|
ابي استفسر عن خطوط فرونتير،، وسبريت ونسبة الغاء الرحلة السلام عليكم وانا اضبط حجز نيويورك اورلاندو،، حصلت رحلة على فرونتير تفرق حول 900 عن جت بلو لكن لما انتقلت للصفحة الثانيه طلعت لي هالنافذه 👇👇👇👇 نسبة الاقلاع بالوقت المحدد20٪،، نسبة التأخير 50٪ نسبة الالغاء 6٪ 👆🏻👆🏻👆🏻👆🏻 استفساري (هل طبيعي هالنسب في خطوط الطيران الثانية) وهل الخطوط الثانيه عندها نفس نسبة الالغاء هذي؟ يهمني السعر وضمان الاقلاع اهم شي عندي والاشياء الثانيه تجي بعدها استفساري الثاني طيران جت بلو هل الشنط السحب مجانية؟ او بس الحقائب الصغيرة اللي مثل شنط الكتف وشنط اللاب توب؟ |
عليكم السلام ورحمة الله وبركاته الغالي بخصوص السؤال الاول تصير مرات إلغاء او تاخير للرحلات ولكن هم احرص منك على ان يقلعون في الوقت المحدد ولكن في بعض الاحيان يكون خارج عن ارادة الشركه بخصوص السؤال الثاني .. لا ليست مجانيه الشنط السحب ولا الشنط الكبيره للعفش .. فقط شنطه الظهر او الشنط النسائية الصغيره هي المجانيه وتاكد ان تكلفه الشنط على هذا الخطوط راح يعادل قيمة الطيران الثاني او اقل منه بشوي بالاخير |
طيب المقصد نسبة الغاء الرحلة على هالخطوط، موجوده على الخطوط الثانية؟مثل جت بلو كم نسبة الغاء الرحلة ؟؟ لأن احس 6 بالمية كثير الا اذا طبيعيه هالنسبة مقارنة بالخطوط الثانية |
بصراحه انا على كثر ماسافرت امريكا وفوق 50 رحله طيران داخلي ماعمري فكرت نسبه إلغاء الرحله !! هو الالغاء جدا جدا صعب يصير ولكن التأخير صار بس هم نادر جدا ويكون بالغالب في فصل الشتاء لسوء الاحوال الجويه او اعصار او شي .. بس بالصيف الامور طيبه .. احجز على الخطوط الانسب ولا تترد كثير .. وتأكد ان هذي الشركتين اذا معك وزن وشنط راح يكلفك كثير |
معلومة أضافية بسيطة … بالنسبة للأحصائيات في الواقع هي توضع من أجل أطلاع العموم بأن هناك تنافس بين الشركات و دائماً كلما قلت نسب التأخير و الأقلاع على الوقت يكون في صالح الشركة و لكن على العموم لا يعني الكثير لمن يسافر قليلاً على بعض الشركات |
ماقصرتوا،، انا اشهد ان ردودكم تحل كل شي |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO