|
اول رحلة لليابان قربت و اتمنى اسمع اقتراحاتكم السلام عليكم و رحمة الله و بركاته. اول موضوع لي في هذا المنتدى اللي اتشرف باني اكون عضو فيه، و سعيد جدا بان اول موضوع اطرحه بكون عن اليابان:e50b: باذن الله شهر ابريل القادم بتكون رحلتي و هي اول رحلة لي لليابان و حبيت استشيركم ببعض الامور. الرحلة تبدا بطوكيو راح اقيم فيها لمدة 5 ايام من بعدها انتقل الى كيوتو لمدة ليلتين ثم الذهاب لاوساكا لمدة 5 ايام من بعدها العودة لطوكيو ليلتين و تنتهي الرحلة و نرد الكويت انشالله. عندي جدول بالاماكن اللي بزورها بكل مدينة مثل شيبويا شينجيكو اوديبا دوتننبوري الخ.... حسب خبرتكم في اماكن خاصة بهالمناطق ممكن ما يكون لها شهرة واسعة بس تستاهل الزيارة ؟ و هل بهالجدول الJR PASS بكون افضل و اوفر ؟ ولا احجز كل رحلة بروح ؟ للعلم عدد المسافرين 2 بالنهاية اشكركم جميعا على المواضيع اللي استمتع بقرائتها بهالمنتدى و كلها تزيدني لهفة اني ازور هذي الدولة الجميلة و باذن الله راح يكون لي مشاركة تفصيلية بعد العودة بالصور عن التجربلة كاملة |
اقتباس:
اتمنى لك رحلة جميلة بالنسبه للجدول 5 ايام طوكيو يومين كيوتو 5 ايام اوساكا ( يفضل تزور فيها هيروشيما وحديقة نارا ) اما بالنسبة JR pass اشوفه يكفي لمدة اسبوع فقط وتبدا من خروجك من طوكيو وخيار زياره جبل فوجي لو يوم واحد جيدة بعد اوساكا بالنسبه لي ماشوف فيها اشياء كثيرة |
Akasaka Shinjuku Shibuya Ginza Harajuku Akihabara Odaiba تقريبا هذي اهم المناطق بطوكيو |
اقتباس:
حياك الله بين اخوانك في هذا المنتدى إضافة لما قاله الاخ عبدالعزيز انصحك تروح ل Nikko وهي مدينة قريبة من طوكيو فيها قرية قديمة اسمها Nikko wonderland تعيشك فترة الساموراي والنينجا ومن هالحركات وايضا ضروري تروح لهيروشيما من اوساكا وتزور جزيرة مياجيما جميلة جدا |
وعليكم السلام ورحمة الله وبركاته تخطيط جميل والله يسهل دربك طبعا احرص على حجز الفنادق بأقرب وقت لأنها تخلص بسرعة يعني الأفضل قبل السفر على الأقل ب3 شهور ولي عودة |
رحلة موفقه:18: |
| الساعة الآن 01:38 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO