|
مخطط رحلتي كالفورنيا -نيفادا-نيويورك ...قريباً السلام عليكم ورحمة الله وبركاته أعرض لكم ملخص رحلتي القادمة ويسعدني اراءكم توزيع الايام : الوصول و ( 7) ليالي كالفورنيا ( أنهايم ) - (4 ليالي )لاس فيقاس - (3 ليالي )سان ديقوا- ( 3 ليالي ) نيويورك والمغادرة . الخطوط النقالة : السعودية الدولي وطيران دلتا الداخلي . السيارة من مطار لوس انجلوس الى مطار لوس انجلوس ب 600 دولار كامل فترة الرحلة ماعدا نيويورك مواصلات عامة . أرجوا المساعدة في التالي : 1- رأيكم في توزيع الايام بشكل عام ؟ 2-هل السكن في انهايم بعيد جداً عن سانتا مونيكا او بلفري هليز ؟ 3- تذاكر الموصلات في نيوريورك وافضل طريقة للتنقل من المطار لمانهتن والعكس ؟ 4- أقصى وقت للتجول خارج الفندق مثلا ؟ 5- هلAT&T شريحة مناسبة ؟ يهمني الانترنت طول فترة الرحلة جدا أكثر من الاتصال ؟ وهل سعرها في المطار مناسب والا ؟ خالص الشكر والتقدير مقدماً * حقوق الخطة محفوظة لبن قوت :e01d::e01d: نفس خط سيره بتغيير سان فرنس الى نيويورك |
وعليكم السلامة ورحمة الله وبركاته .. حياك الله أخي فهد ونتمنى لك سفرة سعيدة يارب..بس ياريت ذكرت لنا تاريخ الذهاب حتى نفيدك أكثر.. بس ولا يهمك أبشر بسعدك.. بالنسبة لتساؤلاتك: 1- التوزيع ممتاز . 2- السكن في اناهيم ليس بعيد كما تتصور فالمشوار يستغرق 45-60 دقيقة إذا تجنبت ساعات الذروة وهي من 9- 10:30 صباحا ومن 2- 5 مساء 3- تذاكر المواصلات إذا تبغي تعتمد الباصات والسب واي تلاقيهن في محطة جراند سنترال غالبا ولكن بالنسبة لي ما أغامر وتنقلاتنا دايما بأوبر وليفت ي نيويورك أما ابني فكونه شاب أحيانا كان يذهب مشاوير بالسب واي لحاله إذا كنا بنروح مشوار تسوق او مكان مايهمه. بالنسبة للتنقل من وإلى المطار فأنصحك بأوبر إذا انت لحالك او شخصين ثلاثة بس وما معاكم عفش كثير. 4- يمكنك التجول بنيويورك حتى 11 مساءا وإن كنت أفضل العودة للفندق حوالي الساعة 9:00 كوني إنسانة صباحية في السفر احب أصحى بدري وأستغل فترة طول النهار عندهم وا أحب الليل موحش في بلد الغربة. 5- AT&T شريحة ممتازة والأنترنت فيها ممتاز وأنصحك تشتريها من محلهم في التايمز سكوير ورى صيدلية وول قرينز تقريبا حيث الموظفين ممتازين ويعطونك عروض حلوة ونصيحة لاتمشي من عندهم غلا وهم مفعلين الشريحة وانت مجربها وانت عندهم ولاتنسى تاخذ معاك جواز سفرك او بطاقتك الشخصية أو المدنية حسب ماتسمونها :1:... اتمنى اكون أفدتك وجاوبت على أسئلتك ..وسفرة سعيدة وممتعة اتمناها لك..:e437::e50c::e437: |
أهلاً وسهلاً، شاكر ومقدر لك، الوصول لَوس أنجلوس والمغادرة من نيويورك الرحله في اخر شهر ديسمبر بعون الله تعالى. بالنسبه للسكن في الجنوب أحس انو افضل من ناحيه التنقل والسعر خصوصا اني افضل السهر في المساء في الأجواء والمطاعم العربيه (راعي شيشه 😂) الرحله شخص واحد، والتنقل في كاليفورنيا سياره خاصه. نيويورك للأسف ماعندي معلومات عنها كثيره لانها اضيفت لجدولي مؤخراً بسبب رحله الطيران وسعرها خصوصاً انو رغبتي السفر علي السعوديه تحسباً لأي طارئ لاسمح الله.. مشكوره على ردك، |
اختيارك صحيح والأجواء بكاليفورنيا وساندييغوولاس فيغاس في ديسمبر ويناير ولا أروع وبالنسبة للمطاعم العربية والكافيهات فبتلاقيها في اناهيم وبكثرة وراح تعجبك أجواءها أكثر من الشمال الهادئ بس انتبه أحيانا بالليل تكون الأجواء باردة شوي في هالوقت من السنة فخذ جاكيت معاك ولو احتجت شي اشتريه من هناك فالأسواق تجنن والأسعار في فترة أعيادهم رهيييبة بس نيويورك بتكون متجمدة تقريبا وبردها برد قاتل .. بالتوفيق يارب |
اقتباس:
|
أحب أنصحك بالمطاعم العربية اللي في أناهيم: محل فلافل صبابة Sababa flafel shop أحلى وأطعم وألذ ساندوتش فلافل ذقته بحياتي إضافة أنه يبيع فتة بجميع أنواعها وحمص وبابا غنوج وهالأكلات ...للفطور مع كاسة شاي أحمر راح يبتدي صباحك بأجمل شكل. مطعم ومقهى القاهرة مطعم وشيشة :23: Cairo restaurant & cafe Tahrir restaurant مطعم التحرير مطعم لذيذ جدااا وعنده الكبسة والمندي والملوخية والمسقعة ومشكلته ماله وقت مضبوط يفتح فيه الصباح ساعات يفتح 2:00 وساعات 3:00 العصر يس يسكر 12 وأحيانا 1:00 هذا بالصيف أوقاته إذا إنت راعي سهر بتعجبك أوقاته.. مطعم وكافيه المحروسة عنده ألذ رز بلبن :e33e::1: El Mahroosa Restaurant & Cafe مطعم مشاوي قمر الصحراء Desert Moon Grill مطعم كريم نظيف وفعدات خارجية حلوة وعنده مأكولات شرق أوسطية Kareem's مطعم حاتم الإيراني Hatam Restaurant مطعم سلطاني الإيراني أكل لذيذ وأسعار مناسبة والشايب صاحب المحل طيب بس لاتكثر عليه الكلام متملل من حياته :1: Soltani مطعم زانكو مشويات وشاورما وداجاج شواية Zankou Chicken هذا اللي أذكره اللحين ويارب يعجبونك وتدعي لي :e030: |
سفرة سعيدة باذن الله ولا تنسانا بالتقرير ماقصرت مميزتنا قطرية بالرد بارك الله في جهودها |
اقتباس:
قصر عنج الشر حبيبتي أم حسين :e032: وحشتييييني يالغالية |
اقتباس:
الف الف شكر لك، رد من الأخير وكلو 👍🏻👍🏻، مشكوره |
اقتباس:
من ناحيه التقرير مافي اي مشكله، تنزيل الصور هيا المشكله ولازم اتعلم عليها :1: |
اول شي سفره سعيده ان شاء الله اختيار ممتاز لخط الرحله ووقتها ثاني شي اختي قطريه كفت ووفت ما شاء الله بس انا برد على اشياء بسيطه بحكم تجربتي بالنسبه لخط التلفون اخذه من المطار وافعله عندهم لاني احتاجه لقوقل ماب والطريج .. والسعر مايفرق عن داخل المنطقه .. بالنسبه للتنقل في نيويورك المشي للمكان يعني اذا كان المكان يبيله مشي نص ساعه امشي اذا اكثر كنت اخذ صب واي او lyft او اوبر وليفت ارخص من اوبر .. والمطار نفس شي استخدم واحد منهم .. نيويورك ممتعه في المشي ما راح تحس في الوقت وانت تمشي .. اما الوقت احنا كنا نقعد في التايم لي ساعات متأخره الوضع عادي والحياه شغاله بس اكثر شي لي 1 ويكون فندقنا في التايم لو كان برا التايم لا نرجع على 10 نيويورك جمييييله جميييله ما راح اتحسف انك زرتها اذا تحب العروض في عرضهم يكون وقت الكريسماس فقط من احلى العروض اللي شفتها هذا اسمه Radio City Christmas Spectacular هذا الموقع تحجز منه https://checkout.broadway.com/the-ra...endar/2022/01/ اخر عرض 2 يناير ان شاء الله تلحق عليه برد نيويورك بررررررررد اخذ احتياطك واتمنى لك سفره سعيدة |
حديقة السنترال بارك روعه وقت الكريسماس ويسون فيها معارض و ساحات التزلج |
اقتباس:
تحياتي لك |
اقتباس:
بالنسبة لتوزيع الايام أشوف 4 أيام كثيرة واجد لفيقاس يكفيها يوم واحد الى يومين. اذا يمديك ضيف سان فرانسيسكو (جوها بارد هالايام) وقلل الايام من فيقاس. المواصلات في نيويورك السب واي يكفي وممكن تحتاج الباص. وبالنسبة ل AT&T ممتازة جدا من ناحية التغطية والنت وماراح تواجهك مشاكل ان شاء الله. بالنسبة للمطاعم ياكثرهم في لوس انجلوس واذا يمديك زور مطعم ميدان التحرير و World Famous Grill نصيحة: خذ معاك ملابس ثقيلة برد نيويورك هالوقت مايرحم وخذ معاك قلفز يدك راح تجمد هههه وموفق لكل خير عزيزي |
اقتباس:
طبعاً استبعدت سان فرنسيسكوا بسبب البرد والا طريق الساحل يعتبر حلم انو الواحد يقطعه والتوقف في بعض مناطقه ، وخيار الرجوع من نيويورك بسبب الطيران وتوفره وسعره والا الرحلة خاصة لكالفورينا بشكل تام اقتراحك يقول لاس فيغاس 2 يومين وفي اقتراح طرح انو سان ديقوا تكون زيارة من أنهايم لمدة يوم والعودة مرة أخرى . لو عندك 18 ليلة ..... كيف ممكن تتوزع ؟ باب المشاركة مفتوح للجميع والمخطط مفتوح وهذه ميزة الرحلة الوحدانية :64: السؤال المهم الان في هذه الظروف ، هل مناسب زيارة الغرب الامريكي تحديدا ؟؟ |
وعليكم السلام اخي العزيز فهد رحلة موفقة ان شاء الله سير الرحلة ممتاز جدا واحسنت في شيل مدينة سان فرانسسكو لانها بعيدة جدا وتاخذ من وقتك انصحك تزود المدة في سان ديقو ممتازة جدا جدا وفيها اماكن جميلة ومتعددة وحاول تسكن بجنب الكورنيش لي عودةللنقاش حول الخطة |
اقتباس:
اقتباس:
أستقدت كثيرا منه وقرأته كثيراً طبعاً هدفي من الرحلة هو زيارة القرى الامريكية وليس المدن بشكل اساسي يعني حاب اشوف الحياة الامريكية كما هي .... ولذلك حتى توقفي سيكون في نفس القرية اللي توقفت عندها في عودة من لاس فيغاس الى سان ديقوا طبعا تشرفني وياريت نستفيد ، بخصوص كل شي ، من الفنادق الى ......الخ في انتظارك |
الافضل من وجهة نظري اقتباس:
عليكم السلام ورحمة الله وبركاته ,,, 1- بخصوص توزيع الايام والسكن افضل منطقة LAX والمناطق القريبه منها لعدة اسباب انها المحور في النص تقع عن جميع المناطق وقليل فيها الهوملس لان بجوار المطار ... يعني لو فكرت تذهب سانتا مونيكا راح تبعد 15 دقيقه اااذا هوليوود هايلاند 25 دقيقه اذا حاب يونيفرسال و6 فلاقز يكون مسافه 30-40 دقيقه تبعد عنك سان ديغو مسافه ساعه .. اما المده ممتازه 7 ليالي تكفي لوس انجلوس + سان ديغو ولايتطلب منك ان تجلس 3 ليالي في سان ديغو لحالها مافيها من زود و اختلاف كثير اذا عندك ايام زياده روح شلاالاات نياغرا او تقدر تروح مدن ثانيه .. فيقاس تحتاج 4 ليالي فعلا و نيويورك اقل شي 3 ليالي 2- السكن منهاتن بعيد هو عن جميع الانشطه عدا دزني واذا كنت تفكر تسكن قريب من دزني فهي حديقة ليوم واحد تكفي شرط تكون تذكره هووبر .. الافضل لك السكن في Hawthorn او Inglewood مناطق ال LAX 3- المواصلات نيويورك عليك ب3 برامج معروفه اوبر و لفت و كارمل .. لكن اذا حاب الارخص عن طريق القطار MTA 4- لا يوجد اقصى وقت للتجول .. اذا كنت في لوس انجلوس طبيعتها نهارية بتقوم الصباح 8 او 9 من الطبيعي راح تنام بدري 9 او 10 بالليل ... لكن فيقاس يختلف الوضع يحتاج منك تسهر شوي عادي لي 11 و 12 .. اما نيويورك فهي حياه نهار وليل 5-افضل شريحة عن تجربه T-Mobile انا مجرب كل الشركات AT&T , Spirit ولكن الافضل من ناحية تغيطة هي وسعر T-mobile سعرها 50 دولار مع تغيطة 5جي شامل انترنت واتصال مفتوح لمدة شهر كامل ,, افضل مكان لشراء البطاقه من محل الفرع الخاص بالشركه نفسه داخل المدينه ليس بالمطار ولك تحياتي وسفرة سعيده |
اقتباس:
هل المقصود بمنطقة Lax هي المناطق جنوب المطار ؟ وأعتقد انك تقصد أنهايم في النقطة الثانية ، am I right ؟ هل الشريحة تشتغل على جوالات شركة هوواي اللي عليها قوقل بلاي ؟ الرحلة مخطط لها تبدأ في نهاية ديسمبر ، اذا ممكن انسب توزيع أيام في رأيك ؟ وهل استمر في مخططي الحالي والا الموضع يبغى له تأجيل في الاوضاع الحالية ( كورونا وووووووو النسخة الجديدة ) ؟ تحياتي لك |
اهم شي ثقل الملابس برررررد اقتباس:
شريحة T-Mobile تشتغل على كل شي وتغطيتها ممتازه الوضع الحالي امريكا .. فقط نيويورك تحتاج فيها إلى شهادات التطعيم لدخول المطاعم والمسارح وجميع الاماكن المغلقة عدا محلات التسوق ... ولكن باقي مناطق امريكا لا تحتاج فيها إلى شيء والوضع طبيعي وكانه كورونا غير موجود .... بخصوص التوزيع تخطيطك ممتاز 7 ليالي لوس انجلوس و 4 فيقاس و 2 سان دييغو .. اذا معك ايام اضافية ممكن تكون في نيويورك ومناطق ثانيه وبالامكان التقليل من لوس انجلوس يعني انا تكفيني فيها 5-6 ليالي خصوصا انزعج كثيرا من الازدحامات المروريه فيها خانقه ... |
اقتباس:
|
ما شاء الله أخوي Fahad2021 نتمنى لك رحلة سعيدة .. و بصراحة الأخوان و الأخوات ما قصروا بالأفادة و أعطاء المعلومات مما لا يترك المجال للأضافة توكل على الله و أستمتع بعالم من المتعة في أمريكا فأينما تذهب ستستمتع |
مشكورين على التوضيح.... بخصوص تأجير السياره... افضل موقع وهل التأمين شامل... حجزت عن طريق priceline وقالوا ليا ما يغطي بعض الزملاء من وين احجز سياره بتأمين شامل؟ |
اقتباس:
تبي النصيحة ... أحجز مباشرة من مواقع الشركات المعروفة مثل: Alamo - National - Sixt - Budget هذي تلاقي عندهم السيارة اللى تناسبك .. و بالنسبة للتأمين إذا وصلت و قبل أستلامك للسيارة أطلب منهم عروض التأمين اللى عندهم الشامل أما موقع priceline صحيح أسعاره رخيصة بس تطلع لك أضافات في السعر توصل معها إلى السعر حق نفس الشركة (من واقع تجربة) بأستثناء المقيم في أمريكا يعرف العروض حقتهم و يأخذ السيارة أو الفندق بأسعار مناسبة أو رخيصة جداً مثل ما يسون دائماً في الفنادق و عروض last minute أو Price bid Wishing you nice trip :63: |
اقتباس:
حجزت... عاده التأمين كم يكلف؟ |
اقتباس:
ليش موقع بدجت السعوديه؟؟ أفضل لك سجل عضوية في الموقع الرئيسي بتلاقي عروض أفضل صدقني التأمين حسب الشركة و الولاية اللى بتستلم منها السيارة لأن أسعار التأمين تختلف من كاليفورنيا عنها في فلوريدا مثلاً |
اقتباس:
ههههههههههه ماشالله على لسته هالمطاعم واسماءها توقعتها بالقاهره وليس في امريكا ( عريبيا ) غازين العالم غزو :17: |
اقتباس:
الموقع الأمريكي مافيه اختيار الدوله السعوديه... ولقيته نفس السعر في كل الموقعين مافي اختلاف كل الأمر التأمين الشامل لسه عند الإستلام في مطار Lax مشكور علي مرورك وما نستغني عنك اذا في شي ثاني تنبهني عليه ياريت |
اقتباس:
طالما أنك بحثت و لقيت ما فيه أختلاف ,, بالتوفيق لأني كنت أحجز مع شركة National أو Alamo و مسجل عضوية معاهم و كانت الأسعار فيها فرق بصراحة (الموقع الأمريكي يعطي أسعار أفضل للأعضاء) التأمين أفضل لك تأخذه مباشرة عند أستلام السيارة .. فيه نقطة ممكن تفيدك بخصوص بوابات الرسوم الألكترونية على الطرق السريعة فيه شركات التأجير يأجرون أجهزة خاصة فيهم توضع في السيارة أسمها Toll Pass (طبعاً تختلف المسميات حسب الشركات) و لكنها تفكك من الوقوف عند البوابات و دفع الرسوم و تمر بسرعة و دائماً المسار فاضي خصوصاً في لوس أنجلوس ما ودك تتعطل في الزحمات https://sandhillssentinel.com/wp-con...2017/08/nc.jpg https://upload.wikimedia.org/wikiped...-thumbnail.jpg بالتوفيق |
لتامين شامل اقتباس:
لا انصح وبقوووووووووه انك تستاجر سياره عن طريق الشركه مباشره لان راح تدفع ضعف مبلغ سعر سياره كتغطية للتأمين عند الاستلاام وهذا ما يقولونه موظفون شركات التأمين نفسهم حيث واجهتني مره موظفه من اصول لبنانيه تابعة لشركة Sixt اخبرتني ان اقوم بحجز سياره من اي موقع طرف ثالث يوفر تامين شامل افضل وارخص من الحجز معهم مباشره |
لتجنب دفع رسوم الطريق اقتباس:
|
اقتباس:
|
اقتباس:
مع العلم انو عندي تأمين سفر عن طريق الفيزا + تأمين كوفيد عن طريق التعاونية مرور كريم |
اقتباس:
هي وجهات نظر تختلف من شخص لأخر ... الطرق السريعة و الزحام بعض الأحيان تخليك تكره التنقل بالسيارة و الأبتعاد عن دفع الرسوم بتفعيل خاصيه Avoid Tolls مفيدة للمقيمين فترة طويلة أما اللى مسافر أجازة مثلاً و رايح يستمتع ما أعتقد بتفرق كثير لو دفع 30 دولار رسوم طرق البعض يدفع قيمة عشاء في مطعم 300 دولار علشان بس يأكل شوي ويصور الأكل و أسم المطعم و ينشر في حساباته و إذا جاءت على رسوم أو شئ يستفيد منه يستكثره !! عموماً هي وجهات نظر وفي السفر لكل شخص خياراته ... بس و الله صعبه أزيد على نفسي طريق السفر مسافة و وقت علشان توفير كم دولار !! طبعاً اللى ذكرته هو تجربتي الخاصة لكلا الطريقتين (دفع الرسوم أو تفعيل خاصيه Avoid Tolls) |
اقتباس:
العفو أخوي Fahad |
اقتباس:
|
اقتباس:
|
اقتباس:
المشكلة في حالة الطرف الثالث انت مطالب بالدفع الى شركة التأجير مباشرة ومن ثم تطالب شركة التأمين بينما الحجز عن طريق الشركة مباشرة والتأمين عن طريقهم كل ما عليك في حالة الحوادث او اي عارض تسلم السيارة فقط . أتفق معاك أخوي Fahad فيما ذكرت ... و بذكر لك موقف حصل لي في الصيف الماضي 2021 في أمريكا .. أستأجرت سيارة من مطار واشنطن و توجهت فيها إلى أورلاندو .. و كان التأمين شامل من الشركة بعد 7 أيام تعطلت السيارة في المجمع السكني و تواصلت مع الشركة و خلال ساعتين تم أحضار سيارة بديلة من نفس النوع و الفئة بدون رسوم أو أضافات .. لأن التأمين كان يغطي الأعطال على الطريق ولو كان لا يغطي لزم أن أدفع قيمة نقل السيارة المتعطلة و أحضار السيارة البديلة للموقع ... أعتقد أني دفعت من ضمن التأمين 1.5 دولار في اليوم طوال مدة التأجير (المبلغ كله ما وصل 70 دولار) و لكن لو طالبوني بقيمة النقل ممكن بدفع 200-300 دولار أقل شئ الله يحمي الجميع و يكفينا شر الحوادث .. و المهم السفر ببال مرتاح و ذهن صافي و لا تحمل هم أي شئ غير الأستمتاع رحلة سعيد يا Fahad |
اقتباس:
صدقت |
أتفق مع أخوي أبومعتز بخصوص ال Toll Pass وكاليفورنيا ولوس انجلوس بالذات اذا صادفت ال rush hour تجلس تستنى بالساعات فريح نفسك واشتريها تسوى من وجهة نظري. |
| الساعة الآن 01:00 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO