|
نصائح مهمة للمسافر الى امريكا يسعد صباحكم / مساكم :e306: السفر الى امريكا متعة لا تعادلها أي متعة ولكي تضمن أعلى معدل من الوناسة اطبع هذي النصائح وحطها في جيبك ولا أسهل تحفظها غيب :32: 1 لا تستأجر سيارة بل تنقل طيران واستخدم تطبيقات التوصيل لأن هذا ارخص لك طالما لوحدك أو كنتوا اثنين من ثلاثة فما فوق أرخص لكم استئجار سيارة لكنه ليس أفضل لأن المسافات متباعدة بين الولايات 2 لا تأخذ ملابس كثيرة معك بل شنطة ما فيها الا الأساسيات بتلقى تخفيضات كثيرة اشتر اللي تحب من ملابس جزم عطور نظارات شمسية وأي شي تفكر فيه وهذي سواء كنت فرد أو عائلة 3 لا تحجز فنادق من بدري وتلتزم لأنك لوحدك راح تلقى عروض رخيصة جداً بنفس اليوم لا ينطبق على العوائل الكبيرة 4 اذا عندك خطة مرسومة احجز الطيران الداخلي لأن الحجز المبكر أرخص بكثير ينطبق على الجميع 5 لا تأخذ فنادق غالية في امريكا الموتيل والـ 3 نجوم يقوموا بالغرض ركز على الموقع فقط ينطبق على الجميع 6 استخدم بطاقة الكاش باك بكل مكان يورباي أو بطاقة D360 عدا الفنادق + اوبر + ليفت استخدم فيزا/ماستركارد ينطبق على الجميع 7 يكون معك وقت السفر بطاقة فيزا/ماستركارد + بطاقة كاش باك+ بطاقة مدى + 200$ تحاول ترجع بـ بطاقة مدى + 200$ بدون استخدام فهي للطوارئ و دايم في صندوق الامانات ينطبق على الجميع 8 اذا حبيت تقود سيارة وأوقفك البوليس تأكد من عدم الخروج من السيارة + وضع يديك على المقود فوراً لكي توضح له أنك لا تملك أي شي ولنعلم أن لديهم صلاحية اطلاق النار لذا نأخذ حذرنا جيداً 9 لا تتحدث مع أي شخص هنالكعن السياسة ، الدين ، الجندر واللون (العنصرية) الجندر = ذكر ، أنثى أو غير ذلك 10 قد تتعرض لتفتيش مكثف في المطاراتبسبب لونك أو شكلك لا تتضايق بل ابتسم وأشكرهم بعد الانتهاء لأنك تقلل بهذا التفتيش على من يشبهك 11 سؤالين دايم يسألونك عند الوصول كم تنوي المكوث هنا ؟ لا مانع ان قلت 20 يوم وأنت جالس 30 كم تحمل معك من نقود ؟ المهم يكون أي مبلغ أقل من 10,000$ لكن مثل ما ذكرنا فوق ما تحتاج الكاش أبداً 12 سنتر أي مدينة ملئ بالهوملس لا تعطيهم أي شي حتى لو أكل زايد ولا تقترب منهم خلال المشي لوس انجلوس مليئة بالهوملس وبالليل تلقاهم نايمين بالشارع هذا منظر معتاد لا تخاف فلن يؤذوك بشيء 13 البخشيش وما أدراك ما البخشيش لابد تنتبه له لأنه حالياً بين 15% و 20% من قيمة الفاتورة ضروري تدفع اذا أكلت في مطعم فيه خدمة عشان تتجنبه تأكل بمطاعم فاست فود وكافيهات زي ستاربكس 14 الشعب الأمريكي طيب وخدوم وأمين فقط انتبه من الجاليات المتأمركة لا تتعامل معهم لا من قريب ولا من بعيد الموضوع قابل للتحديث رحلات سعيدة للجميع |
قسم بالله ف وقتها تسلم يا صاحبي ممكن ترشحلي اماكن اقامه في لوس انجلوس و سان فرانسيسكو لاني مسافر لوحدي ? وحاجه كمان التنقل هناك داخليا ازاااي !!! تسسلم ايدك :e20d: |
بخصوص لوس انجلوس يعتمد السكن على ميزانيتك اذا امورك تمام تقدر في منطقة بفرلي و قريب من هوليوود هاي لاند ... اذا حاب مكان في النص اسكن قريب المطار عشان تكون قريب من بفرلي وسنتامونيكا وهم يمي تروح تحت على انهايم والتكلفه ممتازه مثل منطقه انقلوود سان فرانسيسسكو افضل مكان يونيو سكوير وماحوله .. بس اذا عندك سياره مايمنع تسكن في مكان بعيد |
اقتباس:
هلا يا غالي المواصلات ما تتعب معاها ممكن اوبر أو ليفت أو باصات بعض المدن متوفر فيها سبواي أو مترو كل تقرير مذكور فيه اماكن السكن سواء تقريري أو تقارير الشباب و عاشق امريكا ما قصر |
نصايح اكيد مفيدة من واقع خبرة الله يعطيك العافيه بس عندي استفسار اذا سمحت 6 استخدم بطاقة السفر بكل مكان الراجحي / الانماء / الاستثمار عدا الفنادق + اوبر + ليفت استخدم فيزا/ماستركارد ينطبق على الجميع ه1ي الفقرة ياليت توضحها انا ناوية اطلع بطاقة السفر الانما واحاسب فيها كل شي الفنادق والمطاعم والمزارات السياحية وحاطة الفيزا العادية لايجار السيارة ياليت توضح لي الفرق شاكرة لك |
اقتباس:
الفرق طال عمرك أن الفنادق تحجز تأمين على اقامتك هذا الحجز ما يصير على بطاقات السفر بل يصير سحب كاش وبالتالي يرجعونه بعد فترة مع بطاقة فيزا/ماستركارد يتم الحجز دون سحب كاش الفنادق+ايجار السيارات استعملوا فيزا/ماستركارد لأن كلها تطلب حجز مبلغ مؤقت كـ ضمان |
يا سلام عليك أخوي أبو غسان نصائح و أرشادات ذهبية .. دائماً أطبقها و الحمد لله أخرج بنتائج مذهلة و رحلة ناجحة نقطة مهمة وددت أن أضيفها و هي لا تحمل معك أي منتجات غذائية أو لحوم أو بذور لأن البعض ينتظرك تحت بنود المنع و البعض يحمل معه تمور و قهوة عربية فيفضل أن يكون مذكور على علبها تاريخ الأنتاج و الصلاحية … بعض المنتجات تكون متوفرة بالبقالات العربية في بعض الولايات السياحية و لكن بأسعار أعلى قليلاً مثال ذلك الرز |
مشكور أبو غسان على النصائح الذهبية |
السلام عليكم انا مسافره لامريكا سياحه لمده شهر، وابغى اجلس في ولايه وحده يعني مابغى انتقل بين مدن وقررنا نسكن في لوس انجلوس وبدور على شقه مؤثثه يكون عقدها بالشهر اذا احد يعرف شقه كويسه في منطقه امنه لانه معي 3 اطفال او دلوني على منطقه امنه اسكن فيها لاتبخلو علي تعبت وانا ادور 😩 |
اقتباس:
كان بودي استفسر عن اسعار تطبيقات التنقل مثل اوبر كم تقريبا قياسا على المسافه\الوقت وهل هي متوفره دائما هل استخدمت ايجار سيارة بنظام TURO (مشابه لنظام airbnb ) ؟ |
اقتباس:
لم يسبق لي استخدام TURO و لا اعرف اسعار اوبر فقط اشيك وقت المشوار على اوبر + ليفت واختار الأرخص بس اوبر بشكل عام أفضل لأني حسيت بعض سواقين ليفت عايشين بالسيارة بالنهار مشاوير وبالليل ينامون فيها لذا بعض السيارات ريحتها مقرفة |
شكرا يا ابو غسان على النصائح القيمة |
كمية المعلومات في الموضوع يستلزمها جهد أسابيع للبحث عنها شكراً لهذا الجهد الرائع |
معلومات وجهد رائع الف شكر ابو غسان |
شكراً لكم جميعاً التنبيهات مهمة جداً لمن يرغب بزيارة أمريكا وهي عصارة تجارب سنين :e032::e032: |
اقتباس:
اخوي ابو غسان بالنسبة لنقطة السوال عند الوصول : كم معك فلوس ؟ هل نذكر لهم المبلغ الكاش فقط ؟ ولا نقلهم معنا كاش كذا ومعنا كريديت كذا ؟ بالنسبة لموضوع بطاقة المسافر والغاء خاصية الدفع اونلاين لتجنب البخشيش ( شفتها في تقريرك ) لكن مافهمت كيف الطريقة لان لما يقدم لك الفاتورة وتكتب انت بنفسك البخشيش بعدها حتحاسب بالبطاقة فمنطقيا حينخصم مبلغ البقشيش او هم يقدمو لك الفاتوره بعد ما تكون حاسبت ؟ والبخشيش يسحبوه بعدين؟ وهل ما زالت فعالة الطريقة ولا كشفوها 😂 سوال اخير بالنسبة لضريبة المدينة في الفنادق + مبلغ التامين في بعض الفنادق وشركات التاجير هل يدفع كاش ؟ ولا كريدت ؟ وكم من الوقت تقريبا يستعاد المبلغ للحساب بعد التشيك اوت؟ شكرا يا غالي |
اقتباس:
1 تذكر المبلغ الكاش فقط 2 نعم تحاسب على الفاتورة ثم يقدموا لك البخشيش وهم يدفعوا للعامل كاش ثم تحاول تسحب من البطاقة نهاية الشهر مدري اذا فعالة الآن أو لا 3 مبالغ التأمين يحجزوها على بطاقة الكريدت واذا كان كل شيء تمام غالباً ترجع خلال أسبوع |
استفسار الله يسعدكم وش فايدة بطاقة السفر اذا عندي بطاقة برق و D360 هل هذول البطاقتين تغني عنهم ؟ |
اقتباس:
لا فائدة من بطاقة السفر حالياً والبطاقتين اللي ذكرتي أفضل منهم بس هي كانت فورة وقتها والآن أنا أقول لا تستخرج بطاقات سفر لعدم جدواها |
اقتباس:
استخدمي برق احسن عشان موضوع الكاش باك لكل عملية دفع تسويها انا ايضا اشتريت شريحة الكترونية انترنت من متجر برق وكانت ممتازة جدا للامانة تقريبا 50 ريال فيها 10 جيجا |
شكرا جزيلا لكم |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO