|
تجربة العودة من امريكا بعد انتشار فايروس كورونا - مارس 2020 كان المخطط كالتالي 6 لوس انجلوس 3 مونتيري 3 ميامي 8 كروز رويال كاريبيان 5 اورلاندو 3 نيويورك الحجز على يونايتد الامريكية عن طريق لندن اول 5 ايام في لوس انجلوس كانت طبيعية بعدها وصلني ايميل بالغاء الكروز فقلنا بنروح سانديغو و فيغاس بدل ايام الكروز بعدها لوس انجلوس قفلوا المطاعم و صارت للطلبات الخارجية بعدها بشوي قفلوا المحلات التجارية بعدها فنادق فلوريدا الغت الحجوزات بناءا على قرار حاكم الولاية انتقلت الى سانديغو علما انها مش من ضمن المخطط سائت الاوضاع اكثر و بدت الدول تسكر مطارتها و منها الامارات خفنا نعلق من تاريخ 17 مارس الى 22 احاول اعدل حجزي على يونايتد للعودة للبحرين كان لازم اتصل مايصير اخلص اونلاين و الانتظار بالساعات في النهاية حجزت تذكرتين منفصلتين لعدم وجود خطوط دلتا - سان ديغو - لوس انجلوس فيرجن اتلانتك كود شير مع دلتا - لوس انجلوس لندن الاتحاد - الى البحرين وصلت لندن طلع قرار بالغاء رحلات الاتحاد علما ان باقي يومين عن اغلاق مطارات الامارات بمساعدة احد موظفي طيران الخليج و لمدة ساعتين على الخط حصلت حجز يوم ثاني الصبح و عليه حجزت ليلة في هيثرو رحلة ولا اروع :27: طبعا كل طيرانات و فنادق امريكا سووو لنا ريفند و الكروز كذلك الا الحبايب في الاتحاد يقولون لي No show و بيخصمون من مبلغ التذكرة يا جماعة انتوا مكنسلين الرحلة !! كلمتهم من 3 اسابيع و ليحين مافي جواب و بنسأل و نتأكد من مطار هيثرو ! عفوا !! ش النظام التعبان ماتدرون الرحلة ملغية و ماحملت ركاب !! هذي اول مرة و اخر مرة احجز على الاتحاد :63: للعلم طول ما احنا ب لوس انجلوس البرنامج كان الجلوس امام البحر و الاكل نطلب توقو و نقعد بالسيارة ناكل :e33f: تلتفتون يمين يسار كل الامريكان نفس الوضع الاكل في البارك :1: المهم وصلت البحرين اجرينا فحص و طلعت النتيجة بعد 6 ساعات سلبية و التزمنا عزل منزلي 14 يوم يوم 14 رجعنا سوينا فحص و الحمدالله النتيجة سلبية ايضا بعدها بيومين البحرين الزمت كل من يرجع البحرين او خالط مصابين ان يلبس سوار الكتروني للتتبع وللعلم البحرين صارمة في هالشي و كثير اشخاص خالفوا و تحولوا للنيابة و يواجهون احكام و عقوبات مافي تساهل ابدا و الحمدلله على كل حال و ان شاءالله اعوضها بسفرة احلى لما الظروف تتعدل و تنجلي هذي الغمة عن الجميع :9: |
حبيبتي الحمدلله على سلامتكم نورتو الديره معليه كلشي يتعوض اهم شي الصحة |
الحمد لله على السلامة معوضين خير المهم قدرتوا تدبرون أنفسكم وترجعون للبحرين الصحة أهم من كل شي بس كيف كان التزام الامريكان بالتعليمات ؟؟؟ |
الحمدلله على سلامتكم منيره تعوضينها بسفرات قادمه ان شاء الله موقف طيران الاتحاد غريب !! |
اقتباس:
مافي التزام مثل ماتعرف امريكا بدأت اجراءاتها متاخر جدا |
الله يسلمكم جميعاً |
الحمدلله على سلامتكم ومعوضه ان شاءالله برحلة اقوى منها |
اقتباس:
غريب جداً و الاغرب مافي اهتمام بالكستمر سيرفيس و المتابعة معاه |
الحمد لله على سلامتكم و العودة للبحرين سالمين "مقابل الصحة و السلامة كل شئ يهون " و بصراحة تطبيق الأحترازات و أخذ الأحتياطات اللى جاء متأخر من جانب الأمريكان .. شئ ما يطمئن .. و يخلينا نتردد في أتمام السفر في حال زال الوباء في القريب .. !! نشكرك على مشاركتنا لتجربتك و أن شاء الله ربي يعوضكم بالسفر في وقت أفضل ... |
الحمد لله على السلامة اخت منيرة وتصرف حكيم بالرجعة حتى لو خسرتي الشي الكثير الاتحاد للطيران اسوا خطوط الان وسبق وان اشرت في تقريري عنهم وعن نظامهم في الرد على الزبائن الرجاء كتابة مشكلتك معهم في جميع مواقعهم وربي عوضك بسفرة احسن يمكن فيها خيرك لك |
الحمدلله على السلامه منيره والحمدلله على كل حال والله يعوضكم بسفره احلى .. اما طيران الاتحاد انا بعد كتبت عنه وللاسف سيئ وما انصح فيه انصحج تكتبين في اكاونتهم في الانستغرام وتوتير انا هذا تعاملي معاهم ويردون علي بسرعه |
الحمدالله عالسلامة و احسن شي سويتوه انكم رجعتوا و تتعوض ان شاء الله برحلات افضل |
الحمدلله على سلامتكم يا منيرة السلامه في مثل هذه الظروف مكسب كبير ولا تنظري للخسائر ابد |
اقتباس:
كلامك صحيح الكل يظن بالامريكان انهم احسن من يتعامل بالازمات و الكوارث لكن اتضح ان الخليج كان في المقدمة خصوصا البحرين و السعودية |
اقتباس:
الله يسلمك من الشر والله ان مستغربة من تعاملهم مع انها طيران يمثل دولة الامارات اللي الكل يعرف شلون تعامل بحرفية و ترضي مواطنينها و الوافدين او حتى الزوار !! المشكلة ان حاجزة فيرست المفروض تكون معاملتهم احسن بعد :26: |
اقتباس:
الله يسلمك مثل ماقتلك هذا اللي قدرنا نحصله وسط هالظروف ما كان في خيارات غير و مجبورين نمشي من امريكا قبل لا تسوء الاوضاع لا صبري بروح لهم المكتب بتفاهم معاهم ماينفع تلفون على فكرة يوم حجزنا ما ارسلوا ايميل للحجز قلت معليه دخلت مانج بوكينغ و دخلت الحجز و طلبت سند ايميل بعد ماوصلني :10: |
الله يسلمكم جميعا الحمدلله ما من خساير بالعكس كل شي رجع ما عدا الاتحاد بس كانت هذي سفرة العمر كانت سفرة honey moon صارت corona moon :17: |
الحمدلله على السلامة .. وان شالله تتعوض برحلة اجمل في المستقبل لما العالم يفيق من الربكة الحالية |
الحمدلله على سلامتكم وربي يبعد الشر عن جميع المسافرين اشوه انج دبرتي اموركم الله يعوض عليكم بسفره اجمل ان شاءالله |
اقتباس:
وتنذكر وتنعاد برحلات عسل احلى واحلى |
الله يسلمكم جميعا |
اقتباس:
|
الحمدلله على السلامة منيرة الحمدلله ان كان قرارك سليم بالعودة الى الوطن لكن استغربت ليش مادقيتي على السفارة ؟ وشنو كان احساسج لما سمعتي بانتشار الوباء؟؟ بالنسبة لطيران الاتحاد هذا اسلوبهم ومعاملتهم مع جميع الركاب صارت لي مشكلة معاهم في رحلتي الى المغرب |
منيرة بالنسبة للكروز سمعت انهم راح يخلون الحجز مفتوح لمدة سنة بعد انتهاء الكورونا الله يعوضج يارب بسفره احلى منها |
اقتباس:
كلمت السفارة بخصوص لاوضاع بامريكا خبرني انهم بيبتدون يستلمون طلبات اجلاء طبعا انا في يوم ثاني رتبت رحلتي يعني مشيت قبل الاجلاء بفترة كبيرة يعني انا رجعت البحرين و خلصت حجر وهم توهم باديين يجلون |
اقتباس:
قررت كاش وليحين مارجعت قالوا 3 شهور وانا ما وراي الا اشيك شنو رجع شنو مارجع :27: |
ابشركم الاتحاد عقب شهر تلفونات قبلوا يعطوني ريفند بس اعطيهم رقم التذاكر و طبعا مافي رقم تذكرة لان ماوصلني ايميل و من تلفون لي تلفون و من قسم لي قسم و ايملات طلعت ارقام التذاكر و قالت حلو عطيتيني ارقامهم بس بخصم منج قتلها خصمي و فكيني مع اني مش غلطانة بس مابي اعور راسي المهم و هي تضبط في السستم جان ينقطع الخط و ابي اكلمها غير موجودة ويلا يبيلي احين اسبوعين على ما ارجع احصلها ك العادة طلعت عيني معاهم :11: |
الله يسهل الامور ان شاءالله وما يضيع حق وراه مطالب |
الحمد لله على السلامة اختي منيره بسبب هالازمه كل المسافرين تأزموا من الطيرانات خصوصا, مع ان كل يوم ينزلون اعلان لا تحاتون ولا تخافون وبنرجع فلوسكم, وكله خرطي انا كنت مسافرة المغرب ومنها بطلع لاوربا اليوم الثاني لي في مراكش تونا بنتريق وصلني ايميل من طيرن الخليج وقال ان حجز العودة الغي , انزين الغيتوه سوا اعادة جدولة وحطوا اسماينا على اليوم اللي بعده طبعا اتصل من تلفوني واتصل من الفندق ولا في رد اخر شي اضطريت اكلم اختي تروح مكتبهم الرئيسي في البحرين تشوف الوضع والحمد لله عدلنا على الحجز وطبعا طول الرحله اللي استمرت 10 ايام انا مطنشة وما اقرا الاخبار عشان ما اخوف عمري واستانست في السفرة اليوم القبل الاخير في ماربيا كنت رايحه الكونسيرج بحجز على رحله, قالي اطلع من اسبانبا باسرع وقت ممكن لنا في احتمال تتسكر الحدود هني بدا الخوف والتفكير ان نعلق في دولة اوربيه, المهم مشكيت على المخطط وبدل ما اروح لشبونه واللي استفسرنا عنها وقالوا انها بتسكر حالها حال اسبانيا قررنا نروح باريس يومين ونرجع لابوظبي اتصلت في طيران الخليج وعقب ساعه ردوا علي وتم تعديل حجز العودة بدل ما يكون من كازابلنكا يكون من باريس واخذوا 3500 درهم عن تذكرتين ( مع ان المغرب سكرت حدودها هذيك الفترة والمفروض ما ياخذون علي شي لان اصلا مافي طيران من المغرب) المهم رحنا المطار عشان نطلع من ملقا الى باريس وكان زحمه ( الناس كلها تبي ترد قبل ما تعلق) وصلنا باريس بالسلامة والاجواء ولا اروع صج مسكرين المحلات بس قضيناها مشي ومستانسين فاضية ومافيها صينين يوم 14 مارس اليوم المشؤوم حاكم باريس ماكرون صرح بانه بيغلق حدود فرنسا تاريخ 15 مارس الساعه 12.00 الظهر اتصلوا في الريسبشن وقالوا لنا تطلعون بكرا باي طريقة ولا بتعلقون انزين ياجماعه الخير باقي لنا يوم عن العودة, قالوا لنا تصرفوا, انزين وفورا لنا سيارة كبيرة شناطنا وايده , الشركة الي نتعامل معها وقفت بسبب القرارت انتوا تصرفوا ويمكن تحصلون تسكي في الشارع هههههه حسبي الله عليكم نتصل في طيران الخليج ما يردون 3 ساعات انتظار ومافي رد, اخر شي تلفوني قطعت حرارته الفاتورة طقت 5 الالف اخر شي يأست وحجزت تذكرتين عودة على الاتحاد لابوظبي واول ما وصلت ابوظبي اتصلت في طيران الخليج وبعد انتظار طويل ردوا علي وشرحت لهم الوضع وقالت بعطيج تذكرة مفتوحه مدتها سنة , ورضيت بعد شهرين شفت ان الامور مو راضيه تعتدل اتصلت في طيران الخليج مره ثانية وطلبت ريفند وتذكرتي تخولني بالريفند ,وقال بناخذ على كل تذكرة 100 دولار, قلت اوكي بس ردوا الباقي وبعد انتظار 3 اشهر , من يومين اكلمهم قالت لهم وين الفلوس ياعرب , قالت لي في الكول سنتر لحظة بجيك على الموضوع واخر شي قالت لي انتي طلبتي تسوينها اوبن تيكيت قبل 24 ساعه من لحظة الطيران انزين يا اختي الحدود تسكرت كيف يعني اطير على طيراتكم بتاريخ 16 مارس واتصلنا عليكم ومافي رد وبعد ما شفت ان مافي فايده قلت لها خلاص شاسوي خليها اوبن تيكت الاوضاع للحين مافيها تحسن, وشهر مارس قريب واحس التذكرة بتروح علي هههههه الطيران الاقتصادي البرتغالي احسن عنهم عطاني اوبن تيكيت مدته سنتين وفوقة بونس بعد ههههه ونفسج هذي اول مره واخر مره احجز على طيران الخليج لمسافات طويله الطيرانات للاسف في الازمات وعوده جذابه |
اقتباس:
المهم حبيت ارحب فيج من زمان عنج يا الغاليه :e328: |
اقتباس:
|
اقتباس:
وما افكر احجز معاهم نهائيا |
اقتباس:
|
اقتباس:
وفعلا اغلب الطيران كان تعاملهم سيئ في مثل هذه الظروف |
الحمدلله على سلامتكم |
| الساعة الآن 10:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO