|
هنــــا شبــــه الجــــزيــرة الايبيــــريـــة ( البــــرتغـــــال ) 2023 بسم الله الرحمن الرحيم السلام عليكم ورحمه الله وبركاته رجعت لكم بتقرير يديد و دولة يديده علي بعد رحلة كولومبيا و الاكوادور نتجة الى اقصى غرب اوروبا و تحديدا الى: شبه الجـــزيـــرة الايبيـــريـــة ( البـــرتغــــال ).. https://www.arabtrvl.com/up/uploads/...0731307125.png https://www.arabtrvl.com/up/uploads/...0731309296.jpg اكثر من سنتين وانا افكر فيها و اضبط امورها وكل مره ما تضبط الرحلة .. هالمره قلت ترا بروح البرتغال في عطلة عيد الفطر واسبانيا منو يبي يروح ..؟؟ اختي قالت انا معاج وامي قالت انا بعد .. قلت ترا الرحلة فيها تنقلات و طويلة مو تقولون ملينا وتعبنا .. قالوا معاج ان شاء الله .. قلت تمام خلوني اول اشوف الحجوزات و اعطيكم خبر.. هنــــــــا البــــرتغـــال https://www.arabtrvl.com/up/uploads/...0731306134.jpg بديت بالاستعدادت اللازمة قبل السفر الرحلة مستواها : متــوسط ( اللياقة البدنية ) لكن البرتغال عموما بحاجه الى عصي الهايك .. لكن لحالة امي الله يحفظها يبيلها لياقه اعلى وتعتبرعليها متعبة لان الارض مو متساوية فيها مرتفعات وتنقلات .. https://www.arabtrvl.com/up/uploads/...4603476081.jpg اولا : الفــــــــــيزا https://www.arabtrvl.com/up/uploads/...1070086961.jpg الفيزا شنغن .. انا مطلعتها من السفارة الهولندية سنة 2019 لمدة 5 سنوات .. و امي واختي طلعوها الصيف اللي طاف من السفارة الاسبانية لمدة 5 سنوات.. ثـانيـا : العمــــلات عملة البرتغال يورو euro https://www.arabtrvl.com/up/uploads/...2503908542.jpg https://www.arabtrvl.com/up/uploads/...0731303962.jpg 1 دينار كويتي = 3.02 يورو = 3.26 دولار ثـالثـا : الطـيــــــــران https://www.arabtrvl.com/up/uploads/...0731302671.jpg تم الحجز عن طريق الموقع الالكتروني للخطوط الجوية الكويتية في شهر يناير 2023 https://www.arabtrvl.com/up/uploads/...1047293544.jpg الموقع الالكتروني https://www.kuwaitairways.com/ar طيران دولي : كويت - مدريد - كويت بسعر 120 د.ك للشخص .. و على طيران اير يوروبا aireuropa https://www.arabtrvl.com/up/uploads/...1047281281.png الموقع الالكتروني https://www.aireuropa.com/ot/en/home مدريد - لشبونه بسعر 40 د.ك للشخص = 120 يورو وعلى طيران الازوريس https://www.arabtrvl.com/up/uploads/...6104729133.jpg الموقع الالكتروني https://www.azoresairlines.pt/en لشبونه - بونتا ديلغادا (عاصمة الازوريس ) ponta delgada - لشبونه بسعر 44 د.ك للشخص = 133يورو هذا الحجز تم كله تقريبا في يناير 2023.. رابــعــــــا : الفنــــادق https://www.arabtrvl.com/up/uploads/...2503929195.jpg حجزت ليلة في مدريد قريب من المطار عشان امي تريح خصوصا عقب رمضان.. فندق مدريد ماريوت اوديتيريم madrid marriott auditorium hotel and conference center سعر الليلة لغرفة 3 اشخاص 41 د.ك = 125 يورو خـامســا : الصحـــــــة و التطعيمـــــــات https://www.arabtrvl.com/up/uploads/...2503933866.jpg قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات .. - لازم مراجعة عيادة المسافرين في دولتكم او الصحه الوقائية . - تلقي التطعيمات اللازمة قبل شهر من السفر على الاقل ليتمكن الجسم من تكوين المناعة . -اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم .. التطعيمات العـالميــــة : - الحمى الصفراء ( ينصح عند السفر لهذه البلدان : وسط وغرب افريقيا - وسط و جنوب امريكا ) - الحمى الشوكية ( ينصح عند السفر لهذه البلدان : جنوب الصحراء الكبرى الافريقية ) - الالتهاب الكبدي (أ) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا ) - الالتهاب الكبدي (ب) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا ) - التهاب الدماغ الياباني - التهاب الدماغ المنقولة عبر القراد - التيفود (ينصح عند السفر لهذه البلدان : بعض جنوب شرق اسيا - امريكا الجنوبية و الوسطى - وبعض افريقيا ) - داء الكلب - الملاريا ( ينصح عند السفر لهذه البلدان : المناطق الواسعة بأفريقيا و غرب افريقيا جنوب شرق اسيا - شرق اوروبا - الباسفيك - وسط وجنوب امريكا - الشرق الاوسط - امريكا اللاتينية ) الخط الساخن لسكان الكويت ألو صحة 151 والحمدلله البرتغال ما نحتاج اي تطعيم. و طبعا احتياط معاكم كمام ومعقم :) https://www.arabtrvl.com/up/uploads/...5040585912.jpg بما ان زيارتنا الى البرتغال وزيارة جزر بنكون بين الزرع و الغابات والجبال محتاجين ندهن جسمنا بسبري وكريم الوقاية من الحشرات و اي كائنات تنقل الامراض هذا النوع ممتاز كان معاي .. https://www.arabtrvl.com/up/uploads/...5040462211.jpg يفضل تشترون من صيدلياتهم .. ســادســاً : الطقـــس https://www.arabtrvl.com/up/uploads/...4814056941.png في وقتنا كان الجو وايد حلو ومعتدل مو برد وايد ولا حاار وكان فيه اشويه امطار خفيفه في بعض المناطق واشوية برد وضباب في الجزيرة.. ســابعــاً : القـــــروب https://www.arabtrvl.com/up/uploads/...5040650213.jpg مكون من : محدثتكم "كويتية متنقله" - حلوة اللبن امي الله يحفظها و اختي الغالية.. ثـامنــاً : الأمـــان https://www.arabtrvl.com/up/uploads/...0731305023.jpg على الاماكن اللي زرناها ما حسينا في شي انخاف منه ..الشعب وايد محترم و طيب و غير هذا ياخذ ويعطي بسرعة.. تـــاسعــــاً : التأمين https://www.arabtrvl.com/up/uploads/...1047282952.png التأمين صار من الضروريات من عقب كورونا للسفر لاتهملونه قبل كورونا ما كنا نهتم له وايد لكن الحين لا يفضل يكون معاكم لاسمح الله لاي طارئ.. والحين عقب ما خلصنا الاشياء المهمة نبدي العد التنازلي للاستعدادت تم دفع رسوم الطيران اول شي مع الاجزاء اليايه اتكلم عن المناطق و الفنادق و اسعارهم. |
ونقول بسم الله على بركة الله نتوكل على الله الرحلة من تاريخ 21/4/2023 الى 14/5/2023 قبل جم اسبوع من السفره سألت ايمان اذا تشوف لي البزنس اقدر اسوي ابقريد وللاسف كانت فل .. قلت نروح المطار ونشوف حظنا لو كرسي واحد حق امي .. ووصلنا يوم الاقلاع جيكنا على امورنا و اغراضنا والحمدلله كل شي موجود.. اليوم اليمعه 21/4/2023 اول يوم عيد الفطر الساعه 5 الفير بالمطار .. موعد الاقلاع الساعه 7 ص مدة الرحله دايركت 7 ساعات و 20 دقيقه الى مدريد .. وصلنا تيرمنال 4 الخاص بالخطوط الجوية الكويتية .. https://www.arabtrvl.com/up/uploads/...4672636581.jpg المطار عجيييب ماافي احد وفااضي على كيفنا https://www.arabtrvl.com/up/uploads/...7263659452.jpg اهني مكان البزنس رحت اسألهم اذا في مجال اسوي ابقريد وللاسف فل كان البزنس .. https://www.arabtrvl.com/up/uploads/...7263660633.jpg انا نوعي بالحجز احجز الكراسي اونلاين واختار يكون كرسي الوسط فاضي عشان محد يقعد يمنا :) وناخذ راحتنا .. https://www.arabtrvl.com/up/uploads/...7263662234.jpg https://www.arabtrvl.com/up/uploads/...7263663765.jpg ونتمشى بسوق الحره https://www.arabtrvl.com/up/uploads/...7263664776.jpg https://www.arabtrvl.com/up/uploads/...7263666427.jpg https://www.arabtrvl.com/up/uploads/...7263668028.jpg https://www.arabtrvl.com/up/uploads/...7263669579.jpg https://www.arabtrvl.com/up/uploads/...2636711710.jpg https://www.arabtrvl.com/up/uploads/...2636722811.jpg مثل ما انتوا شايفين المطار وقتها كان فاضي ومافي زحمه https://www.arabtrvl.com/up/uploads/...7263673912.jpg https://www.arabtrvl.com/up/uploads/...2636770214.jpg الى بوابتنا https://www.arabtrvl.com/up/uploads/...2636755613.jpg وطيارتنا https://www.arabtrvl.com/up/uploads/...7263678615.jpg |
واحلى ممر في الحياة ممر السعادة https://www.arabtrvl.com/up/uploads/...2636799516.jpg نوع الطياره airbus A320neo البزنس الكراسي اثنين بأثنين و السياحية ثلاثه بثلاثه.. https://www.arabtrvl.com/up/uploads/...2636814717.jpg https://www.arabtrvl.com/up/uploads/...2636829118.jpg والحمدلله على حظنا الطيارة فيها كراسي فاضية و اختياري للكراسي وخطتي مشت صح محد قعد يمي ولا بين امي واختي:) ونقول دعاء السفر الله أكبر الله أكبر الله أكبر، 〈سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ وَإِنَّا إِلَى رَبِّنَا لَمُنقَلِبُونَ 〉 ". اللّهمّ إنّا نسألُكَ في سَفَرِنَا هذَا البِرّ والتّقْوَى، ومِن العَمَلِ مَاتَرْضَى، اللّهمّ هَوِّنْ عَلَيْنَا سَفَرِنَا هذَا وَاطْوِ عَنَّا بُعْدَه، اللَّهُمَّ أَنْتَ الصَّاحِبُ فِي السَّفَرِ، وَالْخَلِيفَةُ فِي الأَهْلِ، اللَّهُمَّ إِنِّي أَعُوذُ بِكَ مِنْ وَعَثَاءِ السَّفَرِ وَكَآبَةِ الْمَنْظَر وَسُوءِ الْمُنْقَلَبِ فِي الْمَالِ وَالأَهْلِ" https://www.arabtrvl.com/up/uploads/...2636839919.jpg https://www.arabtrvl.com/up/uploads/...2636854520.jpg وطرنا فوق سماء وطن النهار https://www.arabtrvl.com/up/uploads/...7450229221.jpg https://www.arabtrvl.com/up/uploads/...7450230952.jpg رفيق الدرب هالمره هالكتاب انصح محبين القهوه يقرونه .. https://www.arabtrvl.com/up/uploads/...7450232373.jpg https://www.arabtrvl.com/up/uploads/...7450233944.jpg https://www.arabtrvl.com/up/uploads/...7450235375.jpg ووصل الريوق https://www.arabtrvl.com/up/uploads/...7450236896.jpg وهذي بينت مدريد https://www.arabtrvl.com/up/uploads/...7450238517.jpg https://www.arabtrvl.com/up/uploads/...7450239968.jpg https://www.arabtrvl.com/up/uploads/...7450241449.jpg طبينا بالسلامة مدريد بالوقت المحدد الساعه 1:20 م.. https://www.arabtrvl.com/up/uploads/...4502429310.jpg https://www.arabtrvl.com/up/uploads/...4502443811.jpg مطار مدريد القادمون https://www.arabtrvl.com/up/uploads/...4502459512.jpg الدور سريع عند الجمارك وما يطولون .. الصج كنت خايفة من فيزتي يسون لي سالفه لاني مطلعتها من الهولندية و مارحت فيها مكان بس ما قالوا شي ودخلوني من غير اي سؤال يذكر .. https://www.arabtrvl.com/up/uploads/...7450247613.jpg طلعنا من غير اي سؤال لا جم يوم ولا وين بتروحون ولا وين حاجزين .. خذينا الجناط ورحنا نحط خطوط تلفونات وانترنت مفتوح من شركة اورانج داخل المطار الخط لمدة شهر يشتغل في البرتغال واسبانيا بسعر 40 يورو .. https://www.arabtrvl.com/up/uploads/...4502492914.jpg https://www.arabtrvl.com/up/uploads/...4502523216.jpg وشركات تأجير السيارات في المطار.. https://www.arabtrvl.com/up/uploads/...4502507315.jpg https://www.arabtrvl.com/up/uploads/...4502540717.jpg واهني محطة انتظار باص الفندق يوصلنا من المطار للفندق مجانا.. الجووو واايد حلوو https://www.arabtrvl.com/up/uploads/...4502553118.jpg كل تقريبا نص ساعه يوصل واحد https://www.arabtrvl.com/up/uploads/...4502564519.jpg ووصل الباص وتوكلنا على الله الى الفندق.. |
ماشاءالله الحمدلله على السلامة بداية شيقه مرة رحت لشبونه 2019 ومتشوقه اشوفها بعيونك وصفك يهبل ماشاءالله لفتني سعر الخطوط ماشاءالله مع انه موسم العيد السعر جدا جميل شكلنا نصير نسافر من عندكم متابعة معك . |
واخيرااااااا نزل التقرير متشوقه للتفاصيل ايمان تعالي وزيدينا ابداع على ابداع ابرار :e317: متابعه |
نزل التقرير الاسباني البرتغالي :18::e022: راح يكون بقمة الابداع من إيد ابرار |
لي عودة ان شاءالله للتقرير انا حاليا مسافره |
اقتباس:
ما شاء الله .. حبيبتي تسلمين ان شاء الله تستانسين في التقرير ويكون قد المستوى.. واايد السعر ممتاز وقت العروض والخصومات انصحج حجزي عليها اسعارها ممتازة تنوريني حياج الله |
اقتباس:
يابختي على الكلام واكيد ما استغنى عن اضافات اموون احلى متابعة |
| الساعة الآن 12:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO