![]() |
هل واشنطن ونيويورك وبوسطن قريبه من بعض السلام عليكم ورحمة الله وبركاته ممكن احد يساعدني في افضل وقت للسفر لامريكا خلال هذي السنه بحيث مايكون جا الصيف والوقت يكون اخر الشتا هل شهر مايو او جون مناسب ؟ افكر نسافر لواشنطن ونيونيورك وبوسطن كم المسافه بينهم ؟ واذا فيه اقتراح لمدن ثانيه ياليت تفيدوني وايش افضل مكان لتأجير السيارات من حيث الاسعار؟ وايش افضل فنادق ممكن نستاجرها بهذي المدن؟ احتاج احد يساعدني بخطة السفر ويعطيني اقتراحات او تجارب تفيدني في رحلتي والف شكر للي يساعدني |
و عليكم السلام حياك الله بيننا انا أشوف اشهر الربيع مناسبة لزيارة امريكا اللي هي أشهر مارس و ابريل و مايو اما الصيف فهو حار و زحمة هناك نيويورك بالوسط بين بوسطن و واشنطون تقريباً 200 ميل في كل اتجاه 4 ساعات بالسيارة من نيويورك لكل وحدة منهم اما طيران يمكن 45 دقيقة نيويورك حلوة و زيارة امريكا ما تكتمل الا بزيارتها اما واشنطن و بوسطن احسها عملية و دراسية أكثر بالطبع الافضل بعد نيويورك التوجه الى لوس انجلوس و فلوريدا بالبداية اتفقوا مع الخبراء هنا على خطة سفر و بعدين تحجزون الفنادق و السيارات و هذي سهلة جداً و الكل ما راح يقصر معاك |
شكرا لك اربع ساعات بينهم بالسياره طيب هل الطريق بالسياره جميل وفيه مناظر وقرى واشياء زي كذا ولا عادي ؟ |
اقتباس:
برأيي تكون خطتكم كالتالي: الوصول نيويورك ثم بالسيارة الى هيرشي ثم بالسيارة الى شلالات نياقرا بعدها طيارة من مطار بافلو الى اورلندو و استلام السيارة و بعدها الى ميامي بالسيارة ايضا لو حابي تروحون لها بالتوفيق على فكرة نقلت لك الموضوع الى قسم الاستفسارات :) |
وعليكم السلام ورحمة الله وبركاته مثل ما قال أخونا آخر فرصه نيويورك لواشنطن 4 ساعات بالسياره نيويورك لبوسطن 3 ساعات ونص طبعاً فيه بينهم مدن رائعه بين نيويورك وواشنطن: فيلاديلفيا, بالتيمور, ويلمينقتون...الخ وتقدرون تروحون يوم أتلانتيك سيتي ومنها تكملون واشنطن بين نيويورك وبوسطن: في طريقين واحد ساحلي وواحد في النص شوي والفرق بينهم ربع ساعه الساحلي أطول في نيويورك ما انصحك تستأجرون سياره الا اخر يوم اللي بتغادرون فيه وفيه خيارات اخرى غير الطياره والسياره. فيه باصات وقطار وأي استفسار أحنا حاضرين |
الله يعافيكم جميعا ماقصرتوا رحلتنا تبدا من واشنطن وبعدين نيويورك كنا مفكرين نروح بوسطن بس انتم ماحمستوني لها طيب فلوريدا بعيده عن نيويورك ؟ انا اسال عن مدن قريبه ممكن نروح لها بالسياره مابي مدن لازم طياره اذا فلوريدا بعيده ايش البديل بنظركم وشكرا لكم مره ثانيه |
فلوريدا بالسياره 13-15 ساعه وبالطيارة ساعتين ونص فبهذي الحاله أقترح عليك: واشنطن - فيلاديلفيا وساعتين ونص بالسياره فيلاديلفيا- اتلانتيك سيتي ساعه بالسياره اتلانتيك سيتي - نيويورك ساعتين بالسياره واذا همتكم طويله 6 ساعات من نيوروك لشلالات نياقرا وأي استفسار أحنا حاضرين بس ياليت تبينون المده كم وعدد المسافرين وهل فيه اطفال و مسنين |
عدد الاشخاص 2 مافي اطفال ولا مسنيين ومدة السفر شهر تقريبا |
حلو على كذا حرام كلها تقضينها في في المناطق اللي حولين واشنطن ونيويورك فيه خيارين: الأول : تاخذون سيارة لنيويورك و واشنطن واللي حوليها بعذين طياره لفلوريدا وتاخذون سياره في فلوريدا (اورلاندو, ميامي, كي ويست...الخ) الثاني: تاخذون سيارة لنيويورك و واشنطن واللي حوليها بعدين بالسياره لفلوريدا من واشنطن او نيويورك تقريبا 13-14 ساعه وتقفون في الطريق في (ريشموند, فيرجينيا) و (شارلوتي, نورت كارولاينا) و (جكسنفيل, فلوريدا) إلى اورلاندو والخيار لك لأن حرام شهر كامل يضيعغ بس في الشمال الشرقي |
فلوريدا اقرب لواشنطن او لنيويورك ؟ وبالنسبه لبوسطن انا شفت لها صور فيها طبيعه واشياء حلوه يعني ماحسها عمليه بس حسب ماقالوا الاخوان |
شهر وماتبين تروحين فلوريدا عيل مازرتي امريكا خذوا طيارة من نيويورك او واشنطن ماهي بعيدة ولا التذكرة بغالية Sent from my iPhone using Tapatalk |
ممكن نفكر نروح بس اذا فيه مدن حلوه وقريبه لواشنطن ونيويورك نشوفها اول وبزياره ثانيه نروح فلوريدا بس الان فيه قريب فرجينيا وفيه المنطقه اللي فيها الشلالات عشان كذا اسال عن المدن ابي احاول اوصل لخطه مرتبه للسفره |
ايش راي الاخوان بالخطه هذي .. من الرياض الى واشنطن _ نيويورك _ بافلو منطقة الشلالات ومنها بالطياره الى ميامي ثم اورلاندو _ الرياض وعندي سؤال كم تبعد ميامي عن بافلو بالسياره بليز ساعدوني |
اقتباس:
حلو تبعد اكثر من ساعة خلك على الطيارة ولا تفكرين بالسيارة لان اول شي اريح ثاني شي كلفة البترول و المبيت ليلة راح يطلع اكثر من قيمة التذاكر اشتروا راحتكم [emoji5] Sent from my iPhone using Tapatalk |
شكرا لك .. كم تبعد ميامي عن منطقة الشلالات ؟ |
اكثر من 22 ساعة |
كذا الجدول ولا أحلى واشنطن - نينورك - بافولو بالطياره إلى ميامي أو اورلاندو (تفرق على حسب سعر الطائرة من فلوريدا أيهم ارخص ميامي او اورلاندو تكون آخر محطه لكم) وبين ميامي وارلاندو بالسياره مدتها 3 ساعات. ومثل ما قالت مشرفتنا منيرة بالطائرة أفضل من الشلالات إلى فلوريدا توفر وقت وجهد. |
طيب ممكن اعرف كل مدينه كم تستحق نجلس فيها يوم ؟ وايش افضل اماكن تاجير السيارات من واشنطن بحيث نقدر نسلم السياره في مدينه ثانيه ؟ وايش نوع السياره اللي تنصحونا نستاجرها ؟ وايش افضل طيران نحجز منه للمدن الثانيه ؟ وشكرا على مساعدتكم |
طيب ممكن اعرف كل مدينه كم تستحق نجلس فيها يوم ؟ نيويورك 4-5 ايام واشنطن 3 ايام بافولو يومين اورلاندو 9 -10 ايام ميامي 3 ايام تقدرون تضيفون مثلاً تامبا تبعد عن اوردلاندو ساعه بالسياره وكي ويست تحطون فيها 2-3 ايام تبعد عن ميامي 3 ساعات وايش افضل اماكن تاجير السيارات من واشنطن بحيث نقدر نسلم السياره في مدينه ثانيه ؟ فضل مكان تستأجرون منه national Car https://www.nationalcar.com/en_US/car-rental/home.html أهم شي اذا دخلتوا الموقع غيروا فوق على اليسار في الزاويه مكان إقامتكم إلى السعودية عشان يكون التأمين مضاف مجاني بعكس اذا كنتوا مقيمين في أمريكا. وتعبون مكان الاستلام ومكان التسليم. طبعاً يكون فيه زياده تقريباً 50 دولار للتسليم في منطقه أخرى وايش نوع السياره اللي تنصحونا نستاجرها ؟ السياره على حسب الشنط اللي معكم بس لا تاخذون سيارات كبار عشان البنزين يعني خذوا مثلاً سيدان وايش افضل طيران نحجز منه للمدن الثانيه ؟ عن نفسي اختار Blujet لأنهم يعطونك الشنطه الأولى مجانية مو زي غالبية الطيران الاخر بفلوس |
ماقصر بوناصر |
ممتاز الله يعافيكم هل من الممكن نستاجر سياره من المطار مباشره بدون الحجز من الموقع ؟ |
افضل انكم تحجزون مسبقا |
مثل ما ذكرت الأخت منيره الافضل الحجز المسبق لأن حقين الكاونتر غالباً ما عندهم خبر انك اذا صرت مقيم برا امريكا يكون التأمين مضاف من غير مقابل بس بشكل عام حتى لو تحجزوا قبلها بأسبوع الاسعار ماراح تتغير |
الله يعافيكم مره شكرا يعني نحجز من الموقع هنا ونلقى المكتب بالمطار ولا لازم مشاوير واماكن غير المطار وباقي شي مهم اذا تقدرون تفيدوني نطلع الفيزا عن طريق المكاتب ولا فيه طرق افضل :e306::e306: |
طبعا لما تحجزين اونلاين حددي المدينة و مطار وصولج وعادة بأمريكا مكاتب السيارات تكون في مبنى منفصل داخل ارض المطار ممكن تنتقلين لها بباص او مترو عادي اول ماتنزلين و تاخذين الشنط تبعي وين مكان car rental امانة ماقدر افيدك بخصوص الفيزا لان في البحرين نطلعها من السفارة مباشرة |
اقتباس:
ايه تحجزي عن طريق الموقع وفي الخيارات تلاقين مكاتب المطار واوصل ما توصلون تلاقون لوح بعد ما تستلمون الشنط مكتوب Rental Cars الفيزا اذا مكتب بيساعدك فقط تعبئة النموذج لا غير والنموذج لا يحتاج أي حجوزات او تامين السفر فقط اول فندق المتوقع تسكنون ن فيه وعنوانه أنصحك تعبونه أنتوا بأنفسكم النموذج مترجم وواضح (وحضروا الاماكن اللي زرتوها خلال السنوات 5 الاخيره لا تنسون أي مكان والا بيرجعون الطلب) وهذا الرابط بيفيدك ط§ظ„طھظ‚ط¯ظ… ظ„ظ„ططµظˆظ„ ط¹ظ„ظ‰ طھط£ط´ظٹط±ط© ط³ظپط± ظ„ظ„ظˆظ„ط§ظٹط§طھ ط§ظ„ظ…طھطط¯ط© | ط§ظ„طھظ‚ط¯ظ… ظ„ظ„ططµظˆظ„ ط¹ظ„ظ‰ طھط£ط´ظٹط±ط© - ط§ظ„ظ…ظ…ظ„ظƒط© ط§ظ„ط¹ط±ط¨ظٹط© ط§ظ„ط³ط¹ظˆط¯ظٹط© (Arabic) بالتوفيق |
من قلبي اشكركم ماقصرتوا بشوف اذا باقي استفسارات برجع لكم :e437::e437: |
حياك الله يا موضي بالتوفيق |
اقتباس:
ولا تحرمينا من دعواتك والله الله بالتقرير |
بخصوص الفيزا الامريكية أنصحك تعملينها بنفسك وخصوصاً أن موقع الفيزا بالعربي وسهل .. والسداد يكون أون لاين إذا عندك حساب بالبنك السعودي الامريكي سامبا .. و أي سؤال يخص الفيزا تفضلي .. أنا على مدى سنوات عبيت الفيزا لاخواني ولكذا صديق وقريب وأستمتع وأنا أسويها لاحد:5: |
لو عندي شهر في أمريكا وأول مرة ازورها بوزعها بين الشرق والغرب الشرق بين نيويورك وواشطن لمدة أسبوع الى 10 أيام ويمكن إضافة اتلانتيك سيتي وشلالات نياجرا لهم والغرب في كاليفورنيا >> سان فرانسيسكو ولوس انجلوس وساندييجو ولاس فيغاس |
اقتباس:
وش الخطوات |
اخواني الان ودي اعرف كل مدينه كم نجلس فيها وين افضل مكان للسكن في كل مدينه واهم المعالم والله يعطيكم العافيه |
اقتباس:
بعدها وبموقع السفاره عبي لكل شخص أستماره DS160 وبداية التعبئة بيطلب منك تحميل الصوره الشخصية .. بعدها تسددين قيمة الفيزا 608 ريال سعودي لكل متقدم .. إذا عندك حساب ببنك سامبا تقدرين تسددين أون لاين .. وإذا ما عندك حساب سددي بأي فرع لسامبا .. بعد السداد تحددين تاريخ وساعة مقابلتكم بالسفاره وما تقدرين تختارين موعد الا بعد التسديد .. هذي الخطوات الرئيسية وأي سؤال تعالي بس الكل يساعدون ما يقصرون ،، |
اقتباس:
عشان نفيدج |
كتبت لكم برد سابق ان الخطه واشنطن نيويورك بافلو وبالطياره لميامي وايرلاندو ممكن وحنا بالسياره نمر بعض المدن مثل هيرشي او اذا تقترحون مدن ثانيه الان حابه اعرف افضل مكان للسكن في المدن المذكوره والمعالم اللي نزورها وكم نجلس بكل مدينه وكم المسافه بالسياره بين كل مدينه والثانيه وشكرا |
اقتباس:
كيف اضمن ان الطلب كامل وماينرد |
اقتباس:
طيب خليها بهالطريقة 4 ليالي واشنطن 3 ليالي هيرشي 4 ليالي نيويورك ليلتين نياقرا فولز 7 ليالي اورلاندو قابلة للزيادة اذا عندكم وقت 3 ليالي ميامي قابلة للزيادة اذا عندكم وقت ممكن تضيفين تامبا و الكي ويست لو حابة |
شكرا منيره ممكن احد يجاوبني على باقي تساؤلاتي |
اقتباس:
بس عندج فنادق ميامي اللي على البحر كثيرة وحلوة |
الساعة الآن 05:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO