![]() |
في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك) عنوان الموضوع واضح شلون هالكارتون مأثر علي بصراحه من تمت الموافقة على زيارة المكسيك و احس اني في حلم و طول الوقت واغنية حكايات عالمية كانت في بالي حتى قلت راح يكون اسم موضوعي بكلمات الاغنية وهذي حكايات عالمــــية تتحقق لي بزيارة المكسيـــــــــــــك من كل بلاد الدنيا ،، من كل بقاع الارض قصص شتى ،، تروى حتى نعرف احوال الانسان و الكل هنا جيران فاذا زرناهم بالصوره،،في احلى دنيا مسحورة كي نتسلى ،، صرنا اهلا في قصص الشعوب ،، في قصص الشعوب طرائف لا تنتهي ،، و عالم حلو بهي يسكن في القلوب،،في قصص الشعوب هنــــــــا الـمـكــسيــــــــــك https://www.arabtrvl.com/up/uploads/...1211577031.jpg رحلة المكسيك شلون صارت و شلون ورحت من كنت في كليفلاند مع خالي في رحلة العلاج وانا شايفة اعلانها في شركة كويتية تسوي رحلات لامريكا اللاتينية .. واهي نفس الشركة اللي رحت معاهم تونس .. وهذا رابط تقرير تــونـس الخضــرا https://www.arabtrvl.com/vb/t39247.html وانا في كليفلاند كلمت الادارة العليا في الكــويت وبما ان في بعد مسافه فكل شي كان يتم بالقبول وان شاءالله :) واختكم تاخذ الكلام بمحمل الجد و تحط اسمها مع الشركة وتدفع نص مبلغ الرحلة :) رجعت الكويت بالسلامة شهر ديسمبر 2018 وانا خلاص بعد اسبوع لازم ادفع المبلغ المتبقي للشركة لان رحلاتنا في فبــرايــر واخر ديسمبر مع اول يناير رحلة تونس .. تم دفع المبلغ المتبقي بعد رجوعي و عقبها وانا اسولف مع الادارة العليا و اقوله خلاص دفعت للمكسيك و مو مصدقة اني بروح ما اشوف الا ويه الادارة العليا معتفس و معصب يبا عسى ما شر ؟؟!! علامات استفهام في ويهي مو طبيعية شلون تحجزين و ما تقولين و مع منو ومنو هذيل واحنا شعرفنا فيهم و اخذوا اسألة الى ماله نهــاية !! انــا مصــدومـــة يبا اشفيك ؟؟ انا قلت لك كل شي وخذيت الاذن منك .. ابوي : انا قلت ان شاء الله ما قلت حجزي انا : هذي وهذي نفس الشي ان شاءالله معناته موافقة بعد شنو واتصير العفسة و الزعل البجي وشلون تقولي اوك والحين اتهون و انا خلصت كل اموري معاهم والخ .. وما اقدر اكنسل فلوسي ما ترجع و لا تذاكري .. يبا شنو اللي غير رايك اشفيك .؟ لا ديره مافيها امان .. بعد جهد وتعب و سياسية واحلام الطفولة ولاتكسر في مياديفي تمت الموافقة :) يـا ربــاه يا يبــــا ليش هالتعب :) بعد الازمة اللي صارت و عدت على خير و رجعت من تونس كلمت رفيجتي للاستعداد والتجهيز .. |
الاستعدادت اللازمة قبل السفر الرحلة مستواها : متــوسط ( اللياقة البدنية ) اولا : الفــــــــــيزا https://www.arabtrvl.com/up/uploads/...1220099751.jpg 1- اذا عندكم الفيزا الامريكية فيمكنكم الدخول عن طريقها . 2- فيزا المكسيك استخراجها من السفارة عنوانها في الكويت https://www.embassypages.com/missions/embassy4029/ ثـانيـا : العمــــلات عملة المكسيك بيسو peso https://www.arabtrvl.com/up/uploads/...1220099772.jpg يفضل صرف العملة بالاول الى دولار امريكي و عند الوصول الى المكسيك تحويل الدولار الى بيسو .. 1 دولار = 19 بيسو ثـالثـا : الطـيــــــــران https://www.arabtrvl.com/up/uploads/...1220099866.jpg تم الحجز عن طريق الخطوط الكويتية طيران دولي : كويت - نيويورك - كويت بسعر 215 دينار كويتي ( الدرجة السياحية ) المبيت ليلة في نيويورك بعدها الى ميكسيكو سيتي تم الحجز عن طريق دلتا Delta airlines نيويورك - ميكسيكو سيتي - كنكون - نيويورك بسعر 680 دولار = 205 دينار كويتي رابــعــــــا : الفنــــادق https://www.arabtrvl.com/up/uploads/...1220099948.jpg بما ان عندي مبيت ليله في نيويورك بالروحه و ليلة في الردة تم حجز الفنادق خـامســا : الصحـــــــة و التطعيمـــــــات https://www.arabtrvl.com/up/uploads/...1220099793.jpg قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات .. - لازم مراجعة عيادة المسافرين في دولتكم او الصحه الوقائية . - تلقي التطعيمات اللازمة قبل شهر من السفر على الاقل ليتمكن الجسم من تكوين المناعة . -اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم .. التطعيمات العـالميــــة : - الجمى الصفراء ( ينصح عند السفر لهذه البلدان : وسط وغرب افريقيا - وسط و جنوب امريكا ) - الحمى الشوكية ( ينصح عند السفر لهذه البلدان : جنوب الصحراء الكبرى الافريقية ) - الالتهاب الكبدي (أ) ( ينصح عند السفر لهذه البلدان : امريكا اللاتينية و الجنوبية و بعض الاجزاء من افريقيا و اسيا و شرق اوروبا ) - الالهاب الكبدي (ب) ( ينصح عند السفر لهذه البلدان : امريكا اللاتينية و الجنوبية و بعض الاجزاء من افريقيا و اسيا و شرق اوروبا ) - التهاب الدماغ الياباني - التهاب الدماغ المنقولة عبر القراد - التيفود (ينصح عند السفر لهذه البلدان : بعض جنوب شرق اسيا - امريكا الجنوبية و الوسطى - وبعض افريقيا ) - داء الكلب - الملاريا ( ينصح عند السفر لهذه البلدان : المناطق الواسعة بأفريقيا و غرب افريقيا جنوب شرق اسيا - شرق اوروبا - الباسفيك - وسط وجنوب امريكا - الشرق الاوسط - امريكا اللاتينية ) الخط الساخن لسكان الكويت ألو صحة 151 بما ان السالفه فيها مالاريا و مالها تطعيم فقط حبوب تعزيز المناعة لازم ندهن جسمنا بسبري وكريم الوقاية من الحشرات و اي كائنات تنقل الامراض https://www.arabtrvl.com/up/uploads/...1220099814.jpg https://www.arabtrvl.com/up/uploads/...1220099835.jpg يفضل تشترون من صيدلياتهم و اللي رايحين امريكا ياخذون من صيدليات امريكا بصراحه ممتازين اللي في دول الخليج ما يسون شي .. الرحلة مثل ما قلت مع شركة كويتية ثقافية سياحية .. مع نفس الشركة اللي رحت معاهم تونس .. |
بدء العد التنازلي للاستعدادت تم دفع رسوم الرحلة 1,300 دينار كويتي ( شاملة : السكن في 3 مناطق - التنقلات - دخول المرافق - وجبتين يوميا ) بعد الدفع و التأكيد رحت الى عيادة المسافرين اخذ التطعيمات اللازمة https://www.arabtrvl.com/up/uploads/...1293097891.jpg التطعيمات اللي خذيتها 3 تطعيمات التيفود - كبدي A - كبدي B من بعد الغزو لازم الكويتيين ياخذون كبدي B قبل كان بس A بس بعد الغزو الوضوع تغير و انا ما خذيتها الا توي .. المفروض اخذ التطعيمات من قبل على الاقل شهر او 3 اسابيع عشان يبدي المفعول وانا الله يسلمكم قبل السفرة ب 5 ايام :) كبدي B له 3 جرعات بأشهر متفاوتة اخر جرعه لازم اخذها شهر 7 .. https://www.arabtrvl.com/up/uploads/...1293097942.jpg خلصنا التطعيمات و التجهيزات و الانتقال الى مطار الكويت الدولي تاريخ الرحلة من : 16 فبراير الى 27 فبراير 12 يوم ب 11 ليلة .. طبعا فبراير م الاجواء الحلوه في الكويت .. لكن السفر ماله وقت :) تاريخ 15 فبراير تم التوجه الى المطار استعداد للسفر و الوصول الى المحطة الاولى نيويورك على الخطوط الجوية الكويتية https://www.arabtrvl.com/up/uploads/...5612930983.jpg موعد الطيارة الساعه 9 ص https://www.arabtrvl.com/up/uploads/...1293098034.jpg طبعا تفتيش دقيق https://www.arabtrvl.com/up/uploads/...1293098065.jpg الى الحلم https://www.arabtrvl.com/up/uploads/...6129309816.jpg قبل الدخول قروضات للرحلة من نقوه https://www.arabtrvl.com/up/uploads/...1293098167.jpg المطار فاضي و هدوء لا مو موسم سفر https://www.arabtrvl.com/up/uploads/...6129309828.jpg https://www.arabtrvl.com/up/uploads/...1293098259.jpg و الى الطيارة https://www.arabtrvl.com/up/uploads/...1293098310.jpg الجو في الكويت قبل الاقلاع https://www.arabtrvl.com/up/uploads/...2930983311.jpg البزنس https://www.arabtrvl.com/up/uploads/...2930983912.jpg بصراحة السياحية عالكويتية ممتازة ما توقعت الكراسي جذي وسيعه https://www.arabtrvl.com/up/uploads/...2930984513.jpg https://www.arabtrvl.com/up/uploads/...2930984814.jpg والاحلى الطيارة كانت فاضية على كيفكم الكراسي https://www.arabtrvl.com/up/uploads/...2930985315.jpg المنيو https://www.arabtrvl.com/up/uploads/...2930985816.jpg الغدا https://www.arabtrvl.com/up/uploads/...2930986317.jpg تم توزيع استمارة دخول امريكا https://www.arabtrvl.com/up/uploads/...2930986919.jpg ماخذين راحتهم في الاماكن https://www.arabtrvl.com/up/uploads/...2930987420.jpg https://www.arabtrvl.com/up/uploads/...1295645961.jpg الوجبة الثانية https://www.arabtrvl.com/up/uploads/...1295646022.jpg الاستعداد لهبوط مطار JFK https://www.arabtrvl.com/up/uploads/...1295646073.jpg https://www.arabtrvl.com/up/uploads/...1295646124.jpg الحمدلله تم الهبوط وانتظار شتل الفندق https://www.arabtrvl.com/up/uploads/...1296501221.jpg |
تستغرق الرحلة من نيويورك الى الكويت 12 ساعه دايركت من غير توقف حجزت في فندق كراون بلازا المطار 15 فبراير يوم اليمعه ليلة بسعر 155 دولار = 47 دينار كويتي مع الريوق ( انا و رفيجتي البحرينية ) طبعا وصلت قبل رفيجتي حطيت راسي ونمت ورانا رحلة باجر الصبح نطير 9:15 ص .. وو صلت رفيجتي عقبي تقريبا ب 3 ساعات .. ما صورت الى لما قعدنا الصبح صور من فندق كراون بلازا المطار درجة الحرارة في نيويورك https://www.arabtrvl.com/up/uploads/...1297368831.png غرفتنا اسفه ما قدرت اصورها الا جذي https://www.arabtrvl.com/up/uploads/...1297368932.jpg https://www.arabtrvl.com/up/uploads/...1297368963.jpg الحمام https://www.arabtrvl.com/up/uploads/...5612973694.jpg الريوق https://www.arabtrvl.com/up/uploads/...1297369065.jpg https://www.arabtrvl.com/up/uploads/...6129736916.jpg https://www.arabtrvl.com/up/uploads/...1297369167.jpg https://www.arabtrvl.com/up/uploads/...1297369198.jpg https://www.arabtrvl.com/up/uploads/...1297369249.jpg الفندق ممتاز اللي يبي يكون يم المطار غرف وسيعة و اسعار حلوه و ريوق حلو وبعد الريوق الى المطار اليوم : السبت تاريخ : 16 فبراير https://www.arabtrvl.com/up/uploads/...2973692710.jpg |
طيارتنا من نيويورك الى المكسيك تستغرق الرحلة 5 ساعات و 45 دقيقة هذا الحجز من نيويورك الى ميكسيكو ومن كنكون الى نيويورك تستغرق الرحلة 3 ساعات و 40 دقيقة .. https://www.arabtrvl.com/up/uploads/...1295646226.png اسعار الجناط على طيران دلتا https://www.arabtrvl.com/up/uploads/...1295646287.png https://www.arabtrvl.com/up/uploads/...6153574972.jpg والله شعور غريب داخلي قلبي حسيت من الوناسه قلبي يرقص :) https://www.arabtrvl.com/up/uploads/...1535749783.jpg لحظات ترقب و انتظار https://www.arabtrvl.com/up/uploads/...1535749844.jpg رؤية الاحلام و التعرف على المجهول https://www.arabtrvl.com/up/uploads/...1535749915.jpg كل ما له تزيد دقات القلب هل خوف ام فرحا ؟؟ https://www.arabtrvl.com/up/uploads/...5615357506.jpg https://www.arabtrvl.com/up/uploads/...1535750067.jpg بسم الله توكلنا على الله موقعنا في الطيارة ممتازه بس للاسف مو صوب الدريشة عشان اصور على راحتي https://www.arabtrvl.com/up/uploads/...1535750098.jpg https://www.arabtrvl.com/up/uploads/...1535750149.jpg اللهم هون علينا سفرنا هذا و اطوي عنا بعده https://www.arabtrvl.com/up/uploads/...1535750210.jpg نوع الطيارة B757-200s https://www.arabtrvl.com/up/uploads/...5357502411.jpg ترا ما زلنا في يوم 16 فبراير https://www.arabtrvl.com/up/uploads/...5357502912.jpg https://www.arabtrvl.com/up/uploads/...5357503413.jpg https://www.arabtrvl.com/up/uploads/...1535750414.jpg هنا المكسيك هنا العالم المجهول هنا العصابات هنا الخوف هنا الرقص والفرح قبل ما ابتدي صفحة يدية مع بلد يديد علي ومع خوف من هذا البلد واجب علي ان اعترف بخطأي في قناعة راسخة فيني وفي غيري الكثير واولهم ابوي وامي عن بلد لم نزره من قبل فقط اشوفه بالتلفزيون و الافلام و قرائة يمكن تقريرين عنه.. المكسيك من ابعد الدول عن مسكني الغالي ( الكــــويت ) سمعتها سيئة وايد الكل من تقوله المكسيك قالوا عصابات و اجرام .. سمعتها وايد سيئة والسبب الاعلام الموجه ضدها .. زرتها و توكلت على الله وما اتوقع اني اشوف شي يلفت انتباهي من حضارة و ثقافة او وجهة سياحية جيدة .. ولكــــــن !! على العكس تماما فاجأتني من وصولي للعاصمة ميكسيكو سيتي لما شفت في وجوه الناس السعادة و حب مساعدة الغير والامـــن (عكس ما توقعت ) .. قعدنا فيها 3 ليالي وبعدها رحنا واهاكا ياسلام على جمالها و بساطتها واكلها اللذيذ .. تفاجأت بكمية الثقافة والحضارة الموجودة على هذا الجانب من العالم قبائل تقدر ب 2000 سنة و اكثر ، قعدنا فيها 4 ليالي تمنيت انها تزيد فترة و جودنا ( ان شاء الله تكون لي زيارة ثانية لها ) ومن واهاكا الى الجانب المكسيكي الامريكي ( كنكون - تــولم ) تحسون في الاستحواذ الامريكي على على المدينة الكريستالية ، المجمعات الامريكية المطاعم التعامل بالبيسو المكسيكي و الدولار الامريكي !! تحسون انها امتداد لولاية فلوريدا في المكسيك .. تصلح لمحبين المنتجعات البحرية والنقاهة .. https://www.arabtrvl.com/up/uploads/...5357504515.jpg https://www.arabtrvl.com/up/uploads/...5357504816.jpg صج ولا حلم https://www.arabtrvl.com/up/uploads/...5357505517.jpg https://www.arabtrvl.com/up/uploads/...1535750618.jpg واو ارض الاحلام https://www.arabtrvl.com/up/uploads/...5357507219.jpg المطار حلو ومرتب و كبير https://www.arabtrvl.com/up/uploads/...5357507920.jpg نعبي هذي الاستمارة عند الدخول https://www.arabtrvl.com/up/uploads/...1538161561.jpg الى الكاونترات ليش زايرين المكسيك؟ سياحة وين بتروحون ؟ ميكسيكو و كنكون او لاااااا ميكسكو Hola Mexico بداية الفن في المطار https://www.arabtrvl.com/up/uploads/...6153816173.jpg https://www.arabtrvl.com/up/uploads/...1538161764.jpg https://www.arabtrvl.com/up/uploads/...1717225461.jpg يتبــــع الجــزء القادم .. ليوم 16 فبراير |
ابرار غنيت المقدمه لا ارادي :) حافظتها عدل مدل المقدمه حلوه ومشوقه جدا مغامراتج حلوه وتعجبني نفس الكلام والتخويف سمعته لما سافرت من سنين جنوب افريقيا وروسيا والحين صار وايد ناس يروحون لهم بانتظار باقي التقرير لا تطولين علينا |
اقتباس:
هههههههههه كلنا حافظينها وان شاءالله الياي يكون احلى الحمدلله اشويه مما عندج اي والله الحين الكل يسافر لهم الإعلام له دور قوي في تغير النظرة ان شاءالله ما اطول نورتي [emoji253] Sent from my iPhone using Tapatalk |
مقدمة جميله جدا ذكرتنا بايام الطفوله تقرير من ابراراكيد راح يكون في غايه الجمال متابعين :e032: |
اقتباس:
وان شاءالله يكون قد مستوى الطموح |
اقتباس:
وجزاه الله خير الوالد اللي خلاج تروحين مع اني ماألومه اكيد خايف عليج |
الساعة الآن 01:40 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO