|
استفسارات اليابان السلام عليكم ورحمة الله وبركاته هذا الموضوع لاستفسارات رحلة اليابان ان شاء الله التقارير كافيه ووافيه الكل مو مقصر قواكم الله لكن ممكن تخطر على بالي بعض الاستفسارات تحملوني سؤالي هل يسوى المبيت في وحدة من الثنتين هاكون او فوجي ؟ ولا زيارة يوم واحد من طوكيو ؟ |
شنو الافضل ديزني لاند المعروفة ولا ديزني سي ؟؟ يقال الوحيدة ديزني سي موجودة في اليابان |
شرايكم في السكن في منطقة اوديبا بعيدة عن سنتر طوكيو ولا زينة ؟ |
ديزني طوكيو ان كانت لاند او سي في عندهم الاكسبرس ولا لا ؟ شنو مقترحات فنادق للسكن في طوكيو الاسعار غالية والفنادق مو ذاك الزود ؟ |
اقتباس:
و عليكم السلام و رحمة الله و بركاته يسوووووى يسسسووووى ، حول فوجي فيه أماكن سكن حلوة ، و تكون معها يناييع حارة جاية من فوجججي على طول ، بإذن الله بنزّل تقرير قريباً و بيكون فيها عن المكان اللي زرته ، موجود بقرية أوشينو |
اقتباس:
يوم واحد زيارة يكفي غالباً ، و ترى المترو يقرّب كل شيء بس ما تسوى السكن فيها :14: |
اقتباس:
ديزني طوكيو سعنونة حقتهم 👀 ديزني سي الوحيدة في العالم :e32f: و بالنسبة للفاست الباس طريقته يختلف في اليابان عن الدول الأخرى:64: بإذن الله أرجع من إجازتي ، و راح أكتب عن جميع الفنادق اللي جربناها في جميع الزيارات 😍 و الأسعار أشوفها مناسبة و تختلف كذلك حسب المنطقة |
مشكووورة bording pass وترجعين بالسلامة🤲🏽 سؤال حجز JR pass هذا يشمل المدن؟ يعني. إذا بطلع من طوكيو إلى هاكوني ومن هاكوني كويوتو. ومن كويتو اوساكا مع هيروشيما او يوكاهما |
شنو افضل 3 مناطق للسكن في طوكيو؟ احترت بين جينزا وشيبا اعتقد اسمها |
إذا السكن في هاكون والأنشطة اعتقد في بحيرة فوجي سهل التنقل والوصول للأنشطة ؟ يوكوهاما تستاهل الزيارة ولا لا ؟ |
شرايكم في هالفنادق في طوكيو KOKO HOTEL Premier Nihonbashi Hamacho karaksa hotel TOKYO STATION |
لو اشتريت شريحه اي سم من احد المواقع لغرض استخدام تلك الشريحه في اليابان فكيف راح توصلني الشريحه ؟ |
أنا خليت كيوتو 4 ايام ب 3 ليالي وأوساكا 5 ايام ب 4 ليالي الاخير اقلاع من اوساكا شرايكم في التقسيمة ؟ |
إذا كان خط الرحلة طوكيو - يوكوهاما- هاكون - كيوتو - نارا - هيروشيما - اوساكا اخذ jr pass اسبوعين ؟ |
إذا بروح المعبد الذهبي وبصور من برا لازم احجز تذكرة ؟ ونفس الشي للمعابد الثانية وهل اقدر اروح الصبح مبچر قبل الزحمة ؟ إذا مافي حجز تذاكر |
ان شاء الله راح اجاوب قريب على جميع الاستفسارات |
اقتباس:
الفندق الأول سيء للتنقلات لان موقعه مو قريب من محطة قطار رئيسية الفندق الثاني موقعه ممتاز قريب من محطة طوكيو ولكن حطوا في بالكم الفنادق الي عند محطة كبيرة وحيوية خصوصا Tokyo و Shibuya و Osaka غالبا تكون مزدحمه بالناس ومخارجها كثيرة وتضيع ولكن بالمقابل تكون اسهل لجميع التنقلات بالفنادق من خلال تجاربي مع الناس كل شخص وأولياته في السكن وبالنسبة لي أهم النقاط هي: - مساحة الغرفة (مو شرط كبيرة وايد بس اقدر ارتب فيها اغراضي) - موقع سهل للتنقلات - وجود تكييف - وجود انترنت (الحين اتوقع كلهم فيهم) - نظيف ومريح - السعر مناسب النقاط الثانوية: - الاطلالة (اكيد تفرق حسب المنطقة ولكن بشكل عام يعتبر شي ثانوي) - الاثاث (بعضهم يقولون اثاث قديم مو حلو :1:) - الافطار (بالمناطق الريفية اهم من المدن علشان لا اتوهق ومافي شي اقدر آكله او طلعاتي مبجر) - الديكور (يعتبر شي جمالي اضافي) - المرافق (مسبح وغيرها .. لان اغلب وقتي بره الفندق .. بإستثناء الينابيع الحارة) |
اقتباس:
eSIMهي شريحة إلكترونية يعني بس خدمة تشترك فيها مافي شي تركبه بالجهاز مجرد تطبيق تحمله وتشترك من خلاله وتتبع خطوات التفعيل |
اقتباس:
الاقلاع من اوساكا اغلى من طوكيو إلا إذا لقيتوا عرض مناسب تقدرين تخلين الرحلة (طوكيو - كيوتو - اوساكا - هاكون) قاعدة بالسفر لليابان العودة من منطقة ثانية اسهل من الوصول وبعدها تنتقلون لمنطقة ثانية مثال: الوصول طوكيو والسكن في هاكون (غير مناسب) أما في المغادرة السكن في هاكون وطيران من طوكيو (مناسب أكثر) علماً بأني ما انصح بالاثنين إلا إذا كنت مضطر بين احد الخياران السبب: عند الوصول غالبا يكون الوقت متأخر وتعبان وما تعرفت على مواصلات البلدة فالوصول للفندق جدا متعب إذا كان المطار بمنطقة وأنا بمنطقة ثانية وممكن مافي مواصلات غير التاكسي أما بالمغادرة العكس اكون تعودت على التنقلات واقدر ارتب تنقلاتي للوصول إلى المطار وخصوصا اذا كان الطيران بالليل فيكون في وقت كافي فكرة المغادرة من اوساكا ممتازة ولكن حسب القيمة إذا تسوه ولا لأ |
اقتباس:
المعبد الذهبي ما يحتاج تذكرة باقي الاماكن بعضها فيها تذاكر دخول مثل كيوميزوديرا والتذاكر متوفره عند البوابات |
اقتباس:
اسعار JR Pass زادت 70% لهذا السبب ما تسوه قبل كان سعرها مناسب واقدر احللها لما اتنقل مناطق بعيده ووايد خلال 3 اسابيع الحين كلش ما افكر آخذه بسبب سعرها الافضل تاخذين هناك بطاقة شحن IC Card او بالايفون موجودة بالمحفظة بطاقة Suica تعبينها وتستخدمينها للقطارات والباصات والميترو وحتى بعض آلات البيع والبقالات أما للتنقل من منطقة لأخرى تروحين محطة رئيسية وتحجزين تذكرة لنفس اليوم (حجز مقعد) يكون قطار محدد بوقته ورقم المقطوره ورقم المقعد سهل علشان ما تضيعون القطار وغالبا من مكان الشراء إلى مكان تواجد القطار يبيلكم 15 دقيقة تكفي وإذا على الراحة 30 دقيقة موظفين التذاكر يفهمون انجليزي عدل |
اقتباس:
اهو كله يعتمد على الاماكن الي بتروحون لها عطيني الاماكن الي بتزورينها واحسب لج جم يوم تحتاجين |
اوساكا حاطة يونيفيرسال - اكسبو اوساكا - زيارة هيروشيما بعض الانشطة في اوساكا التقليدية كيوتو غابة البامبو - المعبد الذهبي - البوابات او الاقواس البرتقالية - معبد هوكنجي - مزرعة الجاي منطقة الغيشا و بعض الانشطة التقليدية |
في موقع احجز منه تذاكر القطار؟ |
اقتباس:
اي في مواقع لحجز التذكرة بس ما جربتهم دايما اشتري من المحطة https://smart-ex.jp/en/lp/app/ |
قررت السفر الى اليابان والمدن المقترحه هي طوكيو اوساكا كيوتو ومدة السفر ستكون خمسة عشر يوم من ضمنها يوم الوصول و يوم المغادرة ومحتاج برنامج سياحي لكل مدينة من المدن التي ذكرتها والتنقل سوف يكون عن طريق المواصلات العامة |
| الساعة الآن 11:04 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO