|
مخطط لرحلتي العائليه لكالفورنيا اخواني اعضاء منتدى المسافرون العرب السلام عليكم ورحمه الله وبركاته ان شاء الله سوف اذهب الى امريكا في شهر اغسطس لمده 19 يوم خطتي كالتالي 31-8 الوصول الى لوس انجلس بعدين الذهاب بالسياره الى سان دييجو لمده 4 ليالي 4-08 الذهاب الى لوس انجلس لمده 8 ليالي 12-8 الذهاب الى سان فرانسيسكو لمده 4 ليالي 16-08 الذهاب الى نيويورك لمده 3 ليالي 19-08 العوده الى الرياض ارجو التكرم اذا فيه تعديل في الجدول وايش تنصحوني في فنادق او شقق فندقيه وايش الاماكن اللي تنصحوني ازورها علما اننا عائله وطفلين |
وعليكم السلام ورحمة الله وبركاتة مرحباً بك أخوي ماجد بين أخوانك في منتدى العرب المسافرون ان شاء الله تقضي وقت واجازه ممتعه ترتيبك رائع بس تعب عليك توصل وتتجه على طول سان دييغو بس اقترح تقسم لوس انجلس قسمين يعني 4 ايام لوس انجلس 4 ايام سان دييغو 4 ايام لوس انجلس وتكمل http://www.arabtrvl.com/vb/t14474-3.html لو تشوف هذا الرابط مشرفتنا منيره قسمت رحلة في آخر الردود قريبة من رحلتك بطريق حلوه راح يفيدك الموضوع بالنسبه للسكن شوف المناطق اللي تبغاها وأقترح عليك تشوفها في مواقع الشقق مقل airbnb و homeaway عني شخصياً ما استخدم الا هي في سفري إلى امريكا وأي استفسار أحنا حاضرين |
حياك الله يا ماجد ورحلة موفقة و اشارك مميزنا بوناصر صعبة عليك تمسك خط سان دييغو و توك واصل بعد رحلة طيران طويلة قسم لوس انجلوس و الافضل بما ان مدتك قصيرة استقر في لوس انجلوس طول الفترة و بعدها انتقل الى سان دييغو و بعدها خذ طيارة الى سان فرانسيسكو حرام تقطع هالمسافات و رحلتك قصيرة راح تخسر يوم بالاضافة الى تعب يوم الثاني لو حاب رحلة البق سور خذ سيارة ليوم واحد من سان فرانسيسكو و امسك خط كاليفورنيا 1 و استمتع |
اقتباس:
بالنسبه للموقع حق الشقق هل من الممكن يحجز اقل من شهر لاني سمعت انه يحجز بس للي بيجلس شهر |
اقتباس:
على حسب كلامك ايش رايك اجلس 4 ايام في جنوب لوس انجلس بعدين اروح لسان دييجو 4 ايام ثم 4 ايام لوس انجلس بعدين بالطياره لسان فرانسيسكو لانه ضروري اروح واجلس في سان دييجو في منتجعات رائعه هناك. اذا ممكن اقتراحاتكم للسكن في جميع المدن اذا ممكن شقق فندقيه واستأجر السياره ايش الافضل هل سان فرانسيسكو ضروري السياره لاني سمعت ان اغلب فنادقها فيها باص يوصلك للاماكن السياحيه بعدين فنادق سان فرانسيسكو مواقفها غاليه جدااا . |
اقتباس:
-------------- عفوا بالخطأ عدلت على ردك |
مشرفتنا منيره مشكوره على الرد هذا جدولي اضفت بعض الاماكن اللي قريت عنها شوي هل تشوفينها زياده او اذا فيه اشياء ما اضفتها ارجو المساعده بالنسبه لسان فرانسيسكو كيف حيكون التنقل اذا ما فيه سياره هل باص الفندق يوصل للاماكن المذكوره مجانا ما هو البق سور ممكن شرح عنه : 31/07/2015 السكن في جنوب لوس انجلوس اورينج كاونتي ديزني لاند شاطي لاجونا الرائع حديقة العاب adventure city الذهاب الى سان دييجو+San Diego Zoo Safari Park حديقة سي وورلد حديقة حيوان ساندييجو شاطي لاهويا+حديقة العاب ليجولاند الذهاب الى شمال لوس انجلوس+Santa Monica Pier يونيفيرسال ستيديو علامة هوليوود+شارع هوليوود (شارع النجوم)+ شارع روديو درايف Six Flag الذهاب الى سان فرانسيسكو+ ساحة الاتحاد Union Square مرسى الصيادين Fisherman's Wharf+رصيف PIER 39 الحي الصينيChinatown حديقة جولدن جيت Golden Gate Park +Golden Gate الذهاب الى نيويورك جوله سياحيه كامله بالباص الذهاب الى الاوت لت التحضير للعوده للوطن |
اقتباس:
اي فيه لو تبغى بالايام ايجار الشقق. اوفرلك واريح نت الفنادق وغالبية الشقق تكون فيها مواقف. بالنسبه للايجار السياره أعتقد شي ضروري في كاليفورنيا أحجز عن طريق Alamo اوNational Car Rental وهي الافضل بالنسبه لي وحط مكان الاستلام المطار. وانت في الموقع غير مكان الاقامه فوق على اليسار إلى Saudi Arabia/English عشان يكون التأمين مضاف من غير تكاليف. بعكس لما تكون مقيم في امريكا يكون التأمين بمبلغ اضافي |
الاخ ماجد اسكن بالشمال ثم الجنوب ثم انتقل لسانديغو ارتب لك Big sur trip هذا موضوع لاهم نقاط التوقف على خط كاليفورنيا 1 http://www.arabtrvl.com/vb/t1509.html هذا موضوعي وفيه صور بعض نقاط التوقف على خط كاليفورنيا 1 http://www.arabtrvl.com/vb/t1000.html راح نحتاج تطلع من الصباح عشان ترجع على المغيب |
| الساعة الآن 05:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO