|
يوم في نيويورك العرب المسافرون بوابة السفر الى الولايات المتحدة الأمريكية U.S.A صباحكم / مساءكم نيويوركي مثل ماقلت لكم كانت لي زيارة سريعة الى نيويورك في شهر مايو 2015 حبيت انقل لكم يوم من ايام زيارتي للمعشوقه نيويورك على راي هولمز |
في هذا اليوم كان الجو وااايد حلو غيم ومطر خفيف قعدنا من الصبح ورحنا نتفطر في ألذ وأشهر مطعم للريوق في امريكا البان كيك اهداء لابرار لكن بدون كندر وبعد هالريوق اللذيذ قررنا نروح Empire State Building ناطحة السحاب فكرة بسيطة عن ناطحة السحاب امبايرستيت مبنى الإمباير ستيت Empire State Building ناطحة سحاب في مدينة نيويوركبالولايات المتحدة الأمريكية، مكون من 102 طابق وفيه 72 مصعد ويصل ارتفاعه إلى 1250 قدم (381) متر وإلى 441 متر مع الهوائي التلفاز. ظل المبنى أعلى مبنى في العالم لمدة تتجاوز الأربعين سنة وهو يمثل ظاهرة ثقافية للأمريكين عامة وسكان نيويورك خاصة وهذا يعود إلى شهرته الواسعة إضافة إلى ظهوره في العديد من الأفلام السينيمائية مثل يوم الاستقلال (فيلم)وكينغ كونغ والرجل الذي رأى الغد/ ولص البرق. يعتبر المبنى أطول ناطحة سحاب في مدينة نيويورك منذ سقوط ناطحتي مركز التجارة العالمي في 11 سبتمبر 2001م، ويزوره سنويا 3.8 مليون شخص. وبلغت حوادث الانتحار بالقفز من هذا المبنى حوالي 31 حالة منذ افتتاحه عام 1931م. حياكم المدخل مجسم لناطحة السحاب الترحيب بجميع اللغات شراء التذاكر التذاكر لمستويين المستوى الاول من البرج تذكرة والمستوى الثاني الصعود للطابق102 تذكرة ثانية احنا شرينا التذكرتين |
صور قديمة عن بناء الناطحة * * * * * * * * عطونا سماعات كل مكان نوقف فيه يتم شرحه * الجهاز يشرح ويعطي معلومات مع الصور |
وصلنا لاعلى الناطحة ياسلااااااااااام المنظر خيال والجو غيم رووووعه شفنا نيويورك كلها من الاعلى * * * * * * * * الحين بنصعد لاعلى قمة الناطحة للدور 102 بالتذكرة الثانية * ماشاءالله لقيت هالعجوز تذكرت امي وابوي بالكويت الله يحفظهم * صارت الناطحات اللي اشوفها صغيرة * * أشهر وأجمل حديقة بنيويورك * * * بعد هالجولة الجميلة بالناطحة تصورنا والصورة داخل المجلد * وعند باب الخروج محلات بيع التذكارات والكافيهات والمطاعم * * * * |
خلصنا من جولتنا في الامباير ستيت وهذه كم صوره للناطحة من بره * وبالقرب من الامباير ستيت أحلى وأجمل وأرقى مكان للتسوق لو اقعد اجازتي كلها فيه ماعندي مانع لكن موبكيفي :(111): Macy's * * يالله عشق لاينتهي طبعا لازم أمر عليه اكثر من مرة لانه وايد كبير * * القسم اللي كل الحريم يحبونه قسم المكياج والعطور * أم حسون المحل اللي قلت لج عنه الخاص بالكريمات على شكل هيكل عظمي هذه مشترياتي منه * * * * |
شكرا اختي الايمان سبحان الله كنا في شهر مايو في نيويورك في شهر مايو انا والعائله فعلا نيويورك جميله ومدينه لاتنام بس كنتم بتاريخ كم في شهر مايو كنا بتاريخ 8 مايو في نيورك في شهر مايو الي 13 مايو وبعدها طرنا علي كاليفورنيا لوس انجلوس بيفرلي هيلز هوليوود سانتا مونيكا سان دييجو ثم مدينة لاس فيجاس في نيفادا ثم الرجوع الي مدينة ايرفاين الجميله ةبعدها الرجوع الي الامارات ابوظبي |
بعد تسوقنا في ميسيس خلاص حسينا بالجوع وقررنا نتغدا في مطعم اوليف جاردن Olive Garden* * * * * * * |
ايوا كذا الواحد يفئ على شيء حلو نيويورك .. ماشاء الله من قبل 100 سنه ناطحة سحاب اعتقد حنا كنا فكهوف الحمدلله من الله علينا وصرنا ننافسهم بالتمدن والتطور المول روووعه هيكل عظمي اووف ههههههههه الحديقة رووووعه من فوق .. الله يحفظ لنا ولكم كبار السن المطعم ماشاء الله مبين لزيز اختيار رشود صح ؟ هو دالها زين طلبك شو كانه كبة بالطحينه له وحشة فريج صويلح كل الشكر لج امووون هولمز |
بعد الغدا اللذيذ تمشينا بالمدينة الجميلة * * * * وانا أتمشى احس اني قاعدة باستيديو لصناعة الافلام * * * * حبيب الاطفال قعدات وكافيهات التايمز سكوير * * * عربانات الاكل الحلال في كل مكان لكن بصراحة ماجربتهم * * نكمل التمشي والاعلانات الضوئية الرائعة بكل مكان * * * * * * * * وبعد هالجولة قررنا نروح ناكل ألذ وأحلى تشيز كيك أنصح كل اللي يزور نيويورك يروح يذوق هالكيك وموقعه خلف الماريوت * الكافيه مشهور ومعروف * جولة داخل المحل هذه الكيكه احبها واااايد:(1): * بجميع النكهات * * * * * رد فلفيت:yolks00640: * |
اخترنا هذه الطاوله على البلكونه * المنيو * طلباتنا * حبيت اللي مكتوب على الكوب لذييييييييييييذه * * * * * * الاسعار مناسبة جدا أتمنى انكم استمتعتوا معاي بيوم من أيامي في نيويورك |
اقتباس:
كنت في نيويورك من4 الى 15 مايوم وكملت رحلتي للريفيرا الفرنسية شهر مايو افضل شهر لزيارة نيويورك لاني زرتها بيناير وايد وبرد وثلج وبالصيف حاره جدا |
استمتعت بالتجول معاج ايمان مع اني ما افضل المدن الكبيره والمباني العاليه احب الهدووء والطبيعه بانتظار جولاتج القادمه . |
هلا منول نورت تقاريري اليوم بمشاركتج اوافقج بالراي انا مثلج احب الهدوء والروقان والقرى والطبيعة عشان جذي رحت بعدها الريفيرا لكن نيويورك لها طابعها الخاص احيانا نحتاج للتغيير |
روووعه امون ما شاءالله عجييب التقرير بكل مكان الامباير ستيت تهبل يعني عقب طيحة البرجين ردت أعلى ناطحة سحاب ؟؟ ميسس هذا اللي ابي اروح له من سنين اشوفه وان شاءالله اروح له يوم من الايام يمكن على كرسي هههههه امون اي بشتري من الكريمات علشان ويهي قديم "تذكرين " هههههه والله خوش جولة بنيويورك عليكم بالعافية نبي بعد ما شبعنا يعطيج العافية |
يسعد مسائك ويوم نيويوركي بامتياز يعطيكي ألف عافية يارب على الصور الجميلة من أعلى البرج وصحتين على الصور المشهية خصوصا كيكية الرد فيلفت من جد شكلها يبكي الله يسعدك يارب |
تقرير رائع امون بس يوم واحد مايكفي نبي ايام الرحلة كلها والمخطط كامل مع الريفيرا صور جميله ورائعه ونيويورك من اجمل المدن حياة وناس 24 ساعه اتمنى زيارتها في القريب العاجل http://www.arabtrvl.com/up/uploads/a...4030726165.jpg ايش هذا اللي يرشه ع الطبق ملح والا سكر ههههههههههههه مو معقول ملح او سكر ويرش بالكميه الكثيره بالعافية عليكم وشكرا ع التقرير المختصر |
اقتباس:
لكن الحمدلله حتى احنا صار عندنا ناطحات سحاب والمطعم اكيد اختيار راشد لكن الاكل اختياري للاسف ماعندهم كفته بطحينه والا كان طلبتها هذا الطبق دياي بالمشروم لذيذ وااااايد على فكره هالمحل فاتح فرع بالكويت واكله وايد حلو نورت التقرير محققنا |
انشاءالله بكون في نيويورك في نهاية نوفمبر بداية ديسمبر فهل بيكون بارد جدا ، كيف تقريبا الجو وشو تنصحينا وياريت |
اخيييييه اموووون ليش مو كندر حرام عليج ههههههه بالعافيه ياسلاااااام التصوير عجييييب من الامباير وايد حلو والسنترال بارك عجيييبه عليكم بالعافيه اوليف غاردن يشوق واااااااي ميسيز حبيبي هذا تدرين انه مال مارثا ستيوارت ابييييييييه الجييييز كيك والرد فلفت احلى شي في امريكا عذاااااااب عوااافي بس انا للاسف ما حبيت نيويورك لان ريحتها خايسه جني في بالوعه تكرمون ولانها كلها ناطحات مااحب الناطحات ينقمت قلبي ماادري ليش .. وين باجي الايام والله استانسنا معاج في هاليوم كملي الباجي الله يحفظ الماما والبابا من كل شر |
استمتعنا بس لو تكثرين الايام ما نوثف لك متعتنا شكرا لك |
تسلمين مشرفتنا على هذا التقرير الرائع والصور الجميلة بس يوم مايكفينا ونطالب بأكثر http://www.arabtrvl.com/up/uploads/a...3952199538.jpg جميلة نيويورك بأبراجها وزحمتها خصوصا قعدات الليل في التايمز سكوير محل ميسيز واحد من افضل محلات التسوق في امريكا وما الومج اذا ودج تقعدين طول الاجازة فيه هههه |
اقتباس:
حسافه ماشفت ابراج التجاره الكريمات طبيه وايد حلوه انا خذيت للبشره ولمنطقه العين يهبل وميسيس شي عجيب ماودج تطلعين اذا دخلتي فيه كل شي ان شاءالله تروحين وتستانسين بصحه وعافية |
جزء جميل تو انتبهت له روووعه ولازالت المعشوقه نيويورك هاه هالحين الكل يطالبك بالايام الاخرى لوووول كل الشكر امووون أرسلت من SM-N910C بإستخدام تاباتلك |
ياحلو نيويورك وشوارعها وزحمتها لكن اكتشفت ان السكن برى التايم سكوير افضل واهدا وخاصة في الجهة الشمالية حول السنترال بارك حتى المنطقة انظف شوي والله من الزحمة في التايم سكوير ومختلف اشكال وانواع الناس بتشوفونهم والأمن مستتب وفي كل زاوية من زوايا نيويورك شرطة انا شخصيا احب اتمشى فيها الفجر يكون الجو حلو وبارد شوي وستاربكس الي في التايم فاتح الفجر واحب اشوف الشرطة الي بخيولهم يجوبون انحاء نيويورك في هذا الوقت وفيه مقهى عجيب عندهم اسمه ماكس برنر Max Brenner, Broadway, New York, NY, United States الا فيه حد فيكم جرب حلال قايز ههههه بصراحة رأيي انهم دون المستوى وتجربه لن تتكرر بأذن الله مشكوره مشرفتنا على هالتقرير الحلو |
اقتباس:
يازين نيويورك وايامها وهذا المحل عذاااااب نورتي التقرير |
اقتباس:
حسافه ماصورت وايد ماكنت ناوله اسوي تقرير عن نيويورك لان ماشاءالله الاعضاء مومقصرين اللي ينرش على الطبق جبنه بيرميزان تكنولوجيا اهل نيويورك الجبنه يحطونها بجهاز اذا رحت لايطوفك هالمطعم ومحل التشيز كيك ولا اروع |
اقتباس:
احسب حسابك باللبس الثقيل خصوصا اذا معاك اطفال |
عليكم بالعافية تقرير خفيف وحلو |
يوم رائع كروعة التقرير وروعه نيويورك الف شكر لك على هالتقرير |
اقتباس:
بدون كندر نبي نخفف ههههههه اول مرة ادري ان ميسيز لمارثا والله انها ذكية صاجه نيويورك بواليعها تكرمين وايد لاتلومينهم ضغط بالسكان ومساحه صغيره الناطحات وايد حلوه لكن مانقدر نقعد فيها مده طويله حدها يومين |
اقتباس:
والله ودي اكمل لكن للاسف ماعندي صور ماكنت حاطه في بالي بسوي تقرير |
اقتباس:
نيويورك حلوه بجميع اشكالها وميسز يتميز بالبضائع الحلوة والسعر المناسب مومثل اوروبا غالية واااايد حسافه ماصورت وايد وماكنت حاطة في بالي بسوي تقرير |
اقتباس:
للاسف ماعندي صور وايد:yolks00640: الله يكتب لك سفره لها وتذوق التشيز كيك |
اقتباس:
تصدق ولا مرة جربت اتمشى الفجر اتوقع بتكون هاديه ورايقه للاسف مااعرف كافيه ماكس برنر ياريت توصف لي وين مكانه بالضبط وحلال قايز ماجربته يعني اكل عربي حلال؟؟؟؟ |
اقتباس:
وينك هالايام مختفي من المنتدى |
اقتباس:
مرورك ومشاركتك بالتقرير هي الاروع |
بالنسبة لحلال قايز اانا متأكد انك مريتي عليهم بس ماانتبهتي لهم وأبدا ماانصحك فيه اشك في نظافتها واكلهم ماعجبني هو عبارة عن مجموعة كشكات (كشك) عربة صغيرة متناثرة بارجاء نيويورك بالشوارع اللي فيها زحمة يبيع رز ولحم ودجاج وفلافل وهوت دوق اكثر الي يبيعون فيها مصريين ومغاربه ماكس يرنر اشهر من نار على علم في نيويورك وخاصة للمارشميللو مع الشوكلت والفراولة وهو عباره عن مقهى العنوان: 260 5th Ave #9, New York, NY 10001، الولايات المتحدة انصحك بقوه بزيارته واي احد يروح نيويورك كذلك بعض االمطاعم الهندية والايطالية واغلبها فوق جنب السنترال بارك وكذلك افضل همبرغر راح تذوقينه بحياتك في محل صغير جدا تستغربين منه لكن من تشوفين الزحمة عليه راح تذكرين كلامي اسم المطعم برغرجوينت Le Parker Meridien New York،119 W 56th St،New York, NY 10019 وعنوانة في داخل فندق الميرديان |
اقتباس:
|
اسم المطعم برغرجوينت Le Parker Meridien New York،119 W 56th St،New York, NY 10019 وعنوانة في داخل فندق الميرديان هذا افتحوه عندنا بالكويت |
ياهلا والله بام حسين انا جربت الي بنيويورك بصراحة لذيذ جدا وعجبني ماادري عن الي بالكويت لكن ممتاز نجربه لاجينا الكويت بأذن الله الا شسالفه يام حسين اشوفك مطيحة ببوابة امريكا هالأيام هاه ناويتها هالسنه !!؟؟ انصحك بقوة اذا حاطتها في بالك |
| الساعة الآن 08:39 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO