|
زيارتي لأول فرع ماكدونالدز في العالم في سان بيرناردينو كاليفورنيا السلام عليكم ورحمة الله وبركاته كنت كاتب تقرير عن زيارتي لكاليفورنيا وحبيت أتكلم عن زيارة أول فرع ماكدونالدز في العالم بموضوع منفصل لاني ماشفت في المنتديات العربية احد تكلم عنه وكنت حريص على زيارته هو يقع في منطقة سان بيرناردينو ويبعد تقريباً ساعتين وربع عن لوس انجلوس بالسيارة وقريب ال4 ساعات عن ساندييقو تم تأسيس المطعم عام 1945 وتم تحويله الى متحف عام 1998م https://mrkzgulfup.com/uploads/157469552373934.jpegمركز الخليج والجميل لو قبل ماتزوره إنك تشاهد فلم The Founder وانا بحكم تخصصي وعملي احب مواضيع تأسيس الشركات و نقلها من الخسارة للربح كثير تعجبني هالامور وهذا سبب حرصي لزيارة اول ماك لاني اعتبرها من انجح الشركات في التوظيف ونظافة العمل والجودة والسرعة بعيداً عن محتوى اكلهم اللي يعتبر غير صحي:e33b::e120: https://mrkzgulfup.com/uploads/157469552350291.jpegمركز الخليج نبدأ بالتقرير وعرض الصور هنا ثلاجات الكوكا كولا ومكائنها بالاضافة الى ثلاجات الثلج بمختلف السنوات https://mrkzgulfup.com/uploads/157469552356612.jpegمركز الخليج وهنا شفت العاب الهابي ميل بمختلف السنوات وبمختلف الدول https://mrkzgulfup.com/uploads/157469552384675.jpegمركز الخليج https://mrkzgulfup.com/uploads/157469552431657.jpegمركز الخليج https://mrkzgulfup.com/uploads/1574695524575210.jpegمركز الخليج https://mrkzgulfup.com/uploads/15746955244268.jpegمركز الخليج https://mrkzgulfup.com/uploads/157469700023781.jpegمركز الخليج وهنا العاب الاطفال كانت بسيطة مو مثل هالجيل دورين وموعاجبهم:13: https://mrkzgulfup.com/uploads/157469552448349.jpegمركز الخليج كراسي الاطفال :40: https://mrkzgulfup.com/uploads/15746955242266.jpegمركز الخليج الاكواب والعلب وملابس الموظفين لأول فرع https://mrkzgulfup.com/uploads/157469700031092.jpegمركز الخليج متحف وصور المؤسسين https://mrkzgulfup.com/uploads/15746970004413.jpegمركز الخليج https://mrkzgulfup.com/uploads/157469700053434.jpegمركز الخليج المتحف ما كان كبير لكن كثير استمتعت فيه وجلست اكثر من ساعتين وما حسيت والموظفين جدا فرندلي وشرحهم ممتاز واشتريت التيشيرت اللي لابسه منهم ب12 دولار للذكرى :e33b::e022: |
الللللللله روووعة رووووعة الموضووع أخي الكريم كل الشكر لك على تعريفنا بحبيب الجماهير مكدونالدز (أنا مو منهم :23:) تم تسجيله ضمن جدول الرحلة القادمة لأمريكا فولدي من عشاقه جداااا في انتظار مزيدا من هالتقارير الجميلة :e335: |
ممتاز انك زرته وكتبت عنه انا كنت شايفه الفلم من فتره وقلت إذا لي سفره بمر عليه وما شاءالله سبقتنا 👍🏽👍🏽 الفلم واااايد حلو وانصح الكل بمشاهدته خصوصا ان المشاهد راح يحتر في النهاية لكن هذي التجاره فن وشطاره تسلم الأيادي وايد حلوه فكرة المتحف |
اقتباس:
الله يسلمك اختي قطرية والمكان يعتبر تاريخي خصوصا انه لأكبر مطعم في العالم ومنتشر في كل مدينة وقرية ومطار أتمنى لكم زيارة ممتعة الرحلة القادمة وفيه شي لو تاخذون لعبة هابي ميل من قطر أو الخليج وولدك الله يحفظه يهديها لهم بيصورنه وبيحطونه مع العلم ان من الدول اللي اهدتهم وبيعرضونه بالمتحف ولو ادري الموضوع كذا كنت سويتها. |
اقتباس:
الله يسلمك اختي وصحيح الزيارة كانت جداً مختلفة لان ماشفت لها تقرير قبل وكانت غامضة بعكس الزيارات الثانية بالنسبة للفلم انا رايي مختلف ان المؤسس كان شغله صح وأن الاخويين كانوا خوافين ولولا شجاعته كان ماك الى الان فرع صغير في كاليفورنيا ما احد يدري عنه |
ما شاء الله زياره جميله وشي مميز ان الواحد يزور مثل الأماكن هذي وكما تفضلت قصة نجاح رائعه كل الشكر لك |
اقتباس:
الله يسلمك اخوي الفراهيدي |
اقتباس:
فكرة حلوووة ..بس ولدي الله يحفظه رجال :35: بيكون 17 سنة وقت زيارة المتحف مو مال هابي ميل يعني :24: بس الأمريكان حبييبين يعتبرون الشاب لين 17 سنة طفل :18: فبناخذ له وجبة هابي ميل مع وجبته قبل السفر وبننطل اللعبة عندهم :14: قبلوا وصوروا الولد خير وبركة ماقبلوا هم الخسرانيين :17: تحياتي الحارة لك وبانتظار مزيد من هالمواضيع اللي تثري البوابة بالجديد دائما.. |
اقتباس:
لا لاتحاتين أكثر اللي حاطين صورهم ناس كبار:7: |
ماكدونالدز حبيب الملايين وانا منهم واي دعايه ضده اعتبرها حرب تجاريه المهم التقرير روعه وعرفتنا على مكان جمييل جداا اذا بروح له باخذ العاب هابي ميل اللي من سنين عندنا ساعات نجمع من كثر ما يشترون العيال ونفس الهديه تتكرر متحف حلوو وعليك بالعافيه |
| الساعة الآن 11:02 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO