|
فيزا اليابان السلام عليكم كل عام وانتم بخير لو سمحتوا ابغي اعرف شروط استخراج فيزا للسياحه في اليابان وهل احجز موعد قبل في القنصليه بجده؟ وكم المده اللازمه للتقديم عليها قبل السفر؟ نحنا ٣ اشخاص مع طفل وهل يوجد نصائح قبل استخراج الفيزا اتمنى تفيدوني وشكرا للجميع |
وعليكم السلام في الرياض مافيه حجز موعد , فمدري عن جده صراحه لكن اتوقع بدون حجز لأن ماعليها ضغط لكن احتياط تأكدو من موقع القنصليه المستندات المطلوبه : تعبئه النموذج الخاص بالفيزا ( هنا ) حجز الطيران حجز السكن صوره من جواز السفر تعريف بالراتب ( انجليزي ) كشف حساب بنكي اخر 3 شهور صورتين شخصيه مقاس 45mm x 45mm جدول سياحي يومي اثناء زيارتك لليابان (هالشي يطلبونه دايم قنصليه جده , السفاره بالرياض ماطلبوه مني) سعر الفيزا 95 ريال تدفع كااااش فقط وماتاخذ وقت 3 - 5 ايام وهي جاهزه اقل مده لازم تقدمون عليها هي قبل اسبوعين من موعد السفر وتقدرون تقدمون عليها قبل وقت السفر بشهرين |
طيب اخوي الوالد متقاعد يجيب ورقه من مؤسسه التقاعد؟ ومن وين اترجمها ولا المؤسسه تترجمه انجليزي والجدول السياحي اكتب وين بروح كل يوم وكذا ولا لا ممكن توضح لي هذي النقطه اكثر وهل تعبئه النموذج الخاص بالفيزا يدوي ولا بالكمبيوتر وشكرا لك |
اقتباس:
نموذج الفيزا انا عبيته يدوي وكان سهل وواضح بخصوص التعريف بالراتب من موقع المؤسسه على الأنترنت تقدرين تطبعين ( تعريف بالراتب ) واتوقع ان التعريف بالراتب يكتبون انه متقاعد عاد شوفي انتي وتاكدي https://www.pension.gov.sa/PortalSer...esretired.aspx لازم الوالد يسجل بالموقع عشان يقدر يسوي الخدمات الألكترونيه هاذي بخصوص لغه الخطاب اذا موقع المؤسسه مايوفرها باللغه الأنجليزيه اطبعي العربي و ترجميه من محل ترجمه معتمد ولاتنسين تاخذين النسخه العربيه معك للقنصليه نقطه الجدول السياحي نعم صحيح تكتبين مخطط لجدولك باليابان بكامل المده مع ذكر الاماكن الي بتزورينها اكتبيها ب ورقه بيضاء بالانجليزي طبعا ويفضل بالكمبيوتر يكفي تكتبين باليوم 3 اماكن سياحيه ولافيه مشكله اذا كررتي زياره المكان مره ثانيه في يوم اخر مثلا : الجمعه 2017/09/12 وتكتبين اسماء الأماكن السياحيه ونفس الشي تسوينه لباقي الأيام بالتوفيق |
شكرا ماقصرت الله يعطيك العافيه |
اقتباس:
اضافة لكلام الاخ ملوك.. انا طلبو مني كرت العائله مترجم بالاضافه انه قيمة الفيزا 105 ريال للشخص.. طبعاً اتكلم عن قنصليه جدة وخلال اسبوع كانت جاهزة ومايحتاج حجز موعد ولو عندك استفسارات اتصلي عليهم قبل ماتروحي ترا مرة متعاونين ويردو كنت احتاج اسال عن كم شغله بدل مااروح وارجع ، وموفقه برحلتك يارب ... |
اقتباس:
|
اقتباس:
ايوا عبيت لكل شخص نموذج خاص تلاقي النماذج بموقع السفاره ولو اي شيء مافهمتيه اتركيه وبلغيهم قبل ماتسلميها ، هما يشيكو عليها كمان الصور الاهم تكون خلال سته شهور مو اقدم ومواصفاتها نفس جواز السفر او بطاقه الاحوال .. انها تكون بخلفيه بيضاء بس عذراً ماافتكر كم الابعاد تبعها .. ممكن لمن بتتصوري تبلغي المصورة وهيا راح تعرف 🌹 |
اقتباس:
لكن اخذو صورة شخصية وحدة مع رسوم 105 ريال اعطيتهم الاوراق كاملة يوم الخميس نهاية الدوام جيتهم الخميس اللي بعده قال لي باقي ماجهزت ( جماهير الهلال مسوين زحمة :32: ) كان عليهم ضغط اخذتها الاحد من الاسبوع الثاني بعد انتظار نصف ساعه تقريباً الحمدلله انها طلعت .. :e119: الف شكر لك ساعدتني المعلومات كثير |
اقتباس:
العفو اخووي بس غريبه رفعو الاسعار !! وبالعاده هي ماتاخذ اكثر من 3 ايام عمل , لكن ممكن السبب مثل ماذكرت انت بالتوفيق |
اقتباس:
و كانت فترة امطار برضه في جدة تعطلت المدينة تقريباً يوم و نص شفت ناس يجون في اوقات قصيرة و كل واحد معاه واسطة او معرفة ويضغط على الموظف عشان يخلصه بأسرع وقت … الله يعينهم |
شكرا |
الله يعطيك العافيه |
تساهيل باذن الله .....والله اليابان بالخاطر مشكورين على التفاصيل |
عندي استفسار بالنسبة للفورم فيه جزئية مطلوب فيها معلومات إلزامية عن : 1/ Guarantor or reference in Japan 2/ Inviter in Japan هل أقدر أتركها فاضيه او أكتب NA ؟ لأنه راح اسافر بغرض السياحة و أكيد ما أعرف أحد في اليابان :(49): |
اقتباس:
تقدرين تتركينها فاضية أختـي |
اقتباس:
لكن يعطيك ألف عافية الان تطمنت لما لقيت جواب من أحد أخذ الفيزا قبل :e327: |
السلام عليكم حبيت استفسر انا طالب و ناوي اسافر اليابان بالصيف و طالبين كتاب تعهد من الوالد بتكفل كافل مصاريف ممكن اعرف الصيغة و شنو مفروض يكتب ؟ |
اقتباس:
|
مسافرين أنا وزوجتي إن شاء الله. هل يكفي كشف حساب والخطاب مني أنا فقط ؟ وهل أكتب في النموذج الخاص بزوجتي أن المصاريف على الزوج ولالا :39:؟ شكرا جزيلا لكم |
saeed dobais إذا كانت معاك ما تحتاج بس يكفي شهادة راتبك |
اقتباس:
1- هل حضور الزوجة الى السفارة مطلوب ؟ ولا يكفي حضوري عنها ومعي جميع اوراقها ؟ 2- هل ترجمة بطاقة العائلة مطلوبة ؟ 3- في النموذج يوجد سؤالين ماعرفت اجاوبهم ؟ *Partner's profession/occupation (or that of parents, if applicant is a minor): Guarantor or reference in Japan(Please provide details of the guarantor or the person to be visited in Japan) والا اخليهن فاضيات ؟ 4- هل تصديق تعريف الراتب من الغرفة التجارية اجباري ؟ علما اني اشتغل بشركة عالمية معروفة. 5- هل مقاس الصور الشخصية 4x6 مقبول ؟ والا لازم 45mmx45mm 6- هل صورة الفيزا (كريدت كارد) تغني عن كشف الحساب البنكي ؟ شكرا لك اخوي مقدما واعتذر عن كثرة الاسئلة |
- هل حضور الزوجة الى السفارة مطلوب ؟ ولا يكفي حضوري عنها ومعي جميع اوراقها ؟ يكفي حضورك عنها مع جميع الأوراق 2- هل ترجمة بطاقة العائلة مطلوبة ؟ شنو تقصد ببطاقة ترجمة العائلة ؟ عموما المتطلبات : - صورة شخصية خلفية لونها أبيض - شهادة راتب - حجوزات الطيران - حجوزات الفنادق - تعبئة استمارة التأشيرة 3- في النموذج يوجد سؤالين ماعرفت اجاوبهم ؟ *Partner's profession/occupation (or that of parents, if applicant is a minor): Guarantor or reference in Japan(Please provide details of the guarantor or the person to be visited in Japan) والا اخليهن فاضيات ؟ تتركهم فاضيين 4- هل تصديق تعريف الراتب من الغرفة التجارية اجباري ؟ علما اني اشتغل بشركة عالمية معروفة. أهم شي يكون في ورقة رسمية تثبت انك موظف وعندك راتب (نفس شهادة الراتب في الوزارات) 5- هل مقاس الصور الشخصية 4x6 مقبول ؟ والا لازم 45mmx45mm مقبول 6- هل صورة الفيزا (كريدت كارد) تغني عن كشف الحساب البنكي ؟ المطلوب شهادة الراتب ملاحظة: بعض الدول ممكن تختلف بعض الطلبات فالأفضل مراجعة الموقع الرسمي لسفارة اليابان في بلدك [/COLOR] |
اقتباس:
يعطيك الف عافية عللى سرعة التجاوب بإذن الله بكره بروح للسفاره بالرياض |
اقتباس:
الله يعطيك العافية مشرفنا الغالي على جهودك الكبيرة. بالنسبة لبطاقة العائلة، فللأسف القنصلية في جدة تطلب وجود بطاقة العائلة ومترجمة بخلاف السفارة في الرياض. ولكن هل يجب أن تكون الترجمة من مكتب معتمد أم يكفي أن أترجمها بنفسي ؟ وسؤال آخر ربما يكون غريب :1: هل أضع أوراقي وأوراق زوجتي في ظرف واحد أم يجب وضع كل طلب في ظرف مستقل ؟؟ :1: أعتذر عن كثرة الأسئلة ولكن هذه أول سفرة لليابان وشايل هم كل نقطة صراحة !! الله يعطيكم العافية يارب |
saeed dobais الله يعافيك لهذا السبب ذكرت قد تختلف الطلبات حسب البلاد لأن في الكويت فقط المطلوب مثل ما أنا ذكرت ويكون تقديم الطلب في السفارة نفسها وما كنت اقدمهم بظرف .. كنت اعطيهم الأوراق مع بعض واعبي نموذج الاستمار في السفارة نفسها وأي شي ناقص يبلغوني فما اعتقد بيكون الوضع معقد سواء ظرف أو ظرفين ما اعتقد تفرق وبوابة التأشيرات في المنتدى ما يقصرون معاك اخبر مني بموضوع الفيزا لأن خبرتي بالتأشيرات من تجربتي في الكويت فقط |
اقتباس:
حسب ماقريت من مواضيع مختلفة .. اذا طلبو منك ترجمة بطاقة العائلة فلازم تكون من مركز معتمد. اثناء تقديمي بالرياض طلب مني تقديم كل متقدم مع اوراقه الكامله بشكل منفصل عن المتقدم الاخر، وتكون شايل جميع الدبابيس واللزاقات .. بالاضافة الى انه طلبها بترتيب معين (يعني اول ماتدخل عليهم وبتنتظر دورك اطلب منه الورقة اللي فيها الترتيب المطلوب) |
اقتباس:
تمام، الله يعطيك العافية :58: إن شاء الله بأقدم بطاقة العائلة من مكتب معتمد :72: بروح لهم مع شنطة فيها جميع الاحتياطات إن شاء الله :e11e: :32: |
عندي استفسار من زميله لي سالتني هل بيقبلوا فيزتها اذا كان راتبها 4000 ولا لا ؟ |
اقتباس:
ايه ان شاء الله يقبلون ولايدققون كثير هم بمقدار الراتب المهم انها ترفق مستندات تثبت عودتها وان لديها عمل واهمها هي تذاكر السفر حجوزات السكن تعريف بالراتب (انجليزي) كشف حساب 3 شهور (انجليزي) |
| الساعة الآن 10:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO