|
امريكا لاول مره السلام عليكم حابه اسافر السنه لامريكا معنا ثلاثة اطفال عشر سنوات وخمس سنوات واربع سنوات مرررررررر ه متخوفه من المسافه :12: مع الاطفال عندي احساس انو صعب لكن تحثست لامريكا لما سمعت من كثير انها انسب وجهه للاطفال خصوصا وتغيير عن اوروبا ياليت تفيدوني عن السكن انا حابه شقه واسعه فندقيه وبالنسبه للولايات ابغي انسب وجهه هادئه ومريحه للاطفال المنطقه ضروووري يكون جوها حلو .... مؤهله للاطفال فيها انشطه طبعا انا اعرف ان المناطق والولايات كثيره ومسافات بين كل ولايه والثانيه لكن صعب جدا تنقلاتي مع الاطفال خصوصا ان بين كل ولايه والثانيه ست ساعات عالاقل بالطياره فانا ما اقدر اطلع اكثر من منطقتين والافضل يكونوا قريبين من بعض جلسنا راح تكون مدة ثلاثة اسابيع اعتذر علي الاطاله:) |
شكلك تقصدين امريكا الشمالية مو الجنوبية ودي افيدك بس للاسف مازرت امريكا اقرأ دايما عنها والافضل زيارة نيويورك ولفلوريدا - ميامي مناسبة للاطفال ويمدحون كاليفورينا هي الوجهه الاجمل انقلي استفسارك في بوابة امريكا الشمالية وراح يفيدونك الاعضاء |
اقتباس:
بالنسبه لطلبك ورغبتك حتلاقينها في ولايتين الاولى نيويورك والثانيه فلوريدا اورلاندو وممكن تتنقلين في فلوريدا من اورلاندو الى ميامي وتامبا وبتناسبككم خصوص ان المسافه بين الولايتين 3 ساعات او اقل |
اقتباس:
وعليكم السلام ورحمة الله وبركاتة الأخوان ما قصروا أمريكا جداً مناسبه لجميع الأعمار الصغار والكبار لتعدد وسائل الترفيه فيها اللتي تناسب جميع الفئات العمريه والميول. الخيارات كثير بالنسبه لشقق السكنيه والأماكن .. لكن لنتمكن من تحديد القرار والخيار المناسب نأمل تحديد فترة السفر يعني اي شهر واي موسم (الصيف, الشتاء...الخ) والميزانية المححده للسكن وان شاء الله ماراح نقصر معاك في أي شي تحتاجينة ... |
اقتباس:
|
اقتباس:
الميزانيه للسكن مو اكثر من الف ريال |
اقتباس:
مرحباً بك أختي خيار مراقبنا ابو طلال الجزء الشرقي خيار رائع نيويورك وبعدها طائرة الى فلوريدا (اورلاندو) وهو اقتراح رائع وايضاً تقدرون تزورون المدن اللي حول اورلاندو بالنسبه للجو بيكون مايل للحراره وهو تقريبا الى 32 مئوية ورطوبه وتقدرون تضيفون لهذا الخيار واشنطن وشلالات نياقرا الخيار الثاني وهو كاليفورنيا الوصول الى لوس انجلس وبعد لوس انجلس التنقل بالسياره والمدن المتاحه لوس انجلس -ساندييغو- لاس فيغاس-سان فرانسيسكو الجو بيكون لطيف بس هذا الخيار بيكون أغلى مادياً بكثير من الخيار الأول لأن السكن والمعيشه أغلى في كاليفورنيا من فلوريدا وبالنسبه لي شخصياً ارجح الخيار الأول بالنسبه للسكن بالإمكان تزورين موضوع سبق وطرحته بالنسبه لإيجار السكن عن طريق الملك والموضوع على الرابط أدناه https://www.arabtrvl.com/vb/t17325.html واي استفسارات أخرى أحنا حاضرين |
اقتباس:
|
اقتباس:
الله يزيدكم 15 الف ريال نقول تذاكر 10 الآف ريال إيجار سياره السكن المتوسط اليومي 200 دولار x 25 يوم = 5000 دولار = 18800 ريال خل نقول 19000 متوسط الصرف اليومي 200 دولار نفس حسبة السكن 19000 ريال الاجمالي 63 الف ريال الميزانية بتكون بين 55 الف الى 65 الف بالكثير هذي ميزانية مبحبحه شوي |
طيب ممكن تعطيني فكره عن المناطق او بالاصح المنطقه اللي راح يمون سكني فيها اساسي مع العلم انا ما احب كثرة التنقلات تربكني مع الاطفال |
انا ما اخب المناطق المزحومه بالسياح والضجه اهم شي عندي يكون المكان مؤهل للاطفال واذا بزور مناطق ماتكون ابعد من ساعتين بالمره ثلاث ساعات |
اقتباس:
|
اقتباس:
وماشاء الله ابو طلال وابو ناصر ماقصرو بس ناقص العمده مقدام وكل امورك تصير سهالات |
اقتباس:
لكن الكلام على اماكن تجمعهم مثل الأسواق, الكوفيات, المطاعم ...الخ لوس انجلس السكن في منطقة انهايم لأنها قريبه من ديزني و يونيفيرسال ستوديو والمدن قريبه منها مثل سان دييغو ساعه ونص سانتا باربرا ساعتين لاقونا بيتش 45 دقيقه لاس فيغاس 4 ساعات |
اقتباس:
|
ماقصر ابو ناصر عطاك الزبده وبالنسبه للسكن اورلاندو دايما الاسعار رخيصه وكذالك نيويورك بس يبقى الخيار لك بعد الاطلاع على التقارير وتجارب الاعضاء في البوابه الرئيسيه لامريكا ومع الدخول على مواقع الفنادق كبوكنق راح تحددين المناسب لميزانيتك ونحن بخدمتك |
في الصيف الافضل لكم كاليفورنيا لان جوها الطف واحسن من فلوريدا وافضل مكان للسكن هي منطقة اورنج كاونتي (انهايم او ايرفاين ) وذلك لقرب حدائق الالعاب منها وايضا الشواطي قريبة ومنها ممكن تزورون ساندييجو في الجنوب وبيفرلي هيلز وسانتا مونيكا في الشمال خيارات السكن متوفرة في المنطقة والافضل الحجز فيها مبكرا وانهايم السكن فيها ارخص ومواقع بوكنج وهوم اوي و AIRBNB فيها خيارات عديدة واختاروا منها اللي يناسبكم |
اقتباس:
👍👍👍👍👍فعلا مهم عندي الجو يعطيك العافيه حابه اعرف لاس فيغاس هل قريبه من كاليفورنيا وايش فعالياتها وهل تنصح بزيارتها |
لاس فيغاس 4ساعات بالسياره تقريبا من لوس انجلوس واهم فعالياتها هي عروض السرك وزياره السد وحقها 4 او 5 ايام لو تبين تروقين اكثر فيها وتستمتعين بالعروض وشارع الفنادق أرسلت من SM-G925I بإستخدام تاباتلك |
اقتباس:
حتى بالليل حر موت جربتها في بداية سبتمبر فعلا الجو مثل الخليج و ازود انا من رايي تقضون رحلتكم بهذا الترتيب نيويورك لوس انجلوس سان دييغو |
^ بالعكس لاس فيغاس زرتها بالصيف شهر ٨ وكان مطر خفيف و ماكانت حر وايد يعني حر الي تقدر تستحمله مو الاوفر واساسا لاس فيغاس اغلب الاماكن اتكون داخليه والفعاليات تبدا بليل يعني عادي . |
سلام انا مثل الاخت مسافر لاميركا اول مرة و لكن انا ان شاء الله ساختار فلوريدا ( اورلاندو و ميامي ) و منها الى نيويورك (للذهاب بعدها الى شلالات نياغارا) و لكن ودي لو اروح مثلا هاواي او كاليفورنيا بماذا تنصحون نحن عائلة مع ولدين 8 و 11 سنة و الاجازة تقريبا 40 يوم :e345: |
اقتباس:
اش رايك تفتح استفسار جديد بموضوع مستقل وابشر بالرد والتنسيق معك حتى النهايه أرسلت من SM-G925I بإستخدام تاباتلك |
| الساعة الآن 12:01 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO