعضاء .. السناب مشكلته مؤقت |
بجم خذيتها ؟ |
اقتباس:
اتفق معك ... ولعل هذه لاتلغي تلك ... تحياتي لك |
اقتباس:
من الكويت لدبي لطشقند ( الاماراتيه ) ترانزيت دبي 2 ساعتين فقط 1100 ريال = 88 دينار والعوده وجدت من طشقند - الكويت مباشر بـ 1300 ريال تقريبا 100 دينار الجزيرة |
غريبه يابولجين .. اشوف السعر في تطبيق طيران الجزيره ٩٢ دينار رايح جاي .. اهم شي تجنب رحلة الاثنين شكل الغائهم لححزك السابق لخبط برنامجك |
الحمدلله حصلت التذاكر ورحلة موفقه باذن الله |
ننتظر منك التقرير المباشر .... راح نضحك كثير .... أنا متأكد الله يبقيك لنا يابو لجين ، ما أذكر أني قريت شي لك إلا وأضحك بعدها غصب . علمنا عن طعم لحم الخيل ... كان ودي اتابع على سناب ولكن ما عندي سناب ولا أعرف استخدمه .. انقل كل شي هنا . |
انا بعد مثل اخوي سالم ما عندي سناب انقل في الصوبين ما عليه راح نتعبك 🙏🏽 |
| الساعة الآن 04:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO