|
حقين الإداره الماليه محتاجكم السلام عليكم العنوان كما هو واضح ياغالين انا مسافر ان شاء الله بعد شهر وشوي تقريباً .. عارف الصرفيه ترجع للواحد وتختلف من شخص لاخر بس ابي الصرفيه المتوسطه القريبه للرفاهيه لمده 18 يوم بروح اسبانيا وبعدها المانيا ونبدا منها نستاجر سياره مروراً بهولندا على بلجيكا واخيراً فرنسا ومنها العوده لارض الوطن ، السؤال كم تقريباً الصرف اليوم لشخصين شباب طبعاً اقصد الاكتفتي بدون مانحسب الطيران ولا السكن ولا حتى السياره فقط الصرف اليوم+ الديزل ممكن يكون مره وحده على مشاويرنا تقريباً المهم زي ماقلت متوسط لقريب من الرفاهيه هل توصل تقريباً لالف ريال يومياً اذا بنحسب الكوفي + وجبه وحده باليوم باحد المطاعم العربيه او حتى الاجنبيه + زيارات متاحف وملاهي واماكن سياحيه… اتمنى اللي عنده خبره يفيدني عشان اعرف احسب ميزانيتي صح :e431: |
و عليكم السلام و رحمة الله و بركاته .. سؤالك هذا .. لو تجيب أكبر بروفيسور في المحاسبة المالية ما راح يجاوبك عليه بشكل دقيق !!! سافرنا إلى أن قلنا بس و حاولنا نحسب و نعرف المصاريف .. و نسجلها و لكن عجزنا بعض الأيام تلاقيك تصرف ضعف اليوم اللى قبله و اليوم الثاني ما تصرف حتى و لا ربع صرف الأمس .. و بعض الفعاليات كذا بطبيعتها غالية فتلاقي مصروفك مرتفع .. بعض الدول هي كذا بطبيعتها غالية فتجد مستوى صرفك أرتفع فجأة البعض .. السيارة الأقتصادية ما تملئ عينه السيارة لازم سيارة تواجه و فارهة !! بعض الناس ما يقتنع بأنه يأكل بــ 30 يورو باليوم فتلاقيه يروح مطاعم و يدفع 200 يورو في أكل ما يأكل نصه حتى !!! القهوة ما يقتنع بمقهى معتدل لازم مقاهي فنادق اللى سعرها 4 أضعاف !!! شف أنت ما بعد سافرت و تقول: "أبي اعرف احسب ميزانيتي صح" بصراحة تبي ترتاح و تستمع بسفرك .. (من واقع تجربة) خلي معاك ما يغطي مصاريفك و أصرف و أستمتع و لا تحسب و ترجع مبسوط ... (هذا طبعاً رأي شخصي و أقتناع ... قد لا يطبق من الجميع) بالتوفيق |
وعليكم السلام كلام بومعتز عدل صعب التحديد لكن اقدر اقول اغلاهم فرنسا من الدول اللي بتزورهم وتقريبا ارخصهم اسبانيا ووقت سفركم اقدر اقول الاسعار معقوله مو نفس الصيف |
اقتباس:
|
اقتباس:
طيب لو أقول لك 1500 ريال للشخص باليوم … هل أنت شخصياً ترى أنها كافية؟ طبعاً هنا نتكلم عن حوالي 400 يورو باليوم بما أن أغلبنا يستخدم البطاقات الأئتمانية في الصرف ما نشعر كم هو المصروف لأنه متفرق و يدفع على دفعات مختلفة بنفس اليوم … |
احنا نتفق مع ابو معتز الصرف مختلف بالنسبة للرفاهية ممكن يكون وجبة الغداء في مطعم فخم وسعره غالي بالعشا ممكن يكون مطعم او سندويشات خفيفة والشراء كذلك ممكن تشتري ماركة وبنفس الوقت تدخل تشتري من بريماك مثلا او اي محل اسعاره رخيصه ان شاءالله بين 500 ريال الى 1000 ريال مصروف شخصي باليوم ويتحول المبلغ الغير مصروف للايام القادمة |
حياك الله اخي عبدالعزيز كما تفضل الاخوان وكما قلت انت تختلف من شخص الى شخص :e125: خط سيرك طويل ودول مختلفةفي الاسعار عموم اوربا الاسعار مدبلة من اجل حرب اوكرانيا :e03f: وبما انك وحيد سوف تقل المصروفات خاصة المطاعم توني زائر هولندا وبلجيكا والمانيا المصورف الاعلى 1- الاكل 2- المواقف غالية جدا جدا 3- البنزين(ترى الديزل اغلى من البنزين) 4-دخول المتاحف والاماكن السياحية يعني 40 الف ريال سوف تعيش ملك |
هذي فاتورة عشاء https://uploads.tapatalk-cdn.com/202...5b0cf4d880.jpg تم الإرسال من SM-N960F باستخدام Tapatalk |
عشاء ل٣ أشخاص https://uploads.tapatalk-cdn.com/202...00d28d47db.jpg تم الإرسال من SM-N960F باستخدام Tapatalk |
ان شاء الله ازور اغلى هالدول واجيب لكم تقرير مفصل منها |
| الساعة الآن 10:09 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO