|
استفسارات قبل السفر السلام عليكم ورحمة الله وبركاته اسعد الله مسائكم جميعا قريب ان شالله بزور امريكا لاول مرة وعندي كم استفسار لو تكرمتم 1- هل في احد سافر عن طريق الاتحاد للطيران وجرب صالة التخليص الجمركي هناك ؟ وهل الافضل يكون التحليص الجمركي في ابوظبي بدل من امريكا عند الوصول باذن الله ؟ 2- انا ناوي اخذ اللابتوب معي بس سمعت كثير يقولوا سابقا ان لو كان في اي برنامج مو اصلي محمل على اللابتوب بسوي اشكالية وان احيانا ممكن يطلب من الشخص يفتح الجوال ويتم التدقيق بالصور وغيرها .. فهل هذا صحيح ؟ مع تحياتي للجميع |
و عليكم السلام و رحمة الله و بركاته .. أن شاء الله نتمنى لك رحلة سعيدة .. و للرد على أسافساراتك و هي كالتالي: بالنسبة للسفر على طيران الأتحاد بصراحة لم يسبق لي السفر إلى أمريكا معهم و لكن جربتهم في رحلة إلى الشرق و كانت تجربة و لن أكرر السفر معم إلى أي وجهة و أما فيما يخص أنهاء أجراءات الدخول إلى أمريكا في مطار أبوظبي فهي ميزة و تغنى عنيك من عناء التفكير و القلق بعد الوصول فأنت تصل كراكب رحلة داخلية بأمريكا ... و حتى الأجراءات في أمريكا هي نفس الشئ و لكن البعض يشيل هم فيما لو لم تم رفض دخولي أو تعرضت للمساءلة في المطار .. أقولك خلك هادئ و الأمور سهالات جربنا الدخول في عدة مطارات بأمريكا (نيويورك - واشنطن - لوس أنجلوس) كلها و الحمد لله مرونة لأبعد حد و التجارب الفردية الشلبية لا تعمم بالنسبة لحمل اللابتوب .. بصراحة دخلت إلى أمريكا أكثر من 6 مرات و لم بسبق أن طلب مني فتح اللابتوب إلا قبل صعود الطائرة للتأكد من الجهاز يعمل و أما تشييك البرامج بصراحة ما صدفته ... و حتى الجوال ما صادفت أن طلب مننا فتحه للتدقيق في الصور !!! بالتوفيق |
انا رحت على الاتحاد للاسف سيئه كانت اتكلم عن الطياره الميزه الحلوه نخلص كل شي في بوظبي والامور كانت سهله مثل ما ذكر بومعتز |
أهلين ايوه كذا شد حيلك واكتب لنا تقرير حلو عن امريكا حتى أنا ما فتشوا اللابتوب ولا الجوال ما تعرضت لأي نوع من التفتيش بس لابد ننتبه أن فيه كاميرات فوق حق العفش (في كل مطار) أي حركات مريبة يتم تفتيش الشخص بدقة لذا في هذي المنطقة لا تكون قلق أو تقوم بحركات غير معتادة مثل اللي ينتظر الشنط بقلق و يمشي كثير أو اللي يدخل الحمام أو يتواصل كثير على الجوال هذا يتفتش بدقة |
اقتباس:
ما قصرت يا غالي وما ننحرم من ردودك اقتباس:
اقتباس:
ابشر بعزك يا ابو غسان وان شالله رح اوثق كل شي خلال السفرة وانزل عنها احلى تقرير .. والف شكر لك عالتنبيهات . قررت ما اخد معي لا لابتوب ولا غيره بس الجوال والملابس والله يسهلها على خير يارب ما قصرت ابو غسان على الرد والف شكر لك |
ياهلا مرحبا بك ,,, 1- بخصوص التخليص الجمركي افضل او لا ,,, الحقيقة مايفرق شي سويت الاجراءات قبل الصعود او عند الهبوط نفس الشي تماما عدا اذا بتشترك في خاصية Globel Entry هذي يغنيك عن الانتظار في الطوابير والاوراق وكل شي تستعمل الجهاز عوضا عن الموظف . 2- بخصوص اللابتوب لو هو بكبره بالبرامج اللي فيه مسروقه محد درى عنك .. فقط يكون ان لازم تخلي الابتوب في التفتيش لحاله . |
اقتباس:
قررت اخذ اللابتوب باخر لحظة وانت صادق ماحد سال عنو ولا فتحته اصلا، بس بمسالة التخليص الجمركي حمدت ربي اني خلصتها بابوظبي، ما كان في زحمة اضافة طلبوني لمقابلة لمدة نص ساعة تقريبا تخللها كثير من الاسالة، بذكرها ان شالله بتقريري عن الرحلة اول ما ارجع الف شكر لك يا غالي عالرد ما قصرت |
الحمد لله على السلامة ورحلة موفقة |
اقتباس:
كنت اقرا تقريرك عن سفرتك لامريكا وتقريبا صار معي زي ما صار معك :32: |
| الساعة الآن 05:15 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO