|
اي مطار افضل من ناحية الإجراءات السلام عليكم. انا ناوي اسافر امريكا انشاءالله قريب. بس سمعت عن مشاكل الدخول اللي تواجه المسافرين بعض الأحيان ف احتاج اعرف اي مطار افضل من ناحية الإجراءات و ما يدققون كثير على المسافرين. حالياً فيه مطارين افكر ادخل منهم الاول 1: مطار دالاس واشنطن دي سي المطار الثاني 2: ابو ظبي التخليص المسبق عندهم بس ما ادري اذا يدققون ف ارجو من عنده خبرة يفيدني. شاكر و مقدر. الله يعطيكم العافية |
اقتباس:
اقدر اجاوبك بناء عن تجربتي واقولك روح من مطار ابوظبي مدة انتظار قليلة وتوصل تاخذ الشنط وعالبوابة على طول .. والتدقيق مو على الجميع وبالمناسبة حسب ما قرات صار في صالة تخليص مسبق في الرياض .. |
اقتباس:
ما عرفت والله انه في تخليص مسبق بالرياض اول مرة ادري والله. ممتاز والله. بسألك لو تكرمت هل تعاملهم سهل مطار ابوظبي؟ ولا يعقدون خاصةً اني طالب و ما بعد توظفت لسا ف هذه النقطة موترتني شوي. شكرا جزيلا اخوي. |
اقتباس:
لكن ما اعتقد ان الاسئلة ما بتطلع عن نطاق الاسئلة الروتينية مثلا سبب زيارة واوراق القبول وغيره .. وللامانة ما عندي علم فيها عشان ما افتيك بس حبيت افيدك بخصوص المطار والله يسهل دربك وفالك النجاح يارب :) |
و عليكم السلام و رحمة الله و بركاته .. حيال الله أخوي فيصل … طبعاً فيما يخص التدقيق على المسافرين و الله الأمور سهالات و لا فيه ذاك التدقيق و أن حصل فهو حالات فردية و بعض الأحيان جنسيات معينة و هذه الأجراءات يعود سببها أما لتشابه الأسماء أو للتأكد فقط و خلاف ذلك الأجراءات سهلة و سبق لي الدخول من مطار نيويورك و مطار واشنطن و مطار لوس أنجلوس كلهم و الحمد لله ما أستغرقنا في الأجراءات عند الجوازات أكثر من 5 دقائق أخر دخول لنا كان عام 2021 من مطار واشنطن بدون مبالغة أقدر أقولك أنا و عائلي وقوفنا أمام موظف الجوازات لم يتجاوز 7 دقائق و الأسئلة كانت عادية جداً و ختم جوازاتنا و دخلنا بالنسبة لأبوظبي .. تراك من تدخل الصالة المخصصة كأنك في أحد المطارات الأمريكية و تطبق على الجميع نفس الأجراءات أما فيما يخص موضوع التخليص في مطار الرياض كما ذكر الأخ فتى دمشق حبيت أوضح لك بأنه لا يوجد تختيم دخول لأمريكا حالياً بالرياض فقد تم تخصيص بوابات محدد لرحلات أمريكا يكون فيها التدقيق مكثف قبل صعود الطائرة و عند الوصول يتم تختيم الجوازات هناك لا تشيل هم و وكل الله و الأمور سهالات أن شاء الله |
شكرًا لكم اخوي ابو معتز و اخي فتى دمشق يعطيكم العافية على الإجابات الكافية و الوافية. و اعتذر على الرد المتأخر بسبب انشغالي قليلًا. ارجو ان تعذروني على الرد المتأخر. و ايضا قررت انشاءالله اطلع على واشنطن انشاءالله. بس عندي سؤال اخير لو تكرمتو انا رايح سياحة بس انا ادرس بالسعودية طالب هنا و الوالد بيتكفل بمصاريف الرحلة هل في ذلك مشكلة اقصد هل يدققون على مسألة اني ما بعد توظفت و لسا طالب؟ شاكر و مقدر |
اقتباس:
حياك الله أخ فيصل .. أبداً ما يدققون توكل على الله |
جربت نيويورك و شيكاغو و لوس انجلوس كلهم سهالات مافي اي مشاكل |
شكرًا لكم جميعاً دون استثناء على الإجابات الكافية و الوافية. انشاءالله نويت اطلع على واشنطن دي سي. و بإذن الله بوافيكم بالأخبار من هناك و اقولكم ايش يصير معاي بحول الله. و مرة اخرى حاب اشكر الأستاذ ابو معتز و ايضاً اشكر بقية الأعضاء دون استثناء. شاكر و مقدر. |
نزلت في واشنطن ونيويورك وميامي وفينكس(اريزونا) ولاس فيقس واتلنتا (جورجيا)والاسهل لاس فيقس وبعدها واشنطن مع اني نزلت هذا الصيف في ميامي وكان سلس |
| الساعة الآن 10:15 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO