|
نيويورك و واشنطن السلام عليكم تم ترتيب جميع الامور الى زيارة امريكا وتحديدا نيويورك و واشنطن والرحلة بتكون برفقة العائلة .. وللمعلومية هذي اول زيارة لي لامريكا أريد آراكم ونطباعكم ونصايحكم في كل من نيويورك و واشنطن فقط .. والأهم من ذلك هل البلدين أمان ؟ |
فقط راح تتكتفون بهم نيويورك حلوة تستاهل 5 او 6 ايام واشنطن ممكن 3 او 4 ايام كم المدة اللي ناويين تقعدون فيها بأمريكا ؟ احس خسارة اذا مازرتوا اورلاندو |
وعليكم السلام ورحمه الله وبركاته الأخت منيره ما قصرت فيما يخص نيويورك انصحك بالباص السياحي المكشوف في عدة شركات قري لاين (الحمرا) سيتي سايتس (الزرقا) نيويورك تورز (الخضرا) بيق بص (البني) انصحك بالثنتين الاخيره لأن ما عليهم زحمه واشتر تذاكرك اول ما توصل والتفاض مجدي مع مناديبهم اللي في الشارع (تخفيض، تذاكر مجاني لبعض المزارات...الخ) انا استخدمهم كتكسي لأنهم اسرع ولهم مسار خاص في الشوارع اخذها لمدة ٣-٤ ايام وتلف فيك كل منهاتن وبروكلين |
ما قصروا الاخوان بو ناصر و منيرة .. يعطبهم العافية في واشطن العاصمة تقدر تزور متحف الفضاء .. بتستانسون عليه وايد ممتع و تقدر تدخل الكونغريس .. و يوجد ايضآ النصب التذكاري في واشنطن .. وهو على شكل مثلث هرمي داخله لفت ( اسنصير ) يأخذك للأعلى و تستمع فيه لشرح عن النصب و تاريخ انشاءه وهو المكان الاول الذي يلقي فيه اي رئيس امريكي كلمته عن تعيينه رئيسآ لأمريكا .. و عندك بعد البيت الابيض تقدر تزوره |
تذكرت .. وحبيت اضيف - اذا عندكم وقت زر مدينة اتلانتك سيتي بولاية نيوجرسي .. قريبة من نيويورك او واشنطن .. ساعتين اعتقد بالكثير يسمونها والله اعلم لاس فيغاس الشرق .. يعني تزورها النهار و ترجع المساء فيها ممشى جميل ,, اتذكر انه خشبي .. مدينة ترفيهية .. |
بالنسبة لي نيويورك ماتستحق اكثر من 3 ايام واهم مافيها التايم سكوير ، السنترال بارك ، وتمثال الحرية والحي الايطالي الحي الصيني وبروكلين مايسوون عندي !! واشنطن مرة امنة وهادئة جدا ! ، عكس نيويورك تماما ويبي لها حذر شوي بس اذا كان اول سفرة لامريكا وسياحة ! ليه اخترتوا هالمنطقتبن بس ؟ في مناطق اكثر سياحة في جهة الشرق مثلا اورلاندو ! سفرة سعيدة |
| الساعة الآن 02:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO