|
رحلة فبراير: كاليفورنيا و الطريق اللي وترني !! السلام عليكم و رحمة الله و بركاته و رجعنا للوطن بعد رحلة استمتعت بكل تفاصيلها و بكل دقيقه منها و الفضل بعد الله لكم و لمساعدتكم في تخطيط رحلتي. راح باذن الله اسرد لكم قصة رحلتي و بالتفاصيل اللي اقدر عليها, و اعذروني لو ما كان فيه صور كثيرة لان الصور كانت اغلبها عائلية. مدة الرحلة: 21 يوم المكان: سان دييجو, لوس انجلوس, ارفاين عدد المسافرين: 4 (اتا و المدام و ابني و الوالدة الله يحفظها) الخطوط الناقلة: الاتحاد راجع لكم لأكمل الباقي... انتظروني :62::62: |
وعليكم السلام ورحمة الله وبركاتة ياســــــــــــلام ( ارفاين ) جميلة جداً المنطقة هادية ومريحة وآمــنه عجبتني أكثر من لوس انجلوس نفسها أحييك على اختيار خطوط الاتحاد ... رائعة والأهم التفتيش يكون في أبو ظبي بدل امريكا بإنتظار التقرير |
الحمد لله على السلامة طارق الله يحفظ لكم الوالدة و الأبناء 21 يوم مدة حلوة يعني استمتعتوا عطنا التفاصيل بانتظارك :59: |
الحمدلله على السلامه ومعاك في رحلتك الامريكية |
يا سلام تقرير أمريكي جديد بقراطيسه الحمد لله على السلامة أخوي طارق .. ربي يحفظ لكم الوالدة و العائلة كلها .. مستمتعين بس بطارئ أمريكا ولو ما فيه صور "الكلام عن أمريكا يبعث السعادة بالنفس " منتظرين التقرير و مجهزين الــ https://thawaaq.com/content/images/t...ouch-_550.jpeg |
اهلا و سهلا فيكم من جديد... الله يسلمكم جميعا و يحفظ لكم احبابكم... خلوني ابدأ معاكم رحلتي من مطار الدمام.. بسم الله نبدأ اتجهنا في تمام الساعه الواحد بعد منتصف الليل الى مطار الملك فهد الدولي و العيون تحتاج الى النوم لأني كنت مداوم نفس اليوم ولا ريحت.. المهم وصلنا المطار حطينا الشناط و اخذنا البوردينق للرحلتين (دمام ابوظبي و ابو ظبي الى لوس انجلوس) اقلاعنا كان في تمام الساعه 3:55 دقيقه و انتظار في مطار ابو ظبي لمدة ساعتين و نص. وصلنا الحمدلله الى ابو ظبي و اتجهنا بسرعة الى البوابات الخاصة في امريكا لانهاء اجراءات الجوازات لان زي منتو عارفين ان الدخول لأمريكا من ابو ظبي و هنا كانت المفاجئه التعيسه.. المدام و امي و ولي العهد مرو بسلام لكن اخوكم بالله قالوا له صفط على جنب.. جلست و جاني امريكي عيونه حمرا قالي (ها جابوك معنا) انا رديت مبتسم (انا اجنبي و جلسوين ما اختلفنا لكن انت ليه جايبينك معنا و انت امريكي؟) و هنا صعقني بجوابه اللي كان ( لاني توي جاي من الصين ) انا قلت له الله ياخذك وش تبي جاي عندي و عيونك حمر و اشم ريحة كورونا المهم عطلوني لمدة ساعه و نص لدرجة ان الطيارة شارفت على الاقلاع و هنا تحطمت و قلت برجع الدمام و انا مسكور الخاطر,, لكن نادو اسمي بالنهاية و سألني كم سؤال و قالي طيارتك بانتظارك و الحمدلله ركبت الطيارة بسلام. الاحلى بعد هذا كله ان الطيارة كانت شبه فاضية و الكل اخذ له ثلاث الى اربع كراسي و نمنا مرتاحين. نعود اليكم لاحقا بالحلقة الثانيه من رحلتي الجميله ..... |
نعود اليكم بالحلقة الثانية... بعد وصولنا لمطار لوس انجلوس استلمنا الشناط بعدها توجهنا لمنطقة انتظار الباصات الخاصة بتأجير السيارات لأن زي منتو عارفين محلات تأجير السيارات خارج المطار و تروح لها بباصات خاصة بشركات التأجير و انا اجرت فان تويوتا عن طريق شركة thriftty بسعر 4000 ريال لمدة واحد و عشرين يوم. استلمت السيارة في اقل من ثلث ساعه بعدها اتجهت لاقرب شركة اتصالات و هي T-MOBILE و اخذت ثلاث شرايح مسبقة الدفع مع انترنت مفتوح قيمة الشريحة الاساسية 59 دولار و باقي الشريحتين 30 دولار و كان عرض جدا رائع بعدها حطيت موقع السكن في قوقل ماب و السكن كان شقة في the park في ارفاين عن طريق شركة و راح اذكر لكم اسم الشركة في نهاية التقرير لان بصراحة افضل مليون مره من airbnb و بوكينق و غيرها شركة محترمة و تعاملهم سلس و راقي. المهم توجهنا للشقة الواقعه في ارفاين و كانت المساقة 50 دقيقه مع شوية زحمه,,, حطينا اغراضنا و ريحنا و قررنا نطلع نتمشى بالسيارة و ناخذ عشا من IN N Out الشهير و الغني عن التعريف و نريح و بكره نبدأ رحلتنا في ربوع كاليفورنيا... نراكم في الحلقة الثالثه |
لعب الاعصاب لابد منه بس الحمدلله عديت على خير ماشاءالله الحمدلله انكم توفقتوا بالسكن |
ياسلااااام ....تقرير جديد في بوابتنا الغالية؟ يا فرحتااااااه :e306::e306: بداية حمدالله على السلامة ..وألف شكر على وفائك بوعدك لنا ونزلت التقرير أول مارجعت بالسلامة ..:e32f: وعلى ماقال بو معتز ما يهم الصور ..يكفي طاري أمريكا وسيرتها تفرح القلب المحب لها المتيم بها.. بداية الرحلة كانت تخوف..:9: مع الأمريكي بو عيون حمر.. بس الحمدلله عدت على خير ولحقت على الرحلة في آخر لحظاتها..وتحقق الحلم الأمريكي.. جميل اليوم الأول وترتيبه بشكل مريح عشان من بكرة تبدأ المغامرات الأمريكية.. الحمدلله توفقت بالسكن..وكلنا شوق لمعرفة تفاصيله.. مستمتعين بالبداية ..ومتابعين بشوق .. |
متابعك للاخر :) |
| الساعة الآن 10:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO