|
رحلة امريكا بوجود طفلة السلام عليكم جميعاً ،، اول شي حابه اشكركم كلكم ، ثاني شي سفري اذا ربي كتب ويسرها بعد رمضان في شهر مايو ، وعندي تخوفات شوي لاني اول مره راح اسافر مع بنتي عمرها ٧ شهور تقريباً فـ لو عندكم نصايح تقدموها لنا بالطيارة قبل او اي شي ممكن يساعدني ويفيدني اكون شاكرة لكم ،، حجزت على الخطوط السعودية اكيد وطبعاً اي شي من ريحة الوطن حتى لو بالساعات الأخير ابغاه :23: ،، مااخفيكم متوترة من الأن فقط بخصوص بنتي ف احتاج نصايحكم خصوصا وان رحلتنا في الفجر يعني بتقضي الليل نوم وبعدين تصحى :12: انتظر توصياتكم :64::1: |
السفر مع الأطفال خصوصاً في رحلات طويلة قد يسبب هاجس للبعض و لكن أن شاء الله تتسهل ولو أن الأطفال يشعرون بنوع من الضيق خصوصاً بوجود الضغط الجوي و أنسداد الأذن مما قد يسبب البكاء للتعبير عن الأنزعاج .. النصائح .. أطلبوا حجز مقاعد أمامية يتوفر فيها أمكانية تركيب سرير نوم للطفل Baby Bassinet (تتوفر على الطائرة للأطفال حتى عمر سنتين) من تجريتي في السفر على الخطوط السعودية إلى أمريكا .. ممتازة و مهيئة و أن شاء الله يمضى طول زمن الرحلة في التسلية الحرص على أخذ الكافي من حليب الطفل و بعض العصائر الحرص على حمل الأدوية أحتياطاً مثل خافظ الحرارة ان شاءالله توصلون بسلامة يا Farah_am ورحلة سعيدة ومريحة بأذن الله :e328: |
انا جربت السفر مع طفل 10 شهور كان توى بادي يتحرك ويوقف وكانت الامور طيبة نوعا ما خصوصا ان انا والده معاه في وقت الصحيان يلعب بالعابه و ياكل و يبدل و يطل من الشباك وكنا نتبادل و بعد نصيحة الدكتور قالي عطيه جرعة زرتك للنوم كانت رحلتنا 7 ساعات الي سويسرا صاحي ثلاث ساعات و نام 4 ساعات كنا حاجزين بزنس و في كراسي فاضية فالحمدللله نام براحة اهم شي رحلتك ليلية عشان ينام و اذا بزنس افضل و بما ان 7 شهور يعني مافي حركة فالامور جدا افضل استشيري الدكتور بخصوص النوم في الطايره بالاضافة انا زرت الدكتور قبلها و خبرته بمسار الرحلة و الاجواء و نصحني اخذ بعض الادوية لا سمح الله احتجناها لان بالسفر صعب يعطونك ادوية اطفال غير البنادول خذنا بروفين و بنادول و زرتك و براميلان و دوا يهدئ المعده و سبري ماي البحر للانف و نصحني نصيحه مهمه ان دائما في الارتفاعات نرطب الانف بالسيلان فقبل الطيارة و قبل مانصعد تلفريك كنا نقطر سيلان في الانف اهم شي تحضرين الوجبات في حافظات و تحطيها في شنطة ثيرمال مع الواح ثلج مخصصة لذلك فكنت اطلع الوجبه و اطلب ماي ساخن في الطيارة و انقع الحافظة الزجاج فيه قبل بفترة و المضيفات راح يساعدونك في كل شي حتي لو بتروحي الحمام مكرم السامع راح يساعدونك و لا تنسي شنطة كامله للرضعات حسب طول الرحلة حضري الحليب في العلب المقسمة و المراضع اذا بلاستك افضل عشان الوزن و حضري للبيبي شنطة فيها ملابس كافيه لان ممكن تتوسخ و لا تنسي نفسك ممكن تحتاجين تغيرين ملابس :17: ولبسي البيبي حفاظة ليلية من بامبرز عشان تصمد معاك و طبعا خلي معاك عدد كافي :17: فلا تحاتين ابدا و رحلة سعيدة |
اقتباس:
شكراً على ردك ، بخصوص الخطوط اككيد حجزنا عليها وطلبنا سرير الأطفال عشان تريح الأخت وتنبسط وتبسطنا :40::29: لكن مازلت افكر من الحين وشايلة هم ، يارب تتسهل يارب |
اقتباس:
اهم شي رحلتك ليلية عشان ينام و اذا بزنس افضل و بما ان 7 شهور يعني مافي حركة فالامور جدا افضل استشيري الدكتور بخصوص النوم في الطايره بخصوص الرحلة الإقلاع ٥ الفجر وانا اعرف بنتي تنام طول الليل وتصحصح بالنهار وحاولت ااخر نومها لكني استسلمت بشكل تام منها:63::50: افدتيني كثير بموضوع الدكتور راح اخذها بإذن الله عشان يفيدنا ب ايش نعطيها |
اقتباس:
|
اهلين وسهلين ،، شكراً على ردك ، بخصوص الخطوط اككيد حجزنا عليها وطلبنا سرير الأطفال عشان تريح الأخت وتنبسط وتبسطنا لكن مازلت افكر من الحين وشايلة هم ، يارب تتسهل يارب العفووو Farah_am لا تفكرين كثير ياعزيزتي دامك مجهزة كل شي الحمدالله مثل ما تفضلتي بس وكلي أمرك لله خلي كل التفكير بالأشياء المهمه انو لا تنسين حاجة للأميرة الصغيرة فقط وعلى قولتك خلوها تنبسط وترتاح اذا ما ارتاحت ونبسطت انتي مراح ترتاحين لذلك المهمات فقط اتذكريها والباقي اتركيها ع ربك مثل القلق ولا تشيلين هم هو الي يجيب العيد 😁 الامور بتمشي بأذن الله لا تحاتين اذا نامت أشغلي نفسك بالقراءة وطلبي قهوة وروقي او خذي كفايتك بعد من نوم . قدامك الشوط الثاني اذا صحت أميرتك الصغيرة وبكذا تكون المسافه قصرت عليكم . وأن شاءالله تكون رحلة سعيدة لكم❤ . |
| الساعة الآن 07:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO