استفسار عن اماكن سياحيه في لوس انجلس
 

السلام عليكم .. يعطيكم العافيه جميعا

احنا رايحين ان شاء الله للوس انجلس بتاريخ 20 جولاي ، ومعنا ابوي الله يطول بعمر ، فحابه استفسر عن اماكن سياحيه ممكن تناسبه لان اغلب الاشياء تكون اسواق او مطاعم مافيه شي مناسب له وومكن ينبسط فيها ،

فياليت اللي يعرف مكان حلو يفيدني ..

الله يجزى الجميع الخير ❤

عندج هوليود ساين
وولك اوف فيم
الملاهي
الشواطئ

لوس انجلوس حيستمتع فيها بكل مكان حيزوره
ان شاء الله

وعليكم السلام ورحمة الله وبركاتة
مشرفتنا ومراقبنا ما قصروا يعطيهم العافيه

هو في الاخير يرجع لرغبات الوالد ايش يحب..الطبيعه, البحر, ..الخ
لكن تقدروا تاخذوه على بعض الاماكن مناسبه لكل الأعمار مثل:

على غابات لوس انجلس او ما تسمي غابات انجلس الوطنية Angeles National Forest

سوق المزارعين في لوس انجلس فيه كل شي ومطاعم حلو وجميل

سوق يوم الاحد Sunday market يسوونه كل يوم أحد في مكانين او ثلاثه في المدينه

بالاضافه بامكانكم تاخذونه على Lake Arrowhead هاديه واستكنان مثل اوروبا