|
وصلنا امريكا قبل قليل بسم الله الرحمن الرحيم الحمد لله تم الوصول قبل 6 ساعات الى مطار ميامي واحب انقل لكم الاحداث بما اني كنت متخوف عن بعض الاجراءات والغاء البعض منها واحب اخدم اي واحد بيمر بنفس التجربه وكرد جميل للمنتدى والمشاركين اللي استفدت منهم كثيراً… طبعاً هذي الزياره التاسعه لامريكا الحجز على القطريه قبل 6 شهور (رياض دوحه ميامي ) مطار الرياض البارحه كان زحمه فوق الخيال الى درجة الناس ماسكة سرا في الشارع … للأسف ربعنا مايتغيرون تخيلوا من حرصي ومن خوفي من المفاجآت رحت قبل اسبوع للمطار في نفس وقت اقلاع القطريه وقلت انا عندي رحلة الاسبوع القادم وابي اعرف وش المطلوب قالوا القطريه بالنسبه لنا نحتاج طباعة الجواز الصحي لكن اسأل الجوازات وحت الجوازات وقلت نفس السؤال قال النقيب مانبي شي اهم شي انكم ماخذين 3 جرعات للكبار واقل من 12سنه تامين قلت تمام … المهم جينا المطار ويوم ختمنا جوازاتنا قالت الموظفه بنتك مايقبل الجهاز ان يخرج لها لازم تكون ماخذه الجرعه الثالثه قلت كيف تاخذ الجرعه الثالثه وعمرها 15 وغير كذا السستم مايقبل يحجز لها قالت والله هذا اللي قدامي 😂😂😂 والله مشكله ،، المهم جاء واحد مشكور من الجوازات لابس مدني ونعم الرجل واخذ الاوراق وجواز البنت وخرج لها وقلت له انا من حرصي جاي قبل اسبوع خايف من ذا السالفه !! قال والله مامنك خطاء الخطاء من السستم من عندنا … حقيقه اقدم له الشكر فنادر تجد موظف يعترف بالخطاء .. ختمنا ورحنا نبي نجلس في اللاونج وللأسف اقسم بالله من العام من عيد الأضحى والتكيف عطلان ونفس المشكله البارحه وحر موت وتركناهم ونزلنا عند ستارزبوكس حتى فتحت الرحله واقلعنا،، المهم اقلعنا في الموعد المحدد ووصلنا الدوحه الساعه 2 ورحنا لاونج المهاء لان عندنا ترانزيت 6 ساعات وليل وسهر وتعب وللأسف مطار حمد مطار كبير بس لاونج صغير وفل الفل ومالقينا مكان وهذا يا اخوان اشوفه عيب البطاقات الماستر والفيزاء صاروا كل الناس معهم بطاقات وكل واحد من حقه يدخل اللاونج بس هذا غلط العدد اكثر من الاستيعاب ،، ماعلينا دورنا لاونج اخر بفلوس وكل ماجينا واحد قالوا فل وزحمه ورحنا لغرف النوم وقالوا فل وزحمه .. للاسف مطار كبر على قل سنع وما اعجبني بصراحه ولايزعلون علينا اخواننا القطريين… اقلعنا الساعه 9 الصباح الى ميامي وكانت الرحله مجدوله 8:05 وحلقنا 14:35 بالضبط وصلنا بتوقيت ميامي الساعه 4:35 دقيقه عصراً وكنت متخوف من الجوازات وميامي بالذات لنا مواقف معها سابقه في كل وصولنا لنا ،،، لكن الله سهلها سبحانه وكم سؤال وصوره وبصمه وبس ،،، الغريب اللي لاحظته واتمنى اني افيد الاخوان ،، 1-ماعاد فيه الورقة الزرقاء حقت الجمارك وما احد طلبها 2- ماعاد فيه تختيم على الجواز 3- ما احد قال لنا شي من الجمارك او احد شيك العفش فلله الحمد وصول سلس وسهل وما تأخرنا لكن التأخير صار عند اجار السيارات لانها اول شي غاليه ثلاث اضعاف الاسعار السابقه ثانياً لاني ابي اسلم السياره في اورلاندو في 4 جولاي وهذا يوافق اليوم الوطني واغلبهم رفض عدا شركتين وحده اعتقد اسمها فاملي عندها اكسبيدشن 3 ايام ب1200 دولار ووحده ثانيه اول مره اشوفها اسمها AEC عندها ميني فان ب700 دولار 3 ايام وتسليم في اورلاندو وخذيته وقلت امشي حالي لان عندي ترتيبات وحجز سياره في اورلاندو … حبيت افيد محبين امريكا عن اللي صار واللي شفته ،،، على فكره مايحتاج نطبع الجواز الصحي او تامين الاطفال كل شي مبين في السستم ومحد طلب مني ذا الاوراق اللي متكلف وطابعها وراصها في ملف 😂😂 |
السلام عليكم و رحمة الله و بركاته .. ما شاء الله الحمد لله على السلامة يا أبو سلمان و نتمنى لكم أقامة سعيدة نقطة عدم قبول النظام أصدار الخروج للأطفال ممن لم يتلقوا الجرعة الثالثة و النظام الصحي لا يقبل ترشيحهو للحصول عليها أتوقع سوف يواجه كثير من الأسر خلال الفترة القادمة و لابد من حل لهذه المشكلة و شكراً لك أبو سلمان على ذكر تجربتك بالتفصيل عن الوصول إلى أمريكا |
وعليكم السلام الحمدلله تسهلت اموركم ليش التأخير في الاقلاع وايد من الدوحه الى ميامي نفس ملاحظتي في شهر 1 لما دخلت ميامي و من الاكوادور كنت واصله قلت شكلي اليوم بنام في المطار من اسألتهم ولا انصدم بس بالصوره و رحب فيني في ميامي من غير ورقا زرقا ولاختم ولاحتى عن بي سي ار ولا تطعيم في اقل من دقيقه انا عند سير الجناط |
الحمدلله على السلامة وشكراا للمعلومات وان شاءالله تكون مفيدة للكثير |
الحمدلله على السلامة ابو سلمان دايما في بداية الصيف والاجازات تكون الدنيا زحمة ولخبطة تتهنى ان شاء الله في رحلتك |
الله يسلمكم جميعاً شاكر مشاعركم ودعواتكم وهذا من نبل اخلاقكم ،،، وصلنا اورلاندو 3 جولاي وخذيت سكن ليله وحده فقط و4 جولاي حاجز فله لمدة اسبوعين ورجعت السياره اللي اخذتها من ميامي واستأجرت مرسيدس من مطار اورلاندو لكامل الرحله وترجيع في ميامي ،،، الامور طيبه والاسعار تقريباً فرق بسيط للأعلى بس مو مثل ماقالوا الناس …البنزين اشوفه كأنه كل يوم ينزل نزول بسيط يعني اقل شي شفته حالياً 4.27 للجالون …تحياتي للجميع واي استفسار انا حاضر ،،، لكن عندي طلب بسيط اللي جاي اورلاندو خلال هذا الاسبوع وهو لازال في السعوديه اتمنى يتواصل معي على الخاص فيه شغله بسيطه احتاجها كبر كف اليد |
وفقك الله وسهل امرك واجازة سعيدة |
اقتباس:
|
الحمدلله على السلامة أخوي الله يعافيك رحلتنا بعد كم يوم وودي أتأكد وش طلبوا منك بالضبط لأن كل يعطيني كلام مختلف هل طلبوا فحص للأطفال قبل الإقلاع أو بعد الوصول ؟ هل طلبوا CDC |
حمدا لله على سلامتكم هل ممكن تدلونا على سكن جيد في اورلاندوا |
اقتباس:
|
اقتباس:
|
وصلنا قبل قليل ديتونابيتش واخذت فندق Max Beach Resort والفندق توه جديد ماله شهر مفتتح وماشاء الله تبارك الله اخذت شقه غرفتين وما لايعلى عليه 💐💐 |
اقتباس:
ما شاء الله يا أبو سلمان زيارة ديتونا بيتش و الفندق خيار مميز |
شكراً اخي الغالي ابامعتز وربي يحفظك ،نعم اخذته واعجبنا ومددنا الحجز فيه والغين سموكي للاسف لان الفندق والجو والبحر اعجبتنا بصراحه 💐💐صراحه انا من عشاق الترتيب المسبق والتخطيط لكن لايمنع من اللخبطه واجدها جميله 😂اذا اعجبك شي وانت لازلت تقدر تلغي بدون رسوم فلا يمنع |
أفضل ما سويت لأخوي أبو سلمان ... في السفر دائماً أجعل متعتك و متعة من معك مقدمة على أي شئ أعجبك مكان أجلس فيه أعجبتك مدينة معينة زورها أعجبك مطعم أدخله و كل السفر محتوى عميق لابد من الخوص في تفاصيله بأستمتاع |
اقتباس:
|
اختيار موفق أبو سلمان للفندق ديتونا بيتش رائع والمشي عليه ممتع جداً لا تربط نفسك بحجوزات أبداً امريكا المتوفر فيها كثير |
عليكم بالعافيه استمتع وصور لنا ننتظر تقرير :20: |
الحمدلله على السلامة وشكرا على نقل تجربتك |
الحمدلله على سلامتك بوسلمان هل سألوك عند الوصول عن نوع اللقاح ؟ |
اقتباس:
|
اقتباس:
المهم اقلعنا في الموعد المحدد ووصلنا الدوحه الساعه 2 ورحنا لاونج المهاء لان عندنا ترانزيت 6 ساعات وليل وسهر وتعب وللأسف مطار حمد مطار كبير بس لاونج صغير وفل الفل ومالقينا مكان وهذا يا اخوان اشوفه عيب البطاقات الماستر والفيزاء صاروا كل الناس معهم بطاقات وكل واحد من حقه يدخل اللاونج بس هذا غلط العدد اكثر من الاستيعاب ،، رحله موفقه ان ان شاء الله الله يسعدكم كلامك صحيح ميه بالميه لكن في المكان نفسه فيه درج تقدر تصعد على بوفيه ورحابه اكثر واغلب الناس ماتدري عنه وللاسف مافي توجيه وكلهم اجانب الي تحت عند النافورة مجرد شاي وقهوه وخفايف ماعلينا دورنا لاونج اخر بفلوس وكل ماجينا واحد قالوا فل وزحمه ورحنا لغرف النوم وقالوا فل وزحمه .. للاسف مطار كبر على قل سنع وما اعجبني بصراحه ولايزعلون علينا اخواننا القطريين… محد يزعل من الحق و الكلام في الصميم دعايه اكبر من الحقيقة خاصة النقد البناء وليس اظهار العيوب للشماته لا سمح الله اقلعنا الساعه 9 الصباح الى ميامي وكانت الرحله مجدوله 8:05 وحلقنا 14:35 بالضبط لكن التأخير صار عند اجار السيارات لانها اول شي غاليه ثلاث اضعاف الاسعار السابقه ثانياً لاني ابي اسلم السياره في اورلاندو في 4 جولاي وهذا يوافق اليوم الوطني واغلبهم رفض عدا شركتين وحده اعتقد اسمها فاملي عندها اكسبيدشن 3 ايام ب1200 دولار ووحده ثانيه اول مره اشوفها اسمها AEC عندها ميني فان ب700 دولار 3 ايام وتسليم في اورلاندو وخذيته وقلت امشي حالي لان عندي ترتيبات وحجز سياره في اورلاندو … والله الافضل تاجر فتره بسيطه وتبحث عن مكتب عربي اسعارهم نازله ومضمونه افضل من المكاتب العالميه و الضرايب الي ترفع سعر السيارة بشكل كبير وصعب وهنا يظهر دور المعرفه للاشخاص والاصدقاء الي استاجروا من قبل كيف دبروا نفسهم وتستفيد اكثر |
كلام سليم وهذا اللي واجهناه ورحلتي قبلك بيوم وألغيت مع الأسف وفعلا انصدمنا من وضع مطار الدوحة فوضى وزحام ولا تجد مكان للجلوس وأعتقد سيتغير وضع الصالات قريبا لن تقبل كل البطاقات الناس متكدسة فوق بعض وقريبا سأكتب عن تفاصيل رحلتنا المنكوبة |
اقتباس:
|
اقتباس:
|
جميل يابو سلمان متابعين التفاصيل |
اقتباس:
|
حياكم الله جميعاً ،،، رحنا امس الى غاتلنبيرق(سموكي ماونتن)ولاية تنسي وبما ان المسافه حوالي 1000كيلو من اورلاندو فقررت اريح في مدينة حول اتلانتا وتكون على الخط السريع فقررت اريح وانام في دولوث Duluth في جورجيا وبتنا في احد فنادقها البارحه واليوم مشينا ووصلنا غاتلنبيرق ولاول مره اجيها ،،والله مدري كيف اقيمها او اوصفها وانا عندي قناعه واحترام لأي رأي لكن مسألة انة تجي لها من مسافه بعيد ومافيه جو براد يستاهل العنوه مثلاً او ضباب وغيوم نازله تكون جاذبه بينما وجدت شارع تقريباً طوله 3 كيلو وفيه مجموعة متاجر وشارع ضيق وكل اللي ساكنين فيها بتعرفهم ويعرفونك خلال ساعتين 😂😂😂وكم لعبه وتلفريك ،،،عموماً انا ماندمت على الروحه لان السفر في امريكا كفكره وكتوقف في محطات البنزين ومتاجرها على الطرقات هذا بحد ذاته برنامج ومحتوى سياحي يستحق العنوه …انا لدي حجز قائم ومدفوع في اورلاندو ومع هذا ضحيت بأربع ليالي للتغير واكتشاف الجديد ،،،احببت انقل تجربتي المتواضعه مع احترامي وتقديري لجميع محبي غاتلنبيرق وجبال سموكي ودببتها 😂😂 |
طبيعي اختلاف الآراء حول مكان ما لكن التوقيت له دور طبعاً أعتقد الأجواء حارة بالصيف السنة هذي بالفعل مشوار طويل وبالنهاية ما ترتقي لتطلعاتك أتوقع تحس بتأنيب الضمير :17: متابعين مع الحلوين :e306: |
اقتباس:
|
اقتباس:
يا هلا بك أخوي أبو سلمان … شف بالنسبة للى يبي يزور السموكي ماونتن الأجمل و الأمتع أنه يسكن في الأكواخ داخل الغابات فيها هذي وجهة نظري و أن شاء الله مخطط أزورها علشان هالفقرة و أما زيارتها من خارج مسار الرحلة كأن أتعنى لها و أعود لنقطة أنطلاقي فهذه أشوفها متعبة … في عام 2018 كانت سموكي ماونتن من ضمن المخطط لأني كنت في شيكاغو و منها طلعت إلى أتلانتا و كنت ناوي أمر سموكي بس حصل ظرف و لا مريتها و لمن كان مساري ينتهي في أورلاندو |
اقتباس:
|
اقتباس:
الحمد لله أخوي أبو سلمان .. و كونك جربت و رأيت بعينك المكان هذا بحد ذاته متعة لأن ليس بالضرورة ما يعجبك يعجب الأخرين و ما يعجب الأخرين يعجبك في السفر بالذات .. قم بما ترتاح له و يناسبك و مجموعتك نتمنى لكم ان شاء الله ان تستمتعوا بباقي أيام الرحلة و العودة سالمين للوطن أن شاء الله |
اقتباس:
|
اكتب لكم الان من المقعد للعوده الى ارض الوطن بعد اجازة بدأتها معك من اول يوم الى اخر يوم ،،، اللهم لك الحمد والشكر قضينا تقريباً 50 يوم كأنها لمحة بصر ،، بلد غريب له عشق غريب لايفهمه الا من جرب تجربتي وحس بهذا الشعور ،، بلد يبهرني بالنظام حتى في قواعد المرور وعلامة قف اللي دبلت كبدي 😂😂بلد تلبس شورت او تلبس ماركه عادي لايقدم ولن يؤخر شي فيمن يقدم لك الخدمه ،، بلد لاتعترف بتغير سعر المينيو لاجل انك خليجي ،، بأختصار شديد امريكا حالة ذهنيه غريبه لايعشقها الا من يعشق النظام ولا يكرهها الا من يحب الشو والاستعراض لانها باختصار ماعندها تفرقه او بالاصح قد يكون في بعض الاماكن التي لاتعني السائح بشكل عام ،،، استودعكم الله واتمنى اني كنت ضيف خفيف الظل وتحياتي للجميع :63: |
اقتباس:
ما شاء الله .. توصلون بالسلامة أبو سلمان و صادق من يقع في غرام بلاد العم سام يعشقها سيستم الحياة هناك يجبرك على التأقلم في كل شئ في الشارع في البيت في السيارة في المرافق العامة خصوصاً عندما ترى الجميع كبار و صغار متقيدين و مطبقين النظام العام و حتى النظام الأخلاقي العام في التعامل مع الأخرين مهما يحصل او مهما نزور من بلدان تظل أمريكا هي العشق |
حمدلله على السلامه اخوي بغيت اسألك ايش شروط دخول امريكا للسياح لاول مره، واذا الوجهه الاولى الى ديزني ميامي وين افضل فلل للسكن فيها لعائلة ( من خمس افراد)وتكون قريبة من الملاهي؟ وهل لازم الاطفال اقل من 13 يستوجب عليهم اخذ لقاحات؟ ملاحظة ( الفترة مابين عشرين الى خمس وعشرين يوم مش متأكده من مدة الرحلة بس تقريبا . وهل بس تكون الاقامة في ميامي او ممكن السكن في منطقه ثانيه خاصة ان الي معاي مايحبون كثرة التنقل ومعانا اطفال. اكون شاكره لك اذا تفضلت علي بالاجابة او احد من الاعضاء الكرام |
واذا ممكن اعرف شنو الشركة الي اجرت منها السيارة لو تفضلت ورقم التواصل معاهم |
عندي تحفظ على بعض التعليقات السلبية من بعض اعضاء المنتدى بالنسبة لمطار قطر، بالرغم ان كثير من مطارات اوروبا والدول العربية تكون قديمة كثيرا ويوجد بها من السلبيات لا داعي لذكرها لان كثيرا منا يعرفها من سوء خدمات ومبنى متهالك وغيرها. نعم قد تصدر بعض الاخطاء البسيطه ويكون فيه بعض التقصير ولكن ليس بهذا السوء الذي تم ذكرة، بالنسبة للطيران القطري يكفي ان عروضه المغرية لتذاكر الطيران لا نستطيع نحن كمواطنون ان نحصل عليها، غير عن مدى فخامة الطيران القطري، لذا ارجو ان يكون رأيي يتم اخذه برحابه صدر ولا اقصد بلد معينه. |
| الساعة الآن 03:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO