الرجاء مساعدتي في ترتيب المدن وعدد الايام في كاليفورنيا
 

يعطيكم العافيه يا اخوان .. الرجاء مساعدتي في ترتيب المدن وعدد الايام لكل مدينة ..
هذي اول زيارة لأمريكا
مدة الرحلة ٢٨ يوم
تاريخ الذهاب ٢١٠٩/٧/٢٧
تاريخ العودة ٢٠١٩/٨/٢٥
عدد الأفراد ٤ ( طفلين ٥ سنوات و ٧ سنوات وانا وزوجتي )
تم الحجز على الخطوط السعودية الذهاب مباشرة من جدة الى نيويورك والعودة من لوس انجلوس الى جدة ، مبدئيا خصصت ٥ ليالي في نيويورك وجاري البحث عن فندق مناسب في التايمز سكوير ،
الذهاب من نيويورك الى سان فرانسيسكو طيران داخلي ومن ثم استلام السيارة في المطار.
تخصيص ٤ او ٥ ليالي في سان فرانسيسكو ومن ثم النزول الى اجمل المدن السياحية
مبدئيا استبعدت لاس فيغاس لبعدها عن لوس انجلوس وارتفاع درجة حرارتها في الصيف
ارجو منكم مساعدتي في ترتيب المدن وعدد الايام علما بأن العودة سوف تكون من لوس انجلوس ان شاء الله

الله يعافيك

5 ليالي حلوين في نيويورك وبما انكم عايله و تبي في التايم عندك double tree by hilton

سان فرانسيسكو 4 ليالي كافي
لاس فيغاس حلوه وفي وايد اماكن indoor والعروض اللي فيها روعه الاجواء العصر وايد زينة بس الظهر
مو بعيدة 4 ساعات

اذا ما تبيها تقدر تقعد في لوس انجلوس اذا تبي تقسم المدة او مكان واحد

مثلا 8 ايام انهايم و 8 ايام ارفاين

هالمجمعات السكنية في ارفاين موقع ممتاز وكل شي متوفر حولك

The Park at Irvine Spectrum

The Village at Irvine Spectrum

زيارة مدينة مونتري او المبيت فيها حلوه و انتوا طالعين من فرانسيسكو مثلا ليلتين

نيويورك 5 ليالي
سان فرانسيسكو 5 ليالي
لو انجلوس 10 ليالي
باقي الايام ممكن تطلع فيها كروز من لوس انجلوس

يعطيكم الف عافيه ومشكورين علي المساعده .. بصراحه امريكا كبيره ومحيره مو مثل اوروبا في التخطيط .

حلوو فندق نيويورك

الله يسهل عليكم ان شاءالله
اذا جذي لا تتنقل وايد حتى في المبيت يعني اطلع من فرانسيسكو على لوس انجلوس و منها كل يوم زيارة مكان
واذا تبي مبيت عندك سانتا مونيكا و باربرا

سان ديغيو تقدر تزورها يوم كامل ويوم زيارة عالم البحار sea world

يعطيك الف عافيه ما قصرتي .. الله يسهل ان شاء الله وتكون تجربة حلوه مع امريكا .