|
محتاره بين امريكا واستراليا ايت افضل واحلى السلام عليكم ورحمة الله وبركاته حابه استفسر عن جدول رحله لنيويوك وفلوريدا يوم 25فبراير ليوم11مارس (16يوم) من جده الاقلاع لنيويورك شخصين وطفلين عمر 5سنين وسنتين ونص جدول من حيث الطيران السكن (فشقه او فيلا او منتجع) والمواصلات الاماكن الترفيه والميزانيه متوسطه تقريبا 25الف وابى نصيحتكم محتاره بين امريكا واستراليا 😭😭😭😭😭😭😭 |
امريكا و انتي مغمضة بس 25 الف شخصين و طفلين !! مع السكن و التذاكر يعني !! ماتكفي !! |
اهلين اختي.. ما عندي خلفية عن استراليا لكن امريكا ما راح تندمين عليها بدا لكن نقطة مهمة.. 25 الف شاملة سكن و تذاكر و مصروف؟ اذا نعم ف هي لا تكفي ابدا لكن اذا كانت فقط مصروف ف ممتازه |
انا مع الاخوان المبلغ ما يكفي وبعد انتي بتروحين اسبوعين يعني وايد قليل المبلغ لو تخلين السفرة لدوله قريبه افضل لك وبعد معاج اطفال المسافه بعيده عليهم بالطيارة افضل تروحين دولة اوربيه |
نيويورك ماتناسب في هذه الفترة بتكون ثلوج وصقيع وما تناسب خصوصا لأطفال صغار هذا غير كثرة تأجيل الرحلات في هذه الفترة في مطارات نيويورك ، على حسب العاصفة الولايات الجنوبية مثل فلوريدا ممكن تكون مناسبة الولايات الشمالية والوسط ما أعتقد مناسبة في هذه الفترة |
أنا أشوف أن المدة والميزانية غير مناسبة أبدا لأمريكا معاج طفلين صغار والمسافة بالطيارة جدااا متعبة لج ولأطفالج رايي من راي الأخت توبليرون يادولة أوروبية قريبة مثل بريطانيا أو ألمانيا يا إحدى دول شرق أسيا مثل ماليزيا واندونيسيا .. بالتوفيق |
اهلاً حبيبي بالنسبة لأمريكا ماعندي خبرة لكن مخططه ازورها قريب بإذن الله. أما استراليا جميلة جداً ومتنوعة وكل ولاية تختلف عن الثانية وتصلح للعائلات وانصح بزيارة ( كوينزلاند ( قولد كوست -كينز Cairns - برزبن ) - نيوساوث ويلز ( سيدني والمدن الي حواليها) - فكتوريا (ملبورن) ممكن كلهم بالسيارة او طيران داخلي لان المناطق الي بينهم عجيبة. لكن الجو خلال هالفترة راح يكون غالبًا حار ومتقلب ماعدا بعض الولايات مثل فكتوريا يمكن تكون شوي باردة. المدة كاف لزيارة استراليا لكن الميزانية ماعتقد بس بالنهاية شوفي وين يميل قلبج وميزانيتج. :e437: |
| الساعة الآن 04:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO