![]() |
استفسار السلام عليكم ورحمة الله وبركاته انا ناوي ان شاء الله اسافر اليابان وهي اول سفرة اليها في الصيف كم يوم تكفيها ؟ ماهي المدن التي المفترض ازورها طبعا ؟ وهل فيها فيزا كيف طريقتها ؟ وهل ينفع اضم معها كورياالجنوبية او لا ؟ وشكرا |
وعليكم السلام ورحمه الله وبركاته كم يوم تكفيها ؟ يعتمد على الأماكن الي بتروح لها مثلا طوكيو تحتاج اقل شي 8 ايام اوساكا تحتاج 4 - 5 ايام لكن اذا افترضنا المدن الرئيسيه وهي الأنسب ( طوكيو + اوساكا ) مع زياره كيوتو اذا حبيت فتكفيها من 12 الى 14 يوم ماهي المدن التي المفترض ازورها طبعا ؟ طوكيو + اوساكا + (كيوتو > تروح وترجع في نفس اليوم من اوساكا " المسافه نصف ساعه " وهل فيها فيزا كيف طريقتها ؟ نعم يوجد لديها فيزا تقدر تشيك على موقع السفاره اليابانيه في بلدك موضح فيها المتطلبات وماتاخذ اكثر من 3 ايام عمل بالكثير http://www.ksa.emb-japan.go.jp/sa/se...ion.htm#howto1 اذا انك بالرياض تروح لهم بحي السفارات وهاذي المتطلبات : -جواز سفر ساري المفعول -تعبئة استمارة واحدة (1) من نموذج طلب التأشيرة والتوقيع عليها من طالب التأشيرة (اضغط هنا للإملأ والتحميل) -صورة شخصية مقاس 45مم × 45مم تثبت بمادة صمغية على استمارة الطلب "يمنع استخدام الدباسة أو شريط لاصق" -حجز طيران يوضح مواعيد السفر ذهاب و إياب -حجز السكن -وثائق تثبت أن طالب التأشيرة لديه المقدرة المالية لتحمل كافة نفقات السفر والإقامة في اليابان مثل : تعريف من العمل او صوره من كشف الحساب مصرفي. وهل ينفع اضم معها كورياالجنوبية او لا ؟ ممكن ليش لا بس يعتمد في الأخير عليك انت لكن رأيي اليابان تحتاج سفره لحالها وياله وشكرا العفو واي استفسار انا وبرنس وباقي الشباب ماراح نقصر |
جزاك الله خير وانا من جدة |
اقتباس:
الله يحييك يا غالي القنصلية اليابانية على نفس شارع فندق الحمراء سوفتيل المتفرع من شارع فلسطين وانت متجه شمالاً تلقاها على يمينك |
الشبح100000 يعطيهم العافية الشباب ما قصروا بالإجابات وممكن تستفيد أكثر بتعدد الإجابات لذلك بحط لك رايي الشخصي كم يوم تكفيها ؟ - أولا يعتمد إن كنت تحب الأماكن الترفيهية راح تحسب يوم في أوساكا لـ يونيفيرسال ستيديو وفي طوكيو يومين لـ ديزني - بشكل عام 2 اسبوعين أقل مدة ممكن تسافر فيها لليابان و3 اسابيع مناسبة لتغطية أماكن أكثر ماهي المدن التي المفترض ازورها طبعا ؟ - طوكيو (يوكوهاما قريبة منها ، وكذلك فوجي قريبة ولكن الأفضل السكن في فوجي بدل الذهاب والعودة) 7 طوكيو + 3 فوجي = 10 أيام - أوساكا (كوبي وكيوتو ونارا وهيميجي كلها مدن قريبة من أوساكا تقدر تروح وترجع بنفس اليوم بالقطار) * كل مدينة خارجية تحتاج يوم تروح وتجعل بنفس اليوم يعني 4 أيام + 4 أو 5 أيام في أوساكا = 8 أيام في أوساكا - ناغويا (مدينة بين أوساكا وطوكيو إذا بتروح لها الأفضل السكن فيها) 3 أيام في ناغويا مناسبة * أسماؤهم بالإنجليزي للمساعدة في البحث عنهم (Tokyo - Osaka - Kyoto - Kobe - Himeji - Nara - Nagoya - Yokohama - Fuji) * كل مدينة تبي تلغي فيها يوم ترفيهي نقص منها يوم وهل ينفع اضم معها كوريا الجنوبية او لا ؟ ينفع لكن ما أنصح كزيارة أولى لليابان لأن اليابان فيها الكثير من الأشياء وتحتاج فترة كافية لها |
جزاكم الله خيرا علي المعلومات المفيدة بالنسبة للفيزياء أنسب وقت للتقديم قبل السفر بكم وهل كل شخص له طلب علي حده لاننا 3 اشخاص |
بالنسبة لتقديم طلب الفيزا يكون قبلها بوقت كافي يعني لا يكون حده حده قبلها بإسبوعين أو ثلاثة كافي وطبعاً كل شخص يقدم نفس الطلبات يمكن بس حجوزات الطيران والفنادق يمكن يحتاجون نسخة وحدة لكن احتياط اخذ معاك 3 نسخ مو خسران شي لأن حتى بالمطار في اليابان ممكن يسألونك أي فندق بتسكن وجدول زياراتك فالنسخ راح تفيدك |
اقتباس:
الفيزياء >> شكلها متعبتك بالثانويه والجامعه ههههه امزح :34: ايه كل شخص يكون له (نموذج لحاله) ونفس الشي لبقيه الأوراق يعني تجهز 3 نسخ من حجوزات الطيران + السكن واذا انتم عائله يكفي شخص واحد يجيب (تعريف العمل وكشف الحساب) ويكون هو المتكفل بمصاريف السفره اما اذا انتم زملاء فلازم كل واحد يجيب (تعريف من العمل + كشف حساب) خاص فيه ويكفي تقدم عليها قبل السفر بشهر مايحتاج حجز موعد ولاشي , فاضين ماعندهم احد اهم شي تجيب فلوس كاش (95 ريال) رسوم الفيزا لكل شخص وماتاخذ وقت مثل ماقلت لك بالكثير 4 ايام عمل وهي جاهزه وراح يعطونك ورقه يقولون فيها راجعنا باليوم الفلاني عشان تستلم الجوازات بس فيه ملاحظه دامك من اهل جده " الي طلعوها من عندكم القنصليه هناك طلبو برنامجك اليومي باليابان " يعني تكتب لهم كل يوم وين بتكون مثلا من تاريخ كذا الى تاريخ كذا بكون في اوساكا ويتزور هالأماكن ومن تاريخ كذا الى كذا بكون في طوكيو وتذكر الأماكن واسماء الأماكن السياحيه ( يكفي تحط لهم مكانين سياحين لكل يوم ) طبعا مثل ماذكرنا يكون 3 نسخ على عدد الأشخاص طلب غريب صراحه لأن حنا بالرياض ماطلبو هالشي لكن الي طلعوها من جده طلبوها منهم !! ايضا راجع موضوع العضو sandmoon ذكر بتقريره اجراءات الفيزا يوم طلعها من القنصليه في جده من ضمنها الجدول السياحي لك تقدر تسئله وراح يفيدك ان شاء الله http://www.arabtrvl.com/vb/t24143.html |
اقتباس:
دام استفدنا من الشباب لابد نفيد بخصوص الفيزا اليابانيه طلباتهم جدا بسيطه تعبي ابليكيشن وصوره لكل شخص مكشوف الوجه اقتباس:
حجز السكن وثائق تثبت أن طالب التأشيرة لديه المقدرة المالية لتحمل كافة نفقات السفر والإقامة في اليابان مثل : شهادة توظيف من شركة ، صورة من البطاقات الائتمانية أو صورة بكشف حساب مصرفي. وهنا رابط الابليكيشن http://www.ksa.emb-japan.go.jp/sa/se...pplication.PDF وهنا رابط مواصفات الصوره ط³ظپط§ط±ط© ط§ظ„ظٹط§ط¨ط§ظ† ظپظٹ ط§ظ„ظ…ظ…ظ„ظƒط© ط§ظ„ط¹ط±ط¨ظٹط© ط§ظ„ط³ط¹ظˆط¯ظٹط© وتعبي خطتك بورقه وين بترووح كل يوم مو شرط تعتمد عليه واذا انت طالب او الي بيتحمل مصاريفك ابوك ( مطلوب منك اقرار تسويه من مكتب ترجمه وتخلي ابوك يوقع وكشف حسابه حق 3 شهور و كرت العائله صوره معا الترجمه من مكتب معتمد ) وتطبع حجوزات الفنادق و حجز الخطوط فقط ذا المطلوب واي شي تبيه اقتبس ردي وان شاء الله اقدر افيدك |
السلام عليكم ورحمة الله وبركاته بسم الله الرحمن الرحيم طيب اذا قلت اني راح اقعد 3 أسابيع في اليابان كم اقسم المدة فيها بين طوكيو واوساكا وممكن أضيف فيها مدينة ثالثة بس ماني عارف ايش هي وابي احسن فنادق في هاي المدن ممكن تدلوني عليها وجزاكم الله خيرا |
بالنسبة للمدن بالإضافة إلى أوساكا وطوكيو ممكن تضيف ناغويا بينهم أو كوبي أو كيوتو أو فوجي الأمر راجع لك بالنسبة للفنادق أرشح لك التالي: في Osaka Hotel New Otani Osaka منطقة هادية لكن فندق فخم ومع إطلالة على النهر والقلعة Hotel Granvia Osaka موقع ممتاز للمواصلات العامة ومحطات القطارات وموقع حيوي Hotel New Hankyu Osaka موقع ممتاز للمواصلات العامة ومحطات القطارات وموقع حيوي Swissotel Nankai Osaka يقع في منطقة Namba الحيوية وفندق ممتاز في Tokyo Hotel New Otani Tokyo Garden Tower فندق ممتاز مع حديقة رائعة وقريب من محطة ميترو ومنطقة المطاعم Akasaka Excel Hotel Tokyu فندق ممتاز وقريب من محطات الميترو ومنطقة المطاعم Asakusa View Hotel يقع في منطقة Asakusa ويطل على برج SkyTree أطول برج في طوكيو وقريب من محطة القطار * أيضاً يوجد العديد من الفنادق في المنطقين Shibuya و Shinjuku وتعتبر أكبر المناطق حيوية في طوكيو مليئة بالأسواق والمطاعم والمجمعات * ممكن السكن في منطقة Odaiba بالقرب من محطة Daiba في Kobe Kobe Meriken Park Oriental Hotel فندق ممتاز يطل على البحر قريب من المجعات ANA Crowne Plaza Kobe فندق ممتاز يطل على الجبل ومحطة القطار ومحطة التلفريك والشلالات في الجبل في Kyoto Hotel Nikko Princess Kyoto يقع في منطقة Gion التقليدية وبالقرب من محطة الميترو في Nagoya The Strings Hotel Nagoya فندق ممتاز قريب من محطة القطار الرئيسية Hilton Nagoya Hotel فندق ممتاز قريب من محطة الميترو Fushimi الفنادق في اليابان نظيفة وتتوفر الغرف ذات المساحات الكبيرة والصغيرة وكلما كان الفندق بعيد عن محطات الميترو والقطارات كلما قلة التكلفة غالباً والاختيارات متنوعة ومختلفة وعددها كبير ولكن الأفضل أن تحجز مبكراً مع إمكانية الإلغاء المجاني لأن الفنادق والغرف الكبيرة تنتهي بسرعة بالنسبة لتقسيم المدة 10 أيام طوكيو 8 أوساكا 3 (كوبي أو كيوتو أو ناغويا أو فوجي أو أواديبا) أو ممكن تزيد يوم في طوكيو وتقلل من أوساكا حسب جدولك والأماكن إلي بتزورها أي استفسار آخر أنا حاضر |
جزاك الله خيرا علي المعلومات |
السلام عليكم ورحمة الله وبركاته ماهو رايكم في الفنادق التالية Hotel Granvia Osaka Akasaka Excel Hotel Tokyu فندق أساكوسا فيو وهل تنصحوني بالسفر اولا الي اوساكا والعودة من طوكيو؟ وماهي اسم المطارات لاوساكا وطوكيو؟ Holiday Inn OSAKA NAMBA |
اقتباس:
وعليكم السلام ورحمه الله وبركاته بخصوص اوساكا ارشح لك فندق Hotel Granvia Osaka بخصوص فندق طوكيو انصحك وبقووه مب فقط ارشح لك Akasaka Excel Hotel Tokyu لأني سكنت فيه فندق جميل ومقابل المحطه وتحته مقهى ويوجد بجانب مصعد الفندق متجر 7 eleven مفتوح 24 ساعه الأفضل بكل تأكيد الوصول اوساكا والعوده من طوكيو عن طريق الخطوط الأماراتيه وانا جربتها في سفرتي جدا مريحه واوقاتهم مناسبه وخدمتهم مايحتاج معرووفه الخطوط القطريه ماتنزل في مطار اوساكا فقط تنزلك على طوكيو فأستبعدها من خياراتك اسم مطار اوساكا : Kansai International Airport مطار طوكيو ( يوجد لديها مطارين هانيدا وناريتا ) طبعا المطار الي تشوف عليه رحلات عوده مناسبه ارجع معه بخصوص الأماراتيه ارشح لك العوده من مطار هانيدا كونه اقرب اسمه Tokyo Haneda Airport |
شكرا وجزاك الله خير |
وعليكم السلام ورحمة الله وبركاته Hotel Granvia Osaka موقعه ممتاز للتنقلات لأنه عند محطة القطار والغرف فيه متنوعة فتقدر تختار المساحة إلي تناسبك Akasaka Excel Hotel Tokyu فندق ممتاز وقريب من محطة الميترو وقريب من البقالة تجربتي مع هذا الفندق كانت ممتازة فندق أساكوسا فيو هذاالفندق كنت حاجزه لسفرتي القادمة لكن ألغيته بسبب موقعه لأنه بعيد عن محطات الميترو ولكن اطلالته حلوة على البرج Holiday Inn OSAKA NAMBA موقعه ممتاز وفي منطقة حيوية وبمسافة معقولة بينه وبين محطة الميترو والقطار يعني أرشح في طوكيو Akasaka Excel Hotel Tokyu وأرشح في أوساكا Hotel Granvia Osaka وشوف شنو الأنسب لك بالنسبة للأسئلة نعم أنصحك الذهاب إلى أوساكا والعودة من طوكيو اسم مطار أوساكا Kansai ومطار طوكيو في 2 واحد اسمه Haneda والثاني اسمه Narita الأفضل كتقييم Haneda لكن اختار إلي يناسبك في توقيت الرحلات أفضل لأن توقيت الرحلات يفرق من المطارين والطيران |
كيف الجو في اليابان في شهر 7 و8 ميلادي لاني أن شاء الله السفر راح يكون في هالشهرين |
اقتباس:
درجات الحرارة حسب الأشهر والمدن في هذا الموضوع ((هنا)) |
اقتباس:
شهر 7 افضل لك شهر 8 الرطوبه تكون في اقصى درجاتها وهو موسم الصيف في اليابان |
السلام عليكم ورحمة الله وبركاته نحن في طور التخطيط لسفرة اليابان في الصيف ان شاء الله بس سؤال من متطلبات الفيزا تعريف من جهة العمل هل هو تعريف بالراتب او ايش هو بالظبط؟؟؟ |
اقتباس:
وعليكم السلام الله يسهل لكم ونحن هنا بالخدمه لأي استفسار تعريف العمل غالبا هو نفسه تعريف الراتب اهم شي يكون موضح فيه ( اسمك وجهه العمل والمسمى الوظيفي واجمالي الراتب ) ويختم ويكون بالأنجليزي |
جزاك الله خيرا وكنت افكر انه بالعربي |
كان عندي سؤالين نسيت واحد:15: والثاني هو تذكرة JRهل احصلها اذا رحت اليابان هناك بالمشوار او لازم اشتريها من النت |
الشبح100000 تذكرة لكل مشوار موجودة هناك أما الـPass وهو التذكرة المفتوحة للـ JR لمدة 7 أو 14 أو 21 يوم موجودة فقط في النت تطلبها قبل السفر بمدة على ما توصل لبلدك |
جزاك الله خيرا الله يوفقك ويسهل امورك يعني اقدر اشتري تذكرة JR اذا وصلت اليابان من مكاتب التذاكر الي في المحطات عندهم واعتذر لكثرة الاستفسارات |
ماصروا الشباب بس طلب الجدول السياحي لكل يوم عند تقديم الفيزا غريييب الظاهر هم ناويين على السفره ويبون جدول للرحله:32: |
اقتباس:
أجمعين .. آمين نعم تقدر تشتري التذاكر لكل مشوار سواء من المكاتب في المحطات أو من آلات بيع التذاكر أخذ راحتك بالإستفسارات هذا واجبي |
جزاك الله خير |
انا سمعت انه الكهرباء في اليابان قوتها 100 فولت وعندنا 220 فولت كيف اقولها الي 100 ؟ ؟ ؟ |
هل قصدك كيف أقللها من 220 فولت إلى 100 فولت ؟ التقليل يكون بواسطة المحولات الكهربائية التي ترفع أو تقلل الجهد الكهربائي واحسن حل شراء واستخدام ادابتير للكهرباء صورة https://www.arabtrvl.com/up/uploads/...7316464421.jpg |
ايه يعني كيف اشحن الجوال أو الكمبيوتر هناك وهي220 وعندهم 100 |
مثل ما ذكرت لك تقدر تستخدم الادابتير فيه فتحات USB للشاحن |
جزاك الله خيرا اشتريه قبل ماسافر او من هناك |
اشتريه قبل ما تسافر احسن علشان لا تضيع وقتك تدوره هناك |
جزاك الله خير علي النصيحة |
بالنسبة لفتحات الكهرباء حقتهم او الافياش مربعة او دائرية او كيف شكلها |
اقتباس:
تكون على شكل خطين بالطول | | |
حصلت واحد ادبتير الكهرباء لونه ابيض من أكسترا عندنا بس كنت اعتقد انه لمخارج او فتحات الكهرباء هل هو أيضا يقوم بتحويل الكهرباء ؟؟ |
الشبح100000 اي الادابتر يحول الكهربا ومكتوب عليه |
بس مكتوب علي ادبتر صح وشكرا علي ماتقدمه |
الساعة الآن 11:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO