|
ترتيبات الرحلة ونصائحكم السلام عليكم : في بداية الأمر حاب أني أشكر الجميع لسعة صدرهم للرد على الإستفسارات والتوضيح سواء لي أو لجميع المسافرين إلى اليابان وبالأخص الشكر ل kytu_jp سواء بالرد عن طريق المنتدى أو الإنستغرام. أنا الحين في مرحلة الترتيب للرحله وتم إختيار الفندق بناء على النصيحه الي بيكون Washington in akhibara الحين أنا راح اروح اليابان لأول مرة وبس راح اقعد في طوكيو ف برايكم كم يوم تنصحوني بالإقامه هناك يعني عدد الأيام الي تكفي لرؤية دزني لاند و Asakusa ..إلخ ؟ طبعا انا مستوعب انه بيكون في يومين ضايعيين للسفر عند الروحه و العوده. ف ياليت نصيحتكم وسؤال ثاني: الحين لو بشتري إلكترونيات من اليابان هل تشتغل عندنه في الكويت ؟ ومشكوورين |
وعليكم السلام ورحمة الله هذا واجبنا واحنا حاضرين بالنسبة للفندق علشان تكون بالصورة راح اذكر لك مميزاته وعيوبه المميزات: 1- انه قريب جداً من محطة Akihabara وهي من المحطات المهمة لمحبي التكنولوجيا والأنمي والقيمز 2- كثير من المطاعم حوالينه الموجودة ومنها الحلال مثل كوكو كاري ومطاعم الدونر 3- الفندق نظيف وطاقم العمل متعاون وودود ويعرف انجليزي السلبيات: 1- يعيب الغرف انها صغيرة وتكفي لشخص واحد بالنسبة لمدة الأيام فهي تعتمد حسب جدولك يعني مثلا ديزني لاند يبيلها يوم وديزني سي يبيلها يوم ثاني وإذا ما كنت تبي تزورهم توفر يومين وهكذا فالأفضل تحدد الأماكن وتكتبهم كلهم وأنا أقولك كم يوم تحتاج علشان تزورهم |
بالنسبة لسؤالك عن الإلكترونيات فلازم تشغلها على أدابتر أو محول ااكهربا ما ينفع تشغلها مباشرة من البلاك |
اقتباس:
الحين انا حاب نفس ما قلت اني اكون بطوكيو والاماكن الي حاب اشوفها منطقه شيبويا منطقه أكيهيبارا ويودي باشي منطقه طوكيو سكاي تاون و داخل البرج منطقه اساكوسا زيارة الشارع البرتقالي زيارة دزني لاند فقط مو دزني لاند سي منطقه شينجوكو منطقه أودايبا منطقه طوكيو دوم يعني هذا تلخيصي المتواضع حق افضل الاماكن من خلال الي قريته ، بس على جذي جم يون أحتاج برايك ؟ وطبعا ما نحسب يوم السفر ولا يوم العودة ،، ف شنو رايك ؟ Sent from my SM-N960F using Tapatalk |
منطقه طوكيو سكاي تاون و داخل البرج منطقه اساكوسا زيارة الشارع البرتقالي ^^^ هذيله يوم كامل 1 زيارة دزني لاند فقط ^^^ يوم كامل 2 منطقه شيبويا منطقه شينجوكو وتقدر تضيف معاهم هاراجوكو (شارع تاكاشيتا) ^^^ يوم كامل 3 منطقه أودايبا (أهم شي TeamLab) ^^^ يوم كامل 4 منطقه أكيهيبارا ويودي باشي ^^^ يوم كامل 5 منطقه طوكيو دوم ^^^ نص يوم 6 تقدر تضيف التالي: Ikebukuro (نص يوم) Tokyo Tower (نص يوم) Ueno + محطة طوكيو Characters Street (يوم كامل) Moomin Valley Park بالنهار (نص يوم يفضل مع Tokyo Dome City) وكذلك منطق Ginza (نص يوم) وفي أماكن كثيرة في طوكيو |
اقتباس:
اذا جذي يعني ١٠ أيام يومين سفر (ذهاب و إياب) و ٨ ايام بالنص بس بالنسبه للفندق افضل احجز ١١ ليله لانه طيران القطريه يكون بالليل ف اقعد بالفندق اليوم الاخير بكل راحه ولا شرايك ؟ ولمجرد الفضل يعني كم توقعك مشوار التاكسي من مطار هانيدا الى الفندق الي أقترحته لي ؟ Sent from my SM-N960F using Tapatalk |
بس بالنسبه للفندق افضل احجز ١١ ليله لانه طيران القطريه يكون بالليل ف اقعد بالفندق اليوم الاخير بكل راحه ولا شرايك ؟ صحيح رايي من رايك إذا الطيران متأخر الأفضل تحجز ليلة زيادة ولمجرد الفضل يعني كم توقعك مشوار التاكسي من مطار هانيدا الى الفندق الي أقترحته لي ؟ ما اقدر احدد بس الاكيد انه غالي جداً ممكن تاخذ تاكسي إلى محطة Hamamatsucho ثم تركب القطار الي يوصل الى مطار هانيدا مباشرة على الاقل توفر اكثر من نص مشوار التاكسي |
اقتباس:
وان تتكرم اي بالسؤال الحين الافضل من الكويت أصرف الين الياباني ولا اصرف دولارات واغيرهم هناك ؟؟ وهل الين متوفر بالكويت ؟ وبالنسبه للنت مثل ما انت عارف انه شركه زين توفر باقه النت ب ٧ دنانير لمده اسبوع تعتقد كفايه وجيده ولا تنصح بشريحه من هناك ؟ Sent from my SM-N960F using Tapatalk |
اقتباس:
كنت اظن إني جاوبت على السؤال أعتذر على التأخير حسب تجربتي الأفضل تصرف ين من سوق المباركية أما بالنسبة للنت عروض الشركات من الكويت سيئة وتخلص بسرعة فالأفضل تشتري شريحة من هناك أو راوتر ومتوفرين بالمطار |
| الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO