|
مخطط رحلتي العائلية الاولى الى اورلاندو !! أرائكم السلام عليكم ورحمة الله وبركاته اخيرا قررت اني اسافر مع عائلتي الى اورلاندو بالتحديد لمدة 18 يوم من 13 -31 مايو تزيد او تنقص عائلتي مكونة من شخصين وطفلين 8 و 5 سنوات الطيران مخطط من جدة-نيويورك -اورلاندو والعكس او جدة-دبي-اورلاند والعكس انا اخترت اولاندو بالتحديد علشان الترفيه والاسترخاء مانبغى هجولة واول سفرة لعائلتي خارج المملكة 1- هل الفتره اللي بسافر فيها مناسبة علما انه وقت اختبارات في السعودية 2- ماهو افضل اختيار للطيران ودي اخذ السعودية بس متخوف من الترانزيت في نيويورك وبهذلت نقل الشنط 3- افضل مكان للسكن واهم شي يكون فيه غسالة ملابس تعرفوا انتم الاطفال كيف ويفضل يكون منتجع وفيه انشطة 4- هل عدد الايام ممتاز للاستمتاع بالسفر وممكن كم يوم اتنقل للاماكن القريبه من اورلاندو مانستغني من نصايحكم |
اقتباس:
مرحباً بك أخي 1 الفترة اللي راح تسافر فيها جداً مناسبه لعدة اسباب: - الجو راح يكون جداً رائع معتدل إلى دافي - ليست فترة إجازات لدول الخليج - ليست إجازة الصيف لدى الأمريكان 2- الخطوط السعوديه وقت وصولها على حد علمي الصباح وهو توقيت رائع ولا يكون فيه زحمه وعلى حسب اذا حجزت تذكرة وحده متصلة إلى اورلاندو استلامك الشنط ماراح يكون استلام نهائي لأنك فقط تاخذها وتمر من عند الجمارك وبعدها فيه كاونتر ترميه فيه بدون اي اجراء (لأن عليها التاق ومعاك البوردنق) فيه خيارات اخرى مثلن: جدة-دبي-اورلاندو جدة-لندن-- اورلاندو وفي هذا الحاليتن تستلم شنطك في المحطة الأخيرة أورلاندو 3- بالنسبه للسكن في كل الأحوال أنت راح تحتاج سياره (في نقطه راح اشرها لك في يخص السياره) فالمناطق ما تفرق معاك لكن فيه فلل كثير بمسبح مثلاً منطقة كسيمي, championsgate orlando.. تقدر تاخذ لك فلل بسعر جداً رخيص لا يتاجاوز ال 150-200 دولار كحد أعلى. ليش أقترح عليك فيلا بمسبح لأن من كثر المشي في حدائق ديزني وغيرها بتتعب. فتحتاج يوم استكنان وشوي في البيت بين كل يومين (من واقع تجربه). وتقدر تطلع على منتج floridays resort orlando اذا اسعاره مناسبه 4- الأيام تقريبا عند 17 يوم وانا اشوفها كثيره جدا على أورلاندو 9-10 ايام تكفيها بزياده اقدر تزور مدينة ميامي, وكي ويست, مدينة تامبا (ملاهي بوش قاردنز six flags), مدينة كلير ووتر بالنسبه للسياره وانت تحجز أنصح بالحجز مباشرة عن طريق الشركة دون الوسيط وذلك عشان يكون التأمين شامل بدون إضافه مثال على الشركات المباشرة national car rental و Dollar لما تدخل موقعه فوق في الزاوية على اليسار مكتوب where do you live جداً صغيره محطوط United state غيرها إلى السعودية او موقع إقامتك لأن في هذي الحالي يصير التأمين مضاف مجاني بعكس لما تكون أمريكي او مقيم في أمريكا. يعني بينزل عليك المبلغ 30-35%. أتمنى أكون أفدتك بعض الشي وأي استفسار أنا حاضر |
اقتباس:
اشكرك جزيل الشكر أخي الكريم انت ذكرت نقطه أنك فقط تاخذها وتمر من عند الجمارك وبعدها فيه كاونتر ترميه فيه بدون اي اجراء (لأن عليها التاق ومعاك البوردنق) اللي افهمه انك تستلم شنطك وتعدي الجمارك ويكون هناك كاونتر خاص بالترانزيت لانه الرحلة الى اورلاندة من تيرمنال 5 جت بلو والا اخذ الشنط الى تيرمنال 5 فلورايدز ممتاز بس لو فيه بديل له يكون افضل انا تخطيطي اني اروح مدن قريبه زي تامبا وغيرها ..... ميامي ما اضفتها بالخطه لانه معاي اطفال ونيويورك زرتها قبل كذا ماتستاهل الجلسه فيها وغالية |
اقتباس:
العفو انت ماخذ التذاكر كتذكره وحده؟ اذا نعم: يكون معك البوردنق حق الرحلتين و يكون فيه كاونتر اسمه drop the luggage غير الترانزيت الترانزيت اذا تبغى تسوي شك ان على رحلة جديده. إذا لا: تستلم شنطك وتاخذها لصاله 5 (كللهم لاصقين في بعض). كم ساعه بين الرحلتين ؟ انصحك تجرب مواقع تأجير الفلل في أمريكا مثل homeaway أو البحث في موقع بوكنق للفلل |
بالضبط نفس رحلتي قعدة باورلاندو 17 يوم وحسيت انها شوية على اورلاندو بالنسبه للسكن سكنت بفلوريديز ريزورت شقه 3 غرف كانت حلووه وداهيه وفيها كل ماتحتاج من اغراض وقريبه على كل الاماكن تقريبا وبالنسبه للسياره خذيت يوكن اكس ال من الشركة مباشره اذا تحتاج شي باورلاندوانا حاضر |
اقتباس:
برافو عليك ورحلة موفقه ولا تحرمنا من التقرير لكي يستفيد الآخرين من ابداعك |
ماراح ازيد على الاخوان لكن عندك شيراتون فيزتانا ممتاز للسكن العائلي |
اقتباس:
شكرا لكم جميعا على الردود انا ناوي بنفس الفندق احجز مادري كيف نظامهم وكيف الفطور معاكم هل تشوف 17 يوم مناسبة لأورلاندو ياليت تقرير موجز لرحلتك انا شايل هم التذاكر لانها راح تكلف اش تنصحني اخذ خطوط ومتى اقدر احصل تذاكر مخفظه وهل شهر مايو مناسب لزيارتها من فين استأجرت السياره |
اول شي ١٧ يوم جدا مناسبه انت رايح تسترخي مو رايح تركضوعلى عجله بالنسبة للفندق مرجريت الريوق لأننا نشتري أغراضنا كلها من الجمعيه ونسوي الريوق فالبيت اما الوجبات الاخرى لابأس بها التذاكر مباشره لاورلاندو مكلفة أنا خذيت التذاكر نيويورك اورلاندو ميامي فطلعت التذكرة اقل تكلفه علي ، بالنسبة للطيران خذيت الأردنيه طيران رائع من ناحيه الخدمات بس واجهتني معاهم مشكله وانجلت واهي ضياع حقيبتين ووصولهم بعد ٥ ايام وشهر مايو مناسب جدا لاورلاندو بالنسبة للتقرير بحاول اجمع الصور وإذا حصلت وقت انزل الصور |
ماقصروا الاخوان الله يجزاهم كل خير لي رجعة باذن الله لادلي بدلوي :17: |
يا اخي فيه نقطه مهمه لاتغفل عنها مع ان الاخوان مع الاسف ما ذكروها اللي هي لو حجزت على البريطانيه من السعوديه بتنزل في لندن في مطار هيثرو ورحلة لندن اورلاندو ماتطلع من هيثرو بل تطلع من مطار جت ويك وهذا لابد من دخول بريطانيا وتحتاج تاشيره وكذالك بتستلم العفش وفيها بهذله.... لكن نصيحه لله من شخص سافر مرتين بالعائله الى اورلاندو لاتكرر خطائ بل اجعل اورلاندو اول محطه لك ويفضل الاماراتيه او الالمانيه ... وبالنسبه للسكن انا سكنت مرتين في منتجع ريغال أوكس آه سي إل سي وورلد - كيسمي, عام 2013 14ليله وعام 2015 22ليله وبالنسبه لي انصح به ومره سكنت في فيلات ماريوت سيبريس هاربور عام 2013 10 ليالي وممتاز مافيه كلام وبالنسبه لتاجير السيارات فنصيحه ادخل على موقع المو واحجز بدون رسوم واستلام في مطار اورلاندو |
شكرا لك اخي الكريم المشكلة اسعار التذاكر ل4 اشخاص بالغين وطفلين بحدود 20 الف هل الفتره تشوفها مناسبة والا مملة طول الايام بمدينة وحدة انا محتار وانتظر ناه تنول عروض باقل من السعر هذا |
مراحب المنتدى نايم بصراحة شباب اش رايكم باخذ باكج كامل الفندق والطيران الداخلي من اكسبيديا شفت عندهم عروض حلوه هل احد جرب البكجات هذه |
لا انصح باخذ الطيران من موقع وسيط يفضل من موقع الشركة نفسها |
اكسبيديا موقع معروف و عروضه حلوه بامريكا بس لابد تكون راسم الخطة مزبوط ممكن تقارن اسعاره مع priceline https://www.priceline.com/home/?lrdr...atch=e&adp=1t1 |
خلاص الخطة تحددت بس باقي حجز التذاكر انتظر اللحظة المناسبة الاسعار كلها نار 4 افراد بحدود 20 الف مع الطيران الداخلي |
على امل تنزل عروض شهر 2 ميلادي زي كل سنه |
الله يوفقكم صحيح اسعار التذاكر نار :49: |
اقتباس:
ممكن تنزل غروض بشهر فبراير او مارس زي كل سنه وهل تنصح اخذ رحلة مباشرة الى اورلاندو تفاديا لمشكلة الشنط |
مباشرة افضل يمكن تنزل عروض فبراير عشان عيد الفالنتاين |
ممكن تنزل عروض وممكن لا لكن أنصحك مثلاُ تدخل Kayak أو cheapoair وتحط خط السير اللي تبغان وتحط تنبيه بالايميل في حال نزلت اسعار خط السير اللي تبغاه يجيك تنبيه على ايميلك أنها نزلت |
اقتباس:
مباشرة يعني راح توقف بدبي زي الاماراتية او اللوفثانزا بنتظر لين فيراير ونشوف بس الفنادق اسعارها تزيد شكلي بشوفلي فندق واحجز واخلي الطيران بعدين ش رايكم فين احجز فندق اهم شي فيه غرفتين |
اقتباس:
في أوردلاندو ومن واقع تجربة أنصحك بالمكانين هذي floridays resort orlando و Regal Oaks a CLC World Resort - Kissimmee مجربهم الاثنين وجداً مريحين بالاضافه إلى Staybridge Suites-Lake Buena Vista Sheraton Vistana Resort Villas Magic Village Resort في نيويورك ممكن تدخلي على مواقع الحجوزات وتختاري منهاتن Manhattan عن نفسي ما احب التايم سكوير لأنه أزعاج وكل فنادقها ريحتها أكل فلو تشوفين فنادق حولين التايم سكوير افضل طبعاً في نيويورك ما انصحك تسأجرون سياره أبداً أبدا خذوا الباص المكشوف وفاوضوهم يعطونكم ايام زياده يعني مثلاُ تاخذون يومين او 3 ايام يعطونكم يوم هديه بالاضافه الى تذاكر دخول بعض الاماكن والمتاحف والباص المكشوف يعمل من 8 الصباح الى 8 بالليل ويلف فيكم كل نيويورك. أنا استخدمه زي التاكسي |
اقتباس:
|
بنشوف عروض السعودية بينزلوا عروض المشكلة مطار واشنطن الرحلات الى اورلاندو محدودة ومطار نيويورك زحمة وقرف علشان كذا مابغى انزل فيه اش رايكم |
اقتباس:
وحط خيار طيران الاتحاد اذا انت شايل هم زحمة الجوازات. لأن طيران الاتحاد تسوي اجراءات جوازات امريكا من مطار ابوظبي. يعني توصل أمريكا كانها رحله داخليه. |
متاكد اخوي انه ماراح يمون فيه زحمة وبالنسبة للشنط كيف اشحنها على الخطوط الداخليه هل فيه كونتر بعد الجمارك والا لازم اروح التيرمنال الخاص بالطيران الداخلي مع الشنط ونفس الوضع بالنسبة للرجعه من اورلاندو الى نيويورك اش افضل وقت بعد وصول السعودية اقدر احجز على الطيران الداخلي |
ان شاء على حد علمي العام الماضي عن الرحلة المباشرة من الرياض إلى نيويورك اذا تذكرتك شاريها وحده يعني المسار إلى آخر محطه يعني مثلاً الرياض-نيويورك-اورلاندو في تذكرة وحده معناتها بعد ما تستلم الشنط وتعدي الجمارك تطلع برا فيه كاونتر مكتوب عليه drop off the luggage لأن الشنطه عليها التاق إلى اخر محطه وهذا افضل خيار لأنك ماراح تدفع للشنط على الرحلات الداخليه والخطوط السعوديه شريك مع طيران ديلتا. واذا كانت تذاكر منفصله عادي الصالات جمب بعض افضل وقت من رأيي تخلي فراغ بين الرحلتين 3 ساعات وأكثر بين وقت الوصول والاقلاع الثاني |
اقتباس:
شكرا لك اخوي ردك جا بوقته كنت متخوف من حكاية الشنط يعني احجز من الخطوط السعودية مباشرة تذكرة وحدة جدة اورلاندو والعكس هل كل الاشخاص نكون بتذكرة وحدة والا كل واحد بتذكرة بالنسبة للرجعه من اورلاند هل برضو عند عمل الشيك ان للشنط من اورلاندو مباشرة استلمها بجدة والا لازم استلمها من نيويورك شكرا لك |
اقتباس:
صحيح يفضل تحجزه حجز واحد لسببين: الأول: جدة اورلاندوز في الذهاب لازم تستلم الشنط بس في نيوينورك عشان تعدي الجمارك وبعهدا وترميها في الكاونتر والتاق عليها يعني مو لازمتصف ولا اي شي في العوده تستلمها في جدة السبب الثاني: لو قدر الله الرحلة تأخرت في الوصول لنيويورك. مو مسؤوليتك تأمين طياره ثانيه لا مسؤوليتهم هم. والشي الثاني التذكره تطلع عليك ارخص من لو استريتها منفصلين |
شكرا جزيلا لك بيض الله وجهة نقطة اخيره انت ذكرت تطلع برا وتحط شنطك في الكاونتر هل تقصد خارج التيرمنال او داخلها بنفس التيرمنال هذا اذا كانت تذكرة وحدة اذا كانت تذكرة مختلفه نفس الطريقه والا تختلف ماحد فادني بالموضوع هذا غيرك الجميع مايعرف بيض الله وجهك |
اقتباس:
لا في نفس التيرمنل اول ما تطلع من الوصول فيه ممر يوديك للصالات الثانيه والقطار اللي يوديك الى الصاله الثانيه في هذا الطريق فيه كاونتر حق الشنط للمواصلين الرحلات وشنطهم فيها التاق اذا كانت تذكرتين منفصله لا تتعامل كل محطه بالحالها. بس عادي جدأ وحتى لو كان المطار اللي بتقلع منه لاغوارديا (ونادره هذي الحالات) مو من JFK فيه باصات تودية للمطار الثاني (نيويورك فيها مطارين أو 3) بس حاول تمدد المده بين الطيارتين |
| الساعة الآن 04:35 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO