|
أمريكـــا ... الحلم القريب !! السلام عليكم ورحمة الله وبركاته . كل عام وانتم بخير .. العيد عليكم مبارك جميعاً ..أولا اشكر كل القائمين على هذا الموقع الرائع وخصوصا قسم أمركيا .. استفدت كثير من تقارير الأخوه ،، اللي راح تفيدني ان شاء الله في سفرتي القادمة .. أنا قررت ان شاء الله في عيد الاضحى ان شاء الله يكون لي زياره لامريكا .. طبعاً ما رحت لها قبل ولأنها اول مره متخوف شوي من كثير اشياء وفي بالي اسئله كثيره وياليت القى عندكم إجابات وافيه وشافيه .. أنا طبعا رايح على نيويورك ومنها بينطلق البرنامج حقي .. كيف بيكون الجو في عيد الاضحى هناك ؟؟ هل تنصحوني اول ما اوصل لنيويورك اركب الطياره وعلى اورلاندو ؟؟ كم يوم تكفي اورلاندو لاخذ جوله سياحيه كامله فيها ؟؟ وهل فيه مدن جنب اورلاندو استاجر فيها سكن والا امرها في النهار وارجع لاورلاندو مثل تامبا وميامي ؟؟ هل تنصحوني ارجع من اورلاندو الى نيويورك بالسياره وهل فيه اماكن بينهم تستحق الزياره والسكن فيها ليله او ليلتين ؟؟ طبعاً المسافرين شخصين أنا وزوجتي فقط اسف على الاطاله .. شكرا لكم |
ما شاء الله عليك يا اخوي .. و زيارة ممتعة لأمريكا أجمل بلد ممكن تزوره في العالم لتنوعه الطبيعي و الجغرافي و الديمغرافي و السكاني و السياسي حتى لو شأت خخخخ .. و إن شاء الله سفرة ممتعة الى بلاد العم السام لك و لأهلك .. وتزودنا بتقرير جميل عن سفرتك |
بإنتظار اجابات الاخوه المختصين .. وشكراً |
وعليكم السلام ورجمة الله وبركاته خطتك مو واضحة بالنسبة لي امريكا كبيرة ومتنوعة وفيها شرق وغرب و وولايات يعتمد على ترتيبك وكم عدد ايامك ! اللي فهمت انك راح تمر الشرق ومركز على نيويورك واورلانطو طبعا اكيد لازم تبقى في نيويورك اقل شي من يومين الي ثلاثثة .. وتروح وتجي منها الى اورولاندو بالطيارة لان المسافة بعيدة اورولاندو االاماكن السياحية فيها كثيرة يعتمد علىايش خطتك فيها وتترواح من 4 ايام الى 12 يوم من كثر اماكنها السياحة ! وانصح تسكن فيها واذا حاب تزور غيرها شي ثاني مثلا ميامي لان المسافى تقريبا حدود ٣ ساعات ونص بالسيارة وفي مدن بين نيويورك واورلاندو اشهرها واشنطن لو حاب تسير على البيت الابيض سفرة سعيدة |
و عليكم السلام الله يحييك بيننا ابو يارا وكل عام و انت بخير كم مدة الرحلة ؟ |
مدة الرحلة ٢٠ يوم .. ابيها بين نيويورك واورلاندو .. كيف راح تكون .. والمدن اللي راح اسكن فيها يعني ميامي وتامبا هل اسكن فيها والا السكن في اورلاندو هل اقدر ارجع بالسياره من اورلاندو لـ نيويورك .. وشكرا |
و عليكم السلام أخوي أبو يارا ... أن شاء الله تروح و تستأنس و تنبسطون في أمريكا ... بس المهم أتك تحدد الأيام و توزيعها بالنسبة لوصولك إلى نيويورك أنصحك تجلس فيها يومين أو ثلاثة أيام أفضل من أنك تأخذ الطايرة و مواصلة رحلتك مباشرة إلى أورلاندو لأنه ما تعرف كيف ظروف الطيران لو حجزت و حصل تأخر في الأقلاع ممكن تفوت رحلة المواصلة و هالشئ حصل لبعض الركاب كانوا معانا العام الماضي على الطايرة من الرياض تأخر الأقلاع ساعتين و نص و بناء عليه تأخر الوصول و أجراءات الدخوال أخذت أكثر من ساعة و نص و بالتالي فيه ناس فاتت عليهم الرحلات ... نصيحة أجلس في نيويورك كم يوم و أستمتع و أسكن في التايم سكوير و كل شئ حولك .... و إذا تبي نصيحتي .... اطلع طيران من نيويورك إلى ميامي و أجلس فيها يومين او ثلاثة أيام .. و منها بالسيارة إلى أورلاندو المسافة 3 ساعات تقريباً و أسكن فيها المدة اللى تبي و ممكن تزور تامبا و ترجع نفس اليوم المسافة ساعة تقريبا ... و فيه مدينة ساحلية جميلة أسمها داتونا بيتش لا تفوتك ممكن تقضي فيها يوم كامل أو حتى ممكن تبات في القنادق اللى على البحر موقعها على البحر روعة تستاهل .... بالنسبة إلى السفر بالسيارة من نيويورك إلى اورلاندو حلو بس المسافة طويلة حوالي 16 ساعة و تحتاج يومين علشان ترتاح من السواقة ... و توصل مرتاح ... نصيحة خل سفرك طيران أحسن إذا بتستأجر سيارة خذ السيارة من مطار الوصول و رجعها في مطار المغادرة أذا كنت ناوي تزور أكثر من مكان مثل تستلم السيارة في مطار ميامي و تسلمها في مطار أورلاندو او العكس ..... بالتوفيق و تمنياتي لكم برحلة سعيدة |
شكرا لكم |
ماقصر ابو معتز الله يعطيه العافية |
طبعا نيويورك تحتاج 4 ايام حبذا لو تزور شلالات نياقرا اورلاندو ممكن من 7-10 تقدر تروح تامبا منها و الكي ويست و ميامي 3 ايام ---------------------------------- ينقل للاستفسارات |
وعليكم السلام ورحمة الله وبركاتة إن شاء الله الحلم يتحقق ويصبح حقيقه وتقضي إجازة سعيده الاخوة والأخوات ما قصروا بس حاب اضيف شغله بسيطه.. اورلاندو فيها عالم ديزني وهي اكبر حدائق لديزني بالاضافه ليونيفرسال ستوديو حدائق فيها 4 حدائق وكل حديقه تحتاج يوم بالاضافه ليونيفارسل لحديقتين تحتاج كل وحده يوم اذا بتروح لهم كلهم بتحتاج 6 ايام على الاقل بالاضافه بعض العروض والملاهي الأخرى لا تفوت عرض cirque du soleil في اورلاندو يعتبر من افضل العروض والحجز المبكر مطلوب عشان تلاقي مقاعد والاوت لت في اورلاندو جميل جداً يحتاج نص يوم يعني الرأي لك أرى 8-10 ايام حق اورلاندو تامبا تبعد عن اورلاندو ساعه وربع وفيها ملاهي السيكس فلاقز اشهر ملاهي بالالعاب الخطره ذا فيك حيل تروح لها. واي استفسارات أخرى أحنا حاضرين |
اقتباس:
المعذرة فقط للتوضيح .. ملاهي السيكس فلاقز ما هي موجودة في نامبا ... العام الماضي2015 كنت في أورلاندو و لا أذكر أنه فيها الملاهي ... و حتى في الموقع الرسمس حقهم مذكور كل الفروع ما فيها تامبا .. مالم يكون شئ جديد !!! هذا للتوضيح |
اقتباس:
|
ابويارا رحلتك مثل رحلتي انا زرت نيويورك واورلاندو وميامي ابعطيك جميع التفاصيل بأذن الله قريب جدا |
من واحد ساكن في فلوريدا ست سنوات ومغط خط نيويورك اورلاندو بالسياره: نيويورك 3 ليالي ثم بالطيارة لميامي ليلتين في ميامي وبعدين بالسيارة لاورلاندو 9 ليالي في اورلاندو بعدين بالسياره لسموكي ماونتن 3 ليالي بسموكي ماونتن في ولاية تنيسي وبعدين بالسياره لهيرشي ليلة بهيرشي ومنها لمطار نيويورك وترجع بالسلامه المجموع 18 ليلة، فيه ليلتين اضافيات ممكن تضيفهم باي مكان انت حاب، في نيويورك لا تطلع من منهاتن ويفضل السكن بالمنطقة حول التايم سكوير، ميامي اسكن بالساوث بيتش واغلب تمشيك بيكون هناك (اذا نتوا عائلة محافظة جدا ما انصح في ميامي). في اورلاندو الخيارات كثير، وحط في بالك يوم تروح للبوش قاردن في تامبا) ودزني مو شرط تروح لهم كلهم، عندك انيمل كينق دوم ما تسوى. فيه سموكي ماونت خذلك كوخ على الجبل. اذا تبي الموضوع ريلاكس اكثر لان الجدول هذا متعب لان فيه سواقه وتنقل كثير. انصحك بالتالي: 3-4 ليالي نيويورك كروز بحري من فلوريدا لمدة 7 ايام وانصحك بالويسترن كريبين 9 ايام اورلاندو وممكن ليلة او ليلتين في ميامي الناس تختلف اذواقها ناس تحب الطبيعه وناس تحب المدن، ناس تحب تصحى الصبح وناس تحب تسهر. انت صمم برنامجك مثل ما تحب. انا زرت دول كثير ولا يقل 27 ولاية في امريكا وامريكا وجهتي المفضله وانا متأكد انك بتنبسط، بس المهم تخطط صح |
ما قصرت أبوفيصل ياليت تذكر لنا خبرتك في تقارير أو أهم الوجهات والنصائح لعله يفيد السواح العرب |
اقتباس:
بس اتوقع اللى يزور ديزني لاند و يونيفيرسال ستديو تغني عن الباقيات اللى في نفس المنطقة |
اقتباس:
اعتذر تلخبطت في الأسامي مع اني رايح لها أقصد البوش قادنز |
ابوفيصل عطاك الزبدة :25: |
ميامي اذا معاك اطفال بلاش منها اغلبهم مفاصيخ والديرة مش ولابد تقول كانك في كوبا والاماكن الحلوه اللي فيها تنعد على الاصابع |
| الساعة الآن 11:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO